មានផ្ទៃពោះ

បើស្រ្តីពពោះមិនបញ្ឈប់ទង្វើទាំងនេះទេ អាចនឹងប៉ះពាល់ដល់កូនមិនខាន

ការពពោះ គឺជារយៈពេលដ៏សំខាន់ និងមានអត្ថន័យបំផុតសម្រាប់ម៉ាក់ៗ។ អំឡុងពេលនេះដែរ យើងចាំបាច់ត្រូវមានការប្រុងប្រយ័ត្នចំពោះទម្លាប់ខុសឆ្គងមួយចំនួន ដែលអាចប៉ះពាល់ដល់សុខភាពអាអូនក្នុងផ្ទៃ។ តើរឿងអ្វីខ្លះ ដែលម៉ាក់ៗមិនគួរធ្វើអំឡុងពេលពពោះ? ១. ខ្ជិលច្រអូស និងមិនធ្វើអ្វីទាំងអស់ ម៉ាក់ៗគួរធ្វើសកម្មភាពប្រចាំថ្ងៃស្រាលៗ រួមបញ្ចូលការហាត់យូហ្គា ដើរជារៀងរាល់ថ្ងៃ ឬចំណាយពេលខ្លះ ធ្វើរឿងដែលខ្លួនឯងចូលចិត្ត។ ទង្វើទាំងនេះ អាចជួយគ្រប់គ្រងអារម្មណ៍ កាត់បន្ថយអាការៈចាញ់កូន ជួយឲ្យគេងលក់ស្កប់ស្កល់ និងបញ្ចៀសបញ្ហាសុខភាពផ្សេងៗ។ ម្យ៉ាងវិញទៀត បើយើងអង្គុយច្រើនពេក នោះនឹងអាចបណ្តាលឲ្យមានបញ្ហាសុខភាពមួយចំនួន ដូចជាឡើងទម្ងន់ ឬជំងឺទឹកនោមផ្អែមពេលពពោះ។ល។ ២. ជក់បារី ញ៉ាំគ្រឿងស្រវឹង និងជាតិកាហ្វេអ៊ីន នៅពេលដែលយើងជក់បារី ញ៉ាំគ្រឿងស្រវឹង ឬជាតិកាហ្វេអ៊ីន សារធាតុទាំងនោះនឹងចូលទៅកាន់សុករបស់ម៉ាក់ៗ ហើយប៉ះពាល់ដល់ទារកក្នុងផ្ទៃដោយផ្ទាល់។ ហានិភ័យនៃកូនស្លាប់ក្នុងផ្ទៃ សម្រាលមិនគ្រប់ខែ ការរលូតកូន កូនកើតមិនគ្រប់គីឡូ និងបញ្ហាទារកស្លាប់ភ្លាមៗ អាចនឹងកើនឡើងខ្ពស់។ គ្រឿងស្រវឹង ក៏រួមចំណែកដល់បញ្ហាមិនប្រក្រតីខាងរាងកាយ និងបញ្ញាស្មារតី ហើយការជក់បារីទៀតសោត អាចប៉ះពាល់ដល់សមត្ថភាពក្នុងការមានផ្ទៃពោះម្តងទៀត និងបង្កជាបញ្ហាផ្លូវដង្ហើម។ គណនាថ្ងៃសម្រាលកូន គណនាទម្ងន់ស្ត្រីអំឡុងពពោះ គណនាថ្ងៃមេជីវិតញីទុំធ្លាក់ ចុចទីនេះ! ចង់ដឹងអត្ថន័យពណ៌ និងរូបរាងលាមកទារក ចុចទីនេះ! ៣. ញ៉ាំអាហារជាក់លាក់ ទន្ទឹមនឹងនេះដែរ សាច់ បន្លែ ត្រី ឬស៊ុតឆៅ ទឹកផ្លែឈើ ឈីស និងអាហារកែច្នៃមួយចំនួន អាចបណ្តាលឲ្យមានផលវិបាកក្នុងពេលសម្រាល។ អ៊ីចឹងហើយ […]

បញ្ហាផ្ទៃពោះ

ចេះតែរមួលក្រពើអំឡុងពេលពពោះ គួរដោះស្រាយបែបណា?

រមួលក្រពើជាអាការៈឈឺចាប់នៅត្រង់សាច់ដុំដែលកន្ត្រាក់ ហើយជាធម្មតាកើតមាននៅត្រង់កំភួនជើង ឬជើង ឬទាំងពីរផ្នែកនេះតែម្ដង។ ស្រ្តីពពោះប្រមាណជា៣០ ទៅ៥០ភាគរយអាចប្រឈមនឹងអាការៈរមួលក្រពើ ហើយអាការៈនេះច្រើនកើតនៅពេលយប់ និងអាចមានរយៈពេលពីរបីវិនាទី ដល់ទៅ១០នាទី។ មូលហេតុនាំឲ្យមានអាការៈរមួលក្រពើលើស្រ្តីមានផ្ទៃពោះ មិនទាន់មានការបញ្ជាក់ច្បាស់លាស់នៅឡើយ ហើយអាការនេះអាចកើតមាននៅត្រីមាសទី២ និងទី៣។ កត្តាមួយចំនួនត្រូវបានគេគិតថាទំនងជាអាចមានទំនាក់ទំនងនឹងអាការៈរមួលក្រពើ។ កត្តាទាំងនោះមានដូចជាបញ្ហាមេតាប៉ូលិស មិនសូវបញ្ចេញសកម្មភាពរាងកាយ ឬបញ្ចេញសកម្មភាពរាងកាយខ្លាំងពេក បាត់បង់លំនឹងអេឡិចត្រូលីត ឬខ្វះវីតាមីនជាដើម។ គណនាថ្ងៃសម្រាលកូន នៅទីនេះ ការឡើងទម្ងន់ស្ត្រីអំឡុងពពោះ នៅទីនេះ គន្លឹះការពារបញ្ហារមួលក្រពើលើស្រ្តីពពោះ ហាត់ប្រាណ ការហាត់ប្រាណជាប្រចាំថ្ងៃ ឬការធ្វើចលនារាងកាយជាប្រចាំជួយការពារបញ្ហារមួលក្រពើអំឡុងពេលពពោះ។ យ៉ាងណាមុនសម្រេចចិត្តលើទម្រង់លំហាត់ប្រាណណាមួយគួរប្រឹក្សាជាមួយគ្រូពេទ្យ ដើម្បីសុវត្ថិភាព។ [embed-health-tool-due-date] ញ៉ាំទឹក ការរក្សាជាតិទឹកបានគ្រប់គ្រាន់ទំនងអាចជួយការពារបញ្ហារមួលក្រពើនេះដែរ។ ញ៉ាំទឹកបានគ្រប់គ្រាន់ឬអត់យើងអាចពិនិត្យលើទឹកនោម។ បើទឹកនោមមានសភាពថ្លា ឬពណ៌លឿងស្រាលបានន័យថាយើងញ៉ាំទឹកបានគ្រប់គ្រាន់។ ដោយឡែកបើទឹកនោមមានពណ៌លឿងចាស់នោះអាចបញ្ជាក់ថាយើងញ៉ាំទឹកមិនបានគ្រប់គ្រាន់ទេ។ អត្ថបទគួរអាន៖ ក្រោយសម្រាលកូន បើនៅមានបញ្ហាទាំងនេះ កុំទាន់រួមដំណេក ស្បែកយារធ្លាក់ក្រោយសម្រាល សាកអនុវត្តតិចនិក ៥ នេះ ក្រោយសម្រាលកូនដើមទ្រូងឡើងសរសៃខៀវខ្វាត់ខ្វែង ធ្វើម៉េចទើបបាត់វិញ? ហេតុអ្វីក្រោយសម្រាលកូន ពេទ្យឲ្យម៉ាក់ៗលេបថ្នាំទម្លាក់សត្វល្អិត? ញ៉ាំកាល់ស្យូម ការសិក្សាមួយចំនួនលើកឡើងថាកម្រិតកាល់ស្យូមក្នុងឈាមអំឡុងពេលពពោះទាបក៏អាចនាំឲ្យមានបញ្ហារមួលក្រពើដែរ។ បើសិនជាយើងកំពុងពពោះ គួរញ៉ាំកាល់ស្យូមឲ្យបាន១ ០០០មិល្លីក្រាមក្នុងមួយថ្ងៃ។ ប្រឹក្សាជាមួយគ្រូពេទ្យអំពីបរិមាណកាល់ស្យូមដែលត្រូវការ និងប្រភពកាល់ស្យូមដែលគួរញ៉ាំ។ ក្នុងករណីយើងជួបអាការៈរមួលក្រពើ យើងអាចសន្ធឹងសាច់ដុំត្រង់កំភួនជើង ដើម្បីសម្រួលអាការៈ។ ការងើបដើរ និងអង្គុយចុះវិញ រួចលើកជើងបន្តិចក៏អាចរួមចំណែកជួយឲ្យអាការៈវិលមករកសភាពធម្មតាដែរ។ បើសិនជាបញ្ហារមួលក្រពើមានលក្ខណៈធ្ងន់ធ្ងរ និងរំខានខ្លាំងពេលពពោះ សូមប្រឹក្សាជាមួយគ្រូពេទ្យដើម្បីទទួលបានការព្យាបាលត្រឹមត្រូវ។