តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

ថ្នាំជាតិដែកសំខាន់ចំពោះម៉ាក់ៗ និងបេប៊ី វីតាមីនមិនអាចជំនួសបានទេ

    ថ្នាំជាតិដែកសំខាន់ចំពោះម៉ាក់ៗ និងបេប៊ី វីតាមីនមិនអាចជំនួសបានទេ

    តាម​គោលការណ៍​របស់​ក្រសួង​សុខាភិបាល តម្រូវ​ឲ្យ​ស្រីៗមាន​ផ្ទៃពោះ​លេប​ថ្នាំជាតិ​ដែកឲ្យ​បានយ៉ាង​ហោច​ណាស់ ៩០ គ្រាប់ អំឡុង​ពេល​ពពោះក្នុងត្រីមាសទី១? តើថ្នាំជាតិ​ដែក​មាន​ផ្ទុក​អ្វីខ្លះ និង​សំខាន់​ប៉ុនណា​ចំពោះ​សុខភាព​ម្តាយ និង​គភ៌?

    ដូច​ដែល​យើង​ដឹង​ស្រាប់​ហើយ​ថា អំឡុង​ពេល​មាន​ផ្ទៃពោះ​អ័រម៉ូន​ប្រែប្រួល​ខ្លាំង ចំណែករាងកាយយើង​ត្រូវការ​ជាតិ​ដែក ដើម្បី​ផលិត​អេម៉ូគ្លូប៊ីនទ្វេដង ដែលមានតួនាទីសំខាន់ក្នុងការផលិតគ្រប់ឈាម​ក្រហម។ អេម៉ូក្លូប៊ីន មានតួនាទី​ផលិត​គ្រាប់​ឈាម​បន្ថែម​ដល់​កូន​ក្នុង​ផ្ទៃ ដូច្នេះ​ហើយ​ជាតិដែក​គឺ​ជា​អ្វី​ដែល​ស្រីៗ​មាន​ផ្ទៃពោះ​ត្រូវការ​ដើម្បី​បង្កើន​គ្រាប់​ឈាមក្រហម កាត់​បន្ថយភាពស្លេកស្លាំង និងហានិភ័យ​ផ្សេងៗ​ ពេល​សម្រាល​អាអូន។

    ថ្នាំជាតិដែកមានផ្ទុកអ្វីខ្លះ?

    ស្រីៗ​គ្នា​យើង​មាន​ដឹង​ទេ គ្រាប់​ថ្នាំ​ជាតិ​ដែក មិន​មែន​មាន​តែ​ជាតិដែក​មួយមុខ​ប៉ុណ្ណោះ​ទេ វា​ផ្ទុក​បន្ថែម​នូវ​អាស៊ីដ​ហ្វូលិច ដែល​អាច​ជួយឲ្យទារក​ក្នុង​ផ្ទៃឲ្យ​មាន​សុខភាព​ល្អ ចៀស​ផុត​ពីការ​ឆែប​មាត់ ពកឆ្អឹងខ្នងជាដើម។

    តើត្រូវញ៉ាំថ្នាំជាតិដែកពេលណា?

    ថ្នាំជាតិ​ដែក​ផ្តល់​ឲ្យ​ដោយ​ឥត​គិត​ថ្លៃ​នៅ​តាម​មន្ទីរពេទ្យ​រដ្ឋ​នានា ពិសេស​មណ្ឌល​សុខភាព។ ស្រីៗ​ដែល​មាន​ផ្ទៃពោះ​ត្រូវ​ញ៉ាំ​ថ្នាំ​ជាតិ​ដែក ១ គ្រាប់ រៀង​រាល់​ថ្ងៃ ឲ្យ​បាន​យ៉ាង​ហោច​ណាស់ ៩០ គ្រាប់​អំឡុង​ពេល​ពពោះ ៣ដំបូង។ គ្រូពេទ្យ​បាន​ណែនាំ​ឲ្យ​ស្រីៗ​មាន​ផ្ទៃពោះ​ញ៉ាំ​នៅ​ពេល​បាយល្ងាច ដើម្បី​បញ្ចៀស​ការ​ធ្វើទុក្ខ ក្រោយ​ពេល​លេប​ថ្នាំ ដូចជាធីងធោង វិលមុខ ក្អួតចង្អោរ។

    អត្ថបទពាក់ព័ន្ធ៖ បើ​កំពុង​មាន​ផ្ទៃពោះ ធ្វើ​ម៉េច​កុំ​ឲ្យ​ខ្វះ​ជាតិ​នេះឲ្យសោះ

    ថ្នាំវីតាមីនផ្សេងៗអាចជំនួសថ្នាំជាតិដែកបានទេ?

    ចម្លើយខ្លី គឺ​មិន​បាន​នោះ​ទេ ព្រោះ​ថ្នាំ​វីតាមីន​ដទៃទៀតមិនមាន​ជាតិ​ដែក​គ្រប់​គ្រាន់សម្រាប់​ម្តាយ និង​កូន ត្រូវការ​នោះ​ទេ ថ្នាំ​ទាំងនោះ​សម្បូរ​​វីតាមីនច្រើនជាងជាតិដែក។ ម៉ាក់ៗ​មិន​បាច់បារម្ភ​ទេ ការ​លេប​ថ្នាំជាតិ​ដែក​តែ​មួយ​មុខ​រយៈពេល ៣ ខែដំបូង គ្រប់គ្រាន់​ហើយ​ទាំង​ម្តាយ​ និង​កូន ការ​ទិញ​ថ្នាំ​វីតាមីន​​ផ្សេងៗមក​បំប៉ន​សុខភាព​ជំនួស អាច​ឲ្យ​យើង​ចំណាយ​លុយ​ច្រើន ឯ​ជាតិដែក​វិញ​ក៏​មិន​គ្រប់គ្រាន់​ដែរ។

     

    ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    health-tool-icon

    គណនាថ្ងៃសម្រាលកូន

    ប្រើ​វិធី​គណនា​នេះ​​ គឺ​ដើម្បី​រក​ថ្ងៃ​សម្រាល​កូន​។ វិធី​​នេះ​អាច​ប៉ាន់ស្មាន​ថ្ងៃ​សម្រាល​បាន​ តែ​មិន​ធានា​ថា​ត្រឹម​ត្រូវ​ទាំង​ស្រុង​ទេ​។ ស្រ្តី​ភាគ​ច្រើន មិន​ទាំង​អស់​ទេ អាច​ឆ្លង​ទន្លេ​មុន​ ឬ​ក្រោយ​មួយ​សប្ដាហ៍ នៃ​ពេល​វេលា​ប៉ាន់​ស្មាន​នេះ។

    រយៈពេល​វដ្ដរដូវ

    28 ចំំនួន​ថ្ងៃ​

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    រូបថត​របស់​អ្នក​និពន្ធbadge
    ដោយ ដេត ធន្នី កែសម្រួល​ចុងក្រោយ 27/11/2019
    ត្រួតពិនិត្យដោយ វេជ្ជ. ចាន់ ស៊ីណេត
    Next article: