ទារក Archives - Page 3 of 60

ដឹងតិចនិច ៥ នេះ ជួយឱ្យទារកគេងលក់ស្កប់រាល់ថ្ងៃ

ការគេងលក់ស្កប់មានសារៈសំខាន់ណាស់ចំពោះទារក ព្រោះមិនត្រឹមតែ ជួយឱ្យទារកមានកម្លាំង និងស្មារតីល្អបន្ទាប់ពីក្រោកពីគេងទេ ថែមទាំងជួយទារកក្នុងការអភិវឌ្ឍរាងកាយ ខួរក្បាល និងប្រព័ន្ធការពាររាងកាយទៀតផង។ ចឹងគួរធ្វើម៉េចជួយឱ្យទារកគេងលក់ស្កប់ល្អ? ដើម្បីជួយ ឱ្យទារកគេងលក់ស្កប់ ម៉ាក់ប៉ាគួរដឹងគន្លឹះទាំងនេះ៖ ១. បង្កើតទម្លាប់មុនពេលគេង ទារករៀនគេងដោយចាប់យកសញ្ញាពីជុំវិញខ្លួន។ ម៉ាក់ប៉ាអាចបង្កើតទម្លាប់មុនពេលគេង ដោយចាប់ផ្តើមជាមួយការរក្សាបន្ទប់គេង ឬកន្លែងគេងឱ្យស្ងប់ស្ងាត់ និងបន្ថយពន្លឺភ្លើង ឬពន្លឺថ្ងៃ ៣០ នាទីមុនពេលដាក់កូនគេង។ ចៀសវាងលេង ឬប្រឡែងលេងជាមួយកូនមុនពេលដាក់កូនឱ្យគេង ព្រោះការរំភើបរីករាយអាចធ្វើឱ្យកូនពិបាកគេង ឬគេងហើយភ្ញាក់មកវិញ។ មួយវិញទៀត ម៉ាក់ប៉ាត្រូវបន្ថយសំឡេង និងនិយាយទៅកាន់កូនបែបលួងលោម ក្នុងគោលបំណងបន្ធូររម្មណ៍កូន។ បន្ទាប់មក ម៉ាក់ប៉ាអាចបង្កើតទម្លាប់ងូតទឹកឱ្យកូន អានរឿងនិទាន ច្រៀងបំពេរ ឬចាក់ភ្លេងបំពេរជាដើម មុនពេលដាក់កូនឱ្យគេង។ ត្រូវប្រកាន់ខ្ជាប់ និងធ្វើតាមទម្លាប់ដដែលៗជារៀងរាល់ពេល យូរៗទៅកូននឹងសុំានឹងទម្លាប់មុនពេលគេងទាំងនេះ។ នៅពេលម៉ាក់ប៉ាធ្វើទម្លាប់ទាំងនេះ កូននឹងដឹងថាដល់ពេលគេងហើយ។ ២. សង្កេតមើលសញ្ញាកូនងងុយគេង បើម៉ាក់ប៉ាឃើញកូនស្ងប់ស្ងាត់ មិនចង់លេង មិនចាប់អារម្មណ៍នឹងសកម្មភាពជុំវិញខ្លួន ស្ងាប់ ញីភ្នែក បៀមម្រាមដៃ មួម៉ៅ ឬសម្លឹងមើលទៅលើបានន័យថា កូនងងុយគេងហើយ។ ម៉ាក់ប៉ាគួររៀបចំឱ្យកូនឱ្យចូលគេង។ ៣. បង្កើតបរិយាកាសកន្លែងគេងកូនឱ្យមានផាសុកភាព កន្លែង ឬបន្ទប់គេងកូនគួរតែមិនមានសម្លេងរំខាន និងមានសីតុណ្ហភាពត្រជាក់ល្មមត្រឹម ២០-២២ អង្សារសេ។ ពូក ឬកម្រាលគេងកូនត្រូវរាបស្មើ មិនទន់ពេក […]

ការបំបៅដោះ

ឲ្យកូនបៅទឹកដោះគោម្សៅរាល់ថ្ងៃ ដឹងថាទឹកដោះគោមានប៉ុន្មានប្រភេទទេ?

ទឹកដោះគោម្សៅ ជាទូទៅដែលគ្នាយើងជាម៉ាក់ប៉ានិយមឆុងឲ្យកូនបៅ ភាគច្រើនផលិតឡើងពីទឹកដោះគោដែលសម្រិតសម្រាំងឲ្យសមស្របសម្រាប់ទារក ឬក្មេងតូចៗ។ តែគ្នាយើងមានដឹងទេថា ក្រៅពីផលិតឡើងដោយទឹកដោះគោ នៅមានប្រភេទម្សៅទឹកដោះសិប្បនិម្មិតសម្រាប់ទារក ឬក្មេងតូចមួយចំនួនទៀតដែលផលិតឡើងដោយប្រើរូបមន្តខុសពីទឹកដោះគោ។ ដឹងពីកាលវិភាគចាក់ថ្នាំបង្ការកូននៅទីនេះ គណនាថ្ងៃសម្រាលកូន ដឹងអត្ថន័យពណ៌ និងរូបរាងលាមកទារក តើទឹកដោះគោម្សៅមានប្រភេទអ្វីខ្លះ? ចំពោះទឹកដោះគោម្សៅសម្រាប់ទារក ឬក្មេងតូចទាំងអស់ មុននឹងចូលក្នុងទីផ្សារបានគឺត្រូវមានការទទួលស្គាល់ដោយរដ្ឋបាលចំណីអាហារ និងឱសថ ឬហៅកាត់ថា FDA និងក្រសួងសុខាភិបាល។ ទឹកដោះគោម្សៅមានរូបមន្ត ៣ប្រភេទធំៗដូចជា៖ រូបមន្តប្រូតេអ៊ីនទឹកដោះគោ៖ ទឹកដោះគោម្សៅសម្រាប់ទារកភាគច្រើនត្រូវបានផលិតឡើងដោយប្រើទឹកដោះ ដែលបន្ថែមសារធាតុចិញ្ចឹមផ្សេងៗឲ្យស្រដៀងទៅនឹងទឹកដោះម្ដាយ។ ទឹកដោះគោម្សៅមានតុល្យភាពនៃសារធាតុចិញ្ចឹមត្រឹមត្រូវ ហើយធ្វើឲ្យវាងាយស្រួលក្នុងការរំលាយ។ ជាទូទៅ ក្រៅពីទឹកដោះម្ដាយ ទារក ឬក្មេងតូចអាចបៅទឹកដោះគោម្សៅបានយ៉ាងងាយស្រួល។ ទោះជាយ៉ាងណាក៏ដោយ ទារកមួយចំនួនអាចនឹងមានបញ្ហាអាលែកហ្ស៊ីទឹកដោះគោ បណ្ដាលឲ្យប្រើទឹកដោះគោម្សៅមិនបាន។ រូបមន្តសណ្ដែកសៀង៖ ទឹកដោះសិប្បនិម្មិតដែលមានរូបមន្តសណ្ដែកសៀង អាចមានប្រយោជន៍ ប្រសិនបើគ្នាយើងមិនចង់ឲ្យអាអូនទទួលប្រូតេអ៊ីនពីសត្វ (ទឹកដោះគោ ឬទឹកដោះពពែ)។ ទឹកដោះសិប្បនិម្មិតដែលផលិតឡើងដោយសណ្ដែកសៀង ក៏ជាជម្រើសមួយដ៏ល្អសម្រាប់ទារកដែលមានប្រតិកម្មទឹកដោះគោ ឬអាលែកហ្ស៊ីនឹងជាតិឡាក់តូស (Lactose Intolerant)។ ប៉ុន្តែ យើងក៏ត្រូវដឹងដែរថា ក្មេងៗមួយចំនួនដែលមានបញ្ហាអាលែកហ្ស៊ីទឹកដោះគោ ក៏អាចមានអាលែកហ្ស៊ីជាមួយទឹកដោះសិប្បនិម្មិតផលិតឡើងដោយសណ្ដែកសៀងដែរ។ រូបមន្តhydrolysate៖ រូបមន្តទាំងនេះផ្ទុកប្រូតេអ៊ីនដែលបំបែកដោយផ្នែក ឬទាំងមូលទៅជាទំហំតូចៗជាជាងរូបមន្តទឹកដោះគោ ឬសណ្ដែកសៀង។ ទឹកដោះគោសិប្បនិម្មិតដែលមានរូបមន្តនេះស័ក្ដិសមបំផុតសម្រាប់ទារក ឬក្មេងដែលក្រពះពោះវៀនមិនអាចទ្រាំទ្រនឹងរូបមន្តប្រូតេអ៊ីនទឹកដោះគោ ឬសណ្ដែកសៀងបាន ពោលគឺក្មេងៗដែលមានបញ្ហាអាលែកហ្ស៊ី។ លើសពីនេះទៅទៀត ក៏មានទឹកដោះសិប្បនិម្មិតមានរូបមន្តពិសេសអាចរកបានសម្រាប់ទារកមិនគ្រប់ខែ និងទារកដែលមានបញ្ហាសុខភាពជាក់លាក់ណាមួយដែរ។ ដ្បិតតែឥឡូវនេះ ទឹកដោះសិប្បនិម្មិតមានជម្រើសសម្បូរបែប សម្រាប់ម៉ាក់ប៉ាជ្រើសរើស ក៏ប៉ុន្តែពី […]