បញ្ហាសុខភាពកុមារផ្សេងទៀត

ការប្រកាច់គឺជាសញ្ញាមួយនៃការកន្រ្តាក់សាច់ដុំរបស់សារពាង្គកាយដោយអចេតនាដែល​បណ្តាលមក​ពីការភ្ញោចមិនធម្មតានៃកោសិការប្រសាទរបស់ខួរក្បាល ហើយឧស្សាហ៍កើតលើកុមារ​តូចៗដែល​ធ្វើឱ្យម៉ាក់ប៉ាមានការព្រួយបារម្ភ។ តើព័ត៌មានសំខាន់ៗអ្វីខ្លះ​ដែលម៉ាក់ប៉ាគួរដឹងពីការ​ប្រកាច់​​លើ​កុមារ? លោកវេជ្ជបណ្ឌិត តឹក លីវណ្ណារ៉ា ឯកទេសរោគកុមារ និងជាប្រធានគ្លីនិក​នៃមន្ទីរពេទ្យកុមារគន្ធ​បុប្ផា​បានបកស្រាយពីសំណួរទាំង ៥ ដែលម៉ាក់ប៉ាតែងតែចង់ដឹងពីការប្រកាច់លើកុមារដូចខាងក្រោម៖ ១. រោគសញ្ញា​គួរ​ដឹង? - មុនពេលប្រកាច់៖ ពេលខ្លះកុមារគ្មានរោគសញ្ញាអ្វីគួរកត់សម្គាល់ទេ តែពេលខ្លះអាអូនអាច​មាន​អារម្មណ៍ថាមិនស្រួលក្នុងខ្លួន​ (ធំក្លិនប្លែក ព្រិលភ្នែក ស្ពឹកដៃស្ពឹកជើង​ ឬថប់ដង្ហើមជាដើម)។ - ពេលប្រកាច់៖ កុមារបាត់ស្មារតី មានកន្រ្តាក់អវយវៈណាមួយ ដូចជាកន្ត្រាក់តែដៃម្ខាង ឬបញ្ឈ​រតែ​គ្រាប់​ភ្នែក ឬកន្ត្រាក់ទាំងដៃទាំងជើង សាច់ដុំមុខ ថ្គាម ធ្វើឱ្យខាំអណ្តាត លែងដកដង្ហើម ឡើង​ស្លេស្ម បែកពពុះមាត់ ហៀរទឹកមាត់ ស្វាយបបូរមាត់ ឬមានលេចនោម ឬលាមក។ - ក្រោយពេលប្រកាច់៖ កុមារខ្លះដឹងខ្លួនវិញធម្មតា ខ្លះទៀតនៅសន្លប់បាត់ស្មារតីក្នុងរយៈពេលខ្លី។​​ បន្ទាប់ពីដឹងខ្លួនឡើងវិញ ​កុមារអាចនៅសន្លឹម ឬអាចមានទន់ដៃជើងក្នុងរយៈពេលខ្លី។ ២. ពេលកុមារប្រកាច់ មានផលវិបាកសុខភាពអ្វីទេ? ផលវិបាកសុខភាពដែលអាចកើតមានពេលកុមារកំពុងប្រកាច់មាន៖ - មានរបួស ឬមានគ្រោះថ្នាក់ផ្សេងៗដូចជា​ ខាំអណ្តាត ដួលបោកក្បាល លង់ទឹក (ពេលកុមារ​កំពុង​ហែលទឹក ហើយប្រកាច់) - ឈ្លក់អាហារចូលក្នុងបំពង់ខ្យល់ ពេលដែលប្រកាច់កើតមានពេលកុមារកំពុងញុំាអារហារ​ ហើយ​ធ្វើ​ឱ្យ​រលាកសួត ឬស្ទះដង្ហើមស្លាប់ភ្លាមៗ - បើកុមារប្រកាច់ញឹកញាប់អាចធ្វើឱ្យមានវិបត្តិផ្លូវចិត្តដូចជា បាក់ទឹកចិត្ត ឬមានអារម្មណ៍​ឆាប់​មួរម៉ៅ - […]

ប្រកាច់គឺជាអាការៈដែលធ្វើឱ្យកុមារកន្រ្តាក់សាច់ដុំរាងកាយ ហើយអាចបណ្តាលឱ្យអាអូនរបួស ឬគ្រោះថ្នាក់ដល់ជីវិត បើម៉ាក់ប៉ាមិនដឹងពីវិធីសង្រ្គោះ​បឋម។ ហេតុអ្វីបានជាកុមារប្រកាច់? ពេល​អាអូន​ប្រកាច់ម៉ាក់​ប៉ា​គួរធ្វើបែបម៉េច? គួរចៀសវាងអីខ្លះ? លោកវេជ្ជបណ្ឌិត តឹក លីវណ្ណារ៉ា ឯកទេសរោគកុមារ និងជាប្រធានគ្លីនិក​នៃមន្ទីរពេទ្យកុមារគន្ធបុប្ផា​បាន​លើកឡើងថា មូលហេតុសំខាន់ៗដែលធ្វើ​​ឱ្យកុមារប្រកាច់រួមមាន៖ ទារកកើតមកខ្សោយ ឬសន្លប់ក្នុងអំឡុងពេលសម្រាល មានហូរឈាមក្នុងខួរក្បាល ឆ្លងមេរោគចូលទៅក្នុងឈាម ធ្វើឱ្យរលាកស្រោមខួរក្បាល  ឬរលាក​ខួរក្បាល ខួរក្បាលមិនធម្មតាពីកំណើត មានជំងឺEpilepsie (ជំងឺស្កន់ ឬ ជំងឺឆ្កួតជ្រូក) ប្រកាច់ដោយសារក្តៅខ្លួនខ្លាំង (៣៩ អង្សា) លើកុមារមួយចំនួនដែលមានអាយុ ពី ៦ ​ខែ ដល់ ៥ ឆ្នាំ​ មានដុំសាច់ក្នុងខួរក្បាល  វិបត្តិមេតាបូលីក និងអេឡិចត្រូលីតដូចជា​ជាតិស្ករ កាល់ស្យូម ជាតិសូដ្យូមក្នុងឈាមចុះទាបខ្លាំ​ងពេក គ្រោះថ្នាក់ក្បាលធ្ងន់ធ្ងរដែលធ្វើឱ្យហើមខួរក្បាល ឬមានកកឈាមក្នុងខួរក្បាល សម្ពាធឈាមឡើងខ្ពស់ខ្លាំង ១. ពេលកុមារប្រកាច់ ម៉ាក់ប៉ាគួរធ្វើដូម្តេច? ក. ប្រការគួរធ្វើ - ត្រូវដាក់កុមារឱ្យគេងក្នុង​ស្ថានភាពសុវត្ថិភាព គឺដាក់ឱ្យអាអូនគេង​ផ្អៀង​នៅ​លើទីរាប ក្បាលទាបជាងដងខ្លួន និងងើយឡើងលើបន្តិចដើម្បីសម្រួលឱ្យស្លេស្ម ឬទឹកមាត់​ហូរ​ចេញ​មកក្រៅ - ពិនិត្យមើលផ្លូវដង្ហើម ព្រោះអាចស្ទះដោយសារស្លេស ហើយបើមានត្រូវ​បូម ឬយកម្រាមដៃ​កៀរ​ស្លេសចេញ - ផ្តល់ថ្នាំទប់ប្រកាច់តាមរន្ធគូទ ប្រសិនបើឪពុកម្តាយអាចធ្វើបាន - […]

ទម្លាប់​មិន​ល្អ​មួយ​ដែល​ក្មេង​ភាគ​ច្រើន​មាន ហើយ​ទម្រាំ​កែ​បាន​ពិបាក​ដូច​ពុះ​ទុរេន​នោះ​គឺ បៀម​បាយ។ កូន​បៀម​បាយ ជា​កង្វល់​ដែល​ម៉ាក់​ប៉ា​បញ្ចុក​បាយ​កូន​ត្រូវ​ក្រពុល​មុខ​ជា​មួយ ទម្រាំ​តែ​អស់​មួយ​ចានៗ ជួន​កាល​បញ្ចុក​កូន​បណ្ដើរ វាយ​កូន​បណ្ដើរ ដើម្បី​កុំ​ឲ្យ​បៀម​បាយ។ ហេតុ​អ្វី​បាន​កូន​បៀម​បាយ​ពេល​ញ៉ាំ​អាហារ​ម្ដងៗ? ១. បញ្ហា​ជី​វ​ហា​វិញ្ញាណ ក្មេង​មួយ​ចំនួន​ធំ​បៀម​បាយ​ដោយ​សារ​ពួក​គេ​មិន​ចូល​ចិត្ត​អាហារ​នោះ ឬ​ខ្លះ​ភ្លេច​ខ្លួន​ថា​ក្នុង​មាត់​នៅ​មាន​អាហារ​សល់។ វា​កើត​ឡើង​នៅ​ពេល​អូន​តូច​មាន​បញ្ហា​ជី​វ​ហា​វិញ្ញាណ ទើប​បណ្ដាល​ឲ្យ​អា​អូន​បៀម​បាយ​ច្រើន​ក្នុង​មាត់ ដើម្បី​ទទួល​អារម្មណ៍​ថា​មាន​អាហារ​ក្នុង​នោះ។ ២. ជំនាញ​ប្រើ​សាច់​ដុំ​មាត់ ហេតុ​ផល​កូន​បៀម​បាយ​មួយ​ទៀត​នោះ​ក៏​ព្រោះ​តែ​កូន​មាន​បញ្ហា​ប្រើ​ប្រាស់​សាច់​ដុំ​ប្រអប់​មាត់។ ការ​ប្រើ​សាច់​ដុំ​មាត់ ទាក់​ទង​នឹង​ការ​សម្រប​សម្រួល​នៃ​សាច់ដុំ​នៅ​ក្នុង​មាត់ រួម​ទាំង​ការ​ផ្លាស់​ទី​អណ្ដាត ដើម្បី​ជួយ​ក្នុង​ការ​លេប និង​ទំពា​អាហារ ក៏​ដូច​ជា​ការ​បិទ​មាត់​ដើម្បី​ធានា​ថា មិន​មាន​អ្វី​ហៀរ​ចេញ​មក​ក្រៅ។ ប្រសិន​បើ​កូន​តូច​មាន​ជំនាញ​ប្រើ​សាច់​ដុំ​មាត់​ខ្សោយ ពួក​គេ​អាច​មាន​បញ្ហា​ពិបាក​លេប ឬ​ដក​អាហារ​ចេញ​ពី​ក្នុង​មាត់។ ៣. ឈឺ​ចាប់​ពេល​លេប​អាហារ វា​អាច​ផ្ដើម​ចេញ​ពី​ការ​ឈឺ​បំពង់​ក ហើម​បំពង់​ក ដែល​បណ្ដាល​ឲ្យ​កូន​ឈឺ​ពេល​លាប​អាហារ​ចូល​ទៅ ជា​ហេតុ​បណ្ដាល​ឲ្យ​ក្មេង​ខ្លះ​មិន​ហ៊ាន​លេប ក៏​កូន​បៀម​បាយ​ក្នុង​មាត់។ បើកូនបៀមបាយ អាអូនមិនបានទទួលអាហាររូបត្ថមគ្រប់គ្រាន់ ធ្វើអោយកូនមិនលូតលាស់ល្អ ពុកធ្មេញ ឬខូចធ្មេញ និងអាចរលាកបំពង់ក ឬច្រាលអាស៊ីដក្រពះឡើងមកដោយសារក្រពះកូនមិនមានអាហារកិនដែលអាចឲ្យកូនងាយប្រឈមរលាកក្រពះ។ វេជ្ជ. ចាន់ ស៊ីណេត ដោះ​ស្រាយ​បែប​ណា​ទៅ? ១. បង្ហាញពីរបៀបញ៉ាំត្រឹមត្រូវ៖ បង្រៀន​កូន​ឲ្យ​ញ៉ាំ​អាហារ​សន្សឹម​ៗ ម្ដង​មួយ​ជំហាន ចាប់​តាំង​ពី​ការ​ញ៉ាំ ការ​ទំពា រហូត​ដល់​ការ​លេប​អាហារ​ចូល។ ២. សម្អាត​ធ្មេញ៖ ម៉ាក់​ប៉ា​ក៏​ត្រូវ​បង្រៀន​កូន​ដុស​សម្អាត​ធ្មេញ​ឲ្យ​ទៀង​ទាត់​ក្នុង​មួយ​ថ្ងៃ ដើម្បី​កម្ចាត់​រាល់​កាក​សំណល់​ក្នុង​មាត់ ចៀសវាង​បញ្ហា​ធ្មេញ​កើត​ឡើង។ ៣. ជួប​ជាមួយ​ទន្ត​បណ្ឌិត៖ កូន​បៀម​បាយ​ក្នុង​មាត់​អាច​បណ្ដាល​ឲ្យ​ប៉ះពាល់​ដល់​ធ្មេញ ហេតុ​នេះ​ហើយ​ម៉ាក់​ប៉ា​គួរ​តែ​នាំ​កូន​ទៅ​ពិនិត្យ​មាត់​ធ្មេញ​ឲ្យ​បាន​ទៀង​ទាត់។ អានបន្ថែម៖ ខ្លាចដង្កូវស៊ីធ្មេញកូន? ការពារបញ្ហាពុកធ្មេញ​ ជាមួយតិចនិកប៉ុន្មាននេះ ក្មេងៗពេលណាបាក់ធ្មេញព្រៃ […]

ជាទូទៅ ពងបែកក្នុងមាត់កើតនៅក្នុងបបូរមាត់ លើអណ្តាត អញ្ចាញធ្មេញ ឬសាច់ថ្ពាល់ខាងក្នុង​ដែល​បណ្តាលឱ្យអាអូនមានការឈឺផ្សាក្នុងមាត់ និងពិបាកក្នុងការញុំាអាហារ ឬនិយាយ។ ហេតុអ្វី​បាន​ជាអាអូនឡើងពងបែកក្នុងមាត់? ហើយពេលអូនតូចឡើងពងបែកក្នុងមាត់ ម៉ាក់​ប៉ាអាចជួយ​កាត់​បន្ថយអាការៈតាមវិធីណាខ្លះ? លោកវេជ្ជបណ្ឌិត ហ៊ាង រតនា ឯកទេសជំងឺទូទៅ និងរោគកុមារបានឱ្យដឹង​ថា មូលហេតុដែលបណ្តាល​ឱ្យ​អាអូន​ឡើងពងបែកក្នុងមាត់អាចមានដូចជា៖ អាលែកហ្ស៊ីនឹងអ្វីមួយជាពិសេស ថ្នាំដុសធ្មេញដែលមានជាតិហឹរ ឬក្រហាយខ្លាំង កង្វះជាតិទឹក កង្វះអនាម័យមាត់ធ្មេញ ឆ្លងវីរុស Coxsackie ឬ EV71 (ជំងឺពងបែកបាតដៃបាតជើង) កង្វះវីតាមីនដូចជា អាស៊ីដ​ហ្វូលិក​ វីតាមីន B12 ឬជាតិ​ដែក លោកវេជ្ជបណ្ឌិត ហ៊ាង រតនា ឯកទេសជំងឺទូទៅ និងរោគកុមារ ចង់គណនាថ្ងៃមេជីវិតញីទុំធ្លាក់ ចុចទីនេះ! ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់ដឹងអត្ថន័យពណ៌ និងរូបរាងលាមកទារក ចុចទីនេះ! លោក​ថា​បើអាអូនមានអាការៈឈឺខ្លាំង គ្រូពេទ្យនឹងចេញថ្នាំបំបាត់ការឈឺចាប់ ឬបំបាត់រលាកដូចជា ពពួក​សេរ៉ូ​អ៊ីបុយប្រូហ្វែន ឬពពួកថ្នាំលាប Oral Aid ដើម្បីឱ្យពងបែកក្នុងមាត់ស្ពឹកលែងឈឺ ហើយ​បើ​អាអូន​រលាកដោយសារ​បាក់តេរី គ្រូពេទ្យនឹងចេញថ្នាំផ្សះឱ្យ។ [embed-health-tool-due-date] ខាងក្រោមនេះជាប្រការគួរចៀសវាង និង​គួរធ្វើដើម្បីកាត់បន្ថយអាការៈ​ឈឺចាប់ដោយសារពងបែកក្នុងមាត់៖ ឱ្យអាអូនញុំាទឹកឱ្យបានច្រើនដើម្បីបំពេញជាតិទឹក ចៀសវាងឱ្យអាអូនញុំាអាហារក្តៅ ជូរ ហឹរ ប្រៃ ផ្អាប់ […]

ពេទ្យជំនាញណែនាំ​ម៉ាក់ប៉ាឱ្យទម្លាក់ព្រូន​ឱ្យកុមារ​ឱ្យ​បាន​ទៀងទាត់ ព្រោះ​ព្រូនរស់នៅក្នុងពោះវៀន ហើយបឺតយកសារធាតុចិញ្ចឹមពីអាហារដែលអាអូនញុំា ឬឈាមដែល​ធ្វើឱ្យកូន ខ្វះសារធាតុចិញ្ចឹម ខ្វះ​ឈាម ព្រមទាំងប៉ះពាល់ដល់ការលូតលាស់ និង​បញ្ញា​ស្មារតី​។  ចុះពេលពេលទម្លាក់ព្រូនឱ្យអាអូន អ្នកផ្ទះទាំងអស់គួរទម្លាក់ដែរឬទេ? លោកវេជ្ជបណ្ឌិត ហ៊ាង រតនា ឯកទេសជំងឺទូទៅ និងរោគកុមារបានឱ្យដឹងថា ប្រសិនបើក្នុងគ្រួសារ​មាន​សមាជិកគ្រួសារណាម្នាក់ឆ្លងព្រូន សមាជិក​គ្រួសារផ្សេងទៀតងាយនឹងឆ្លងព្រូនដែរណាស់ ដូច្នេះ​ពេលទម្លាក់​ព្រូនឱ្យកូនៗ ម៉ាក់ប៉ា និងសមាជិកគ្រួសារផ្សេងទៀតក៏គួរទម្លាក់​ដំណាលគ្នាដែរ ចៀសវាងឆ្លងទៅឆ្លងមក។ ម៉ាក់ប៉ាអាចទម្លាក់ព្រូនឱ្យអាអូនបាននៅពេលអាអូនមានអាយុចាប់​ពី ២ ឆ្នាំឡើងទៅ ហើយ​គួរ​ទម្លាក់​រៀងរាល់ ៦ ខែទៅមួយឆ្នាំម្តង។ ពេលវេលាញុំាថ្នាំទម្លាក់ព្រូនល្អបំផុតគឺនៅម៉ោង ៤ ឬ ៥ ព្រឹក មុន​ញុំា​អាហារដែលជាពេលក្រពះអាអូននៅទទេ។ បើចង់ឱ្យកាន់តែមាន​ប្រសិទ្ធិភាព​ទៀត ម៉ាក់ប៉ាគួរ​​កុំឱ្យ​អាអូន​​ញុំាច្រើន​ពេកនៅពេលល្ងាច ដើម្បីឱ្យក្រពះពោះវៀន​អាអូន​ទំនេរ​ល្អ ហើយជាតិថ្នាំជ្រាបបានល្អ។ ម្យ៉ាងទៀត ព្រូនកំពុងឃ្លានដែរ អ៊ីចឹងពពួកព្រូននឹងនាំគ្នា​ស៊ីជាតិ​ថ្នាំ​បានច្រើន​បើ​កូន​ញ៉ាំ​ថ្នាំ​នៅពេក​ព្រឹក ហើយ​ពោះទទេ​។ លោកវេជ្ជបណ្ឌិត ហ៊ាង រតនា ឯកទេសជំងឺទូទៅ និងរោគកុមារ នៅបន្ទប់ពិគ្រោះនិងព្យាបាលជំងឺមេត្តា សំណង់ ១២ ចង់គណនាថ្ងៃមេជីវិតញីទុំធ្លាក់ ចុចទីនេះ! ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់ដឹងអត្ថន័យពណ៌ និងរូបរាងលាមកទារក ចុចទីនេះ! លើសពីនេះទៅទៀត ពេលញុំាថ្នាំទម្លាក់ព្រូន ម៉ាក់ប៉ាគួរឱ្យអាអូនញុំាទឹកតែបន្តិចបានហើយ រួចរងចាំ ២ ម៉ោងក្រោយចាំឱ្យអាអូនញុំាអាហារ។ ជាទូទៅ […]

ទឹកនោមជាសារធាតុរាវដែលតម្រងនោមបញ្ចេញមកក្រៅរាងកាយ ហើយ​ជាទូទៅមានក្លិនឆ្អេះ ប៉ុន្តែ​មិនមានក្លិនឆួលខ្លំាងទេ។ បើទឹកនោម​អាអូន​មានក្លិនឆួលខ្លាំង មានបញ្ហាដែរឬទេ? ឬបណ្តាល​មក​ពី​ចំណីអាហារ? ខាងក្រោមនេះជាហេតុផលមួយចំនួនដែលអាចបណ្តាលឱ្យទឹកនោម​អាអូន​ឆ្អេះ ឬមានក្លិន​ឆួល​ខ្លាំង៖ ១. ខ្វះជាតិទឹក ទឹកនោមផ្សំឡើងពីជាតិទឹក និងកាកសំណល់មួយចំនួន។ ប្រសិនរាងកាយ​អាអូនខ្វះជាតិទឹក ទឹកនោម​នឹងមានកាកសំណល់ច្រើនជាងជាតិទឹក ដែលអាចធ្វើឱ្យទឹកនោមមានក្លិនឆួលខ្លាំង។ ដូច្នេះ ម៉ាក់ប៉ា​អាច​ពិនិត្យ​ពណ៌​ទឹកនោម​របស់​អាអូនដើម្បី​បញ្ជាក់​ថា មាន​​ខ្វះ​ជាតិ​ទឹក​ដែរ​ឬ​អត់។ បើទឹកនោមអាអូនមានពណ៌លឿងចាស់ បញ្ជាក់ថាខ្វះជាតិទឹកហើយ។ ម៉ាក់ប៉ាគួរឱ្យ​អាអូនញុំាទឹកឱ្យបានគ្រប់គ្រាន់ដើម្បីបំពេញជាតិទឹកក្នុងខ្លួន។ [embed-health-tool-ovulation] ២. ទល់លាមក ការទល់លាមកអាចធ្វើឱ្យប្លោកនោម កូនមិនអាចបញ្ចេញទឹកនោមអស់ពីប្លោកនោម ហើយ​ទឹកនោម​ដែលនៅសេសសល់អាចប្រែទៅជាមាន​ក្លិនឆួលខ្លាំង ព្រោះនៅក្នុងប្លោកនោមយូរពេក។ ដូច្នេះម៉ាក់ប៉ាអាចឱ្យអាអូនញុំាបន្លែ ផ្លែឈើឱ្យបានច្រើន ជាពិសេសល្ហុងទុំដើម្បីកាត់បន្ថយអាការៈ​ទល់លាមក។ ចង់គណនាថ្ងៃមេជីវិតញីទុំធ្លាក់ ចុចទីនេះ! ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់ដឹងអត្ថន័យពណ៌ និងរូបរាងលាមកទារក ចុចទីនេះ! ៣. ញុំាអាហារ វីតាមីន ឬថ្នាំមួយចំនួន អាហារដូចជាទំពាំងបារាំង ខ្ទឹមបារាំង ខ្ទឹមស ការី ឬត្រីសាល់ម៉ុនជាដើម និងថ្នាំដូចជា វីតាមីន ឬ ថ្នាំផ្សះ​ជាដើមក៏អាចធ្វើឱ្យទឹកនោមមានក្លិន​ឆួលដែរ។ ពេលអស់ជាតិអាហារ វីតាមីន ឬថ្នាំទាំងនេះ​ទឹកនោមអាអូននឹងប្រែមកសភាពដើមវិញហើយ។ ៤. ឆ្លងមេរោគផ្លូវទឹកនោម បើអាអូនមានអាការៈបន្ថែមដូចជាឈឺ ឬផ្សាពេលនោម នោមញឹកញាប់ ទឹកនោមល្អក់ ឬក្តៅខ្លួន អាអូនអាចឆ្លងមេរោគផ្លូវទឹកនោមដែលកើតឡើងដោយសារបាក់តេរីឆ្លងចូលទៅក្នុងប្រព័ន្ធទឹកនោមតាមរយៈបង្ហួរនោម ហើយបន្ទាប់មកចាប់ផ្តើមបំបែកខ្លួននៅក្នុងប្លោក​នោម។ បើទឹកនោម​អាអូនមានក្លិនឆួលខ្លាំង ហើយមានអាការៈគួរឱ្យបារម្ភ ម៉ាក់ប៉ាគួរនាំអាអូនទៅជួបពេទ្យ។ អត្ថបទគួរអាន៖ ហេតុផល ៤ យ៉ាង […]

តាម​ទំនៀម​ទម្លាប់​យើង ដល់​រដូវ​បុណ្យ​ទាន​ដូច​ពិធីបុណ្យភ្ជុំបិណ្ឌ ក្មេង​ចាស់​ក្នុង​ផ្ទះ​តែង​តែ​ជួប​ជុំ​គ្រួសារ​ទៅ​វត្ត​ដើម្បី​ធ្វើ​បុណ្យ​ជុំ​គ្នា។ ពេល​ធ្វើ​បុណ្យ​ជុំ​គ្រួសារ គ្នា​យើង​ច្បាស់​ជា​មាន​អារម្មណ៍​ថា​សប្បាយ និង​ជ្រះ​ថ្លាហើយ ​តែ​បើ​នាំ​កូន​តូច​ទៅ​វត្ត​តាម មិន​ត្រូវ​ធ្វេស​​ប្រហែស​រឿង​ប៉ុន្មាន​នេះ​ទេ។ កម្មវិធីពិនិត្យ​គ្រោះថ្នាក់ជំងឺកូវីដ-១៩ អនឡាញ​ គណនាថ្ងៃមេជីវិតញីទុំធ្លាក់ ចុចទីនេះ! ដឹងអត្ថន័យពណ៌ និងរូបរាងលាមកទារក ចុចទីនេះ! ១. ឲ្យ​កូន​នៅ​កន្លែង​មាន​ផ្សែង​ធូប​យូរ វត្ត​ណា​ក៏​ដូច​វត្ត​ណា​ដែរ ឲ្យ​តែ​ពេល​បុណ្យ​ទាន​ផ្សែង​ធូប​ហុយ​ឡើង​អ័ព្ទ មើល​មនុស្ស​ម្នា​មិន​ចង់​ឃើញ​ទេ។ ទាក់​ទង​នឹង​ផ្សែង​ធូប​នេះ វេជ្ជបណ្ឌិត​ផ្នែក​ទូទៅ លី ឫទ្ធីគុណ បាន​ឲ្យ​ដឹង​ថា ធូប​ត្រូវ​បាន​គេ​ផលិត​ឡើង​ពី​វត្ថុធាតុ​ដើម​ធម្មជាតិ និង​ផ្សំ​ជាមួយ​សារធាតុ​គីមី​ច្រើន​ប្រភេទ។ ផ្សែង​ដែល​ចេញ​ភាយ​ក្រោយ​ត្រូវ​កម្ដៅ មាន​ផល​ប៉ះពាល់​ដល់​សុខភាព​ជាច្រើន​យ៉ាង​ដូចជា​បញ្ហា​ផ្លូវ​ដង្ហើម រលាក​ទង​សួត រលាកបំពង់ក ហើយ​ការ​ស្រូប​យក​ជាតិ​ធូប​នេះ គ្រោះថ្នាក់​ជាង​ផ្សែង​បារី​ទៅ​ទៀត។ យូរៗ​ទៅ​វា​នឹង​បង្ក​ទៅ​ជា​ជំងឺ​មហារីក​សរីរាង្គ​ផ្សេង​ៗ។ ២. មិន​ពាក់​ម៉ាស់​ឲ្យ​កូន វេជ្ជបណ្ឌិត ចាន់ ស៊ីណេត ឯកទេស​ជំងឺ​ទូទៅ បាន​ណែនាំ ម៉ាក់​ប៉ា​ថា ពេល​ទៅ​វត្ត​កុំ​ភ្លេច​ពាក់​ម៉ាស់​ឲ្យ​កូន ព្រោះ​ថ្ងៃ​ចូល​ឆ្នាំ​អ្នក​ណា​ៗ​ក៏​ទៅ​វត្ត​ធ្វើ​បុណ្យ​ដែរ។ ដ្បិត​តែ​តាម​ករណី​វិជ្ជមាន​កូវីដ ១៩ ឬ​វីរុស​អូមីក្រុង​របស់​ក្រសួង​សុខាភិបាល​ធ្លាក់​ចុះ​ក្ដី យើង​មិន​ត្រូវ​ភ្លេច​ខ្លួន​ទេ ព្រោះ​កូវីដ ១៩ មិន​ភ្លេច​យើង​ឡើយ ដូច្នេះ​បើ​អាច​គួរ​បន្ត​អនុវត្ត​វិធានការ ៣ការពារ ៣កុំ។ ទន្ទឹមនឹងនេះ បើ​អាអូនមានអាយុក្រោម ២ ឆ្នាំ អ្នកជំនាញមិនណែនាំឲ្យពាក់ម៉ាស់ទេ ព្រោះកូននៅតូចពេក អាចប្រឈមនឹងការពិបាកដកដង្ហើម។ ៣. ឲ្យ​កូន​លេង​ជាមួយ​សត្វ​អនាថា​ក្នុង​វត្ត ធម្មតា នៅ​ក្នុង​វត្ត​សម្បូរ​សត្វ​ឆ្កែ […]

ខែ​នេះ ដូច​ពិបាក​មើល​ចិត្ត​មេឃ​ដល់​ហើយ! ពេល​ថ្ងៃ​ក្ដៅ​ចង់​ខ្លោច​ស្បែក តែ​ពេល​ល្ងាច​បែរ​ជា​ធ្លាក់​ភ្លៀង​វិញ។ ក្នុង​អាកាស​ធាតុ​បែប​នេះ អាច​ធ្វើ​ឲ្យ​គ្នា​យើង​មួយ​ចំនួន​ងាយ​នឹង​ឈឺ ពិសេស​អ្នក​មាន​ប្រព័ន្ធ​ការពារ​រាងកាយ​ខ្សោយ​ដូច​ក្មេងៗ​ជាដើម។ ពេល​ក្មេងៗ​ឈឺ​ពិបាក​ណាស់ អ៊ីចឹង​ម៉ាក់​ប៉ា​គួរ​តែ​ចេះ​តិចនិក​ថែ​សុខភាព​កូន​ក្នុង​អាកាស​ធាតុ​ពិបាក​ទាយ​ដឹង​បែប​នេះ។ ដឹងអត្ថន័យពណ៌ និងរូបរាងលាមកទារក គណនាថ្ងៃសម្រាលកូន ដើម្បី​សុខភាព​កូន​តូច​ៗ លោក​វេជ្ជបណ្ឌិត ចាន់ ស៊ីណេត បាន​ពន្យល់​ឲ្យ​ដឹង​ថា នៅ​ក្នុង​ខែ​ក្ដៅ​អា​អូន​ងាយ​ប្រឈម​នឹង​បញ្ហា​ខ្សោះ​ជាតិ​ទឹក ហើយ​បើ​ក្នុង​ខែ​ភ្លៀង ក្មេង​ៗ​ងាយ​កើត​ជំងឺ​ផ្ដាសាយ គ្រុន​ឈាម គ្រុនចាញ់ ឬ​រលាក​ក្រពះ​ពោះវៀន​ជាដើម។ ហេតុ​នេះ​ហើយ​ទើប​លោក​បាន​ណែនាំ​ឲ្យ​ម៉ាក់​ប៉ា​ការពារ​សុខភាព​ដោយ៖ ពេល​មេឃ​ក្ដៅ៖ ឲ្យ​កូន​ញ៉ាំ​ទឹក​គ្រប់​គ្រាន់ ចៀសវាង​ភេសជ្ជៈ​មាន​ជាតិ​ផ្អែម​ខ្លាំង ឬ​មាន​សារធាតុ​ហ្គាស (សូដា​កំប៉ុង ។ល។) ការពារ​ស្បែក​កូន​ដោយ​លាប​ឡេ​ការពារ​កម្ដៅ​ថ្ងៃ ឬ​ពាក់​អាវ​វែងៗ​ពេល​ចេញ​ក្រៅ ដើម្បី​ចៀស​វាង​កូន​រលាក​ស្បែក។ ពេល​មេឃ​ភ្លៀង៖ ចៀស​ឲ្យ​កូន​ញ៉ាំ​អាហារ​តាម​ផ្លូវ រក​ទី​ជ្រក ឬ​ពាក់​អាវ​ភ្លៀង ពោល​គឺ​កុំ​ឲ្យ​អា​អូន​ត្រូវ​ទឹក​ភ្លៀង ដើម្បី​បង្ការ​ជំងឺ​ផ្ដាសាយ ឬ​គ្រុន​ក្ដៅ​ជាដើម។ បូក​ផ្សំ​នឹង​ការ​ថែ​ទាំ​ខាង​លើ​នេះ វេជ្ជបណ្ឌិត​ជំនាញ​ផ្នែក​ទូទៅ​រូប​នេះ ក៏​បាន​ណែនាំ​វិធី​សាស្ត្រ​ផ្សេង​ៗ ក្នុង​ការ​ថែទាំ​សុខភាព​កូន​ដែរ​រួម​មាន៖ – ត្រូវចាក់វ៉ាក់សាំង – អនាម័យសុខភាពខ្ពស់ – ប្រើប្រាស់ទឹកស្អាត – កុំទៅតំបន់ព្រៃ និងតំបន់ដែលមានជំងឺឆ្លង។ [embed-health-tool-child-growth-chart] ក្រៅពី​នេះ ម៉ាក់ប៉ាគួរសម្អាតអនាម័យផ្ទះឲ្យបាន​ល្អ ពិសេស​ក្នុង​ខែ​ភ្លៀង ដើម្បី​បង្ការការកើតមូសខ្លា និងឲ្យ​កូនញ៉ាំអាហារក្តៅៗ ហើយមានជីវជាតិ និង​ឲ្យ​កូន​បញ្ចេញ​សកម្មភាព​រាងកាយ​ឲ្យ​បាន​ច្រើន​តាម​ដែល​អាច​ធ្វើ​ទៅ​បាន។ ចំណុចសំខាន់ នៅ​ក្នុង​ខែ​ក្ដៅ​អា​អូន​ងាយ​ប្រឈម​នឹង​បញ្ហា​ខ្សោះ​ជាតិ​ទឹក ហើយ​បើ​ក្នុង​ខែ​ភ្លៀង ក្មេង​ៗ​ងាយ​កើត​ជំងឺ​ផ្ដាសាយ គ្រុន​ឈាម […]

ប្រព័ន្ធការពាររាងកាយកូនប្រឈមនឹងពពួកវីរុស និងបាក់តេរីជាច្រើនដែលមាននៅជុំវិញខ្លួនពីមួយថ្ងៃទៅមួយថ្ងៃ ប៉ុន្តែការប្រឈមនេះក៏ធ្វើឲ្យប្រព័ន្ធការពាររាងកាយអាអូនស៊ាំនឹងពពួកវីរុស និងបាក់តេរីដែលអាចបង្កជាជំងឺតូចតាចមួយចំនួនដែរ។ ដើម្បីចៀសវាងកូនឈឺ យើងអាចពង្រឹងប្រព័ន្ធភាពស៊ាំបានជាមួយរបបអាហារសម្បូរទៅដោយសារធាតុចិញ្ចឹមដែលរាងកាយត្រូវការ និងល្អចំពោះសុខភាព។ ខាងក្រោមនេះ ជារបបអាហារល្អៗជួយដល់ប្រព័ន្ធការពារ និងប្រព័ន្ធរំលាយអាហារម៉ាក់ប៉ាគួរបន្ថែមឲ្យអាអូន។ អត្ថន័យពណ៌ និងរូបរាងលាមកទារក ១. បន្ថែមខ្លាញ់ត្រី អាស៊ីដខ្លាញ់ Omega 3មានគុណប្រយោជន៍ជាច្រើនចំពោះសុខភាព យើងអាចរកបាននៅក្នុងត្រីមានខ្លាញ់ដូចជា សាល់ម៉ុន ត្រីធូណា ប្រេងធម្មជាតិ គ្រាប់ធញ្ញជាតិ និងបន្លែបៃតង។ អាស៊ីដខ្លាញ់Omega 3 អាចប្រឆាំងនឹងការឆ្លងមេរោគនៅលើកូនក្មេងបាន។ ហេតុនេះហើយ ព្យាយាមបន្ថែមសាច់ត្រីចូលទៅក្នុងអាហារកូនយ៉ាងតិច២ដងក្នុង​មួយ​សប្ដាហ៍ តែត្រូវប្រយ័ត្នការស្លាក់ ក្នុងករណីដែលម៉ាក់ប៉ាឲ្យអាអូនញ៉ាំគ្រាប់ធញ្ញជាតិ។ ២. ញ៉ាំបន្លែ ផ្លែឈើ គ្រប់បន្លែ និងផ្លែឈើទាំងអស់ផ្ដល់ឲ្យវីតាមីន និងជាតិរ៉ែខុសគ្នា ដូច្នេះទើបជាការ​សំខាន់ដែលអាអូនត្រូវញ៉ាំបន្លែ និងផ្លែឈើឲ្យបានច្រើនមុខ។ រាល់សារធាតុចិញ្ចឹមទាំងអស់នេះមានគុណសម្បត្តិបង្កើនប្រព័ន្ធភាពស៊ាំ ដែលជួយឲ្យរាងកាយផលិតគ្រាប់ឈាមសបន្ថែមទៀត ដើម្បីប្រឆាំងរាល់ការឆ្លងមេរោគ។ ម៉ាក់ប៉ាគួរព្យាយាមឲ្យកូន​ញ៉ាំបន្លែផ្លែឈើចម្រុះជារៀងរាល់ថ្ងៃ ដើម្បីទទួលបានប្រយោជន៍ល្អពីវីតាមីន និងជាតិរ៉ែសំខាន់ៗដល់រាងកាយ។ ៣. បង្កើនបាក់តេរីល្អក្នុងពោះវៀន Probiotics បង្កើតបាក់តេរីមានប្រយោជន៍ក្នុងពោះវៀនរបស់កូនយើង និងបង្កើតតុល្យភាពរវាងបាក់តេរីល្អ និង​អាក្រក់ក្នុងពោះវៀន ជាហេតុបណ្ដាលឲ្យប្រព័ន្ធការពាររាងកាយអាអូនរឹងមាំ។ យ៉ាអ៊ួរធម្មជាតិមានផ្ទុកProbioticsច្រើន អ៊ីចឹងហើយ យើងអាចផ្ដល់ឲ្យកូនមួយស្លាប់ព្រាបាយពេញៗជាប្រចាំដោយបន្ថែមផ្លែឈើស្រស់ពីលើទៀតនោះ បានទាំងរសជាតិឆ្ងាញ់ និងសុខភាពល្អដល់កូន។ ៤. បន្ថែមវីតាមីនB6 វីតាមីនB6 ទ្រទ្រង់ប្រព័ន្ធការពាររាងកាយអាអូនដោយបង្កើតអង្គបដិប្រាណ និងជួយគ្រាប់ឈាមក្រហមដឹកជញ្ជូនអុកសែនទៅជួយដំណើរការនៃការព្យាបាលរបស់រាងកាយ។ យើងអាចរកបាន​នៅក្នុងនំប៉័ង Pasta ឬផ្លែចេក […]

កុមារ​ស្ទើរ​តែ​ទាំង​អស់​ជួប​ប្រទះ​អាការៈ​ឈឺ​ពោះ​នៅ​ពេល​ណា​មួយ​។ ភាគ​ច្រើន​ ​អាការៈ​នេះ​​មិន​បណ្ដាល​មក​ពី​បញ្ហា​សុខភាព​ធ្ងន់ធ្ងរ​ទេ ប៉ុន្តែ​ជួន​កាល​​ ​​ក៏​អាច​ជា​សញ្ញា​នៃ​​ជំងឺ​គួរ​ឲ្យ​បារម្ភ​​ផង​ដែរ​។ ប្រភេទ​នៃ​ការ​ឈឺ​ពោះ​ ការ​ឈឺ​ចាប់​ទូទៅ ឬ​ឈឺ​ចាប់​លើស​ពី​ពាក់​កណ្ដាល​នៃ​ពោះ​ បង្ហាញ​ថា​កូន​​អាច​មាន​មេរោគ​ក្នុង​ក្រពះ​ អាហារ​មិន​រំលាយ​ មានហ្គាសក្នុង​ពោះ​ ឬ​មកពី​កូន​​ទល់​លាមក។ ការ​ឈឺ​ចាប់​ដូចជា​ចុក​មួល​ កើត​ឡើង​ដោយ​សារ​តែ​ហ្គាស និង​ហើម​ពោះ និង​បង្ក​ជា​អាការៈ​រាករូស​។ ការ​ឈឺ​ពោះ​នេះ​មិន​មាន​សភាព​ធ្ងន់ធ្ងរ​ទេ​ ការ​ឈឺ​ចាប់​ដែល​កើត​ឡើង​នៅ​បរិវេណ​តែ​មួយ​នៃ​ពោះ​។ កូន​អាច​មាន​បញ្ហា​ថង់​ទឹក​ប្រមាត់​ ក្លន​លូន​ ពោះវៀន​រមួល​ អូវែ ពង​ស្វាស​ ឬ​ក្រពះ​។ ម៉ាក់​ៗ​គប្បី​តាមដាន​អាការៈ​កូន​ ប្រសិនបើ​អា​អូន​នៅ​តូច​ពេក​មិន​អាច​និយាយ​ប្រាប់​យើង​ពី​អាការៈ​របស់​ខ្លួន​បាន។ អាការៈ​ទាំង​នេះ​មាន​ដូចជា​៖ រញ៉ាំរញ៉ូវ​ជាង​ធម្មតា​ លើក​ជើង​ឡើង​លើ​​ឆ្ពោះ​ទៅ​រក​ពោះ​ មិន​សូវ​ញ៉ាំ​អាហារ​​ ​​​​អាការៈ​ឈឺ​ពោះ​ដែល​មិន​មែន​ជា​បញ្ហា​សុខភាព​ធ្ងន់ធ្ងរ​ រួម​មាន​៖ ទល់​លាមក​ ហ្គាស​ក្នុង​ពោះ អាលែកហ្ស៊ី​នឹង​អាហារ​ ក្រហាយ​ទ្រូង ឬ​ចាល់​អាស៊ីដ រលាក​ក្រពះ​ពោះវៀន​ ឬ​ពុល​អាហារ​ ​រលាក​បំពង់​ក ឈឺ​ចាប់​ដែល​បណ្ដាល​មក​ពី​ការ​ថប់បារម្ភ ឬ​បាក់​ទឹក​ចិត្ត។ ​​កុមារ​អាច​មាន​បញ្ហា​សុខភាព​ធ្ងន់ធ្ងរ ប្រសិនបើ​​ការ​ឈឺ​ចាប់​មិន​បាន​ធូរ​ស្រាល​ក្នុង​រយៈពេល​២៤​ម៉ោង​ ឬកាន់​តែ​ធ្ងន់ធ្ងរ​ទៅ ឬ​ឈឺ​ចាប់​ញឹកញាប់​។​ ការ​ឈឺ​ពោះ​បែប​នេះ អាច​ជា​សញ្ញា​នៃ​៖ ការ​ពុល​អាហារ​ ជំងឺ​រលាក​ខ្នែង​ពោះវៀន​ គ្រួស​ក្នុង​ថង់​ទឹក​ប្រមាត់​ ក្លន​លូន​ ឬ​រមួល​ពោះវៀន​ ជំងឺ​រលាក​ពោះវៀន​ ដំបៅ​ក្រពះ​ លេប​វត្ថុ​ណា​មួយ​ចូល​ពោះ​​ ដុំ​សាច់​ ឬ​ជំងឺ​មហារីក​ ការ​បង្ក​រោគ​លើ​ផ្លូវ​ទឹក​នោម​ តិចនិក​ថែទាំ​​​នៅ​ពេល​កូន​ឈឺ​ពោះ​ ឲ្យ​កូន​ញ៉ាំ​ទឹក​​ឲ្យ​បាន​ច្រើន​ ជៀសវាង​ញ៉ាំ​អាហារ​រឹង​រយៈពេល​ ២​ទៅ​៣​ម៉ោង​ ជៀសវាង​ញ៉ាំ​អាហារមានជាតិ​កាហ្វេ​អ៊ីន​ ​និងផលិតផល​​ធ្វើ​ពី​ទឹក​ដោះ​គោ​ ជៀសវាង​ញ៉ាំ​អាហារ​ចៀន​ ឬ​អាហារ​ដែល​មាន​ជាតិ​ខ្លាញ់​ខ្ពស់​។