តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

សញ្ញានៃជំងឺមហារីកទ្វារមាស អាចច្រលំនឹងការបង្ករោគលើផ្លូវទឹកនោម

    សញ្ញានៃជំងឺមហារីកទ្វារមាស អាចច្រលំនឹងការបង្ករោគលើផ្លូវទឹកនោម

    ជំងឺ​មហារីក​ទ្វារ​មាស​ ជា​ការ​លូតលាស់​មិន​ប្រក្រតី​នៃ​កោសិកា​​ក្នុង​ទ្វារ​មាស​ ហើយ​កត្តា​អាយុ​អាច​បង្កើន​ហានិភ័យ​នៃ​​ការ​កើត​ជំងឺ​ដ៏​កាច​សាហាវ​មួយ​នេះ​បាន​។ សម្រាប់​អ្នក​ដែល​មាន​អាយុ​តិច​ជាង​៥០​ឆ្នាំ មាន​ឱកាស​កើត​ជំងឺ​មហារីក​ទ្វារ​មាស​តិចតួច​ជាង​​អ្នក​ដែល​មាន​អាយុ​លើស​ពី​៧០​ឆ្នាំ​ឡើង​ទៅ។ រី​ឯ​រោគ​សញ្ញា​នៃ​ជំងឺ​នេះ អាច​ធ្វើ​ឲ្យ​យើង​ភ័ន្ត​ច្រឡំ​ទៅ​នឹង​ការ​បង្ក​រោគ​លើ​ផ្លូវ​ទឹក​នោម​ ឬ​ការ​បង្ក​រោគ​ផ្សិត​ ហេតុ​នេះ​ហើយ​ ស្រី​ៗ​យើង​ចាំបាច់​ត្រូវ​តាមដាន​ឲ្យ​ដិតដល់​ពី​រោគសញ្ញា​មិន​ប្រក្រតី​ណា​មួយ។

    ​​​រោគសញ្ញា​មួយ​ចំនួន​នៃ​ជំងឺ​មហារីក​ទ្វារ​មាស​

    ១. រមាស់​​ទ្វារ​មាស និង​ក្រហាយ​នៅ​ពេល​នោម​

    ជា​ទូទៅ អាការៈ​រមាស់​ និង​ក្រហាយ​ទ្វារ​មាស​ជា​រោគសញ្ញា​ទូទៅ​ ដែល​កើត​លើ​ស្រី​ៗ​យើង​ភាគច្រើន​ និង​បង្ហាញ​ពី​ការ​បង្ក​រោគ​លើ​ប្លោក​នោម​ ការ​បង្ក​រោគ​លើ​ផ្លូវ​ទឹក​នោម​ ឬ​ការ​បង្ក​រោគ​ផ្សិត​។ យ៉ាង​ណា​មិញ អាការៈ​ខាង​លើ​ក៏​អាច​ជា​សញ្ញា​នៃ​ជំងឺ​មហារីក​ទ្វារ​មាស​ដូច​គ្នា​។

    ចង់គណនា BMR ចុចទីនេះ!
    ចង់គណនា BMI ចុចទីនេះ!
    ចង់គណនារង្វាស់ចង្វាក់បេះដូង ចុចទីនេះ!
    ចង់ពិនិត្យសុខភាពប្រព័ន្ធរំលាយអាហារ ចុចទីនេះ!

    ​២. ឫស​លើ​ទ្វារ​មាស

    ជំងឺ​ឫស​លើ​ប្រដាប់​បន្ត​ពូជ កើត​ឡើង​ជា​​ញឹកញាប់ ដែល​មាន​ពណ៌​ដូច​ទៅ​នឹង​ស្បែក​របស់​យើង​ដែរ និង​កើត​នៅ​ជុំវិញ​ទ្វារ​មាស មាត់​ស្បូន​ លិង្គ ឬ​រន្ធ​គូទ។ យោង​តាម​សមាគម​ជំងឺ​មហារីក​អាមេរិក​​បាន​ឲ្យ​ដឹង​ថា ជំងឺ​មហារីក​verrucous carcinoma ​ដែល​ជា​ប្រភេទ​រង​នៃ​ជំងឺ​មហារីក​ទ្វារ​មាស​ ក៏​​មាន​រូបរាង​ស្រដៀង​ទៅ​នឹង​ឫស​ផង​ដែរ ដូច្នេះ​ហើយ​ យើង​គួរ​តែ​ពិគ្រោះ​យោបល់​ជាមួយ​នឹង​គ្រូពេទ្យ​ និង​ពិនិត្យ​ឫស​ដែល​ដុះ​នៅ​លើ​បរិវេណ​នោះ​ ទើប​ជា​ការ​ប្រសើរ។

    មហារីកទ្វារមាស

    អត្ថបទគួរអាន៖

    ៣. ការ​ប្រែប្រួល​នៃ​ស្បែក​

    ក្នុង​ករណី​នៃ​ការ​កើត​​ជំងឺ​មហារីក​ទ្វារ​មាស បរិវេណ​នៅ​លើ​ទ្វារ​មាស​អាច​មើល​ទៅ​ខុស​ប្លែក​ពី​ប្រក្រតី ដោយ​មើល​ទៅ​ស​ ឬ​ខ្មៅ​ជាង​ស្បែក​ធម្មតា​។ លើស​ពី​នេះ យើង​អាច​នឹង​ឃើញ​ដុំ​ពក​ ដែល​មាន​ពណ៌​ក្រហម​ ផ្កា​ឈូក​ ឬ​ស​ និង​ដូច​ទៅ​នឹង​ឫស ឬ​​មាន​សភាព​គ្រើម​ ឬ​ក្រាស់​ជា​ង​ស្បែក​ត្រង់​បរិវេណ​នោះ​។

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    រូបថត​របស់​អ្នក​និពន្ធbadge
    ដោយ នូ សោភ័ណ្ឌ កែសម្រួល​ចុងក្រោយ 22/08/2022
    ត្រួតពិនិត្យដោយ វេជ្ជ. ចាន់ ស៊ីណេត
    Next article: