បញ្ហាផ្ទៃពោះ Archives - Page 50 of 55

បញ្ហាទ្វារមាសកើតឡើងទូទៅ អំឡុងពេលពពោះ ម៉ាក់ៗគួរយកចិត្តទុកដាក់

អំឡុងពេលពពោះ ម៉ាក់ៗតែងប្រឈមនឹងការប្រែប្រួលជាច្រើនចំពោះរាងកាយ ហើយកង្វះអនាម័យ អាចធ្វើឲ្យយើងជួបប្រទះបញ្ហាទ្វារមាសមួយចំនួន ដែលយើងគួរយកចិត្តទុកដាក់ឲ្យដិតដល់។ បញ្ហាទ្វារមាសទាំង៥ ដែលកើតឡើងជាទូទៅអំឡុងពេលពពោះ និងវិធីដោះស្រាយ ១. ការធ្លាក់ទឹករម្អិលទ្វារមាសកើនឡើង ការធ្លាក់ទឹករម្អិលទ្វារមាសនេះ មានសភាពស្តើង ពណ៌ស ខាប់ និងមានក្លិនតិចតួច។ បញ្ហាមួយនេះ កើតឡើងដោយសារតែការប្រែប្រួលអ័រម៉ូន និងការកើនឡើងលំហូរឈាមទៅកាន់តំបន់អាងត្រគាក។ យ៉ាងណាមិញ ម៉ាក់ៗអាចដោះស្រាយបញ្ហាមួយនេះ ដោយការពាក់ខោទ្រនាប់ធ្វើពីកប្បាស ដែលអាចឲ្យខ្យល់ចេញចូលបាន។ ជៀសវាងប្រើផលិតផលសម្អាតទ្វារមាសដែលមានជាតិកាត់ខ្លាំង និងចាំបាច់ត្រូវពិគ្រោះជាមួយនឹងគ្រូពេទ្យជំនាញ ក្នុងករណីដែលការធ្លាក់ទឹករម្អិលមានពណ៌មិនប្រក្រតី មានក្លិនឆួល (Foul-smelling) ឬអមជាមួយនឹងអាការៈរមាស់។ គណនាថ្ងៃសម្រាលកូន គណនាទម្ងន់ស្ត្រីអំឡុងពពោះ ២. ការឆ្លងមេរោគផ្សិត អ័រម៉ូនពពោះ និងបញ្ហាប្រព័ន្ធភាពស៊ាំចុះខ្សោយ អាចបង្កឲ្យមានការលូតលាស់នូវពពួកផ្សិត និងបណ្តាលឲ្យកើតមានការឆ្លងមេរោគផ្សិត។ រោគសញ្ញាអាចរួមមាន៖ រមាស់ ក្រហាយ និងមានធ្លាក់ទឹករម្អិលខាប់ និងមានពណ៌ស។ ដើម្បីបញ្ចៀស និងគ្រប់គ្រងការឆ្លងមេរោគផ្សិតប្រកបដោយប្រសិទ្ធភាព ម៉ាក់ៗគួរថែទាំអនាម័យឲ្យបានល្អ ដោយរក្សាតំបន់ពិសេសឲ្យស្ងួត និងស្អាត។ បន្ថែមពីនេះ យើងក៏ចាំបាច់ត្រូវញ៉ាំរបបអាហារតុល្យភាព និងពិគ្រោះជាមួយនឹងអ្នកជំនាញដើម្បីទទួលការព្យាបាលពពួកផ្សិត ក្នុងករណីចាំបាច់។ ៣. ការបង្ករោគលើផ្លូវទឹកនោម បញ្ហាមួយនេះ ក៏ឧស្សាហ៍កើតឡើងចំពោះស្ត្រីពពោះដូចគ្នា ដែលអាចបណ្តាលមកពីសម្ពាធនៃស្បូនកំពុងលូតលាស់លើប្លោកនោម ដែលពន្យឺតលំហូរទឹកនោម និងរារាំងការបញ្ចេញចោលទាំងស្រុងនៃទឹកនោម។ រោគសញ្ញានៃជំងឺមួយនេះ រួមមាន នោមញឹកញាប់ ក្រហាយ និងឈឺចាប់នៅផ្នែកខាងក្រោមពោះ។ វិធីសាស្ត្រនៃការបង្ការ គឺយើងចាំបាច់ត្រូវញ៉ាំទឹកឲ្យបានច្រើន […]

បញ្ហាផ្ទៃពោះ

ឈប់ប្រើវិធីបុរាណនេះទៀត ព្រោះធ្វើឲ្យម៉ាក់ៗសម្រាលកូនរួច ស្អិតស្បូន

បើម៉ាក់ៗត្រៀមខ្លួនសម្រាលកូន គួរដឹង និងចៀសឲ្យឆ្ងាយពីចំណុចមួយនេះ ព្រោះពេលយើងធ្វើទៅ អាចប៉ះពាល់ដល់សុខភាពខ្លាំង នោះគឺការ ស្អំថ្ម ក្រោយសម្រាលកូនរួច។ កាលពីសម័យមុន ក្រោយសម្រាលកូនរួចចាស់ៗតែងតម្រូវឲ្យម៉ាក់ៗយកថ្មមកស្អំពីលើពោះ ដោយថ្មនោះត្រូវដុតកម្ដៅជាមុនសិន។ ចំពោះបញ្ហានេះលោកជំទាវវេជ្ជបណ្ឌិត គ្រុយ លាងស៊ីម អនុរដ្ឋលេខាធិការនៃក្រសួងសុខាភិបាល និងជាទីប្រឹក្សាផ្នែកសម្ភព នៅមន្ទីរពេទ្យកាល់ម៉ែត បានឲ្យដឹងថា ក្រុមគ្រូពេទ្យបានហាមផ្ដាច់មិនឲ្យស្អំថ្ម ក្រោយសម្រាលកូន ឡើយ ព្រោះប៉ះពាល់ចំពោះសុខភាពម៉ាក់ៗដែលទើបសម្រាលខ្លាំង។ លោកជំទាវវេជ្ជបណ្ឌិតក៏បានបន្តថា៖ “ខ្ញុំមិនចង់ឲ្យពួកគាត់ស្អំថ្មនោះទេ ព្រោះអីសរីរាង្គខាងក្នុងពោះត្រូវទទួលរងកម្ដៅពីថ្ម យូរៗទៅ វាទៅជាស្អិតខាងក្នុងឯណោះ។ ការធ្វើរឿងបែបនោះមិនត្រឹមតែសរីរាង្គផ្សេងៗ ដូចជា ក្រពះ ពោះវៀនទេ សូម្បីតែស្បូនក៏ស្អិតដែរ នេះជាបញ្ហាសំខាន់ដែលគ្រូពេទ្យតែងតែផ្ដាំផ្ញើ និងពន្យល់ម៉ាក់ៗមិនឲ្យអនុវត្តវិធីបុរាណមួយនេះតទៀត មិនថាសម្រាលដោយធម្មជាតិ ឬក៏វះកាត់ទេ”។ ចំណែកមូលហេតុតម្រូវឲ្យម៉ាក់ៗ និងចាស់ជំនាន់មុនយកថ្មក្ដៅទៅស្អំ គឺដើម្បីឲ្យសាច់ពោះដែលនៅសល់ក្រោយកើតកូនរួច ឆាប់រាបស្មើទៅវិញ ស្បែកពោះតឹង រួមទាំងអាចធ្វើឲ្យស្នាមសង្វារ ឬស្នាមខ្មៅៗរលុបអស់។ ដើម្បីកាត់បន្ថយកង្វល់នេះ អនុរដ្ឋលេខាធិការនៃក្រសួងសុខាភិបាលរូបនេះ បានប្រាប់ពីបច្ចេកទេសងាយៗ ហើយមិនពិបាកច្រើន ដោយគ្រាន់តែយកក្រមា ឬកន្សែងមករឹតពោះក្នុងកម្រិតតឹងល្មម អាចជួយទល់សាច់ក្បោះពោះនៅសេសសល់មិនឲ្យរយីករយាកបាន ឬក៏ប្រើហ្គេន។ អត្ថបទពាក់ព័ន្ធ៖ ម៉ាក់ៗត្រូវដឹង បើគភ៌ស្ថិតក្នុងករណីទាំងនេះ ពេទ្យមិនឲ្យទុកទៀតទេ ពេទ្យថាស្រីៗសម្រាលកូនរួចកុំអាំងភ្លើង តែមានថ្នាំអាចជួយឲ្យឆាប់រឹងមាំវិញបាន ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ […]