តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

ហេតុអ្វីអ្នកជំងឺទឹកនោមផ្អែមត្រូវតាមដានជាតិស្ករជាប្រចាំ?

    ហេតុអ្វីអ្នកជំងឺទឹកនោមផ្អែមត្រូវតាមដានជាតិស្ករជាប្រចាំ?

    អ្នកជំងឺទឹកនោមផ្អែមរឿងសំខាន់ត្រូវធ្វើនោះគឺ ការតាមដានកម្រិតជាតិស្ករក្នុងឈាមជាប្រចាំ។ ព្រោះអាចដឹងច្បាស់ពីកម្រិតជាតិស្ករ នោះយើងក៏អាចគ្រប់គ្រង ហានិភ័យប្រឈមដែលបម្រុងនឹងកើតឡើង ពេលកម្រិតជាតិស្ករយើងមានការប្រែប្រួល ។

    ចង់គណនា BMR ចុចទីនេះ!
    ចង់គណនា BMI ចុចទីនេះ!
    ចង់គណនារង្វាស់ចង្វាក់បេះដូង ចុចទីនេះ!
    ចង់ពិនិត្យសុខភាពប្រព័ន្ធរំលាយអាហារ ចុចទីនេះ!

    អត្ថប្រយោជន៍សំខាន់ៗដែលទទួលបានពីការតេស្ដជាតិស្ករជាប្រចាំមាន៖

    • ជួយឲ្យយើង អាចតាមដានដឹងពីប្រសិទ្ធភាពថ្នាំបញ្ចុះជាតិស្ករបានល្អ
    • ជួយឲ្យយើងដឹងពីការប្រែប្រួលនៃសន្ទសន៏ជាតិស្ករច្បាស់លាស់
    • ជួយឲ្យយើងអាចគ្រប់គ្រងកម្រិតជាតិស្ករទាន់ពេល
    • ជួយឲ្យយើងអាចដឹងច្បាស់ពីប្រភេទរបបអាហារ ដែលគួរញ៉ាំ និង មិនគួរញ៉ាំ
    • ជួយឲ្យយើងដឹងពីកត្ដាបង្កឲ្យឡើងជាតិស្ករមួយចំនួនដូចជា ស្ដ្រេស គេងមិនលក់។

    តើពេលណាអ្នកកើតជំងឺទឹកនោមផ្អែមគួរតេស្ដជាតិស្ករ?

    ជាធម្មតាអ្នកកើតជំងឺទឹកនោមផ្អែមត្រូវទទួលការណែរនាំពីគ្រូពេទ្យដែលប្រចាំការថែទាំ និង ប្រាប់ពីពេលវេលាសម្រាប់ធ្វើតេស្ដ។ ហើយការធ្វើតេស្ដមើលជាតិស្ករសម្រាប់ទឹកនោមផ្អែមទាំងពីរប្រភេទក៏មានលក្ខណៈខុសគ្នាដែរ។ ប៉ុន្ដែយ៉ាងណាក៏ដោយ តាមការណែរនាំ របស់គ្រូពេទ្យភាគច្រើន អ្នកជំងឺទឹកនោមផ្អែមគួរតែធ្វើតេស្ដជាតិស្ករនៅចន្លោះពេលទាំងនេះគឺល្អ៖

    អ្នកកើតទឺកនោមផ្អែមប្រភេទ១

    អ្នកកើតជំងឺទឹកនោមផ្អែមប្រភេទ១ អាចប្រឈមនឹងការធ្វើតេស្ដជាតិស្ករច្រើនដងក្នុងមួយថ្ងៃអាចចន្លោះពី ៤ ទៅ ១០ ក្នុងករណីចាំបាច់។

    • មុនពេលញ៉ាំអាហារ ឬចំណីផ្សេងៗ
    • មុនពេល និង ក្រោយពេលហាត់ប្រាណ
    • មុនពេលគេង
    • ពេលយប់ (យូរៗម្ដង)
    • ធ្វើតេស្ដញឺកញាប់ ប្រសិនមានអាការៈមិនសូវស្រួល
    • ធ្វើតេស្ដញឹកញាប់ប្រសិនជាផ្លាស់ប្ដូរពេលវេលា ទទួលទានអាហារ
    • ធ្វើតេស្ដញឹកញាប់ប្រសិន ត្រូវប្ដូរថ្នាំ

    អ្នកកើតទឹកនោមផ្អែមប្រភេទ២

    សម្រាប់អ្នកកើតជំងឺទឹកនោមផ្អែមប្រភេទ ២ មិនទាន់ឈានដល់ការចាក់អាំងស៊ុយលីន ដោយគ្រាន់តែហាត់ប្រាណ និង គ្រប់គ្រងរបបអាហារជាប្រចាំ នោះមិនមិនចាំបាច់ ធ្វើតេស្ដប្រចាំថ្ងៃនោះទេ ក្នុងករណីដែលអ្នកជំងឺ មិនមានអាការៈប្រែប្រួលសុខភាព ឬបង្ហាញរោគសញ្ញាគួរកត់សម្គាល់ណាមួយ។ ប៉ុន្ដែសម្រាប់អ្នកជំងឺចាក់អាំងស៊ុយលីនជាប្រចាំ គឺត្រូវតាមដានជាប្រចាំថ្ងៃដែរអាចភាគច្រើន គ្រូពេទ្យតម្រូវឲ្យធ្វើតេស្ដយ៉ាងហោច២ដងក្នុងមួយថ្ងៃ អាចមុនអាហារពេលព្រឹក ឬពេលល្ងាច និង ពេលយប់ក៏មាន។

    អត្ថបទគួរអាន៖

    ដោយឡែកក្នុងករណីអ្នកជំងឺប្រើប្រាស់ម៉ាស៊ីនតាមដានកម្រិតជាតិស្ករ CGM ស្វ័យប្រវត្ដិនោះអ្នកជំងឺមិនសូវរវល់នឹងការធ្វើតេស្ដជាតិស្ករញឹកនោះទេ ព្រោះបច្ចេកវិទ្យាចុងក្រោយនៃម៉ាស៊ីននេះ ផ្ដល់ភាពងាយស្រួលដល់អ្នកជំងឺដូចជា វាអាចត្រួតពិនិត្យដឹងពីកម្រិតជាតិស្ករក្នុងឈាម និងអាចចាក់បញ្ចូលអាំងស៊ុយលីនស្របតាមតម្រូវការរាងកាយ។ ម៉ាស៊ីននេះច្រើនប្រើសម្រាប់អ្នកជំងឺទឹកនោមផ្អែមប្រភេទ១។ ព្រោះអ្នកទឹកនោមផ្អែមប្រភេទ១ មានបញ្ហា សរីរាង្គលំពែងមិនអាចផលិតអាំងស៊ុយលីនគ្រប់សម្រាប់ប្រើប្រាស់ ប៉ុន្ដែសម្រាប់អ្នកទឹកនោមផ្អែមប្រភេទ២ គឹមានបញ្ហាស៊ាំនឹងអាំងស៊ុយលីន គឺអាំងស៊ុយរបស់គាត់មិនអាចប្រើការបាន។

    ទឹកនោមផ្អែម

    តើត្រូវធ្វើតេស្ដជាតិស្កររបៀបណា?

    អ្នកជំងឺទឹកនោមផ្អែមដែលទទួលបានការព្យាបាលថែទាំត្រឹមត្រូវ នោះក្រុមគ្រូពេទ្យនឹងធ្វើការណែនាំ អំពីវិធីនៃការធ្វើតេស្ដតាមដានជាតិស្ករដោយខ្លួនឯងជាប្រចាំ។ ប៉ុន្ដែទោះជាយ៉ាងនេះក្ដី យើងក៏គួរតែដឹងច្បាស់ខ្លះៗដោយខ្លួនឯងដែរ។

    ជាទូទៅការតេស្ដជាតិស្ករក្នុងឈាមត្រូវប្រើប្រាស់ឧបករណ៍ ហើយឧបករណ៍តេស្ដមានច្រើនប្រភេទ ប៉ុន្ដែការប្រើប្រាស់មានភាពស្រដៀងៗគ្នា។ ជំហ៊ានដំបូងនៃការធ្វើតេស្ដ អ្នកជំងឺត្រូវលាងដៃឲ្យបានស្អាតជាមុនសិន បន្ទាប់​មកប្រើប្រាស់ឧបករណ៍ ចាក់នៅចុងម្រាមដៃឲ្យចេញឈាម ពេលនោះឧបករណ៍នឹងបង្ហាញពីទិន្ន័យ កម្រិតជាតិស្ករដែលមាន។

    អ្នកជំងឺត្រូវតាមដាន និង កត់ចំណាំរាល់ទិន្ន័យរាល់ពេលធ្វើតេស្ដម្ដងៗ ព្រោះកាលដែលយើងអាចកត់ចំណាំបានច្បាស់លាស់វាងាយស្រួលឲ្យយើងតាមដានវាកាន់តែច្បាស់ ក្នុងករណីខ្លះប្រសិនបើរង្វាស់ ជាតិស្ករយើងកើនឡើង ឬថយចុះយើងមានទិន្ន័យផ្ទៀងផ្ទាត់សម្រាប់ធ្វើការវិនិច្ឆ័យបន្ថែមទៀត។ ដូច្នេះ អ្នកជំងឺអាចតាមដានកម្រិតជាតិស្ករ និង ថែទាំសុខភាពដោយខ្លួនឯងបានយ៉ាងល្អ។

    health-tool-icon

    គណនា BMI

    ប្រើ​រង្វាស់សុខភាព​BMI ដើម្បី​គណនា​រាងកាយ ទម្ងន់ និង​កម្ពស់​សមសួន និង​សុខភាព​ល្អ

    ប្រុស

    ស្រី

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ប្រភព

    Continuous Glucose Monitoring in Non–Insulin-Using Individuals with Type 2 https://www.ncbi.nlm.nih.gov/pmc/articles/PMC2939842/

    Continuous Glucose Monitoring in Type 2 Diabetes Is Not Ready for Widespread Adoption https://www.aafp.org/pubs/afp/issues/2020/0601/p646.html

    Continuous Glucose Monitoring https://my.clevelandclinic.org/health/drugs/11444-glucose-continuous-glucose-monitoring#:~:text=Continuous%20glucose%20monitoring%20(CGM)%20devices,wearable%20device%20or%20cell%20phone.

    Type 2 Diabetes and the Use of Real-Time Continuous Glucose Monitoring https://www.ncbi.nlm.nih.gov/pmc/articles/PMC7957379/

    Blood sugar testing: Why, when and how https://www.mayoclinic.org/diseases-conditions/diabetes/in-depth/blood-sugar/art-20046628

    រូបថត​របស់​អ្នក​និពន្ធbadge
    ដោយ អឿ អ៊ុយ កែសម្រួល​ចុងក្រោយ 2 សប្ដាហ៍​កន្លងទៅ
    ត្រួតពិនិត្យដោយ វេជ្ជ. ចាន់ ស៊ីណេត
    Next article: