ត្រួតពិនិត្យដោយ គ្រូពេទ្យឯកទេស. វេជ្ជបណ្ឌិត យ៉ានណែត ឧត្តមដាញ៉ែល · ជំងឺឆ្លង · បន្ទប់ពិគ្រោះព្យាបាល ឧត្តមដាញ៉ែល
ជំងឺរលាកសន្លាក់ដោយការឆ្លងរោគ បង្កឲ្យមានការឈឺចាប់នៅក្នុងសន្លាក់។ ជំងឺនេះ អាចកើតឡើងនៅពេលមានការឆ្លងរោគពីផ្នែកណាមួយនៃរាងកាយ រាលដាលទៅដល់សន្លាក់ ឬសារធាតុរាវនៅជុំវិញសន្លាក់។ មេរោគបង្កឲ្យរលាកសន្លាក់អាចចូលទៅក្នុងរាងកាយយើងអំឡុងពេលវះកាត់ ឬតាមរយៈមុខរបួស។ ការឆ្លងរោគនៅសន្លាក់នេះ ជាធម្មតាកើតមានលើសន្លាក់តែមួយប៉ុណ្ណោះ។
ការរលាកសន្លាក់ដោយការឆ្លងរោគភាគច្រើនបង្កឡើងដោយសារបាក់តេរី។ បាក់តេរីដែលឧស្សាហ៍បង្កឲ្យមានបញ្ហានេះ គឺ Staphylococcus aureus ជាបាក់តេរីរស់នៅលើស្បែកធម្មតារបស់យើង។ មូលហេតុបង្កឲ្យមានការឆ្លងរោគនៅសន្លាក់ផ្សេងទៀតអាចជាវីរុស ឬមេរោគផ្សិតផងដែរ។
ករណីភាគច្រើន ការឆ្លងរោគនៅសន្លាក់ កើតមានឡើងនៅពេលដែលរាងកាយមានឆ្លងរោគនៅកន្លែងណាមួយ ហើយមេរោគនោះបានធ្វើដំណើរតាមចរន្តឈាមចូលទៅកាន់សន្លាក់។ ករណីកម្រខ្លះ មេរោគឆ្លងនេះ អាចចូលទៅកាន់សន្លាក់ដោយផ្ទាល់តាមរយៈមុខរបួស ឬការវះកាត់លើ ឬក្បែរសន្លាក់។
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
ជាទូទៅរោគសញ្ញានៃជំងឺរលាកសន្លាក់ដោយការឆ្លងរោគ ច្រើនកើតមានឡើងយ៉ាងឆាប់រហ័សដោយមានទាំងការ ហើម ឈឺចាប់ គ្រុនក្ដៅ និងគ្រុនរងា។ សន្លាក់ដែលឆ្លងរោគ ច្រើនកើតមាននៅសន្លាក់ជង្គង់ ប៉ុន្តែពេលខ្លះក៏អាចកើតនៅត្រគាក កជើង និងកដៃផងដែរ។ ការឆ្លងរោគនៅសន្លាក់ មិនសូវកើតមាននៅលើសន្លាក់ច្រើន លើសពីមួយនោះទេ។ បើសិនជាយើងមានចេញរោគសញ្ញាទាំងនេះ គួរស្វែងរកការព្យាបាលពីគ្រូពេទ្យ។ ក្រោយពិនិត្យដឹងពីមូលហេតុហើយ គ្រូពេទ្យអាចព្យាបាលដោយប្រើប្រាស់ថ្នាំផ្សះ ឬវិធីបង្ហូរទឹកសន្លាក់។
ក្រៅពីការថែទាំ និងព្យាបាលតាមការណែនាំរបស់គ្រូពេទ្យ យើងក៏ត្រូវសម្រាកឲ្យបានច្រើន និងការពារសន្លាក់ដែលរងការរលាក។ បន្ទាប់ពីការឆ្លងរោគលើសន្លាក់បាត់ទៅវិញ យើងគួរចាប់ផ្ដើមហាត់ប្រាណស្រាលៗឡើងវិញ ព្រោះវាអាចជួយពង្រឹងសាច់ដុំ ជួយទ្រទ្រង់ដល់សន្លាក់ និងការធ្វើចលនា។
អត្ថបទគួរអាន៖
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ គ្រូពេទ្យឯកទេស.
វេជ្ជបណ្ឌិត យ៉ានណែត ឧត្តមដាញ៉ែល
ជំងឺឆ្លង · បន្ទប់ពិគ្រោះព្យាបាល ឧត្តមដាញ៉ែល
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម
