home

មានផ្ទៃពោះ

មាន​ផ្ទៃ​ពោះ - ផុត​ពីការ​ត្រៀម ចូល​ដល់​វគ្គ​មាន​ទម្ងន់ ពពោះ​ក្លាយ​ជា​ម្ដាយ ក្លាយ​ជា​ឪពុក​គេ​ហើយ។ ផ្នែក​នេះ​នឹង​ចងក្រង​កត្តា​គួរ​ប្រុងប្រយ័ត្ន​បន្ថែម ដោះស្រាយ​បញ្ហា​សុខភាព​ម្ដាយ ទម្លាប់​ម្ដាយ ការ​តាមដាន​គភ៌ ឆែក​សុខភាព​ម្ដាយ ដើម្បី​ត្រៀម​ខ្លួន​សម្រាល​ក្លាយ​ជា​ម្ដាយ​ពេញលេញ

ចំណេះដឹងទូទៅ

មានផ្ទៃពោះ

ស្ត្រី​ពពោះ​ប្រហែល ៥០% ត្រូវ​បាន​អ្នក​ស្រាវជ្រាវ​ជឿ​ថា ទទួល​ផល​ប៉ះពាល់​ពី​បញ្ហា​គេង​មិន​លក់​រ៉ាំរ៉ៃ។ នេះ​ក៏​ព្រោះ​តែ ភាព​មិន​ស្រួល​ក្នុង​រាងកាយ ការ​ផ្លាស់ប្ដូរ​អ័រម៉ូន ការ​រំភើប​លាយ​ឡំ​ជាមួយ​ក្ដី​បារម្ភ​ពី​ការ​ក្លាយ​ជា​ម្ដាយ​ថ្មី​ថ្មោង​ជាដើម។ ទោះ​ជា​យ៉ាង​ណា​ក៏​ដោយ ម៉ាក់​ៗ​អាច​ចៀស​ផុត​ពី​បញ្ហា​គេង​មិន​លក់​បាន ដោយ​បង្កើត​ទម្លាប់​គេង​ពេល​ពពោះ​ល្អៗ ដែល​ជួយ​សម្រួល​ការ​គេង​ពី​មួយ​យប់​ទៅ​មួយ​យប់។ ហេតុ​អ្វី​បាន​ការ​គេង​សំខាន់​សម្រាប់​ស្ត្រី​ពពោះ? ការ​គេង​បាន​គ្រប់​គ្រាន់​ពេល​មាន​ផ្ទៃ​ពោះ ពិត​ជា​មាន​សារសំខាន់​ណាស់​សម្រាប់​​ម្ដាយ និង​ទារក​ក្នុង​ផ្ទៃ។ ចំពោះ​ម្ដាយ ការ​គេង​បាន​គ្រប់​គ្រាន់​ជួយ​ឲ្យ​ប្រព័ន្ធ​ការពារ​រាងកាយ​រឹងមាំ កាត់​បន្ថយ​ជំងឺ​បម្រុង​ក្រឡាភ្លើង ជំងឺ​បេះ​ដូង ទប់ស្កាត់​កូន​កើត​មុន​ខែ កើត​ទឹក​នោម​ផ្អែម​ពេល​ពពោះ និង​ការ​ពារ​បញ្ហា​គេងកិកកុក​កើត​ឡើង​លើ​កូន​ក្រោយ​សម្រាល។ ទម្លាប់​គេង​ពេល​ពពោះ​ល្អៗ ជួយ​ដល់​ម៉ាក់ៗ ការ​មាន​ទម្លាប់​គេង​ពេល​ពពោះ​ល្អ ពិត​ជា​សំខាន់​ជាង​ពេល​ណា​ៗ​ទាំង​អស់​សម្រាប់​ស្ត្រី។ ក្រៅ​ពី​ទម្លាប់​គេង​ល្អៗ ស្ត្រី​គួរ​អនុវត្ត​តាម​ខាង​ក្រោម​នេះ យក​ល្អ​ម៉ាក់​ៗ​អាច​បន្ថែម​ជា​ខ្នើយ​កើយ​ពេល​ពពោះ ឬ​របាំង​បិទ​ភ្នែក​ពេល​គេង ដើម្បី​កាត់​បន្ថយ​បញ្ហា​គេង​មិន​លក់ និង​កែ​លម្អ​គុណភាព​នៃ​ការ​គេង​ទាំង​មួល​តែ​ម្ដង​ដូច​ជា៖ រក្សា​បន្ទប់​គេង​ឲ្យ​ត្រជាក់ ងងឹត និង​ស្ងប់​ស្ងាត់ ហើយ​កំណត់​គ្រែ​សម្រាប់​តែ​គេង និង​ការ​រួមភេទ ផ្ដល់​អាទិភាព​ដល់​ដំណេក និង​ប្រកាន់​ខ្ជាប់​នូវ​ពេល​វេលា​ចូល​គេង​ជាប់​លាប់ បើ​គេង​ថ្ងៃ កុំ​គេង​កៀក​ម៉ោង​ពេល​ល្ងាច ដើម្បី​កុំ​ឲ្យ​រំខាន​ដល់​ការ​គេង​ពេល​យប់ អាន​សៀវភៅ ងូតទឹក ឬ​ធ្វើ​សកម្មភាព​ស្រាលៗ​ណា​មួយ​ផ្សេង​ទៀត ដើម្បី​ត្រៀម​ចូល​គេ ប្រើ​ភ្លើង​មាន​ពន្លឺតិចៗ ពេល​ត្រូវ​ក្រោក​ទៅ​បន្ទប់​ទឹក​ពេល​យប់ ដើម្បី​ឲ្យ​ងាយ​ស្រួល​គេង​វិញ ចៀស​វាង​ញ៉ាំ​អាហារ​មាន​ជាតិ​កាហ្វេអ៊ីន និង​អាហារ​ហឹរ ដើម្បី​កាត់​បន្ថយ​ហានិភ័យ​ជំងឺ​ចាល់​ទឹក​ក្រពះ GERD ចៀស​វាង​ប្រើ​គ្រឿង​អេឡិចត្រូនិក​ពេល​ជិត​ចូល​គេង យ៉ាង​ហោច​ណាស់​មួយ​ម៉ោង​មុនគេង​ ហាត់​ប្រាណ​ទៀង​ទាត់​នៅ​ពេល​ព្រឹក​ព្រលឹម ញ៉ាំ​ទឹក​ឲ្យ​បាន​ច្រើន​ពេញ​មួយ​ថ្ងៃ តែ​កាត់​បន្ថយ​ញ៉ាំ​ទឹក​ពេល​យប់​មុន​ចូល​គេង […]

អត្ថបទផ្សេងទៀតពី មានផ្ទៃពោះ

បញ្ហាផ្ទៃពោះ

តម្រូវ​ការ​អាហារូបត្ថម្ភ​ក្នុង​ពេល​ពពោះ និង​បំបៅ​ដោះ​កូន​កើន​ឡើង ជា​ហេតុ​ទាមទារ​ម៉ាក់ៗ​ឲ្យ​ប៉ូវ​អាហារ​គ្រប់​គ្រាន់ ។ ប៉ុន្តែ​មាន​ម៉ាក់ៗ​មួយ​ចំនួន​មិន​អាច​ទទួល​បាន​សារធាតុ​ចិញ្ចឹម​គ្រប់​គ្រាន់ បែរ​ជា​ប្រឈម​នឹង​កង្វះ​អាហារូបត្ថម្ភ​ពេល​ពពោះ។ គណនាការឡើងទម្ងន់ស្ត្រីអំឡុងពពោះទីនេះ យោង​តាម​អង្គការ Unicef បាន​ឲ្យ​ដឹង​ថា ស្ត្រី​មាន​តម្រូវ​ការ​អាហារូបត្ថម្ភ​ខុសៗគ្នា​ក្នុង​មួយ​ជីវិត ពិសេស​គឺ​មុន និង​អំឡុង​ពេល​មាន​ផ្ទៃពោះ និង​ពេល​បំបៅ​ដោះ​កូន ព្រោះ​​ជា​ពេល​ដែល​ស្ត្រី​ងាយ​រង​គ្រោះ​បំផុត​ពី​បញ្ហា​កង្វះ​អាហារូបត្ថម្ភ​ពេល​ពពោះ។ អំឡុង​ពេល​មាន​ផ្ទៃ​ពោះ របប​អាហារ​មិន​ល្អ ឬ​ខ្វះ​សារធាតុ​ចិញ្ចឹម​សំខាន់​ៗ​ដូច​ជា អ៊ីយ៉ូត ជាតិ​ដែក ហ្វូឡាត កាល់ស្យូម និង​ស័ង្កសី អាច​បណ្ដាល​ឲ្យ​ជួប​បញ្ហា​ច្រើន។ ផល​ពិបាក​នៃ​កង្វះ​អាហារូបត្ថម្ភ​ពេល​ពពោះ​លើ​ម្ដាយ ភាព​ស្លេកស្លាំង កើត​ជំងឺ​បម្រុង​ក្រឡា​ភ្លើង ការ​ធ្លាក់​ឈាម ងាយ​ឆ្លង​មេរោគ ពិបាក​ផលិត​ទឹក​ដោះ​ឲ្យ​កូន​បៅ​ក្រោយ​សម្រាល ប្រឈម​បាត់បង់​ជីវិត​ខ្ពស់។ ផល​ពិបាក​នៃ​កង្វះ​អាហារូបត្ថម្ភ​ពេល​ពពោះ​លើ​កូន កូន​ស្លាប់​ក្នុង​ផ្ទៃ ទារក​ទម្ងន់​មិន​គ្រប់​គីឡូ មាន​ការ​លូតលាស់​យឺត​យ៉ាវ​ទាំង​រាងកាយ និង​បញ្ញា​ស្មារតី ប្រឈម​នឹង​កើត​ជំងឺ​រ៉ាំរ៉ៃ​ទៅ​ថ្ងៃ​អនាគត (ជំងឺ​ទឹក​នោម​ផ្អែម)។ មិន​ត្រឹម​តែ​ប៉ុណ្ណោះ អង្គការ Unicef បាន​ឲ្យ​ដឹង​បន្ថែម​ថា អាហារូបត្ថម្ភ​មិន​ល្អ​អំឡុង​ពេល​បំបៅ​ដោះ​កូន ក៏​ធ្វើ​ឲ្យ​មាន​ការ​លំបាក​សម្រាប់​ម្ដាយ​ក្នុង​ការ​ផ្ទុក​សារធាតុ​ចិញ្ចឹម​ឡើង​វិញ​ក្នុង​រាងកាយ និង​បំពេញ​តម្រូវ​ការ​អាហារ​បន្ថែម​​ដែល​រាងកាយ​ត្រូវ​ការ។ ការ​ធានា​បាន​ថា ស្ត្រី​គ្រប់​រូប​ទទួល​បាន​របប​អាហារ​មាន​ជីវជាតិ​គ្រប់​គ្រាន់ និង​ការ​ថែ​ទាំ​ពេញ​លេញ គឺ​ជា​មូលដ្ឋាន​គ្រឹះ​សម្រាប់​ការ​រស់​រាន​មាន​ជីវិត និង​សុខុមាលភាព​របស់​ម្ដាយ និង​កូន។

បញ្ហាផ្ទៃពោះ

ទាំង​ពេល​ពពោះ និង​សម្រាល​កូន​រួច ម៉ាក់​ៗ​នៅ​តែ​ត្រូវ​បន្ត​ថែ​ទាំ​ខ្លួន​ឲ្យ​បាន​ល្អ​តាំង​ពី​ការ​សម្រាក សកម្មភាព​នានា ចំណី​អាហារ និង​ភេសជ្ជៈ​ផ្សេងៗ។ ទន្ទឹម​នឹង​នេះ ​បើ​តាម​ចាស់​ៗ​សម័យ​មុន គាត់​និយម​ឲ្យ​ស្ត្រី​ពពោះ ឬ​ស្ត្រី​ទើប​សម្រាល​កូន​រួច​ផឹក​ស្រា ពិសេស​ផឹក​ស្រា​ថ្នាំពេលពពោះ ដោយ​គិត​ថា​ឆាប់​ឲ្យ​ម៉ាក់ៗ​ឆ្អិន​សរសៃ សុខភាព​ល្អ ប៉ុន្តែ​តាម​ពិត​ទៅ​អ្នក​ជំនាញ​មិន​ណែ​នាំ​ឲ្យ​ធ្វើ​បែប​នេះ​ទេ។ គណនាថ្ងៃសម្រាលកូន នៅត្រង់នេះ សម័យ​នេះ​ហើយ​នៅ​មា​ន​ស្ត្រី​ពពោះ និង​ជា​ពិសេស​ស្ត្រី​ដែល​បំបៅ​ដោះ​កូន​នៅ​ផឹក​ស្រា​ថ្នាំមួយ​ចំនួន​ ផឹក​ទាំង​ឪទឹន កូន​ខ្ចី​មួយ​ៗ​មិន​ដឹង​ប៉ុន្មាន​​ទេ។ នេះ​បើ​តាម​ការ​ឲ្យ​ដឹង​ពី​លោក​វេជ្ជបណ្ឌិត ហ៊ាង រតនា។ លោក​បន្ត​ថា ជាតិ​អាល់កុល​នៅ​ក្នុង​ស្រា​ទាំង​នេះ​ប៉ះពាល់​សុខភាព​ធ្ងន់ធ្ងរ​ណាស់ ទាំង​ទារក​ក្នុង​ផ្ទៃ ទាំង​កូន​ដែល​បំបៅ​ដោះ (ជាតិ​អាល់កុល​ជ្រាប​តាម​ទឹក​ដោះ) និង​ទាំង​ម្ដាយ​ខ្លួន​ឯង​ផ្ទាល់។ ស្រាថ្នាំ​ អាច​ប៉ះពាល់​សរីរាង្គ​ទាំង​មូល​របស់​កូន ជា​ពិសេស​គឺ​ខួរក្បាល និង​ថ្លើម​តែ​ម្ដង។ ការ​ផឹក​គ្រឿង​ស្រវឹង ឬផឹក​ស្រា​ថ្នាំពេលពពោះ​អាច​បង្ក​ផល​វិបាក​ពី​ស្រាល​ទៅ​ធ្ងន់​ធ្ងរ​ទៅ​តាម​កម្រិត​ដែល​ម៉ាក់ៗ​បាន​ផឹក។ ផល​វិបាក​ផ្សេង​ៗ​អាច​កើត​មាន​លើ​កូន​ក្នុង​ផ្ទៃ និង​ក្រោយ​សម្រាល បើ​ម៉ាក់​ៗ​សេព​គ្រឿង​ស្រវឹង​មាន​ដូច​ជា៖ ប៉ះពាល់​ដល់​ការ​លូតលាស់ ឬ​បំផ្លាញ​កោសិកា​ខួរក្បាល និង​ឆ្អឹង​ខ្នង កូន​មាន​បញ្ហា​ក្បាល​តូច មុខ​សំប៉ែត ក្រិន ឬ​លូត​លាស់​មិន​ស្រប​តាម​វ័យ ខ្សោយ​បញ្ញា ឬ​មាន​អាកប្បកិរិយា​ខុសប្រក្រតី។ ជា​ចុង​ក្រោយ វេជ្ជបណ្ឌិត ហ៊ាង រតនា បាន​ណែនាំ​ឲ្យ​ម៉ាក់ៗ​បញ្ឈប់​ការ​ញ៉ាំ​ស្រា ឬ​ថ្នាំ​ខ្មែរ​ទាំង​អំឡុង​ពេល​មាន​ផ្ទៃ​ពោះ និង​បំបៅ​ដោះ​កូន។ ម៉ាក់ៗ​គួរ​តែ​ថែ​ទាំកូន​ឲ្យ​មាន​ខួរក្បាល​ល្អ កុំ​បំផ្លាញ​គ្នា​តាំង​ពី​នៅ​ក្នុង​ពោះ​ម្ដាយ និង​នៅជា​ទារក​ដោយ​សារ​កំហុស​មួយ​នេះ។

បញ្ហាផ្ទៃពោះ

ការប៉ោងសរសៃជើងពេលពពោះ (សរសៃវ៉ែននៅជើង) កើតឡើងដោយ​សារ​បំរែបំរួលរាងកាយ និងដោយសារទម្ងន់គភ៌ដែលបានបន្ថែមសម្ពាធដល់ជើងរបស់ម៉ាក់ៗ។ តើមានវិធីសាស្រ្ត​អ្វីខ្លះ​អាចជួយម៉ាក់ៗកាត់បន្ថយកុំឱ្យមានបញ្ហានេះ? នៅពេលម៉ាក់ៗពពោះ រាងកាយនឹងផលិតឈាមក៏ដូចជាសារធាតុរាវបន្ថែមដើម្បីទ្រទ្រង់គភ៌។ ទន្ទឹមនឹងនេះ ទម្ងន់របស់គភ៌ដែលលូតលាស់​ជារៀងរាល់ថ្ងៃក៏ផ្តល់សម្ពាធ​ដល់សរសៃវ៉ែន ដែល​មាន​នាទី​ដឹកនាំឈាមពីជើងទៅកាន់បេះដូងវិញដែរ។ តក្តាទាំងនេះអាចបណ្តាលឱ្យម៉ាក់ៗរួយស្រពន់ ហើមជើង និងប៉ោងសរសៃជើង។ ជាធម្មតាម៉ាក់ៗដែលពពោះប្រហែល ៧៥% អាចមានអាការៈ​ទាំងនេះ​នៅសប្តាហ៍ទី២៧ រហូតដល់ពេលសម្រាល។ ម៉ាក់ៗអាចសាកល្បងកាត់បន្ថយការប៉ោងសរសៃជើងពេលពពោះតាមវិធីសាស្រ្តដូចខាងក្រោម៖ ១. ចៀសវាងការអង្គុយ ឬឈរយូរ ពេលអង្គុយយូរ ម៉ាក់អាចព្យាយាមងើបដើរបន្តិច។ បើម៉ាក់ៗឈរយូរ ម៉ាក់ៗអាចប្តូរ​ឥរិយាបថ​មក​អង្គុយ​វិញ។ ២. ចៀសវាងការពាក់ស្បែកជើងកែងខ្ពស់ ម៉ាក់ៗអាច​ពាក់​ស្បែកជើង​កែង​​ទាប ឬស្បែកជើងរាបដើម្បីឱ្យ​សាច់ដុំ​កំភួន​ជើងមានចលនា និងជំរុញ​រំហូរឈាម។​ ៣. ហាត់ប្រាណឱ្យបានទៀងទាត់ ម៉ាក់ៗអាចដើរ  ធ្វើលំហាត់ប្រាណបែបស្រាលៗ ឬហាត់យ៉ូហ្កា ដើម្បីឱ្យចរន្ត​ឈាមរត់បានល្អ និងកុំឱ្យ​ឡើង​ទម្ងន់ខ្លាំងពេក។ ចង់គណនាទម្ងន់ស្រ្តីពពោះ ចុចទីនេះ! ៤. ពាក់ស្រោមជើងវែង ការពាក់ស្រោមជើងវែង (ជិតដល់ជង្គង់) អាចជួយម៉ាក់ៗកាត់បន្ថយសម្ពាធ​នៅជើង ដោយបន្ថែម​សម្ពាធ​លើប្រអប់ជើង និងកជើង។ មានន័យ​ថាការពាក់ស្រោមជើងវែង​អាចជួយសម្រួល​ដល់​រំហូរ​ឈាម ដោយជួយ​ជម្រុញ​ឱ្យឈាមហូរត្រឡប់ពីជើងទៅបេះដូងវិញ។ ម៉ាក់ៗចៀសវាង​ពាក់ស្រោម​ជើងវែងដែលរឹបពេក។ ម្យ៉ាងវិញទៀត ម៉ាក់ៗមិនចាំបាច់ពាក់ស្រោមជើងវែងពេលគេងទេ ដោយសារ​នៅ​ពេលគេងប្រអប់​ជើង និងជើងរបស់ម៉ាក់ៗស្ថិតក្នុងកម្រិតស្មើគ្នា ហើយទំនាញ​ផែនដី​មិនមានឥទ្ធិពលដល់ចរន្តឈាមរបស់ម៉ាក់ៗទេ។  ៥. ចៀសវាងអង្គុយគងអន្ទាក់ខ្លា ការអង្គុយគងអន្ទាក់ខ្លាអាចធ្វើឱ្យចរន្តឈាមនៅជើងរត់មិនបានល្អ។ ៦. លើកជើង ពេលអង្គុយ ម៉ាក់ៗគួរដាក់ជើងលើកៅអីទាបៗ។ ពេលគេង ម៉ាក់ៗគួរកល់ជើងឱ្យខ្ពស់បន្តិច (ឬឱ្យ​ខ្ពស់​ជាងបេះដូង) ដើម្បីឱ្យឈាមរត់បានល្អ។ ៧. គេងផ្អៀងខាងឆ្វេង ការគេងផ្អៀងខាងឆ្វេងអាចជួយកាត់បន្ថយសម្ពាធលើសរសៃវ៉ែនដែលដឹក​នាំ​ឈាមត្រលប់ពីជើងទៅកាន់បេះដូងវិញ។ ៨. កាត់បន្ថយការញុំាប្រៃ ម៉ាក់ៗញុំាប្រៃអាចបណ្តាលឱ្យហើមសរសៃវ៉ែននៅជើង។ ការប៉ោងសរសៃជើងពេលពពោះអាចប្រសើរឡើង ឬបាត់បន្ទាប់ពីម៉ាក់ៗសម្រាល ប្រសិន​បើ​ម៉ាក់ៗ​មិនមានបញ្ហានេះមុនពេលពពោះ។ ប្រសិនបើម៉ាក់ៗប្រទះថា សរសៃជើងដែលប៉ោងឡើងរឹង ក្តៅ […]

ពពោះ

ចាស់ៗថា បើពោះម៉ាក់ៗស្រួចកូនក្នុងផ្ទៃគឺប្រុស ហើយបើពោះម៉ាក់ៗមូលកូន​ក្នុងផ្ទៃគឺស្រី។ ចុះពេទ្យ​ជំនាញថាម៉េចវិញ? ការមើលទម្រង់ពោះម៉ាក់អាច​ដឹងភេទកូនក្នុងផ្ទៃមែនឬយ៉ាងណា? លោកស្រីវេជ្ជបណ្ឌិត Sherry A. Ross ឯកទេសសម្ភព និងរោគស្ត្រីនៅមន្ទីរ​ពេទ្យ Providence St. John’s Hospital នៅ Santa Monica រដ្ឋ California និងជាអ្នកនិពន្ធសៀវភៅ She-ology: The Definitive Guide to Women’s Intimate Health បានលើកឡើងថា តាមបទពិសោធន៍ ២៥ ឆ្នាំ​របស់គាត់ ការលើកឡើងនេះមិនពិតទេ។ តាមការសិក្សាបានឱ្យដឹងថា កត្តាដែលជះឥទ្ធិពលដល់ទម្រង់​ពោះ​របស់ម៉ាក់​មាន៖ ១. សាច់ដុំពោះ លោកស្រីវេជ្ជបណ្ឌិត Kecia Gaither នាយកសេវាសម្រាលនៅ Lincoln Medical and Mental Health Center នៅទីក្រុងញូវយ៉ក បានលើកឡើងថា ទម្រង់ពោះរបស់ម៉ាក់ៗ​ពេលពពោះ​មានទំនាក់ទំនង​នឹង​សាច់​ដុំពោះ។ ប្រសិនបើម៉ាក់ៗមានសាច់ដុំពោះតឹងណែន សាច់ដុំពោះនឹងជួយទ្រស្បូន ដូច្នេះជាញឹកញយម៉ាក់ៗដែលមានរាងស្អាតតែងតែមានពោះស្រួចតូច និងខ្ពស់ ជាពិសេសនៅពេល​​ពពោះ​ដំបូង។ លោកស្រី Katie Page ឆ្មបបំរើការនៅ Lynchburg […]

បញ្ហាផ្ទៃពោះ

មិន​ថា​ក្មេង ចាស់ ឬ​ក៏​ជា​ស្ត្រី​ពពោះ​នោះ​ទេ គឺ​សុទ្ធ​តែ​អាច​ប្រឈម​នឹង​ការ​កើត​ជំងឺ​ស្លេកស្លាំង​បាន​ដូច​គ្នា ប៉ុន្តែ​ក្នុង​ករណី​ស្ត្រី​ស្លេក​ស្លាំង​ពេល​ពពោះ ត្រូវ​យក​ចិត្ត​ទុក​ដាក់​ថែ​ទាំ​ខ្លួន​មុន​សម្រាល។ ទោះ​បី​អំឡុង​ពេល​ពពោះ ស្រីៗ​ទទួល​បាន​របប​អាហារ​គ្រប់​គ្រាន់​ក៏​ដោយ​ក៏​នៅ​តែ​អាច​មាន​ជំងឺ​ស្លេក​ស្លាំង​ដែរ។ ការឡើងទម្ងន់ស្ត្រីអំឡុងពពោះ ចំពោះ​មូលហេតុ​បណ្ដាល​ឲ្យ​ម៉ាក់ៗ​កើតជំងឺ​ស្លេកស្លាំង​ពេល​ពពោះ​មាន​ដូចជា វិបត្តិ​គ្រាប់​ឈាម​រ៉ាំរ៉ៃ កម្រិត​អេម៉ូក្លូប៊ីន​ក្នុង​ឈាម​ថយ​ចុះ របប​អាហារ​មាន​ជាតិ​ដែក​មិនគ្រប់​គ្រាន់​ និង​មាន​ការ​គំរាម​រលូតកូន និង​ការ​ហូរ​ឈាម​ជាដើម។ ម៉ាក់ៗ​មាន​ហានិភ័យ​ខ្ពស់​ក្នុង​ការ​កើត​ជំងឺ​ស្លេកស្លាំង​ពេល​ពពោះ ប្រសិន​បើ៖ ពពោះកូន​ច្រើន​លើ​ស​ពី​មួយ ក្អួត​ញឹកញាប់​ដោយសារ​ការ​ចាញ់​កូន ញ៉ាំ​ជាតិ​ដែក​មិន​បាន​គ្រប់​គ្រាន់ រដូវ​មក​ខ្លាំង​មុន​ពេល​មាន​ផ្ទៃ​ពពោះ ធ្លាប់​កើត​ជំងឺ​​ស្លេកស្លាំង​ពេល​មាន​ផ្ទៃពោះ។ តើ​ភាព​ស្លេកស្លាំង​ពេល​ពពោះ​ប៉ះពាល់​ដល់​ទារក​យ៉ាង​ដូច​ម្តេច? ភាព​ស្លេកស្លាំង​ពេល​ពពោះ​ធ្ងន់ធ្ងរ អាច​បង្កើន​ហានិភ័យ​នៃ​ការ​សម្រាល​កូន​មិន​គ្រប់​ខែ កូន​មាន​ទម្ងន់​មិន​គ្រប់គីឡូ និង​ម៉ាក់ៗ​ប្រឈមបញ្ហា​ធ្លាក់​ទឹក​ចិត្ត​ក្រោយ​សម្រាលកូន។ ទន្ទឹម​នឹង​នេះ ការ​សិក្សា​មួយ​ចំនួន​ក៏​បាន​បង្ហាញ​ពី​ការ​កើន​ឡើង​ហានិភ័យ​នៃ​ការ​ស្លាប់​របស់​ទារក​ភ្លាមៗ​មុន ឬ​ក្រោយ​ពេល​សម្រាល​ដែរ​។ រោគសញ្ញា​នៃ​ជំងឺ​ស្លេកស្លាំង​ពេល​ពពោះ – ស្បែក​ស្លេក​ស្លាំង – ហត់​អស់​កម្លាំង វិលមុខ ធេងធោង និង​មិន​អាច​ទ្រាំ​នឹង​ការ​ឈឺ​ចាប់​ធម្មតា​បាន – នៅ​មិន​សុខ​ក្នុង​ខ្លួន – មាន​អារម្មណ៍​ថា​ងាយ​ឈឺ និង​ឆ្លង​មេរោគ​ផ្សេង​ៗ – ឆាប់​ហត់ -​ ឈឺ​ក្បាល – ភ្នាស​ត្របក​ភ្នែក​ក្រោម ឡើង​ពណ៌​ស ​ជា​សញ្ញា​ជំងឺ​ស្លេក​ស្លាំង ​ព្រោះ​ថា​ធម្មតា​ភ្នាស​នេះ​​មាន​ពណ៌​ក្រហម។

ការថែទាំផ្ទៃពោះមុនសម្រាល

សារធាតុ​គីមី​ក្នុង​ថ្នាំ​លាប​សក់​ មិន​មាន​ជាតិ​ពុល​ខ្លាំង​នោះ​ទេ​ ហើយ​បើ​យោង​តាម​ការ​ស្រាវជ្រាវ​ភាគ​ច្រើន​បាន​បង្ហាញ​ថា ការ​លាប​សក់​នៅ​អំឡុង​ពេល​ពពោះ​មាន​សុវត្ថិភាព​​សម្រាប់​ម៉ាក់​ៗ​។ គណនាទម្ងន់ស្ត្រីពពោះ នៅទីនេះ ពពោះ​ប៉ុន្មាន​សប្ដាហ៍ ទើប​ម៉ាក់​ៗ​អាច​លាប​សក់​​ប្រកប​ដោយ​​​សុវត្ថិភាព​? ម៉ាក់​ៗ​គប្បី​លាប​សក់​ ក្រោយ​​ពពោះ​បាន​១២​សប្ដាហ៍​ទើប​ជា​ការ​ប្រសើរ​ ពីព្រោះ​ថា​ហានិភ័យ​នៃ​សារធាតុ​គីមី​ដែល​ប៉ះពាល់​ដល់​ទារក​មាន​កម្រិត​ទាប​។ ក្នុង​ករណី​ដែល​ម៉ាក់​ៗ​លាប​ថ្នាំ​​សក់​ដោយ​ខ្លួន​ឯង គប្បី​កាត់បន្ថយ​ហានិភ័យ ​ដោយ​អនុវត្ត​តាម​វិធាន​ដូច​ខាង​ក្រោម​៖ ពាក់​ស្រោម​ដៃ​ លាប​រួច​ទុក​ចោល​រយៈពេល​តិច​បំផុត មុន​ពេល​លាង​សម្អាត​សក់​​ លាប​នៅ​បន្ទប់​ដែល​មាន​ខ្យល់​ចេញ​ចូល​ លាង​ជម្រះ​ស្បែក​​ក្បាល​ឲ្យ​បាន​សព្វ​ល្អ​​ ជាមួយ​គ្នា​នេះ​ដែរ​ ការ​ហាយ​ឡាយ​សក់​​ក៏​អាច​កាត់​បន្ថយ​ហានិភ័យ​បាន​ដែរ​ ដោយ​សារ​តែ​សារធាតុ​គីមី​ដែល​ប្រើ​សម្រាប់​លាប​សក់​ ស្រូប​ចូល​​តែ​ក្នុង​សរសៃ​សក់​ប៉ុណ្ណោះ ហើយ​​មិន​ប៉ះពាល់​ដល់​ស្បែក​ក្បាល​ ឬ​អាច​​ឆ្លង​ចូល​ទៅ​ក្នុង​ចរន្ត​ឈាម​ឡើយ​។ គណនាថ្ងៃសម្រាលកូន នៅទីនេះ ការ​លាប​សក់​អំឡុង​ពេល​បំបៅ​ដោះ​កូន​ ការ​លាប​សក់​នៅ​អំឡុង​ពេល​បំបៅ​ដោះ​កូន ក៏​មាន​សុវត្ថិភាព​ដែរ​​ ពីព្រោះ​ថា​បរិមាណ​សារធាតុ​គីមី​​មិន​ឆ្លង​ទៅ​ក្នុង​ចរន្ត​ឈាម ដូច្នេះ​ហើយ​​សារធាតុ​ទាំង​នោះ​មិន​អាច​ឆ្លង​ចូល​ទៅ​ក្នុង​ទឹក​ដោះ​ម្ដាយ​ឡើយ​។ យ៉ាង​ណា​មិញ ដើម្បី​រក្សា​សុខភាព​សក់​​ឲ្យ​បាន​ល្អ​ ម៉ាក់​ៗ​គប្បី​ជ្រើសរើស​ប្រើ​សាប៊ូ​កក់​សក់​ និង​ក្រែម​បន្ទន់​សក់​​ដែល​ស័ក្ដិសម​សម្រាប់​សក់​ពណ៌ និង​មិន​មាន​សារធាតុ​Parabens ព្រម​ទាំង​​Sulfates ក៏​ដូចជា​សារធាតុ​គីមី​ខ្លាំង​ៗ​ផ្សេង​ទៀត​។

បញ្ហាផ្ទៃពោះ

​អំឡុង​ពេល​មាន​គភ៌ ម៉ាក់​ៗ​ប្រហែល​ជា​នោម​ញឹកញាប់​ជាង​មុន​មិន​ខាន​ ដែល​នេះ​ជា​អាការៈ​ធម្មតា​ប៉ុណ្ណោះ​សម្រាប់​ស្ត្រី​ពពោះ​​។ យ៉ាង​ណា​មិញ ប្រសិនបើ​ម៉ាក់​ៗ​មាន​អារម្មណ៍​​ឈឺ​អួល ឬ​ក្រហាយ​​នៅ​ពេល​នោម​ ​វា​អាច​បណ្ដាល​មក​ពី​បញ្ហា​សុខភាព​​មួយ​ចំនួន​ដូច​​ខាង​ក្រោម​។ គណនាទម្ងន់ស្ត្រីពពោះ នៅទីនេះ មូលហេតុ​អ្វី​បាន​ជា​ម៉ាក់​ៗ​នោម​ឈឺ​អំឡុង​ពេល​ពពោះ​? ពិត​ណាស់​ ​មាន​​កត្តា​មួយ​ចំនួន​​ដែល​នាំ​ឲ្យ​ស្ត្រី​ពពោះ​ឈឺ​អួល ​ឬ​ក្រហាយ​នៅ​ពេល​នោម​ ហើយ​មូលហេតុ​ទូទៅ​គឺ​ការ​បង្ក​រោគ​ប្រព័ន្ធ​ទឹក​នោម​ (UTI) ដែល​កើត​ឡើង​ដោយ​សារ​តែ​ការ​ប្រែប្រួល​អ័រម៉ូន​ និង​រាងកាយ​។ ស្ថានភាព​សុខភាព​ខាង​ក្រោម​​អាច​នាំ​ឲ្យ​កើត​​មាន​ការ​បង្ក​រោគ​ប្រព័ន្ធ​ទឹក​នោម​ ឬ​អាច​ជា​មូលហេតុ​នៃ​ការ​ឈឺ​ចាប់​ប្លោក​​នោម​ និង​នោម​ឈឺ​អំឡុង​ពេល​​ពពោះ​។ គណនាថ្ងៃសម្រាលកូន នៅទីនេះ ១. បាក់តេរី​នៅ​ទ្វារ​មាស​ បាក់តេរី​នៅ​ទ្វារ​មាស​ ជា​បញ្ហា​សុខភាព​ទូទៅ​ដែល​បណ្ដាល​មក​ពី​អតុល្យភាព​នៃ​បាក់តេរី​ធម្មតា ដែល​រស់​នៅ​ក្នុង​ទ្វារ​មាស។​ ​វា​អាច​បណ្ដាល​ឲ្យ​នោម​ឈឺ​ ដោយ​សារ​តែ​ការ​រលាក​នៅ​កន្លែង​ដដែល​ ឬ​ដោយ​​ការ​ធ្លាក់​បាក់តេរី​ចូល​ទៅ​ក្នុង​ផ្លូវ​ទឹក​នោម​ ដែល​​អាច​នាំ​ឲ្យ​មាន​ការ​បង្ក​រោគ​លើ​ប្រព័ន្ធ​ទឹក​នោម​។ ២. ជំងឺ​កាមរោគ (STIs) ជំងឺ​កាមរោគ​ដែល​មិន​បាន​ធ្វើ​រោគវិនិច្ឆ័យ​ អាច​បណ្ដាល​ឲ្យ​​ម៉ាក់​ៗ​​នោម​ឈឺ​អួល ឬ​ក្រហាយ​នៅ​អំឡុង​ពេល​ពពោះ។ ពិត​ណាស់​​ ជំងឺ​កាមរោគ​អាច​បង្ក​ជា​ការ​ឈឺ​ចាប់​​​នៅ​អាង​ត្រគាក​ ជួនកាល​នៅ​ទ្វារ​មាស​ ឬ​ធ្វើ​ឲ្យ​យើង​នោម​ឈឺ​ជា​ដើម។ ៣. រើមលើ​ប្រដាប់​ភេទ​​​ ​ជាមួយ​គ្នា​នេះ​ដែរ រើម​​អាច​បណ្ដាល​ឲ្យ​នោម​ឈឺ​ មិន​ថា​យើង​មាន​ផ្ទៃពោះ​ ឬ​អត់​នោះ​ទេ​។ ប៉ុន្តែ​ បញ្ហា​សុខភាព​មួយ​នេះ​ អាច​បង្ក​ជា​ផលវិបាក​បន្ថែម​អំឡុង​ពេល​មាន​ផ្ទៃពោះ​។ ដូច្នេះ​ហើយ​ ស្ត្រី​​ពពោះ​​ដែល​កើត​រើម​ គប្បី​អនុវត្ត​តាម​ការ​ណែនាំ​របស់​គ្រូពេទ្យ​ ជា​ពិសេស​នៅ​ពេល​ដែល​យើង​ជិត​ដល់​ថ្ងៃ​សម្រាល​។ នោម​ឈឺ​អួល​ អំឡុង​ពេល​មាន​គភ៌​គ្រោះថ្នាក់​ទេ​? ប្រសិនបើ​​ម៉ាក់​ៗ​កំពុង​ពពោះ​ ជួប​ប្រទះ​​ការ​ឈឺ​ចាប់​នៅ​ពេល​នោម​ ឬ​ឈឺ​ប្លោក​នោម​ គប្បី​ពិគ្រោះ​ជាមួយ​គ្រូពេទ្យ​ ទើប​ជា​ការ​ប្រសើរ​ ពីព្រោះ​ថា​ការ​បង្ក​រោគ​ផ្លូវ​ទឹក​នោម​ដែល​មិន​បាន​ព្យាបាល​ អាច​នាំ​ឲ្យ​មាន​ផលវិបាក​នៃ​ការ​មាន​ផ្ទៃពោះ​ ដូចជា​សម្រាល​កូន​មិន​គ្រប់​ខែ ឬ​អាច​​​ធ្វើ​ឲ្យ​ម៉ាក់​ៗ​ខូច​តម្រង​នោម​ ​ឆ្លង​មេរោគ​ពេញ​រាងកាយ ឬ​ហៅ​ថា​ជំងឺSepsis​ក្នុង​អំឡុង​ពេល​ពពោះ​​។ ​​​តិចនិក​បង្ការ​ការ​នោម​ឈឺ​​អំឡុង​ពេល​ពពោះ​ ញ៉ាំ​ទឹក​ឲ្យ​បាន​គ្រប់គ្រាន់​ ជៀសវាង​ទប់​នោម​ ជូត​បរិវេណ​ប្រដាប់​ភេទ​ពី​ខាង​មុខ​ទៅ​ខាង​ក្រោយ​ […]

ត្រីមាសទី ១

រោគសញ្ញាមុនមករដូវមួយចំនួនដូចរោគសញ្ញាមានផ្ទៃពោះដំបូងអ៊ឹចឹង ដែល​ធ្វើស្រីៗយើង​ដែល​មាន​គ្រួសារ​ហើយច្រឡំ ឬសង្ស័យថាមានផ្ទៃពោះ។ តើអាការៈមុនមករដូវ និងមានផ្ទៃពោះដំបូងដូចគ្នា​និង​ខុសគ្នាដូចម្តេចខ្លះ? មុនពេលមករដូវ ២ សប្តាហ៍រាងកាយរបស់យើងផលិតអ័រម៉ូនប្រូហ្សេស្តេរ៉ូន (progesterone) ដែល​ជា​អ័រម៉ូន​សំខាន់សម្រាប់ទ្រទ្រង់ការមានគភ៌ដំបូង។ កម្រិតអ័រម៉ូននេះនឹងកើនខ្ពស់ក្នុងអំឡុងពេល ១សប្តាហ៍បន្ទាប់ ទោះបីជាយើងមិនមានផ្ទៃពោះក៏ដោយ។ ការ​កើន​ឡើង​នៃកម្រិតអ័រម៉ូន​នេះ​អាច​បណ្តាល​ឱ្យយើងមានការផ្លាស់ប្តូរទាំងផ្លូវកាយ និងផ្លូវចិត្ត ដែលជា​រោគ​​សញ្ញាមុនមករដូវ។ ប្រសិនបើយើងមានផ្ទៃពោះ រោគ​សញ្ញានៃការមានផ្ទៃពោះអាចលេចឡើងមុនពេលយើងបាត់​​រដូវចាប់ពី ១សប្តាហ៍ទៅ ១០ថ្ងៃ ពោល​គឺនៅសប្តាហ៍ទី ១ នៃការបង្កកំណើតតែម្តង។ ចង់គណនាថ្ងៃមេជីវិតញីទុំធ្លាក់ ចុចទីនេះ! អាការៈមុនមករដូវ និងមានផ្ទៃពោះដំបូងអាចមានលក្ខណៈស្រដៀង​គ្នាដូច​ខាងក្រោម៖ ឡើង​ទម្ងន់ សុដន់រីកធំ ហើម និងឈឺ ឬរមាស់ចុងសុដន់ ឈឺក្បាល អស់កម្លាំង ប្រែប្រួលអារម្មណ៍ (ឆេវឆាវ ឆាប់ខឹង ថប់បារម្ភ បាក់ទឹកចិត្ត) រមួលក្រពើ ឈឺចង្កេះ ទល់លាមក ហើមពោះ ញុំាច្រើន ភាពខុស​គ្នា ការធ្លាក់ឈាមពេលមករដូវខុសពីការធ្លាក់ឈាមពេលមានផ្ទៃពោះដំបូង។ ការធ្លាក់ឈាមពេល​មាន​ផ្ទៃពោះដំបូងកើតឡើងដោយសារស៊ុតបង្កកំណើតភ្ជាប់ខ្លួននឹងជញ្ជាំងស្បូន (ស៊ុតកាច់សម្បុក) ហើយកើតឡើងនៅចន្លោះ​ពេលនៃការមករដូវដែលធ្វើឱ្យយើងច្រឡំថាមករដូវ។ ប៉ុន្តែការធ្លាក់​ឈាម​នេះ​មិនសូវច្រើន និងមិនយូរដូចការធ្លាក់ឈាមពេលមករដូវទេ ហើយមានពណ៌ស្រាលជាង ឬមាន​ពណ៌​ត្នោត។ ការរមួលក្រពើមុនពេលមុនមករដូវមានសភាពធ្ងន់ជាងពេលមានផ្ទៃពោះដំបូង។  អាកាៈចង្អោរ និងក្អួតច្រើនកើតមានក្នុងពេលមានផ្ទៃពោះដំបូង។ ចុងសុដន់ ឬតំបន់ជុំវិញក្បាលសុដន់ឡើងពណ៌ខ្មៅគឺជាសញ្ញានៃការមានផ្ទៃពោះដំបូង។ អាការៈមុនមករដូវ និងការមានផ្ទៃពោះដំបូងមានលក្ខណៈដូចគ្នាច្រើន ជាពិសេសការធ្លាក់ឈាម​ពេល​ស៊ុតកាច់សម្បុកដែលធ្វើឱ្យយើងច្រឡំថាមករដូវ។ វិធីសាស្រ្តល្អបំផុត​ក្នុងការ​បំបាត់មន្ទិល​សង្ស័យ​គឺការធ្វើតេស្តទឹកនោមពិនិត្យផ្ទៃពោះ។

បញ្ហាផ្ទៃពោះ

ជំងឺ​ស្វាយ ងាយ​ឆ្លង​បំផុត​ពី​មនុស្ស​ម្នាក់​ទៅ​មនុស្ស​ម្នាក់​ទៀត​តាម​រយៈ​ការ​រួម​ភេទ ហើយ​​ជំងឺ​នេះ​​បង្ក​ឡើង​ដោយ​មេរោគ​ឈ្មោះ Treponema pallidum។ ក្នុង​ករណី​ស្ត្រី​កើត​ស្វាយ​ពេល​ពពោះ មេរោគ​អាច​ឆ្លង​​ទៅ​កូន​ក្នុង​ផ្ទៃ​បាន បណ្ដាល​ឲ្យ​អា​អូន​ប្រឈម​នឹង​បញ្ហា​ធំៗ​មិន​តិច​ទេ។ គណនាថ្ងៃសម្រាលកូននៅទីនេះ កើត​ស្វាយ​ពេល​ពពោះ​អាច​ឆ្លង​មេរោគ​ទៅ​គភ៌​បាន​តាម​រយៈ​សុក ហើយ​ការ​ចម្លង​នេះ​អាច​ប៉ះពាល់​ដល់​គភ៌​គ្រប់​ដំណាក់កាល​ទាំង​អស់​អំឡុង​ពេល​កំពុង​ពពោះ។ បញ្ហា​ធំៗ ដែល​ទារក​ប្រឈម​បើ​ម្ដាយ​កើត​ស្វាយ​ពេល​ពពោះ​មាន​ដូច​ជា៖ -កើតមិន​គ្រប់​គីឡូ -ស្លាប់​ក្នុង​ពោះ -រលូត​ដោយ​ឯក​ឯង (ក្នុង​ករណី គភ៌​មាន​អាយុ​តិច) -ស្លាប់​នៅ​ពេល​កើត ទាក់​ទង​នឹង​បញ្ហា​កើត​ស្វាយ​ពេល​ពពោះ​នេះ មជ្ឈមណ្ឌល​ប្រយុទ្ធ​នឹង​ជំងឺ​ឆ្លង​សហរដ្ឋអាមេរិក CDC បាន​ឲ្យ​ដឹង​ថា ទារក​ដែល​កើត​មក​មាន​រោគ​ស្វាយ​ពី​កំណើត​អាច​មាន​ការ​ខូចខាត​ឆ្អឹង មាន​ភាព​ស្លេក​ស្លាំង​ធ្ងន់ធ្ងរ បញ្ហាថ្លើម និង​អណ្ដើក​រីក​ធំ កើត​ខាន់​លឿង រលាក​ស្រោម​ខួរ ឬ​មាន​បញ្ហា​សរសៃ​ប្រសាទ​ដែល​បណ្ដាល​ឲ្យ​ងងឹត​ភ្នែក។ និយាយ​រួម កើត​ស្វាយ​ពេល​ពពោះ​អាច​បង្ក​ជា​ផល​ពិបាក​ខ្ពស់​ដល់​កូន​​ទាំង​ពេល​ក្នុង​ផ្ទៃ និង​ពេល​សម្រាល ហេតុ​នេះ​ហើយ​ពេល​ពិនិត្យ​ផ្ទៃ​ពោះ ម៉ាក់​ៗ​គ្រប់​រូប​គួរ​តែ​ធ្វើ​តេស្ដ​រក​មេរោគ​ស្វាយ​នេះ​ឲ្យ​បាន​ឆាប់ ដើម្បី​ទទួល​បាន​ការ​ព្យាបាល​ទាន់​ពេល​វេលា ក្នុង​ករណី​តេស្ដ​ឃើញ​វិជ្ជមាន ចៀសវាង​មេរោគ​ឆ្លង​ទៅ​ប៉ះពាល់​ដល់​កូន​បាន។​

បញ្ហាផ្ទៃពោះ

ពណ៌​ទឹក​នោម​​មាន​ភាព​ខុស​គ្នា​ពី​មនុស្ស​ម្នាក់​ទៅ​មនុស្ស​ម្នាក់​ទៀត ហើយ​ជា​ធម្មតា​ វា​មាន​ពណ៌​លឿង​ស្រាល​ ទៅ​លឿង​ចាស់​។ កង្វះ​ជាតិ​ទឹក​ អាហារ ថ្នាំ​ និង​សារធាតុ​Hemoglobin​ អាច​ជះ​ឥទ្ធិពល​ដល់​ពណ៌​ទឹក​នោម​។ ចំពោះ​​ទឹក​នោម​ដែល​មាន​ពណ៌​មិន​ប្រក្រតី​អាច​​មាន​​ពណ៌​ល្អក់​ ក្រមៅ​ ឬ​ពណ៌​ក្រហម​។ ​ពណ៌​ទឹក​នោម​របស់​ស្ត្រី​ពពោះ​ប្រែប្រួល​ដោយ​សារ​អ្វី​? ​មាន​មូលហេតុ​ជា​ច្រើន​ដែល​បណ្ដាល​ឲ្យ​​ពណ៌​ទឹក​នោម​របស់​ស្ត្រី​ពពោះ​មាន​ការ​ប្រែប្រួល​។ មូលហេតុ​ទាំង​នេះ​ រួម​មាន​៖ ១. កង្វះ​ជាតិ​ទឹក​ អំឡុង​ត្រី​មាស​ទី​១​ ស្ត្រី​ពពោះ​ច្រើន​តែ​ប្រឈម​នឹង​អាការៈ​ក្អួត​ចង្អោរ​ ដែល​​បណ្ដាល​ឲ្យ​ខ្វះ​ជាតិ​ទឹក​ និង​នាំ​ឲ្យ​ទឹក​នោម​មាន​ពណ៌​ក្រមៅ និង​បរិមាណ​ទឹក​នោម​​តិច​។ ២. វីតាមីន និង​អាហារ​បំប៉ន​អំឡុង​ពេល​មាន​គភ៌​ វីតាមីន​ និង​អាហារ​បំប៉ន​ផ្សេង​ៗ ដែល​ម៉ាក់​ៗ​ញ៉ាំ​អំឡុង​ពេល​មាន​គភ៌ អាច​ជា​មូលហេតុ​ផ្សេង​ទៀត​​ធ្វើ​ឲ្យ​ទឹក​នោម​មាន​ពណ៌​ក្រមៅ។ ប្រសិនបើ​យើង​ញ៉ាំ​វីតាមីន​ ឬ​អាហារ​បំប៉ន​លើស​កម្រិត អាច​នឹង​មាន​ឈាម​នៅ​ក្នុង​ទឹក​នោម​។ ៣. របប​អាហារ​ ជាក់​ស្ដែង នៅ​អំឡុង​ពេល​ពពោះ​ ម៉ាក់​ៗ​តែងតែ​គិតគូរ​​អំពី​ការ​ផ្លាស់ប្ដូរ​របប​អាហារ​មុន​គេ។​ បន្លែ និង​ផ្លែឈើ​មួយ​ចំនួន​ ដូចជា​ទំពាំង​បារាំង ​និង​ឆៃថាវ​ក្រហម​ ​សុទ្ធ​តែ​អាច​ធ្វើ​ឲ្យ​ទឹក​នោម​ប្ដូរ​ពណ៌​បាន​។ ​៤. ការ​បង្ក​រោគ​លើ​ផ្លូវ​ទឹក​នោម​ ភាគច្រើន​ ស្ត្រី​ពពោះ​ងាយ​នឹង​​ឆ្លង​មេរោគ​លើ​ផ្លូវ​ទឹក​នោម​ ដែល​​រួម​មាន​ការ​ឆ្លង​មេរោគ​តម្រង​នោម​ បង្ហួរ​នោម​  ប្លោក​នោម​ និង​បំពង់ទឹកនោម រោគសញ្ញា​នៃ​ការ​បង្ក​រោគ​លើ​ផ្លូវ​ទឹក​នោម​មាន​ដូចជា​នោម​ញឹក ក្រហាយ​នៅ​ផ្នែក​ខាង​ក្រោម​ពោះ ព្រម​ទាំង​ហូរ​ឈាម និង​ទឹក​រម្អិល​​នៅ​ក្នុង​ទឹក​នោម ដែល​ធ្វើ​ឲ្យ​ទឹក​នោម​មាន​ពណ៌​ភ្លឺ។ ៥. ជំងឺ​​តម្រង​នោម​ ជាមួយ​គ្នា​នេះ​ដែរ តម្រង​នោម​ច្រោះ និង​បញ្ចេញ​កាកសំណល់​​ចេញ​ពី​រាងកាយ​។ រាល់​ការ​បង្ក​រោគ ឬ​បញ្ហា​ណា​មួយ​ដែល​កើត​​​​នៅ​ក្នុង​តម្រង​នោម​ អាច​បណ្ដាល​ឲ្យ​ទឹក​នោម​មាន​ពណ៌​ក្រមៅ​។ ៦. ក្រួស​តម្រង​នោម​ ទោះ​បី​វា​ជា​ករណី​កម្រ ក្រួស​តម្រង​នោម​អាច​ប៉ះពាល់​ដល់​មុខងារ​ទូទៅ​នៃ​តម្រង​នោម និង​អាច​បង្ក​ជា​ការ​ឈឺ​​ពោះ […]