ទារក Archives - Page 17 of 60

ហេតុអ្វី Prebiotics អាចជួយដល់ប្រព័ន្ធការពារកុមារ ហើយមានក្នុងអាហារអ្វីខ្លះ?

ប្រព័ន្ធការពាររាងកាយ ឬប្រព័ន្ធភាពស៊ាំ ត្រូវបានផ្គុំឡើងដោយបណ្តាញកោសិកា ជាលិកា និងសរីរាង្គជាច្រើន ជុំវិញរាងកាយរបស់យើង។ តួនាទីដ៏ចម្បងរបស់ប្រព័ន្ធការពាររាងកាយ គឺប្រយុទ្ធប្រឆាំងនឹងជំងឺផ្សេងៗ និងបង្កើតឲ្យមានការឆ្លើយតបរបស់ប្រព័ន្ធភាពស៊ាំ។ ហើយបើតាមការស្រាវជ្រាវជាច្រើនបង្ហាញថា ទីតាំងដ៏សំខាន់របស់ប្រព័ន្ធការពាររាងកាយ គឺក្រពះពោះវៀនតែម្តង ឬហៅថា មីក្រូប្យូតាក្នុងក្រពះពោះវៀន (Gut Microbiota) ដោយមីក្រូប្យូតានេះ គឺជាបាក់តេរីល្អរាប់លានដែលរស់នៅក្នុងប្រព័ន្ធរំលាយអាហារ និងបង្កើតបានទៅជា Prebiotics និង Probiotics។ ចង់គណនាថ្ងៃសម្រាលកូន ចុចទីនេះ! ចង់ដឹងអត្ថន័យពណ៌ និងរូបរាងលាមកទារក ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់គណនាថ្ងៃមេជីវិតញីទុំធ្លាក់ ចុចទីនេះ! ដោយសារតែទំនាក់ទំនងនេះហើយ ទើបកុមារដែលខ្សោយក្រពះពោះវៀន រមែងមានប្រព័ន្ធការពាររាងកាយខ្សោយ ហើយការមានប្រព័ន្ធការពាររាងកាយខ្សោយនេះ នាំឲ្យកុមារឧស្សាហ៍ឈឺ មានបញ្ហាផ្លូវដង្ហើម រាករូស ចុកពោះ ឬហើមពោះ ការលូតលាស់ផ្នែកបញ្ញាស្មារតី និងរាងកាយយឺតយ៉ាវ និងងាយអាលែកហ្ស៊ី ជាដើម។ ហេតុនេះ ដើម្បីជួយធ្វើឲ្យទាំងសុខភាពក្រពះពោះវៀន និងប្រព័ន្ធការពាររាងកាយរបស់កុមារ មានសុខភាពល្អ និងរឹងមាំ ក៏ដូចជា ជួយដល់ការអភិវឌ្ឍជាទូទៅរបស់កុមារ ការបញ្ចូលសារធាតុ Prebiotics និង Probiotics ក្នុងរបបអាហារប្រចាំថ្ងៃរបស់កូន ពេលកូនមានអាយុ២ឆ្នាំ គឺជាដំណោះស្រាយដ៏ត្រឹមត្រូវ។ តើសារធាតុ Prebiotics និង Probiotics […]

ទារក

នៅពេលអាអូនចាប់ផ្ដើមដុះធ្មេញ ប៉ាម៉ាក់គួរធ្វើម៉េចខ្លះ?

ពិតណាស់ ប៉ាម៉ាក់គ្រប់រូបតែងតែរំពឹងថា ទារកនឹងចាប់ផ្ដើមដុះធ្មេញនៅឆ្នាំដំបូង ហើយនៅពេលដែលឃើញពួកគេដុះធ្មេញ ប៉ាម៉ាក់ត្រូវសង្កេតមើល ក៏ដូចជាតាមដានចំពោះការវិវត្តនៃធ្មេញទីមួយរបស់ទារកឲ្យបានដិតដល់។ ការដុះធ្មេញអាចកើតឡើងខុសៗគ្នាចំពោះទារកម្នាក់ៗ យោងតាមរបាយការណ៍មួយចំនួនបានបង្ហាញថា ការដុះធ្មេញអាចនឹងចាប់ផ្ដើមនៅពេលដែលទារកអាយុ៤ខែ ប៉ុន្តែភាគច្រើន គឺនៅពេលដែលទារកអាយុ៦ខែ។ បើទោះបីជាកូនអាយុ៦ខែហើយ នៅមិនទាន់ដុះធ្មេញនៅឡើយ ប៉ាម៉ាក់ក៏ពុំចាំបាច់បារម្ភដែរ ពីព្រោះក្មេងខ្លះអាចមិនទាន់ដុះធ្មេញនៅឆ្នាំដំបូងនោះទេ។ សញ្ញាទាំងនេះ បង្ហាញថាទារកជិតដុះធ្មេញ នៅពេលដែលទារកបញ្ចេញសញ្ញាខាងក្រោមនេះ បញ្ជាក់ថាពួកគេនឹងចាប់ផ្ដើមដុះធ្មេញឆាប់ៗនេះ៖ មួម៉ៅច្រើន អញ្ចាញក្រហម ឬហើម ហៀរទឹកមាត់ ចំណង់អាហារថយចុះ ម៉ាក់ៗអាចបន្តបំបៅដោះកូនបាន មានម៉ាក់ៗមួយចំនួនងឿងឆ្ងល់ថា នៅពេលដែលអាអូនចាប់ផ្ដើមដុះធ្មេញ តើគួរបញ្ឈប់បំបៅដោះកូនដែរឬទេ? យ៉ាងណាមិញ អ្នកជំនាញយើងមិនណែនាំឲ្យបញ្ឈប់ការបំបៅដោះកូនឡើយ ប៉ុន្តែយើងគប្បីដាក់ទារកឲ្យបៅនៅក្នុងទីតាំងសមស្រប និងប្រើប្រាស់វិធីថែទាំនៅផ្ទះ ដើម្បីបំបាត់ការឈឺអញ្ចាញរបស់ទារក ព្រមទាំងបន្តបំបៅដោះកូនតាមធម្មតា។ តិចនិកបំបាត់ការឈឺចាប់ នៅពេលទារកចាប់ផ្ដើមដុះធ្មេញ ជាមួយគ្នានេះដែរ ម៉ាក់ៗអាចអនុវត្តតាមវិធីសាស្ត្រងាយៗខាងក្រោមនេះ ដើម្បីបំបាត់ការឈឺចាប់នៅពេលដែលទារកចាប់ផ្ដើមដុះធ្មេញ។ ម៉ាស្សា ឬត្រដុសអញ្ចាញធ្មេញរបស់ទារកដោយប្រើម្រាមដៃ ឬកំណាត់ស្អាត។ ចូរធ្វើបែបនេះ មុន និងបន្ទាប់ពីបំបៅដោះរួច។ ដើម្បីបន្ធូរសម្ពាធអញ្ចាញធ្មេញ ចូរឲ្យប្រដាប់ខាំធ្មេញ ដែលទារកអាចទំពាលេងបាន ជូតសម្អាតទឹកមាត់ហៀរចេញថ្នមៗ ដើម្បីកុំឲ្យកើតកន្ទួលរមាស់ សម្រាប់ទារកដែលអាចញ៉ាំអាហាររឹងបាន ម៉ាក់ៗអាចឲ្យកូនញ៉ាំអាហារត្រជាក់ៗដូចជាទឹកដោះគោជូរជាដើម។ ពេលណាគួរនាំកូនទៅជួបនឹងគ្រូពេទ្យ? ប្រសិនបើទារកមានអាការៈដូចខាងក្រោម ម៉ាក់ៗគប្បីនាំកូនទៅជួបជាមួយនឹងគ្រូពេទ្យភ្លាមៗ ពីព្រោះវាអាចជាសញ្ញានៃបញ្ហាសុខភាពផ្សេងទៀត។ ក្ដៅខ្លួនចាប់ពី៣៨អង្សាសេ ឬលើសពីនេះ។ ទោះបីជាការដុះធ្មេញ អាចធ្វើឲ្យកូនឡើងកម្ដៅក្នុងរាងកាយក៏ពិតមែន ប៉ុន្តែវាមិនអាចបណ្ដាលឲ្យទារកមានអាការៈគ្រុនក្ដៅឡើយ។ រាករូស ហៀរសំបោរ យំមិនបាត់។