ចិញ្ចឹមកូន

ចូលដល់រដូវរងា ស្បែកកូនងាយស្ងួត និងរបក ប៉ាម៉ាក់អាចសាកតិចនិកទាំងនេះ

ដល់ចូលរដូវរងាភ្លាម ស្បែកទារកទើបកើត និងកុមារតូចៗងាយប្រឈមនឹងបញ្ហាស្បែកមួយចំនួន ដូចជាស្ងួត របក និងរលាក។ អ៊ីចឹងហើយ ប៉ាម៉ាក់ចាំបាច់ត្រូវគិតគូរពីវិធីសាស្រ្តការពារស្បែកកូនជាទីស្រលាញ់ ដើម្បីជៀសឆ្ងាយពីបញ្ហាខាងលើ។ តស់! មកដឹងពីគន្លឹះទាំង ៥ ដើម្បីជួយឱ្យស្បែកកូនទាំងអស់គ្នា! ១. ស្លៀកសំលៀកបំពាក់រដូវរងា កត្តាចម្បងក្នុងការការពារស្បែកក្មេង គឺការជ្រើសរើសសំលៀកបំពាក់ត្រឹមត្រូវទៅតាមរដូវកាល។ បន្ថែមពីនេះ យើងអាចពាក់មួក ឬស្រោមដៃ រួមទាំងកន្សែងបង់ក ដើម្បីការពារស្បែកអាអូនពីការរលាក និងស្ងួតគ្រើម។ ចង់គណនាថ្ងៃមេជីវិតញីទុំធ្លាក់ ចុចទីនេះ! ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់ដឹងអត្ថន័យពណ៌ និងរូបរាងលាមកទារក ចុចទីនេះ! ២. លាបឡេកាពារកម្តៅថ្ងៃ មិនថាជារដូវក្តៅ ឬរដូវរងាទេ ប៉ាម៉ាក់ចាំបាច់លាបឡេការពារកម្តៅថ្ងៃឱ្យកូនតូច ពីព្រោះទោះស្ថិតក្នុងអាកាសធាតុបែបណា កាំរស្មីUV នៅតែអាចបំផ្លាញស្បែករបស់កូនជាទីស្រលាញ់របស់ប៉ាម៉ាក់បានដូចគ្នា។ [embed-health-tool-baby-poop-tool] ៣. ប្រើឡេផ្តល់សំណើមជាទៀងទាត់ បើប៉ាម៉ាក់ចង់ឱ្យស្បែកកូនមានសុខភាពល្អនៅរដូវរងានេះ ប៉ាម៉ាក់កុំរំលងឡេផ្តល់សំណើម។ ដូចនេះ គួរលាបឡេផ្តល់សំណើមស្តើងៗបន្ទាប់ពីងូតទឹករួចភ្លាមៗ មុនពេលស្លៀកសំលៀកបំពាក់ឱ្យកូន។ ទោះជាស្បែកកូនមើលទៅមិនសូវស្ងួត ឬរបក ប៉ុន្តែអាអូនក៏អាចជួបបញ្ហារមាស់ស្បែកផងដែរ។ ៤. ចំណាយលើម៉ាស៊ីនផ្តល់សំណើម ការប្រើម៉ាស៊ីនផ្តល់សំណើម អាចជួយឱ្យខ្យល់មានសំណើម និងបញ្ចៀសបញ្ហាស្បែកស្ងួត រមាស់ ស្ងួតក និងឈាមច្រមុះលើកុមារបាន។ ៥. កាត់បន្ថយរយៈពេលងូតទឹក ងូតទឹកឱ្យកូនយូរពេក អាចធ្វើឱ្យស្បែកកូនស្ងួត និងរបកអំឡុងពេលរដូវរងានេះ ជាពិសេស បើប៉ាម៉ាក់មិនបានលាបឡេផ្តល់សំណើមភ្លាមៗឱ្យកូនបន្ទាប់ពីងូតទឹករួច។ ហេតុនេះហើយ ប៉ាម៉ាក់មិនគួរងូតទឹកឱ្យកូនលើសពី១០នាទីនោះទេ។ ចំណុចសំខាន់ ចូលដល់រដូវរងា ស្បែកកូនងាយស្ងួត និងរលាក ប៉ាម៉ាក់អាចសាកតិចនិកទាំង៥នេះ ដល់ចូលរដូវរងាភ្លាម ស្បែកទារកទើបកើត […]

បញ្ហាសុខភាពកុមារផ្សេងទៀត

កូនតូចៗចូលចិត្តញ៉ាំចំណីចំណុកផ្អែមៗ ប្រឈមបញ្ហាសុខភាពច្រើនយ៉ាង

សម្រាប់អ្នកម្ដាយមានកូនតូចប្រហែលជាជួបរឿងឈឺក្បាលមួយ គឺបញ្ហាកូនតូចចូលចិត្តញ៉ាំស្ករគ្រាប់ ការ៉េម ភេសជ្ជៈកំប៉ុងជាដើម។ បើតាមលោកស្រីវេជ្ជបណ្ឌិត ហួរ ដានេ អនុប្រធាននាយកដ្ឋានអាហារូបត្ថម្ភ នៃមន្ទីរពេទ្យកុមារជាតិ បានឲ្យដឹងថាចំណីចំណុកអស់ទាំងនោះអាចធ្វើឲ្យកូនជួបបញ្ហាសុខភាពជាច្រើនដូចជា៖ ១- ខូចធ្មេញ ចំណីអាហារ ឬភេសជ្ជៈដែលមានរសជាតិផ្អែមខ្លាំងពេកធ្វើឲ្យកូនឆាប់ខូចធ្មេញទាំងវ័យក្មេង ហើយវាបង្កឲ្យមានការឈឺចុកចាប់ដល់ក្មេងថែមទៀតផង ដូចនេះមិនគួរឲ្យកូនញ៉ាំអាហារណាមានជាតិផ្អែមខ្លាំង និងញឹកញាប់ឡើយ។ ព្យាយាមរករូបដែលទទួលរងផលប៉ះពាល់ដោយសារការញ៉ាំផ្អែមមកពន្យល់ ដើម្បីឲ្យកូនខ្លាចរអា។ ២- ទឹកនោមផ្អែម ក្មេងតូចៗដែលផឹកគ្រឿងកំប៉ុងតាំងពីតូច អាចប្រឈមបញ្ហាទឹកនោមផ្អែម ដែលជំងឺនេះមិនអាចព្យាបាលបានឡើយ។ ដោយសារតែប្រព័ន្ធការពាររាងកាយមិនទាន់រឹងមាំ និងជាតិស្ករមានក្នុងភេសជ្ជៈទាំងនោះច្រើនលើសពីតម្រូវការនៃរាងកាយដែលត្រូវប្រើប្រាស់។ ៣- ហានិភ័យជំងឺបេះដូង ទោះបីជាក្មេងមិនសូវជួបប្រទះច្រើនក៏ពិតមែន តែវានៅតែអាចកើតឡើងបានដដែល ប្រសិនបើញ៉ាំក្នុងកម្រិតខ្ពស់ពេក។ ក្រៅពីជួបហានិភ័យជំងឺបេះដូង ក្មេងញ៉ាំអាហារផ្អែមៗពេកអាចធាត់ខ្លាំង មានជាតិស្ករក្នុងឈាម និងជំងឺជាច្រើនទៀត។ ដូចនេះគួរតែបង្រៀនកូនឲ្យអាហារមានជាតិស្ករក្នុងកម្រិតល្មម ហើយបញ្ឈប់ភេសជ្ជៈកំប៉ុង ស្ករគ្រាប់ តែងាកមកឲ្យកូនញ៉ាំផ្លែឈើ ឬទឹកផ្លែឈើជំនួសវិញ។ ដើម្បីកាត់បន្ថយការញ៉ាំអាហារផ្អែមរបស់កូន យើងគួរចាប់ផ្ដើមពីអាហារសម្រន់ ដូចជាពេលកូនទៅរៀនយើងអាចដាក់ផ្លែឈើ នំធ្វើខ្លួនឯង ឬចេក និងដំឡូងស្ងោរជំនួស និងកាត់បន្ថយការប្រាក់សម្រាប់ទិញចំណីផ្សេងៗ។ អត្ថបទពាក់ព័ន្ធ៖ ហេតុផលម៉ាក់ៗមិនគួរបណ្ដោយឲ្យកូនតូចៗផឹកទឹកកក រូបមន្តចិញ្ចឹមកូនឲ្យលូតលាស់ល្អ រាងកាយមាំមួន ខួរក្បាលឆ្លាត ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕