អំឡុងពេលពពោះ ការថែទាំសុខភាពផ្លូវកាយ និងផ្លូវចិត្តឲ្យបានល្អ មានសារៈសំខាន់ណាស់សម្រាប់ម៉ាក់ៗ និងទារកក្នុងផ្ទៃ ហើយការថែទាំរូបរាងឲ្យនៅសមសួន និងរឹងមាំ អាចជួយឲ្យយើងឆាប់ជាសះស្បើយក្រោយសម្រាល កាត់បន្ថយការឈឺចាប់ និងជួយឲ្យយើងគេងលក់ស្រួលថែមទៀតផង។
ម៉ាក់ៗមួយចំនួន តែងគិតថាការធាត់ជ្រុលអំឡុងពេលពពោះ ជារឿងធម្មតាប៉ុណ្ណោះ ទើបមិនចាប់អារម្មណ៍ថែទាំរូបរាងកាយឲ្យបានល្អ។ ប៉ុន្តែ ម៉ាក់ដឹងអត់ថា នៅពេលដែលយើងមានរាងកាយសមសួន និងរឹងមាំ នោះយើងនឹងអាចឆាប់ជាសះស្បើយក្រោយសម្រាល កាត់បន្ថយការឈឺចាប់ និងជួយឲ្យយើងគេងលក់ស្រួលថែមទៀតផង។ ដូច្នេះហើយ ដើម្បីថែទាំសុខភាពផ្លូវកាយ និងផ្លូវចិត្ត ស្រី្តពពោះគួរអនុវត្តន៍គន្លឹះមួយចំនួន រួមមាន៖ រក្សាជាតិទឹកក្នុងរាងកាយ ធ្វើចលនា ឬហាត់ប្រាណជាទៀងទាត់ ជៀសវាងញ៉ាំជាតិស្ករច្រើនជ្រុល និងធ្វើសមាធិ ក៏ដូចជាញ៉ាំអាហារសុខភាពឲ្យបានគ្រប់គ្រាន់។
