ប្រភពជាច្រើនអះអាងដូចៗគ្នាថា Pfizer-BioNTech កំពុងធ្វើការងារច្រើនណាស់ជុំវិញបញ្ហាកូវីដ១៩ នៅអាមេរិកមិនថាការបង្កើតថ្នាំគ្រាប់ បង្កើតវ៉ាក់សាំងពិសេសសម្រាប់តែអូមីក្រុង ហើយឥឡូវនេះបន្តបង្កើតនិងបញ្ចេញវ៉ាក់សាំងដល់កូនតូចអាយុចន្លោះពី ៦ខែ ដល់ ៥ឆ្នាំ។
យុទ្ធនាការសាចវ៉ាក់សាំងចំពោះក្មេងៗ ២ដូសដូចមនុស្សធំនេះ អាចនឹងរៀបរយនិងដំណើរការទៅបានចុងខែ កុម្ភៈ ២០២២ នេះ ព្រោះភាគីអាជ្ញាធររដ្ឋបាលចំណីអាហារនិងឱសថសហរដ្ឋអាមេរិក (FDA) ទទូចឲ្យ Pfizer បញ្ជូនសំណុំបែបបទឲ្យបានលឿនកុំបង្អង់ដើម្បីទុកលទ្ធភាពឲ្យអ្នកច្បាប់មានពេលវេលាគ្រប់គ្រាន់និងចាប់ផ្ដើមអនុម័តលើវ៉ាក់សាំងដល់ទារកនិងក្មេងអាយុក្រោម ៥ឆ្នាំនេះ។
គណនា BMI
ជាងមួយឆ្នាំក្នុងអាណត្តិរបស់លោកប្រធានាធិបតីថ្មិ ចូបាយដិន ការងារអាទិភាព១ក្នុងចំណោមការងារចាំបាច់នានាក្នុងប្រទេសគឺ ការគ្រប់គ្រងនិងដោះស្រាយវិបត្តិជំងឺកូវីដ១៩ ដែលកំពុងញាំញីអាមេរិកតាំងពី ២០១៩មក ហើយក្មេងៗក៏ស្ថិតក្នុងបញ្ជីយកចិត្តទុកដាក់ខ្ពស់ដូចគ្នា។ កាលពីខែ វិច្ឆិកា ២០២១ វ៉ាក់សាំងសម្រាប់ក្មេងអាយុចន្លោះពី ៥-១២ឆ្នាំ រដ្ឋបាលរបស់លោកចូបាយដិន ក៏បានផ្ដល់ភ្លើងខៀវអនុម័តឲ្យចាក់រួចរាល់ហើយដែរ ហើយនេះជាការបោះជំហានទៅមុខមួយកម្រិតទៀត ក្នុងការជំរុញឲ្យក្រុមហ៊ុនផលិតឱសថធំដូច Pfizer-BioNTech ផលិតនិងផ្គត់ផ្គង់បន្តយុទ្ធនាការផ្ដល់វ៉ាក់សាំងដល់ក្មេងអាយុក្រោម ៥ឆ្នាំនេះ ដែលនឹងប្រព្រឹត្តទៅនៅចុងខែកុម្ភៈនេះ។
![វ៉ាសាំងPfizer](https://cdn.hellokrupet.com/wp-content/uploads/2020/12/S-វ៉ាសាំងPfizer.jpg)
ដោយឡែកចំពោះដូសទី៣ សម្រាប់ទារកអាយុ ៦ខែ ដល់ ក្មេងអាយុ ៥ឆ្នាំនេះ ត្រូវការពេលសិក្សាបន្ថែមទៀតហោចណាស់ក៏ ២ខែ អីដែរក្រោយដូសទី២ ចាក់រួច។
អាន៖