រោគសញ្ញាទូទៅ

រោគសញ្ញាទូទៅ - កូន​កាន់​តែ​ធំ ការ​ញ៉ាំ​ចំណី​ផ្ដេសផ្ដាស បញ្ហា​ការ​រស់​នៅ អាកាសធាតុ សុទ្ធ​តែ​ជា​អ្វី​ដែល​កូនៗ​ប្រឈម។ ដូច្នេះ​ម៉ាក់ៗ គួរ​ស្វែងយល់​ឲ្យ​កាន់​តែ​ច្រើន​ពី រោគសញ្ញានានា ដែល​សង្ស័យ ឬ​គួរ​ឲ្យ​បារម្ភ

ចំណេះដឹងទូទៅ

រោគសញ្ញាទូទៅ

សញ្ញាព្រមានទាំង៧នៃបញ្ហាគាំងបេះដូងភ្លាមៗលើកុមារ ប៉ាម៉ាក់គួរដឹង

អាការៈ​គាំង​បេះដូង​ភ្លាម​ៗ កើត​ឡើង​នៅ​ពេល​​បេះដូង​របស់​យើង​​ឈប់​លោត​ភ្លាម​ៗដែរ។ ​បញ្ហា​នេះ​ មិនមែន​កើត​តែ​លើ​មនុស្ស​ចាស់​នោះ​ទេ សូម្បី​តែ​កុមារ​ក៏​ប្រឈម​នឹង​ហានិភ័យ​ដូច​គ្នា។ យោង​តាម​ទិន្នន័យ​​មួយ​ចំនួន​​បាន​ឲ្យ​ដឹង​ថា ការ​គាំង​បេះដូង​ភ្លាម​ៗ​កើត​លើ​កុមារ​ប្រហែល ​២ ០០០​នាក់​ជា​រៀង​រាល់​ឆ្នាំ​នៅ​សហរដ្ឋ​អាមេរិក។ ហេតុនេះ​ហើយ ប៉ា​ម៉ាក់​គួរ​យល់​ដឹង​ពី​​រោគសញ្ញា​មួយ​ចំនួន​ ដែល​បង្ហាញ​ថា​​កូន​អាច​ប្រឈម​ហានិភ័យ​នៃ​ការ​គាំង​បេះដូង​នេះ។ រោគសញ្ញា​នៃ​ការ​គាំង​បេះដូង​ភ្លាម​ៗ​ដែល​កើត​លើ​កុមារ ជាក់ស្ដែង កុមារ​ប្រហែល​ជា​៣០%​ ទៅ​៥០​% ប្រឈម​នឹង​រោគសញ្ញា​ព្រមាន​មួយ​ចំនួន​ មុន​ពេល​កើត​មាន​អាការៈ​មួយ​នេះ ដែល​ទាមទារ​ឲ្យ​ប៉ា​ម៉ាក់​ចាំបាច់​ត្រូវ​​យក​ចិត្ត​ទុក​ដាក់​ និង​តាមដាន​ឲ្យ​បាន​ដិតដល់ ក៏​ដូចជា​ចាត់វិធានការ​ការពារ​ឲ្យ​បាន​ទាន់​ពេលវេលា។ មិន​ស្រួល​ក្នុង​ទ្រូង ឈឺ​ទ្រូង​រ៉ាំរ៉ៃ​ អំឡុង​ពេល​ធ្វើ​សកម្មភាព​ធម្មតា វិល​មុខ​ខ្លាំង ឬ​ដួល​សន្លប់​ពេល​ធ្វើ​សកម្មភាព​ប្រចាំ​ថ្ងៃ ចង្វាក់​បេះដូង​លោត​ញាប់ ពិបាក​ដក​ដង្ហើម ឬ​ហត់​ បែក​ញើស​ខ្លាំង ស្ពឹក​ដៃ ឬ​ស្មា ចង់គណនាថ្ងៃមេជីវិតញីទុំធ្លាក់ ចុចទីនេះ! ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់ដឹងអត្ថន័យពណ៌ និងរូបរាងលាមកទារក ចុចទីនេះ! គន្លឹះ​ជួយ​ឲ្យ​កូន​មាន​សុវត្ថិភាព​ពី​អាការៈ​គាំង​បេះដូង ពិត​ណាស់​​ បេះដូង​ជា​សរីរាង្គ​ដ៏​សំខាន់​មួយ​​នៅ​ក្នុង​រាងកាយ ហើយ​ការ​ថែទាំ​បេះដូង​ឲ្យ​បាន​ល្អ គឺ​ជា​រឿង​ចាំបាច់​បំផុត​។ ដូចនេះ​ហើយ ប៉ា​ម៉ាក់​គួរ​ឲ្យ​កូន​ញ៉ាំ​​អាហារ និង​​បង្កើត​ទម្លាប់​រស់​នៅ​ប្រចាំ​ថ្ងៃ​មួយ​ចំនួន​ ដែល​អាច​ជួយ​ឲ្យ​បេះដូង​មាន​សុខភាព​ល្អ និង​រឹងមាំ។ [embed-health-tool-bmi] អាហារ​៦មុខ ជួយ​ឲ្យ​បេះដូង​មាន​សុខភាព​ល្អ បន្លែ​ស្លឹក​បៃតង គ្រាប់​ធញ្ញជាតិ​​ មាន​ដូច​ជា​ពោត ផ្លែ​បឺរ ខ្លាញ់​ត្រី ឬ​ត្រី​ដែល​មាន​ខ្លាញ់ (ត្រី​សាម៉ុន ត្រី​ធូណា) ពពួក​សណ្ដែក សូកូឡា​ខ្មៅ ទម្លាប់​ទាំង​៧​ ជួយ​បញ្ចៀស​បញ្ហា​បេះដូងសម្រាប់​គ្រប់​គ្នា […]

អត្ថបទផ្សេងទៀតពី រោគសញ្ញាទូទៅ

រោគសញ្ញាទូទៅ

ចំណុច ៤យ៉ាង ម៉ាក់ប៉ាគួរពិនិត្យមើលឡើងវិញ បើកូនងាកឈឺៗ

យើង​ឃើញ​ហើយ​ថា ក្មេង​តូចៗ​មួយ​ចំនួន​ចូល​មន្ទីរពេទ្យ​ញឹក​ញាប់ ព្រោះ​សុខភាព​អា​អូន​ខ្សោយ មិន​អាច​ទ្រាំទ្រ​នឹង​បាក់តេរី ឬ​វីរុស​បង្ក​ជំងឺ​បាន។ ពេល​ឈឺ​ម្ដងៗ ក្នុង​ខ្លួន​កូន​ក៏​ពិបាក យើង​ជា​ម៉ាក់ប៉ា​ក៏​ពិបាក​ជំនួស​កូន​ដែរ។ ហេតុ​នេះ​ហើយ បើ​កូន​ងាក​ឈឺៗ "Hello គ្រូពេទ្យ" ណែ​នាំ​ឲ្យ​ម៉ាក់​ប៉ា​ចាប់​ផ្ដើម​ពិនិត្យ​លើ​ប៉ុន្មាន​ចំណុច​ខាង​ក្រោម​ឡើង​វិញ។ ដឹងពីកាលវិភាគចាក់ថ្នាំបង្ការកូន ចុចត្រង់​នេះ លោក​វេជ្ជបណ្ឌិត ចាន់ ស៊ីណេត ឯកទេស​ជំងឺ​ទូទៅ បាន​បកស្រាយ​ឲ្យ​ដឹង​ថា កត្តា​ដែល​បណ្ដាល​ឲ្យ​កូន​ងាក​ឈឺៗ​ច្រើន អាច​មាន​ច្រើន​ដូច​ជា ការ​រស់​នៅ បរិស្ថាន​ជុំ​វិញ​ខ្លួន​កូន ការ​ថែទាំ​របស់​ម៉ាក់​ប៉ា និង​របប​អាហារ​ផ្សេងៗ​ទៀត។ ប៉ុន្តែ មូលហេតុ​សំខាន់ ៤ យ៉ាង​ដែល​ធ្វើ​ឲ្យ​អា​អូន​ឈឺ​ភាគ​ច្រើន​មាន​ដូចជា៖ ១. ខ្វះ​អាហារូបត្ថម្ភ កត្តា​កង្វះ​អាហារូបត្ថម្ភ​នេះ អាច​កើត​ឡើង​ដោយសារ​ម៉ាក់​ប៉ា​មិន​មាន​ជីវភាព​ធូរធារ ពោល​គឺ មាន​ជីវភាព​ខ្វះ​មុខ ខ្វះ​ក្រោយ ជាហេតុ​ធ្វើ​ឲ្យ​ការ​ផ្ដល់​អាហារ​ឲ្យ​កូន​មិន​បាន​គ្រប់​គ្រាន់ ឬ​ពេល​ខ្លះ​ម៉ាក់​ប៉ា​មាន​ជីវភាព​ធូរធារ តែ​គ្រាន់​តែ​មិន​បាន​គិត​គូរ​ដិត​ដល់​ពី​របបអាហារ​កូន ចេះ​តែ​ឲ្យ​កូន​ញ៉ាំ​នេះ​ញ៉ាំ​នោះ​ច្រើន​មុខ មិន​ត្រូវ​តាម​តម្រូវ​ការ​របស់​រាងកាយ។ កូន​ត្រូវ​ការ​អាហារ​សម្បូរ​ដោយ​បន្លែ ផ្លែ​ឈើ ត្រី សាច់ ស៊ុត ដែលមាន​ប្រូតេអ៊ីន វីតាមីន និង​រ៉ែ​សំខាន់​ៗ​ផ្សេងៗ​ទៀត។ ២. អនាម័យ ដើម្បី​កុំ​ឲ្យ​កូន​ងាក​ឈឺៗ អនាម័យ​ក៏​ជា​កត្តា​សំខាន់​មួយ​ជួយ​ឲ្យ​កូន​មាន​សុខភាព​ល្អ​ដែរ។ កាលណា​បើ​ម៉ាក់ប៉ា​មិន​សម្អាត​ខ្លួន​កូន​ដិត​ដល់ រៀប​ចំ​ចំណី​អាហារ​ខ្វះ​អនាម័យ​ឲ្យ​កូន មិន​សម្អាត​ដៃ​មុន ឬ​ក្រោយ​ញ៉ាំ​អាហារ ឬ​ចូល​បន្ទប់​ទឹក ពិសេស​នោះ​បើ​ខ្វះ​អនាម័យ​ក្នុង​ការ​រស់​នៅ បាក់តេរី […]

រោគសញ្ញាទូទៅ

ចំណុចមួយចំនួនប៉ាម៉ាក់គួរដឹង ការពាកុំឲ្យកូនក្ដៅខ្លួនប្រកាច់

ទោះ​បី​ជា កូន​ប្រកាច់​ព្រោះ​ក្ដៅ​ខ្លួន ពេល​ជា​សះ​ស្បើយ​វិញ​មិន​សូវ​មាន​ផល​ប៉ះពាល់​ដល់​ខួរ​ក្បាល បញ្ញា និង​ស្មារតី​ទៅ​ថ្ងៃ​មុខ​ក៏​ពិត​មែន តែ​ក៏​មិន​គួរ​ទុក​ឲ្យ​កូន​ក្ដៅ​ខ្លួន​ដល់​ប្រកាច់​ដែរ ភាគ​ច្រើន​កូន​ប្រកាច់​ព្រោះ​ក្ដៅ​ខ្លួន បណ្ដាល​មក​ពី​ការខ្វះ​ចំណេះ​ដឹង​របស់​ម៉ាក់​ប៉ា។ នេះ​បើ​តាម​ការ​ឲ្យ​ដឹង​ពី​លោក​វេជ្ជបណ្ឌិត ហ៊ាង រតនា ឯកទេស​ទូទៅ និង​ជំងឺ​កុមារ។ ចុចត្រង់នេះ ដឹងកាលវិភាគចាក់ថ្នាំបង្ការកូន លោក​បន្ត​ថា ជា​ធម្មតា កម្ដៅ​មនុស្ស​យើង​ទាំង​កូន​ក្មេង និង​មនុស្ស​ចាស់​គឺ​ចន្លោះ ៣៦-៣៧,៣ អង្សារសេ ចំណែក​ការ​ក្ដៅខ្លួន​ដល់​ប្រកាច់​របស់​កូន​ក្មេង​គឺ​ចាប់​ពី ៣៨,៥​អង្សារសេ (ទៅ​តាម​ក្មេង ក្មេង​កាន់​តែ​តូច កាន់​តែ​ងាយ​ប្រកាច់)។ ប៉ុន្មាន​ចំណុច​ខាង​ក្រោម​នេះ ជា​កំហុស​ឆ្គង​ម៉ាក់​ប៉ា​និយម​ធ្វើ​ពេល​កូន​ក្ដៅ​ខ្លួន​ឈាន​ដល់​ប្រកាច់​ដូច​ជា៖ – ជា​ទូទៅ​ពេល​ក្ដៅ​ខ្លួន អា​អូន​ក៏​ទទួល​បាន​អារម្មណ៍​រងា​ដែរ ហើយ​ភាគ​ច្រើន​ពេល​ឮ​កូន​ស្រែក​ថា​រងា ម៉ាក់​ប៉ា​តាំង​ទាញ​ភួយ ឬ​កន្សែង​មក​ដណ្ដប់​ឲ្យ​កូន ខ្លះ​ទៀត​ចាប់​កូន​កោស​ខ្យល់ ដែល​សកម្មភាព​ទាំង​នេះ​ឲ្យ​កម្ដៅ​កូន​កាន់​តែ​ក្ដៅ​ឡើង​ខ្លាំង។ – ពេល​កូន​ក្ដៅ​ខ្លួន យើង​ត្រូវ​ធ្វើ​ឲ្យ​ខ្លួន​កូន​ត្រជាក់ ដោយ​ជូត​ខ្លួន​នឹង​កន្សែង​សើម ឬ​ងូត​ទឹក (ខ្មែរ​យើង​ខ្លះ​មិន​ហ៊ាន​ជូត​ខ្លួន ឬ​ងូត​ទឹក​ឲ្យ​កូន​ទេ ព្រោះ​ខ្លាច​ទឹក​ចូល​សួត)។ ទាក់​ទង​នឹង​បញ្ហា​ទឹក​ចូល​សួត​នេះ គឺ​មិន​ពិត​ទេ វា​មិន​អាច​ជ្រាប​ចូល​តាម​ស្បែក​ដល់​សួត​កើត​ទេ។ – ពេល​កូន​ក្ដៅ​ខ្លួន ត្រូវ​ពាក់​អាវ​ស្ដើងៗ ឬ​ដោះ​ចេញ​ទាំង​អស់​តែ​ម្ដង​កាន់​តែ​ល្អ ដាក់​ឲ្យ​ត្រូវ​កង្ហារ ឬ​ម៉ាស៊ីន​ត្រជាក់ មិន​មែន​យក​ភួយ​ទៅ​រុំ​ខ្លួន​កូន​ទេ (ត្រូវ​ឲ្យ​កូន​ទ្រាំ រងា​ចំពោះ​ក្មេង​ធំ​បន្តិច ពេល​ត្រជាក់​ខ្លួន​វិញ​នឹង​បាត់​រងា​)។ វេជ្ជបណ្ឌិត​រូប​នេះ​ណែនាំ​បន្ថែម​ថា ដើម្បី​ចៀស​កូន​ប្រកាច់​ព្រោះ​ក្ដៅ​ខ្លួន គឺ​ពេល​ក្ដៅ​ខ្លួន​ម៉ាក់​ប៉ា​អាច​ឲ្យ​កូន​លេប​ថ្នាំ​បញ្ចុះ​កម្ដៅ​មិន​ត្រូវការ​​វេជ្ជបញ្ជា​បាន និង​ជូត​ខ្លួន​កូន ឬ​ឲ្យ​កូន​ងូត​ទឹក​រហូត​កូន​ត្រជាក់​ខ្លួន។ […]

រោគសញ្ញាទូទៅ

មិនចង់ឲ្យកូនទល់លាមករ៉ាំរ៉ៃ ម៉ាក់ប៉ាចាប់ផ្ដើមអនុវត្តតិចនិកប៉ុន្មាននេះ

កូន​ទល់លាមក​អាច​ជា​រឿង​​គួរ​ឲ្យ​បារម្ភ​មួយ​សម្រាប់​ម៉ាក់ប៉ា ជាពិសេស​ក្មេង​តូចៗ បើ​​ក្មេង​ធំៗ​អាច​ប្រាប់​ម៉ាក់ប៉ា​ពី​អាការៈ​ឈឺពោះ​របស់​ពួកគេ​បាន។ បញ្ហា​ទល់​លាមក​ម្ដង​ម្កាល​គឺ​ជា​រឿង​ធម្មតា ប៉ុន្តែ​ការ​ទល់​លាមក​រ៉ាំ​រ៉ៃ​មិន​មែន​ជា​រឿង​ធម្មតា​ទេ តែ​ច្រើន​មាន​លើ​កុមារ។ នេះ​បើ​តាម​ការ​ពន្យល់​ឲ្យ​ដឹង​ពី​លោក​ស្រី​វេជ្ជបណ្ឌិត កុសល កណិការ ឯកទេស​ជំងឺ​កុមារ សញ្ញា​ប័ត្រ​ពី​ប្រទេស​បារាំង។ ចង់ដឹងពី BMI របស់ខ្លួនអត់? គណនា BMI នៅទីនេះ បញ្ហា​ទល់​លាមក​ភាគ​ច្រើន​កើត​លើ​កុមារ​ដែល​ចាប់​ផ្ដើម​ញ៉ាំ​អាហារ​រឹង​បាន (ទារក​ចាប់​ពី​៦ខែ​ឡើង) ពី​ព្រោះ​ពោះវៀន​របស់​កុមារ​មាន​ការ​ប្រែ​ប្រួល​ចលនា ដោយ​សារ​តែ​យើង​បន្ថែម​អាហារ​ផ្សេងៗ​ពី​លើ​ទឹក​ដោះ​ម្ដាយ ឬ​ម្សៅ​ទឹក​ដោះ​គោ​ជាដើម។ លោក​ស្រី​បន្ត​ថា ប្រសិន​បើ​កូន​ទល់​លាមក ឬ​ទោះ​ជា​កូន​មិន​ទាន់​ទល់​លាមក​ក្ដី ម៉ាក់​ប៉ា​អាច​អនុវត្ត​តិចនិក​ប៉ុន្មាន​ខាង​ក្រោម​នេះ។ ទី១. បង្រៀន​កូន​បន្ទោបង់​ឲ្យ​បាន​ទៀង​ទាត់​ពេល​វេលា។ ពេល​វេលា​ល្អ​បំផុត​នោះ​គឺ​ពេល​ព្រឹក បន្ទាប់​ពី​អា​អូន​ញ៉ាំ​អាហារ​រួច ឬ​ក្រោយ​អា​អូន​ភ្ញាក់​ពី​គេង ព្រោះ​វា​ជា​ពេល​ដែល​សាច់ដុំ​ពោះ​វៀន​កន្ត្រាក់​ខ្លាំង ជាហេតុ​ជួយ​ឲ្យ​បត់​ជើង​បាន​ស្រួល។ ទី២. ដាក់​កូន​ឲ្យ​អង្គុយ​លើ​កន្ថោរ​សម​ស្រប​នឹង​គូទ​របស់​អា​អូន ដាក់​ជើង​ស្មើ​លើ​ឥដ្ឋ និង​ក្បាល​ជង្គង់​ឲ្យ​ខ្ពស់​ជាង​ត្រគាក​របស់​កូន។ ទី៣. ជួយ​ធ្វើ​ចលនា​ជើង​របស់​កូន (ចំពោះ​ទារក​តូច) ម៉ាក់​ប៉ា​អាច​ដាក់​កូន​គេង​ឲ្យ​រាប​ស្មើ​លើ​ពូក រួច​យើង​ធ្វើ​ចលនា​ជើង​អាអូន​ដូច​ពេល​យើង​ធាក់​កង់។ ទី៤. ព្យាយាម​ម៉ាស្សា​លើ​ពោះ​កូន​ដោយ​សង្កត់​តិច​ៗ ជា​រង្វង់​តាម​ទ្រនិចនាឡិកា ទី៥. ត្រូវ​មាន​របប​អាហារ​ត្រឹម​ត្រូវ​ឲ្យ​កូន ពិសេស​ឲ្យ​កូន​ញ៉ាំ​ទឹក​បាន​ច្រើន ផ្ដល់​ផ្លែ​ឈើ​សម្បូរ​ជាតិ​កាក​សរសៃ និង​ផ្ដល់​បន្លែ​ឲ្យ​កូន​ញ៉ាំ​ទើប​ល្អ។ ចង់ដឹងពីអត្ថន័យពណ៌ និងរូបរាងលាមកកូន ចុចទីនេះ  វេជ្ជបណ្ឌិត​រូប​នេះ​ឲ្យ​ដឹង​ទៀត​ថា ចំពោះ​ផ្លែ​ចេក ប្រសិន​បើ​ចេក​មិន​សូវ​ទុំ​អាច​ធ្វើ​ឲ្យ​ក្ដៀន តែ​បើ​ចេក​ទុំ​ល្អ​គឺ​ជួយ​បន្ទន់​លាមក។ ទម្លាប់​ក្នុង​ការ​បន្ទោ​បង់​សំខាន់​ណាស់​សម្រាប់​ការពារ និង​ព្យាបាល​បញ្ហា​ទល់​លាមក ហេតុ​នេះ​គួរ​ចាប់​បង្រៀន​កូន​ឲ្យ​មាន​ទម្លាប់​អង្គុយ​កន្ថោរ​បត់​ជើង​ឲ្យ​បាន​លឿន​នៅ​ពេល​កូន​ចេះ​អង្គុយ។​ កុំ​អនុញ្ញាត​ឲ្យ​កុមារ​មាន​ទម្លាប់​ឈរ​បន្ទោបង់​ព្រោះ​​ធ្វើ​ឲ្យ​ទល់​លាមក​កាន់​តែ​ខ្លាំង។

រោគសញ្ញាទូទៅ

ក្មេងៗកើតផ្ដាសាយធំ អាចរលាកសួតធ្ងន់ធ្ងរ និងប៉ះពាល់ខួរក្បាល

ជំងឺ​ផ្ដាសាយ​ធំ ជា​ជំងឺ​ផ្លូវ​ដង្ហើម​ប៉ះពាល់​ដល់​ច្រមុះ បំពង់​ក និង​សួត ហើយ​វា​ប៉ះពាល់​ដល់​សុខភាព​យើង​ធ្ងន់​ជាង​ផ្ដាសាយ​ធម្មតា ទាមទារ​ឲ្យ​មាន​ការ​ពិគ្រោះ​ត្រឹម​ត្រូវ​ជា​មួយ​ពេទ្យ​ទើប​ជា​មក​វិញ។ ដូច​គ្នា​ដែរ ក្មេង​ៗ​កើត​ផ្ដាសាយ​ធំ ក៏​អាច​មាន​គ្រោះ​ថ្នាក់​សុខភាព​ច្រើន​ដែរ បើ​ម៉ាក់​ប៉ា​រក​វិធី​ព្យាបាល​កូន​ត្រឹម​ត្រូវ។ ក្មេង​តូច​ងាយ​ឆ្លង​ជំងឺ​ផ្ដាសាយ​ធំ ពី​មនុស្ស​នៅ​ជុំ​វិញ​ខ្លួន​ណាស់​ពិសេស​ពី​មនុស្ស​ពេញ​វ័យ ឬ​សមាជិក​ក្នុង​ផ្ទះ​ជាដើម។ ជំងឺ​ផ្ដាសាយ​ធំ បើ​កើត​លើ​ក្មេង​មាន​អាយុ​ក្រោម ៥ឆ្នាំ (ពិសេស​ក្មេង​ក្រោម​២ឆ្នាំ) នឹង​មាន​ហានិភ័យ​ខ្ពស់​ក្នុង​ការ​វិវត្ត​ទៅ​រក​ភាព​ធ្ងន់ធ្ងរ ប្រសិន​បើ​ពួក​គេ​ឆ្លង។ ​ផ្ដាសាយ​ធំ​ - ផលប៉ះពាល់ មជ្ឈមណ្ឌល​ទប់​ស្កាត់ និង​ប្រឆាំង​ជំងឺ​ឆ្លង​អាមេរិក (CDC) បាន​ឲ្យ​ដឹង​ថា ក្មេង​ៗ​កើត​ផ្ដាសាយ​ធំ អាច​បណ្ដាល​ឲ្យ៖ រលាក​សួត​ធ្ងន់ធ្ងរ បាត់​បង់​ជាតិ​ទឹក ប្រឈម​នឹង​កើត​ជំងឺ​ហឺត បេះដូង ប៉ះពាល់​ដល់​ដំណើរ​ការ​ខួរក្បាល មាន​បញ្ហា​នៅ​Sinus ឬ​ឆ្លង​មេរោគ​ត្រចៀក​ជាដើម។ យ៉ាង​ណា​ក៏​ដោយ ម៉ាក់​ប៉ា​អាច​ការពារ​មិន​ឲ្យ​ក្មេងៗ​កើត​ផ្ដាសាយ​ធំ​បាន​ដោយ​ការ​យក​កូន​ទៅ​ទទួល​វ៉ាក់សាំង​ប្រឆាំង​នឹង​ជំងឺ​នេះ។ វ៉ាក់សាំង​ផ្ដាសាយ​ធំ​មិន​ត្រឹម​តែ​ផ្ដល់​នូវ​ការ​ការពារ​ដ៏​ល្អ​បំផុត​ប្រឆាំង​នឹង​ជំងឺ​ប៉ុណ្ណោះ​ទេ វា​ក៏​ជួយ​កាត់​បន្ថយ​ផល​វិបាក​ដែល​អាច​កើត​មាន និង​កាត់​បន្ថយ​អត្រា​ឆ្លង​ជំងឺ​ផ្ដាសាយ​ធំ​ទៅ​មនុស្ស​ជុំ​វិញ​ខ្លួន​ផង​ដែរ។ ​ផ្ដាសាយ​ធំ​ - វ៉ាក់សាំង អាច​ចាក់​បាន​ចំពោះ​ក្មេង​ចាប់​ពី​អាយុ​៦ខែឡើង​ទៅ ហើយ​មនុស្ស​ធំ​ក៏​អាច​ចាក់​វ៉ាក់សាំង​នេះ​ការ​ពារ​ខ្លួន​បាន​ដែរ៖ ក្មេង​អាយុ ៦ខែ-៩ឆ្នាំ៖ ត្រូវ​ចាក់ ២ដង (ក្រោយ​ចាក់​ពីរ​ដង​រួច ត្រូវ​ចាក់​រម្លឹក​១ដង/ឆ្នាំ) ក្មេង​អាយុ ៩ឆ្នាំ-មនុស្ស​ពេញ​វ័យ៖ ត្រូវ​ចាក់​តែ​ម្ដង និង​ចាក់​រម្លឹក​១ដង/ឆ្នាំ រៀងរាល់​ឆ្នាំ។ គួរស្វែងយល់បន្ថែម រោគសញ្ញាសំខាន់ៗបញ្ជាក់ប្រាកដថា យើងឈឺផ្ដាសាយធម្មតា ឬផ្ដាសាយធំ ការពារ​ខ្លួន​ពី​ជំងឺ​​គ្រុន​ផ្ដាសាយក្នុង​រដូវ​ភ្លៀង តាម​តិចនិក​នេះ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ […]

រោគសញ្ញាទូទៅ

វិធីងាយៗដោះស្រាយបញ្ហាគេងមិនលក់លើក្មេងៗកើតអូទីស្សឹម

ក្មេងៗកើតអូទីស្សឹមមួយចំនួនឧស្សាហ៍ជួបបញ្ហាគេងមិនលក់ ដែល​អាច​បណ្ដាល​មក​ពី​ការ​យល់​សប្ដិ​អាក្រក់ នោម​ដាក់​ពូក គេង​ឆាប់​ភ្ញាក់ ឬ​គុណភាព​គេង​ទូទៅ​មិន​ល្អ។ បញ្ហា​គេង​មិន​លក់​លើ​ក្មេងៗ អាច​បណ្ដាល​ឲ្យ​អា​អូនមាន​អារម្មណ៍​តប់​ប្រមល់ ឆាប់​ខឹង និង​ប៉ះពាល់​ដល់​សុខភាព​ទូទៅ​កូន។ នេះ​បើ​តាម​ការ​ឲ្យ​ដឹង​ពី American Academy of Paediatrics។ ចំពោះ​អា​អូន​កើត​អូទីស្សឹម​វិញ អាច​បណ្ដាល​ឲ្យ​កើត​ជំងឺ​បាក់​ទឹក​ចិត្ត ការ​និយាយ និង​ចងចាំ​មិន​ល្អ និង​បណ្ដាល​ឲ្យ​មាន​អាកប្បកិរិយា​មិន​សមរម្យ​កើត​ឡើង។ ប៉ុន្តែ តិចនិក​ងាយ​ៗ​ខាង​ក្រោម​នេះ អាច​ជួយ​កម្ចាត់​បញ្ហា​គេង​មិន​លក់​លើ​ក្មេងៗ​អូទីស្សឹម ជួយ​ឲ្យ​គេង​លក់​បាន​ស្រួល​។ ១. បន្ទប់​មាន​ផាសុកភាព បន្ទប់​អា​អូន​​គេង ត្រូវ​តែ​មាន​ផាសុកភាព មិន​ក្ដៅ មិន​ស្អុះ និង​​មិន​ត្រូវ​មាន​ពន្លឺ​ខ្លាំង​ពេក​ទេ។ ភាព​ស្អប់​ស្ងាត់​ក្នុង​បន្ទប់គេង ភាព​ងងឹត និង​ត្រជាក់​ស្រួល អាច​ជួយ​ឲ្យ​កូន​យើង​គេង​លក់​បាន​យ៉ាង​ស្កប់​ស្កល់។ ២. មាន​ទម្លាប់​ល្អ​មុន​គេង យើង​គួរ​បង្កើត​ទម្លាប់​គេង​ល្អ​ៗ​យ៉ាង​ហោច​ណាស់ ១ម៉ោង​មុន​អា​អូន​ចូល​គេង និង​អនុវត្ត​វា​ឲ្យ​ជាប់​ដូច​ជា ដុស​ធ្មេញ អាន​សៀវភៅ​រឿង គួរ​រូប ស្ដាប់​តន្ត្រី ឬ​ម៉ាស្សា​ដែល​ជួយ​ឲ្យ​កូន​មាន​អារម្មណ៍​ធូរ​ស្រាល ឆាប់​គេង​លក់​ស្រួល។ ៣. នាំ​អូន​ទៅ​លេង​ក្រៅ​ផ្ទះ តិចនិក​មួយ​ជួយ​ឲ្យ​អា​អូន​គេង​លក់​បាន​ស្រួល​នោះ​គឺ នាំ​អា​អូន​ចេញ​ទៅ​លេង​ក្រៅ​ផ្ទះ​ត្រូវ​ពន្លឺ​ថ្ងៃ និង​មើល​ធម្មជាតិ​ជាដើម។ ការ​ដែល​អា​អូន​ត្រូវ​កម្ដៅ​ថ្ងៃ​ពេល​ព្រឹក (ហាម​ឲ្យ​កូន​លេង​ក្រោម​ពន្លឺ​ថ្ងៃ ពេល​ថ្ងៃ​ត្រង់​ក្ដៅ​ខ្លាំង) ជួយ​បង្កើន​កម្រិត វីតាមីន D ជា​ហេតុ​ជួយ​ធ្វើ​ឲ្យ​អា​អូន​គេង​លក់​បាន​ស្រួល​ពេល​យប់។ ៤. ញ៉ាំ​ថ្នាំ​បំប៉ន Melatonin វិធី​កម្ចាត់​បញ្ហា​គេង​មិន​លក់​លើ​ក្មេង​ៗ​កើត​អូទីស្សឹម​មួយ​ទៀត​នោះ​គឺ​ឲ្យ​អា​អូន ញ៉ាំ​ថ្នាំ​បំប៉ន Melatonin មុន​ពេល​ជិត​ចូល​គេង។ […]

រោគសញ្ញាទូទៅ

មកដឹងមូលហេតុអាអូនតូចៗឈាមច្រមុះ និងវិធីដោះស្រាយ

ត្បិត​តែ​ឈាម​ច្រមុះ ជា​បញ្ហា​ទូទៅ​មួយ​ដែល​គ្នា​យើង​មួយ​ចំនួន​ធ្លាប់​បាន​ជួប​ប្រទះ ប៉ុន្តែ​បើ​វា​កើត​លើ​កូន​ក្មេង​ច្បាស់​ជា​បណ្ដាល​ឲ្យ​ម៉ាក់​ប៉ា​កើតជា​ក្ដី​បារម្ភ​ពី​សុខភាព​កូន​ហើយ។ មូលហេតុ​អា​អូន​តូច​ៗឈាម​ច្រមុះ​អាច​មាន​ច្រើន តែ​ភាគ​ច្រើន វា​មិន​ចោទ​ជា​បញ្ហា​ធំ​ដុំ​ដល់​សុខភាព​កុមារឡើយ ហេតុ​នេះ​ម៉ាក់​ប៉ា​មិន​ចាំ​បាច់​បារម្ភ​ពេក​ទេ។ ទាក់​ទង​នឹង​បញ្ហា​នេះ លោក​ស្រី​វេជ្ជបណ្ឌិត កុសល កណិការ ឯកទេស​ជំងឺ​កុមារ និង​ទារក ​នៃ​គ្លីនិក​កុមារ MommyDoctor បាន​ពន្យល់​ឲ្យ​ដឹង​ថា បញ្ហា​ឈាម​ច្រមុះ​នៅ​លើ​កុមារ ជា​បញ្ហា​មួយ​ដែល​យើង​ជួប​ញឹក​ញាប់​ក្នុង​ការ​រស់​នៅ​ប្រចាំ​ថ្ងៃ ហើយ​ក៏​ជា​ការ​ព្រួយ​បារម្ភ​របស់​ប៉ា​ម៉ាក់​ផង​ដែរ។ ចំពោះ​មូលហេតុ​អា​អូន​តូច​ៗ​ឈាម​ច្រមុះ​មាន​ដូច​ជា៖ ទី១. សរសៃ​ឈាម​ក្នុង​ច្រមុះ​កុមារ​មាន​ការ​ផុយ​ស្រួយ ងាយ​នឹង​ដាច់ ទី២. មូលហេតុ​អា​អូន​តូចៗ​ឈាម​ច្រមុះ អាច​ដោយ​សារ​អាលែកហ្ស៊ី រលាក​ច្រមុះ ឬ​ការ​រលាក​នៅ​​​ Sinus ទី៣. អា​អូន​​កង្វះ​វីតាមីន C ទី៤. សីតុណ្ហភាព​ក៏​ជា​មូលហេតុ​អា​អូន​តូច​ៗ​ឈាម​ច្រមុះ​ដែរ​ដូច​ជា ត្រជាក់​ពេក ឬ​ក្ដៅ​ពេក ទី៥. កូន​កេះ ឬ​អេះ​ច្រមុះ​ខ្លាំង​ពេក វេជ្ជបណ្ឌិត​សញ្ញាប័ត្រ​ពី​ប្រទេស​បារាំង​បាន​បន្ថែម​ឲ្យ​ដឹង​ពី​វិធី​ដោះ​ស្រាយ​ពេល​អា​អូន​ឈាម​ច្រមុះ​ដូច​ជា៖​ – ឲ្យ​កូន​អង្គុយ​លើ​កៅអី​ឲ្យ​ត្រង់​ខ្លួន និង​ងើយ​ក្បាល​កូន​ឡើង​លើ​បន្តិច (ចៀស​វាង​ងើយ​ឡើង​លើ​ខ្លាំង) – ចៀស​វាង​ឲ្យ​កូន​អង្គុយ​ផ្អែក​ខ្លួន​លើ​កៅអី ព្រោះ​វា​អាច​បណ្ដាល​ឲ្យ​ឈាម​ហូរ​ចូល​បំពង់​ក បង្ក​ជា​ឈ្លក់​ – យក​កន្សែង​ត្រជាក់​ស្អំ​លើ​ច្រមុះ​កូន​រយៈ​ពេល​១០​នាទី – ឲ្យ​កូន​សម្រាក​ក្រោយ​បាត់​ហូរ​ឈាម និង​ចៀស​វាង​ឲ្យ​កូន​ខំ​ប្រឹង​ញើស​សម្បោរ កេះ ឬ​ញី​ច្រមុះ​ខ្លាំង។ ពេល​ណា​គួរ​យក​កូន​ទៅ​ពេទ្យ? ក្នុង​ករណី​ដែល​ម៉ាក់​ប៉ា​ឃើញ​កូន​ឈាម​ច្រមុះ ដូច​រៀប​រាប់​ខាង​ក្រោម​នេះ គួរ​យក​កូន​ទៅ​ពិនិត្យ​ជាមួយ​គ្រូពេទ្យ​ឲ្យ​បាន​ត្រឹម​ត្រូវ៖ ឈាម​ច្រមុះ​ញឹកញាប់ មាន​ញ៉ុក​របស់​របរ​ចូល​ច្រមុះ របួស​តូច​តែ​ហូរ​ឈាម​ខ្លាំង ហូរ​ឈាម​បណ្ដាល​ឲ្យ​អា​អូន​ឈឺ​ក្បាល ឬ​ខ្សោយ ហូរ​ឈាម​ច្រមុះ​ដោយ​សារ​ប៉ះ​ទង្គិច​ក្បាល។ល។

រោគសញ្ញាទូទៅ

រោគសញ្ញា និងវិធីដោះស្រាយ ពេលកូនរពឹសញ៉ុករបស់របរចូលច្រមុះ ឬត្រចៀក

កូន​តូចៗអាចញ៉ុក​របស់​ចូល​ច្រមុះ ឬ​ត្រចៀក ម៉ាក់​ប៉ា​ត្រូវ​តាមដាន​ឲ្យ​ជាប់ ពិសេស​វ័យ​អា​អូន​ចេះ​វារ ឬ​ដើរ​ខ្លួន​ឯង ព្រោះ​វា​ជា​វ័យ​ដែល​ក្មេង​តូច​ៗ​ឆ្ងល់​ច្រើន។ ជា​ទូទៅ ក្មេង​ខ្លះ ពេល​មាន​របស់​ជាប់​ក្នុង​ច្រមុះ ឬ​ត្រចៀក មិន​ហ៊ាន​ប្រាប់​ម៉ាក់​ប៉ា​ទេ ហើយ​ខ្លះ​ស្រែក​យំ​ឲ្យ​ម៉ាក់​ប៉ាជួយ តែ​មិន​ដឹង​ជា​ជួយ​តាម​វិធី​ណា​ល្អ ចៀសវាង​រុក​របស់​កាន់​តែ​ជ្រៅ​ចូល​ច្រមុះ ឬ​ត្រចៀក​កូន។ សញ្ញា​បង្ហាញ​ថាកូន​ញ៉ុក​របស់​ចូល​ច្រមុះ ឬ​ត្រចៀក ​អា​អូន​អាច​មាន​វត្ថុ​ជាប់​ក្នុង​ត្រចៀក ប្រសិន​បើ​មាន​ណា​មួយ​ដូច​ខាង​ក្រោម៖ ត្អូញ​ថា ឈឺ​ត្រចៀក ទឹក​ហៀរចេញ​ពី​ត្រចៀក ស្ដាប់​មិន​សូវ​ឮ យក​ដៃ​កេះ ឬ​ទាញ​ត្រចៀក​ញឹក អា​អូន​អាច​មាន​វត្ថុ​ជាប់​ក្នុងច្រមុះ ប្រសិន​បើ​មាន​សញ្ញាណា​មួយ​ដូច​ខាង​ក្រោម៖ ធុំ​ក្លិន​ស្អុយ ឬ​សម្បោរ​ពណ៌​លឿង ឬ​លាយ​ឈាម​ចេញ​ពី​ច្រមុះ ពិបាក​ដក​ដង្ហើម ឬ​ដក​ដង្ហើម​តាម​មាត់ ចុះ​ប៉ា​ម៉ាក់​ត្រូវ​ធ្វើ​យ៉ាងណា​ បើកូន​ញ៉ុក​របស់​ចូល​ច្រមុះ ឬ​ត្រចៀក? ១. កុំ​ព្យាយាម​រុក​យក​វត្ថុ​នោះ​ចេញ​ពី​ច្រមុះ ឬ​ត្រចៀក​កូន​ដោយ​ខ្លួន​ឯង ព្រោះ​វា​អាច​រុញ​វត្ថុ​នោះ​ចូល​កាន់​តែ​ជ្រៅ រឹត​តែ​ពិបាក​យក​ចេញ ២. កុំ​ចាក់​ទឹក​ចូល​ច្រមុះ ឬ​ត្រចៀក​កូន ការ​ដែល​ព្យាយាម​យក​វត្ថុ​ចេញ​ពី​ច្រមុះ ឬ​ត្រចៀក​ក្មេង​ដោយ​មិន​មាន​ឧបករណ៍​ត្រឹម​ត្រូវ ឬ​ជំនាញ​ទេ​នោះ អាច​បង្ក​ការ​ឈឺ​ចាប់​ដល់​កូន​កាន់​តែ​ខ្លាំង និង​អាច​ធ្វើ​ឲ្យ​របស់​នោះ​ចូល​កាន់​តែ​ជ្រៅ​ទៅ​ក្នុង​រន្ធ​ច្រមុះ ឬ​ត្រចៀក រឹត​តែ​ពិបាក​យក​ចេញ​ពី​ខាង​ក្រៅ។ យក​ល្អ ពេល​ដែល​ម៉ាក់​ប៉ា​ដឹង​ថា​កូន​ញ៉ុក​របស់​ចូល​ច្រមុះ ឬ​ត្រចៀក គួរ​នាំ​កូន​ទៅ​មន្ទីរពេទ្យ​ជំនាញ​ផ្នែក​ក្មេង ឬ​ជួប​គ្រូពេទ្យ​ឯកទេស​ត្រចៀក ច្រមុះ និង​បំពង់​ក ព្រោះ​គ្រូពេទ្យ​មាន​ជំនាញ និង​ឧបករណ៍​ចាំ​បាច់ សម្រាប់​ទាញ​យក​វត្ថុ​ដែល​ជាប់​ក្នុង​ច្រមុះ ឬ​ត្រចៀក​កូន​ចេញ​មក​ក្រៅ។ ស្រប​គ្នា​នេះ ម៉ាក់​ប៉ា​ក៏​ត្រូវ​ចេះ​ប្រយ័ត្ន​ប្រយែង​ទុក​ដាក់​របស់​របរ​តូច​ៗ​ដែល​កូន​អាច​យក​មក​លេង ឲ្យ​ឆ្ងាយ​ពី​ដៃ​កូន ពិសេស​នោះ​គឺ​គ្រាប់​អង្កាំ​តូចៗ ឬ​ថ្ម​ពិល​តូច​ៗ​មាន​ក្នុង​តុក្កតា​ក្មេង​លេង​ជាដើម។​

រោគសញ្ញាទូទៅ

អាអូនក្ដៅខ្លួនដល់កម្រិតនេះហើយ ត្រូវនាំកូនទៅជួបពេទ្យឲ្យលឿន

អាការៈ​ក្ដៅ​ខ្លួន ជា​បញ្ហា​ទូទៅ​មួយ​អា​អូន​តូច​ៗ​កើត​ញឹក​ញាប់​មែន​ទែន រហូត​ម៉ាក់​ប៉ា​មួយ​ចំនួន​មិន​ច្បាស់​ថា ក្ដៅ​ខ្លួន​បែប​ណា​មិន​បាច់​បារម្ភ​ពេក និង​ក្ដៅ​ខ្លួន​ពេល​ណា​គួរ​នាំ​កូន​ទៅ​ជួប​ពេទ្យ។ ត្បិត​តែ​វា​ជា​អាការៈ​ទូទៅ ប៉ុន្តែ​បើ​ធ្វេស​ប្រហែស​វា​ក៏​អាច​គំរាម​កំហែង​ដល់​សុខភាព​កូន​យើង​។ ដើម្បី​ផ្ដល់​ជា​ជំនួយ​ដល់​ម៉ាក់​ប៉ា​គ្រប់​រូប លោក​ស្រី​វេជ្ជបណ្ឌិត កុសល កណិការ ឯក​ទេស​ជំងឺ​កុមារ និង​ទារក​បាន​ពន្យល់​ឲ្យ​ដឹង​ថា ដោយ​សារ​ស្ថានភាព​ឥឡូវ​នេះ ពិបាក​រក​ពេទ្យ​ព្យាបាល ពិសេស​ពេល​កូន​ឈឺ ​ឬ​ក្ដៅ​ខ្លួន ម៉ាក់​ប៉ា​មួយ​ចំនួន​មិន​ដឹង​ថា គួរ​ប្រញាប់​យក​កូន​ទៅ​ពេទ្យ ឬ​គួរ​តែ​តាមដាន​សុខភាព​កូន​នៅ​ផ្ទះ​សិន​ ឬ​យ៉ាង​ណា។ យ៉ាង​ណា​មិញ ខាង​ក្រោម​នេះ​ជា​សញ្ញា​អាការៈ​ក្ដៅ​ខ្លួន​កើត​ឡើង​លើ​ទារក ឬ​កុមារ ម៉ាក់​ប៉ា​គួរ​នាំ​កូន​ទៅ​ពេទ្យ បើ​សង្កេត​ឃើញ​ថា អា​អូន​​មានអាការៈ​ដូច​ខាង​ក្រោម៖ ទារក៖ អាយុ​ក្រោម​៣ខែ បៅ​តិច​ជាង​ធម្មតា កម្ដៅ​ត្រឹម ឬ​លើស ៣៨ អង្សាសេ កុមារ៖ ក្អួត រាករូស (លើស៣ដង/ថ្ងៃ) នោម​តិច​ខុស​ធម្មតា សន្លឹម មិន​លេង​ច្រើន​ដូច​ធម្មតា ឈឺ​ក្បាល ក្ដៅ​ខ្លួន​លើស​៣ថ្ងៃ​​​ បន្ថែម​ពី​លើ​នេះ​លោក​ស្រីវេជ្ជបណ្ឌិត​បន្ត​ថា អាការៈ​ក្ដៅ​ខ្លួន​មួយ​ចំនួន​អាច​ជា​សញ្ញា​នៃ​ជំងឺ​រលាក​ស្រោម​ខួរ​លើ​កុមារ ហេតុ​នេះ​ហើយ​ម៉ាក់​ប៉ា​ត្រូវ​តែ​មាន​ការ​ប្រយ័ត្ន​ខ្លាំង ពិសេស​ចំពោះ​កូន​តូច។ ប៉ុន្តែ ប្រសិន​បើ​អា​អូន​មាន​អាយុ​ច្រើន​ដែរ​ហើយ ម៉ាក់​ប៉ា​អាច​ផ្ដល់​ថ្នាំ​បញ្ចុះ​កម្ដៅ​ឲ្យ​កូន និង​បន្ត​តាម​ដាន​សុខភាព​កូន​សិន បើ​ផ្ដល់​ថ្នាំ​ហើយ​អា​អូន​នៅ​តែ​មិន​ធូរ​ស្បើយ គួរ​យក​កូន​ទៅ​ពេទ្យ​ឲ្យ​បាន​លឿន។​

រោគសញ្ញាទូទៅ

ម៉ាក់ប៉ាឆ្ងល់ទេ ហេតុអ្វីអាអូនត្អូញឈឺចុកជើងពេលយប់ៗឡើង?

បញ្ហា​កូន​ឈឺ​ចុក​ជើង យប់​ៗ​ឡើង ម៉ាក់​ប៉ា​ច្បាស់​ជា​ឆ្ងល់​ហើយ​ថា ហេតុ​អី​បាន​អា​អូន​ចេះ​តែ​ត្អូញ​ឈឺ​ជើង​ញឹក​ញាប់ ជួន​កាល​កំពុង​គេង​ៗ ក៏​ត្អូញ​ថា​ឈឺ​ជើង បណ្ដាល​ឲ្យ​ភ្ញាក់​ក៏​មាន។ តាម​ពិត អាការៈ​ឈឺ​ជើង​ពេល​យប់​លើ​កុមារ អ្នក​ជំនាញ​ថា ភាគ​ច្រើន​មិន​មែន​ជា​បញ្ហា​ដែល​ម៉ាក់​ប៉ា​គួរ​បារម្ភ​ទេ។ ទាក់​ទង​នឹង​បញ្ហា​នេះ លោក​ស្រី​វេជ្ជបណ្ឌិត កុសល កណិការ ឯកទេស​ជំងឺ​កុមារ និង​ទារក​នៃ​គ្លីនិក​កុមារ MommyDoctor បាន​ឲ្យ​ដឹង​ថា បញ្ហា​កូន​ឈឺ​ចុក​ជើង​ពេល​យប់ (ភាសា​បច្ចេកទេស Growing Pain) ជា​ការ​ឈឺ​ចាប់​បញ្ជាក់​ពី​ការ​លូតលាស់​ជើង​របស់​កុមារ។ ការ​ឈឺ​ជើង​ពេល​យប់​នេះ ច្រើន​កើត​មាន​លើ​អា​អូន​អាយុ​ចន្លោះ​ចាប់​ពី ៣-៥ឆ្នាំ និង​អាយុ៣-១២​ឆ្នាំ ។ លោក​ស្រី​បន្ត​ថា បញ្ហា​កូន​ឈឺ​ចុក​ជើង​នេះ ច្រើន​កើត​ឡើង​នៅ​លើ​ក្មេង​ស្រី ច្រើន​ជាង​ក្មេង​ប្រុស និង​កើត​ឡើង​នៅ​ពេល​យប់ ឬ​ពេល​អា​អូន​កំពុង​គេង ហើយ​វា​ក៏​មិន​កើត​ឡើង​ជា​រៀងរាល់​ថ្ងៃ​ដែរ។ ចំពោះ ​Growing Pain នៅ​មិន​ទាន់​ដឹង​ពី​មូល​ហេតុ​ច្បាស់​លាស់​ថា វា​បង្ក​ឡើយ​ដោយសារ​អ្វី​ទេ ប៉ុន្តែ​មាន​ការ​សន្និដ្ឋាន​ខ្លះ​ៗ​ថា កូន​ឈឺ​ចុក​ជើង​ពេល​យប់ អាច​ដោយ​សារ​ពេល​ថ្ងៃ​អា​អូន​រត់​លេង ឬ​ធ្វើ​សកម្មភាព​ជើង​ខ្លាំង​ពេក។ អាការៈ​ឈឺ​ចុក​ជើង​ពេល​យប់​លើ​ក្មេង ជា​ធម្មតា​កើត​នៅ​លើ​ជើង​ទាំង​សង​ខាង តំបន់​ភ្លៅ កំភួន​ជើង និង​ផ្នែក​ខាង​ក្រោយ​ជង្គង់។ កូន​ឈឺ​ចុក​ជើង​នៅ​ពេល​ជា​បញ្ហា​តូច​តាច​មួយ​ដែល​វា​មិន​បង្ក​ជា​ក្ដី​បារម្ភ ឬ​ប៉ះពាល់​ដល់​សុខភាព​អា​អូន​ទេ។ រាល់​ពេល​អា​អូន ឈឺ​ជើង ម៉ាក់​ប៉ា​អាច​ម៉ាស្សា ឬ​ច្របាច់​ជើង​សម្រួល​ដល់​អាការៈ​របស់​កូន​បាន។ វេជ្ជបណ្ឌិត​រូប​នេះ​បន្ត​ថា ទោះ​ជា​កូន​ឈឺ​ចុក​ជើង​ពេល​យប់​មិន​បង្ក​ជា​បញ្ហា​គួរ​ឲ្យ​បារម្ភ ម៉ាក់​ប៉ា​ក៏​មិន​ត្រូវ​ធ្វេស​ប្រហែស​ដែរ។ […]

រោគសញ្ញាទូទៅ

បារម្ភកូនក្អកស្លេស្ម តឹងចម្រុះពេលគេង សាកល្បងដោះស្រាយតាមតិចនិកប៉ុន្មាននេះ

អាការៈ​ក្អកស្លេស្ម តឹងច្រមុះ កើត​លើ​ក្មេងៗ​អាច​បណ្ដាល​មក​ពី​កត្តា​ច្រើន ដូច​ជា​ផ្ដាសាយ​ធម្មតា ផ្ដាសាយ​ធំ ឆ្លង​មេរោគ ឬ​ជំងឺ​ហឺត​ជា​ដើម។ មាន​អា​អូន​មួយ​ចំនួន​ឈឺ​ក្អក​ឡើង​ស្លេស្ម និង​តឹង​ច្រមុះ ពិបាក​គេង​នៅ​ពេល​យប់ ធ្វើ​ឲ្យ​ម៉ាក់​ប៉ា​បារម្ភ​ខ្លាំង ព្រោះ​អា​អូន​ឈឺ​ហើយ ដោយ​សារ​ក្អក​ខ្លាំង គេង​យប់​អត់​បាន​ទៀត។ តើ​មាន​វិធី​ណា​អាច​ជួយ​ដោះ​ស្រាយ​បញ្ហា​នេះ កុំ​ឲ្យ​នាំ​ទុក្ខ​ដល់​កូន​ឬ​អត់? ភាគ​ច្រើន អាការៈ​ក្អក​កាន់​តែ​យ៉ាប់យ៉ឺន​នៅ​ពេល​យប់។ ពេល​អា​អូន​ឈឺ​ផ្ដាសាយ ទឹក​សម្បោរហៀរ​ចេញ​ពី​ប្រហោង​ច្រមុះ​ខាង​ក្នុង​ចូល​ទៅ​បំពង់​ក បណ្ដាល​ឲ្យ​កូន​ក្អក​ពេល​យប់។ ម៉្យាង ជំងឺ​ហឺត​ក៏​អាច​បណ្ដាល​ឲ្យ​អា​អូន​ក្អក​នៅ​ពេល​យប់​ដែរ ដោយសារ​ផ្លូវ​ដង្ហើម​ងាយ​ទទួល​ផល​រំខាន​ពេល​យប់។ តិចនិក​ដោះ​ស្រាយ​បញ្ហា​កូន​ក្អក និង​តឹង​ច្រមុះ​ពេល​យប់ អាការៈ​ក្អក បើ​អា​អូន​កើត​ជំងឺ​ហឺត ម៉ាក់​ប៉ា​ត្រូវ​ត្រៀម​បំពង់​ហឺត ឬ​ថ្នាំហឺត​តាម​វេជ្ជបញ្ជា​នៅ​ក្បែរ​ខ្លួន ទុក​ពេល​អា​អូន​ធ្វើ​ទុក្ខ​ពេល​យប់ ឲ្យ​អា​អូន​ញ៉ាំ​ទឹក​ត្រជាក់ ដើម្បី​សម្រួល​បំពង់ក​កូន (ទឹក​ត្រជាក់​គ្មាន​ទឹក​កក) ឬឲ្យ​កូន​ញ៉ាំ​ទឹក​ក្ដៅ​លាយ​ជាមួយ​ទឹក​ឃ្មុំ(២ កូន​ស្លាប​ព្រា​កាហ្វេ) ព្រោះ​វា​អាច​រំលាយ​ស្លេស្ម​ក្នុង​បំពង់​ក​បាន (ក្មេងអាយុលើ១ឆ្នាំ ទើប​អាច​ញ៉ាំ​ទឹក​ឃ្មុំ​បាន) បន្ថែម​ខ្នើយ​ឲ្យ​អា​អូន​ដាក់​ក្បាល​ឲ្យ​ខ្ពស់ ទប់​ស្កាត់​ផល​រំខាន​ដល់​បំពង់ក​ តឹង​ច្រមុះ ប្រើ​ម៉ាស៊ីន​បន្សុទ្ធ​ខ្យល់​នៅ​ក្នុង​បន្ទប់​កូន​គេង ពេល​កូន​មាន​អាការៈ​តឹង​ច្រមុះ មធ្យោ​បាយ​ដំបូង ​គឺបន្តក់​សេរ៉ូម​ប្រៃ​ចូល​ច្រមុះ​កូន​ទាំង​សង​ខាង។ វិធី​នេះ​អាច​ជួយ​សម្រួល​ការ​កក​ស្ទះ​សម្បោរ​ដែល​មាន​នៅ​ក្នុង​ច្រមុះ​កូន នៅ​ពេល​​តឹង​ច្រមុះ ហៀរសម្បោរ វា​អាច​កក​ទៅ​ជា​អាចម៍ច្រមុះ​ដែល​អាច​ធ្វើ​ឲ្យ​កូន​ពិបាក​ដក​ដង្ហើម ដូចនេះ ម៉ាក់​ប៉ា​គួរ​សម្អាត​អាចម៍​ច្រមុះ​កូន​ជាប្រចាំ ដើម្បី​ឲ្យ​កូន​ងាយ​ស្រួល​ដកដង្ហើម​ ពេល​ណា​គួរ​នាំ​កូន​ជួប​គ្រូពេទ្យ? បន្ថែម​ពី​លើ​អាការៈ​ក្អក​ស្លេស្ម និង​តឹង​ច្រមុះ ម៉ាក់​ប៉ា​គួរ​តែ​នាំ​កូន​ទៅ​ជួប​គ្រូពេទ្យ ក្នុង​ករណី​អា​អូន​មាន​រោគ​សញ្ញា​ដូច​ជា ពិបាក​ដក​ដង្ហើម ឬ​ដក​ដង្ហើម​លឿន (ខំ​ប្រឹង​ដក​ដង្ហើម) បបូរ​មាត់ មុខ អណ្ដាត​ឡើង​ស្លេក ឬ​ស្វាយ ក្ដៅ​ខ្លួន​ខ្លាំង […]