បញ្ហាសុខភាពកុមារផ្សេងទៀត Archives - Page 5 of 27

ម៉េចបានកុមារខ្លះមានជំងឺបេះដូងពីកំណើត?

ជំងឺបេះដូងពីកំណើត ជាបញ្ហាទាក់ទងនឹងរចនាសម្ព័ន្ធនៃបេះដូងរបស់កុមារតាំងពីកំណើតមកម្ល៉េះ ដោយជំងឺខ្លះមានលក្ខណៈសាមញ្ញ និងមិនចាំបាច់ព្យាបាលនោះទេ ស្របពេលដែលជំងឺខ្លះទៀត ទាមទារឱ្យមានការវះកាត់ជាច្រើនលើកច្រើនសារ និងចំណាយពេលយូរឆ្នាំ។ រោគសញ្ញានៃជំងឺបេះដូងពីកំណើត ជំងឺបេះដូងពីកំណើតធ្ងន់ធ្ងរ ជាទូទៅត្រូវបានរកឃើញក្រោយទារកសម្រាលភ្លាមៗ ឬនៅពេលដែលទារកអាយុបានពីរបីខែ ហើយរោគសញ្ញាខ្លះរួមមាន៖ បបូរមាត់ អណ្តាត ឬម្រាមដៃស្លេកស្លាំង ដកដង្ហើមញាប់ ហើមជើង ពោះ ឬបរិវេណជុំវិញភ្នែក ពិបាកដកដង្ហើមនៅពេលញ៉ាំអាហារ ដែលនាំឱ្យទារកមិនសូវឡើងគីឡូ។ ចំពោះជំងឺបេះដូងពីកំណើតខ្លះដែលមិនសូវធ្ងន់ធ្ងរ អាចរកឃើញនៅពេលដែលកុមាររាងធំបន្តិច ព្រមទាំងអាចមានរោគសញ្ញាដូចជា៖ ឆាប់ហត់នៅពេលដែលធ្វើលំហាត់ប្រាណ ឬបញ្ចេញសកម្មភាពនានា សន្លប់នៅពេលធ្វើលំហាត់ប្រាណ ឬបញ្ចេញសកម្មភាពនានា ហើមដៃ កជើង ឬជើង។ ចង់គណនាថ្ងៃមេជីវិតញីទុំធ្លាក់ ចុចទីនេះ! ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់ដឹងអត្ថន័យពណ៌ និងរូបរាងលាមកទារក ចុចទីនេះ! មូលហេតុបង្ក អំឡុងពេល ៦ សប្តាហ៍ដំបូងនៃការពពោះ បេះដូងទារកចាប់ផ្តើមលូតលាស់ និងចាប់ផ្តើមលោត។ សរសៃឈាមសំខាន់ៗដែលឆ្លងកាត់បេះដូង ក៏ចាប់ផ្តើមកកើតនៅអំឡុងពេលនេះដែរ រួមទាំងការវិវត្តនៃជំងឺបេះដូងពីកំណើត។ ក្រុមអ្នកស្រាវជ្រាវមិនទាន់អាចកំណត់ពីមូលហេតុចម្បងដែលបណ្តាលឱ្យកើតជំងឺបេះដូងពីកំណើតនៅឡើយទេ ប៉ុន្តែវាអាចបង្កឡើងដោយការប្រែប្រួលហ្សែន ការប្រើប្រាស់ថ្នាំជាក់លាក់ ឬបញ្ហាសុខភាព និងបរិស្ថាន ក៏ដូចជាទម្លាប់រស់នៅរបស់ម៉ាក់ៗផ្ទាល់ ដូចជាការជក់បារីជាដើម។ [embed-health-tool-heart-rate] កត្តាហានិភ័យ ជំងឺបេះដូងពីកំណើតភាគច្រើន កើតឡើងបណ្តាលមកពីការប្រែប្រួលដែលកើតឡើងនៅពេលបេះដូងទារកចាប់ផ្តើមលូតលាស់។ ថ្វីត្បិតតែយើងមិនដឹងពីមូលហេតុជាក់លាក់ក៏ពិតមែន ប៉ុន្តែក្រុមអ្នកស្រាវជ្រាវជឿថា កត្តាទាំងនេះ អាចជាហេតុនាំឱ្យកុមារកើតជំងឺបេះដូងពីកំណើត៖ ម្តាយកើតជំងឺកញ្ជ្រឹលអំឡុងពេលពពោះ ម្តាយមានជំងឺទឹកនោមផ្អែមមុន និងអំឡុងពេលពពោះ […]

បញ្ហាសុខភាពកុមារផ្សេងទៀត

មូលហេតុទាំង៥ នាំឲ្យកូនរើសអាហារ និងតិចនិកដោះស្រាយ

កូនរើសអាហារ ដោយមិនញ៉ាំអាហារថ្មីៗ ចង់ញ៉ាំតែអាហារដែលខ្លួនចូលចិត្ត និងបដិសេធញ៉ាំអាហារជាក់លាក់មួយចំនួន គឺជារឿងធម្មតាប៉ុណ្ណោះសម្រាប់កុមារ។ ពិតណាស់ ឥរិយាបថនេះអាចកើតឡើងតាំងពីកូននៅក្មេង និងអាចបន្តនៅពេលដែលពួកគេចូលដល់វ័យជំទង់។ ជាទូទៅ ការរើសអាហារមិនបង្កជាបញ្ហាណាមួយឡើយ លុះត្រាតែវាក្លាយទៅជាទម្លាប់ ដែលអាចប៉ះពាល់ដល់ការលូតលាស់ និងការអភិវឌ្ឍរបស់ក្មេង។ កូនរើសអាហារអាចមកពីមូលហេតុទាំងនេះ ១. ការលូតលាស់ និងការអភិវឌ្ឍឆាប់រហ័ស នៅអំឡុងពេលលូតលាស់ ក្មេងៗញ៉ាំអាហារច្រើនដោយសារតែតម្រូវការថាមពលកើនឡើង ហើយនេះក៏ជាពេលវេលាដែលពួកគេបដិសេធក្នុងការញ៉ាំអាហារជាក់លាក់ផងដែរ។ ជាទូទៅ អាកប្បកិរិយានេះកើតឡើងជាបណ្ដោះអាសន្ន និងមានភាពស្រដៀងទៅនឹងការប្រែប្រួលចំណង់អាហាររបស់មនុស្សពេញវ័យ។ ២. មិនចូលចិត្តប្រភេទអាហារជាក់លាក់ ក្មេងមួយចំនួនមានប្រតិកម្មទៅនឹងរសជាតិ ក៏ដូចជាក្លិនរបស់អាហារជាក់លាក់។ ប៉ុន្តែ ក្មេងភាគច្រើនអាចយកឈ្នះបញ្ហានេះបាន ដោយការព្យាយាមញ៉ាំអាហារទាំងនោះ។ ៣. ធ្លាប់ជួបហេតុការណ៍មិនល្អកើតឡើងនៅពេលញ៉ាំអាហារនោះ ការឈ្លក់ ចង់ក្អួត ការបង្ខំឲ្យញ៉ាំ ឬការពិន័យកូនឲ្យញ៉ាំអាហារនោះអាចធ្វើឲ្យពួកគេរើសអាហារ។ ហេតុការណ៍ទាំងនេះ អាចបង្កើតជាការភ័យខ្លាច ថប់បារម្ភ និងអារម្មណ៍អវិជ្ជមានដទៃទៀត ដែលនាំឲ្យក្មេងបដិសេធញ៉ាំអាហារ។ ៤. ពន្យារពេលក្នុងការផ្ដល់អាហារកិន អ្នកជំនាញណែនាំឲ្យប៉ាម៉ាក់ផ្ដល់អាហារបន្ថែម នៅពេលដែលកូននៅ៦ខែ និងចាប់ផ្ដើមអភិវឌ្ឍក្នុងការញ៉ាំអាហារកិននៅអាយុ៩ខែ ឬ១០ខែ។ យោងតាមការស្រាវជ្រាវបានបង្ហាញថា ការពន្យារពេលក្នុងការឲ្យកូនញ៉ាំអាហារកិន អាចបណ្ដាលឲ្យក្មេងមួយចំនួនចាប់ផ្ដើមរើសអាហារ។ ៥. យកតម្រាប់តាមអាកប្បកិរិយាប៉ាម៉ាក់ ជាមួយគ្នានេះដែរ ក្មេងតូចៗអាចយកតម្រាប់តាមប៉ាម៉ាក់ និងមនុស្សចាស់។ តាមការស្រាវជ្រាវមួយបានបង្ហាញថា ក្មេងដែលមានប៉ាម៉ាក់រើសអាហារ អាចនឹងមានទម្លាប់ដូចប៉ាម៉ាក់ដែរ ពីព្រោះពួកគេញ៉ាំអាហារដែលយើងចម្អិន ហើយភាគច្រើន ទាំងនេះគឺជាអាហារដែលយើងចូលចិត្ត។ តិចនិកជួយឲ្យក្មេងញ៉ាំអាហារដែលមានតុល្យភាព លើកទឹកចិត្តកូនឲ្យញ៉ាំអាហារថ្មីៗ ឲ្យកូនញ៉ាំអាហារថ្មីៗ នៅពេលដែលពួកគេឃ្លាន ញ៉ាំអាហារដូចៗគ្នានៅក្នុងគ្រួសារ កំណត់ម៉ោងញ៉ាំអាហារ និងកាត់បន្ថយការញ៉ាំអាហារសម្រន់របស់កូន កុំបង្ខំឲ្យកូនញ៉ាំអាហារ ចម្អិនអាហារឲ្យមានភាពទាក់ទាញ ឲ្យកូនចាប់ផ្ដើមញ៉ាំអាហារសុខភាពតាំងពីពួកគេនៅតូចៗ ធ្វើជាគំរូក្នុងការញ៉ាំអាហារសុខភាពដល់កូន។