backup og meta

ម៉ាក់ៗពេលទម្ងន់ ជួបបញ្ហាក្លិនមាត់មិនល្អ អាចដោះស្រាយតាមវិធីទាំងនេះ

ត្រួតពិនិត្យដោយ វេជ្ជ. ចាន់ ស៊ីណេត · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


អត្ថបទ​ដោយ នូ សោភ័ណ្ឌ · កែ May 09, 2023

    ម៉ាក់ៗពេលទម្ងន់ ជួបបញ្ហាក្លិនមាត់មិនល្អ អាចដោះស្រាយតាមវិធីទាំងនេះ

    ​​បញ្ហា​ក្លិន​មាត់​មិន​ល្អ​អំឡុង​ពេល​ពពោះ​ ជា​រឿង​ធម្មតា​ប៉ុណ្ណោះ និង​កើត​ឡើង​ដោយ​សារ​តែ​ការ​ប្រែប្រួល​នៅ​ក្នុង​រាងកាយ​។ ជាទូទៅ ក្លិន​មាត់​មិន​ល្អ​កើត​ចេញ​ពី​សារធាតុ​Volatile sulfur ដែល​ភាគ​ច្រើន​មាន​​ផ្ទុក​សារធាតុHydrogen sulfide និង Methyl mercaptan។

    មូលហេតុ​បង្ក​ឲ្យ​មាន​ក្លិន​មាត់​មិន​ល្អ អំឡុង​ពេល​ពពោះ៖

    • ការ​ប្រែប្រួល​អ័រម៉ូន
    • ក្អួត
    • កង្វះ​ជាតិ​កាល់ស្យូម
    • កង្វះ​ជាតិ​ទឹក
    • ការ​រំលាយ​អាហារ​យឺតយ៉ាវ
    • បរិមាណ​ទឹក​មាត់​ថយ​ចុះ
    • ញ៉ាំ​អាហារ​ដែល​មាន​ក្លិន​ខ្លាំង ដូចជា​ខ្លឹម​ស ខ្លឹម​បារាំង កាហ្វេ​
    • បញ្ហា​សុខភាព​ដូចជា​ ការ​ឆ្លង​មេរោគ​ផ្លូវ​ដង្ហើម​ ត្រចៀក​ ច្រមុះ និង​បំពង់​ក ជំងឺ​ទឹក​នោម​ផ្អែម​ ជំងឺ​ថ្លើម​ ឬ​ជំងឺ​ក្រពះ​ពោះវៀន​ជាដើម។

    ជាក់ស្ដែង​ ការ​មាន​ផ្ទៃពោះ​ ​ក៏​អាច​រួមចំណែក​ក្នុង​ការ​កើត​ជំងឺ​រលាក​អញ្ចាញ​ធ្មេញ​ផង​ដែរ ដូច្នេះ​ហើយ​ ស្ត្រី​ពពោះ​គួរ​ទៅ​​សម្អាត​ធ្មេញ​​ជា​ទៀងទាត់​​​​ជាមួយ​នឹង​ទន្តពេទ្យ​ជំនាញ។

    ក្លិនមាត់មិនល្អ

    គណនាថ្ងៃសម្រាលកូន

    គណនាទម្ងន់ស្ត្រីអំឡុងពពោះ

    រោគសញ្ញា​ពាក់ព័ន្ធ​នឹង​ក្លិន​មាត់​មិន​ល្អ អំឡុង​ពេល​ពពោះ

    • ហើម​ ឬ​ឈាម​អញ្ចាញ​ធ្មេញ
    • ស្ងួត​មាត់ លំហូរ​ទឹក​មាត់​ថយ​ចុះ
    • អណ្ដាត​ឡើង​​ឆ្នូត​ពណ៌​ស
    • ល្វីង​មាត់។

    ធ្វើ​ម៉េច​អាច​បញ្ចៀស​បញ្ហា​ក្លិន​មាត់​មិន​ល្អ អំឡុង​ពេល​ពពោះ?

  • ដុស​សម្អាត​ធ្មេញ​ចំនួន​២​ដង​ក្នុង​មួយ​ថ្ងៃ
  • ប្រើ​អំបោះ​ទាក់​ធ្មេញ​ជា​រៀង​រាល់​ថ្ងៃ ដើម្បី​កម្ចាត់​កាកសំណល់​ និង​កម្ទេចកំទី​​ដែល​នៅ​ចន្លោះ​ធ្មេញ
  • សម្អាត​​អណ្ដាត
  • ខ្ពុរ​មាត់​ដោយ​ទឹក​អំបិល​ក្ដៅ​ឧណ្ហ​ៗ ឬ​ទឹក​ខ្ពុរ​មាត់​ដែល​គ្មាន​ជាតិ​អាកុល​ក្រោយ​ញ៉ាំ​អាហារ​រួច
  • ញ៉ាំ​អាហារ​ដែល​សម្បូរ​ដោយ​ជាតិ​សរសៃ​ ដូចជា​ផ្លែឈើ​ក្រៀម​ ផ្លែ​បឺរ ខាត់ណាខៀវ ដើម្បី​ជួយ​​សម្រួល​ដល់​ការ​រំលាយ​អាហារ
  • ញ៉ាំ​ទឹក​ឲ្យ​បាន​គ្រប់គ្រាន់
  • ទំពា​ស្ករ​កៅស៊ូ​ដែល​គ្មាន​ជាតិ​ស្ករ
  • ​ពិនិត្យ​សុខភាព​មាត់​ធ្មេញ​រាល់​៦​ខែ​ម្ដង។
  • បដិសេធ

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ត្រួតពិនិត្យដោយ

    វេជ្ជ. ចាន់ ស៊ីណេត

    · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


    អត្ថបទ​ដោយ នូ សោភ័ណ្ឌ · កែ May 09, 2023

    advertisement iconផ្សព្វផ្សាយពាណិជ្ជកម្ម

    តើអត្ថបទនេះមានប្រយោជន៍ដែរទេ?

    advertisement iconផ្សព្វផ្សាយពាណិជ្ជកម្ម
    advertisement iconផ្សព្វផ្សាយពាណិជ្ជកម្ម