តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

null

ផលវិបាកមួយចំនួនអ្នកជំងឺអាចជួប ពេលព្យាបាលជំងឺមហារីកសួត

    ផលវិបាកមួយចំនួនអ្នកជំងឺអាចជួប ពេលព្យាបាលជំងឺមហារីកសួត

    មហារីកសួតគឺជាជំងឺដែលមនុស្សលើពិភពលោក មានការភ័យខ្លាច ព្រោះវាមិនត្រឹមតែបង្កការលំបាក តែក្នុងអំឡុង​​ពេលចាប់ផ្ដើមកើតមាននោះទេ គឺរាប់ចាប់ពីដំណាក់កាលដំបូងដល់ ដំណាក់កាលព្យាបាល។ ជាក់ស្ដែងណាស់ ស្ថិតក្នុងដំណាក់កាលព្យាបាល អ្នកជំងឺប្រឈមនឹងផលវិបាកជាច្រើនផង​ដែរ​។

    ចង់គណនា BMR ចុចទីនេះ!
    ចង់គណនា BMI ចុចទីនេះ!
    ចង់គណនារង្វាស់ចង្វាក់បេះដូង ចុចទីនេះ!
    ចង់ពិនិត្យសុខភាពប្រព័ន្ធរំលាយអាហារ ចុចទីនេះ!

    ១.បញ្ហាពិបាកដកដង្ហើម

    អ្នកជំងឺមហារីកសួតប្រឈមនឹងការពិបាកដកដង្ហើម មិនថាស្ថិតក្នុងកំលុងឈឺ និង ព្យាបាល។ ផលវិបាកនៃការដកដង្ហើមគឺដោយសារតែ សារធាតុរាវមានកកើតជុំវិញបេះដូង សួត ដែលវាបង្កឲ្យស្ទះក្នុងបំពង់ខ្យល់ ធ្វើឲ្យអ្នកជំងឺកើតស្ដ្រេស ថប់បារម្ភ ឆ្លងមេរោគ ឬអាចជា​ជំងឺក្រិនសាច់សួត ដោយវិទ្យុសកម្ម។ កត្ដាទាំងនេះបណ្ដាលមកពីផលប៉ះពាល់នៃការព្យាបាល ឬអាចជារោគសញ្ញាមហារីក។ ក្នុងស្ថានភាពបែបនេះ អ្នកជំងឺអាចសាកល្បងអនុវត្ដវិធីផ្សេងៗដូជ​ជា កុំជក់បារី ឬនៅឆ្ងាយពីផ្សេងបារី ហាត់ប្រាណបន្ដិចបន្ដួច ញ៉ាំអាហារសុខភាព គេងឲ្យក្បាលខ្ពស់ជាងសួត ដកដង្ហើមវែងៗ មួយៗ បន្ទប់ត្រូវត្រជាក់ល្មម ក្នុងករណីចាំបាច់ដែលអ្នកជំងឺ ពិបាកទ្រាំខ្លាំងត្រូវទាក់​ទងទៅគ្រូពេទ្យជាបន្ទាន់។

    ២.អស់កម្លាំង

    អ្នកជំងឺមហារីកសួត ក្នុងកំលុងព្យាបាលនឹងជួបបញ្ហា អស់កម្លាំង ល្ហិតល្ហៃ។ អាការៈនេះ នឹងអាចកើតមាន ក្នុងកំលុងព្យាបាលលើកដំបូង។ អ្នកជំងឺត្រូវតែនិយាយពីអាការៈទាំងអស់ប្រាប់ទៅគ្រូពេទ្យ ជាពិសេសពេលចាប់ផ្ដើមព្យាបាលលើកដំបូង ព្រោះការព្យាបាល ទៅមុខទៀត អ្នកជំងឺអាចប្រឈមនឹងការអស់កម្លាំងកាន់តែខ្លាំងទៅៗ។ គ្រូពេទ្យអាចអនុវត្ដតាមវិធីព្យាបាលរៀងៗខ្លួន ផ្អែកលើអាការៈអ្នកជំងឺ។ ម្យ៉ាងវិញទៀតវាអាចជា យុទ្ធសាស្ដ្រនៃការព្យាបាល ដែលគ្រូពេទ្យបានប្រើ។ ដូច្នេះចូរពិភាក្សាជាមួយគ្រូពេទ្យបានច្បាស់លាស់ អំពីករណីនេះ។ មួយវិញទៀត ករណីខ្លះអ្នកជំងឹអាចមានអាការៈអស់កម្លាំង នៅចុងបញ្ចប់នៃដំណាកាលព្យាបាល នេះដោយសារតែជំងឺមហារីកក្នុងកម្រិតស្រាល។

    ៣.ឆ្លងមេរោគ

    អ្នកជំងឺនឹងប្រឈមបញ្ហានេះ អំឡុងពេលព្យាបាល។ ការព្យាបាលជំងឺមហារីកសួត ត្រូវប្រើប្រាស់វិធីចាក់សារធាតុគីមីបញ្ចូល ឬបាញ់កាំរស្មី ការណ៍នេះបង្កផលប៉ះពាល់ទៅដល់គ្រាប់ឈាមក្រហម និងគ្រាប់ឈាមសដែលជាផ្នែកមួយប៉ះពាល់ដល់ ភាពរឹងមាំនៃប្រព័ន្ធភាពសាំ។ កត្ដាដំបូង គ្រាប់ឈាមស​ត្រូវថយចុះ ប្រព័ន្ធភាពសាំក៏ត្រូវចុះខ្សោយ មិនអាចវាយប្រហារពពួកបាក់តេរីនិង មេរោគក្នុងខ្លួនបានទេ។ ចំណុចនេះគួរព្រួយបារម្ភ ដែលភាគច្រើនគ្រូពេទ្យតម្រូវឲ្យអ្នកជំងឺលាងដៃជាប្រចាំឲ្យបានស្អាត និង អ្នកមើលថែអ្នកជំងឺត្រូវតែអនាម័យជានិច្ចជៀស​វាង​ការ​ចម្លង​បាក់តេរីទៅដល់អ្នកជំងឺ។

    ៤.ការហូរឈាម

    អ្នកជំងឺប្រឈមនឹងការហូរឈាមលើរាងកាយគ្រប់ទីកន្លែង នេះក៏ព្រោះតែការថយចុះបរិមាណ ប្លាកែតនឹងអាចកើតមានពេលរងសម្ពាធពីការព្យាបាល ដោយវិធីណាមួយ។ មិនថាការប្រើកាំរស្មី ឬសារធាតុគីមីនោះទេ សុទ្ធសឹង​តែប៉ះពាល់ បរិមាណប្លាកែតនៅក្នុងឈាមទាំងអស់។ ការថយចុះបរិមាណប្លាកែត គឺជាកត្ដាប្រឈមខ្លាំងបំផុត មិន​អាចគ្រប់គ្រងចរន្ដឈាមបានល្អនោះទេ ដូច្នេះអ្នកជំងឺត្រូវតែប្រយ័ត្ន នឹងការរបួសដោយប្រការណាមួយ បូករួម​ទាំងការដុសធ្មេញ ងាយនឹងហូរឈាមតាមអញ្ចាញ ដូច្នេះត្រូវប្រើប្រាស់ច្រាស់ទន់ៗ។

    ៥.ការជ្រុះសក់ និង រោម

    អ្នកជំងឺប្រមាណជា ៧០% ជួបអាការៈជ្រុះសក់ និងរោមក្នុងពេលព្យាបាល។ អាការៈនេះ អាចកើតមានជាបណ្ដោះអាសន្នប៉ុណ្ណោះ ព្រោះវានឹងអាចដុះមកវិញធម្មតាក្រោយពេលព្យាបាលជា។ មានអ្នកជំងឺជាច្រើន ប្រឈមការតក់ស្លុត ភិតភ័យ ដោយប្រតិកម្មនឹងការព្យាបាលនេះ ការព្រួយបារម្ភទាំងនេះក៏អាចបង្ក​ផលប៉ះពាល់ដល់សុខភាពអ្នកជំងឺបានដែរ ដូច្នេះហើយ អ្នកជំងឺត្រូវតែទទួលបានការណែនាំ ពន្យល់ឲ្យបានច្បាស់​ពីក្រុម​គូ្រពេទ្យក្នុង​ខណៈ​ពេលព្យាបាលនោះ។

    ជំងឺមហារីក

    អត្ថបទគួរអាន៖

    ៦.ថយចុះចំណង់ផ្លូវភេទ

    ភាពតានតឹង ព្រួយបារម្ភ អាចធ្វើឲ្យអ្នកជំងឺត្រូវថយចុះចំណង់ផ្លូវភេទ និង ភាពស្និទ្ធស្នាល ក្នុងមនោសញ្ចេតនាស្នេហា​ជាមួយដៃគូ អំឡុងពេលព្យាបាលជំងឺមហារីកសួត។ បញ្ហាដែលជួបប្រទះមានដូចជាការបាត់បង់ចំណង់ផ្លូវភេទ លិង្គមិនឡើងរឹង ការប្រែប្រួលបរិមាណមេជិវិតឈ្មោល ឈឹចាប់ពេលរួមភេទ(ស្ដ្រី) ស្ងួតទ្វារមាស ចុះខ្សោយម៉ាស់សាច់ដុំ និងរដូវមិនទៀងទាត់ នេះដោយសារការព្យាបាលដោយ ចាក់គីមីក្នុងរយៈពេលខ្លី។

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    រូបថត​របស់​អ្នក​និពន្ធbadge
    ដោយ អឿ អ៊ុយ កែសម្រួល​ចុងក្រោយ 01/07/2022
    ត្រួតពិនិត្យដោយ វេជ្ជ. ចាន់ ស៊ីណេត