ស្រីៗជក់បារីគ្រោះថ្នាក់ធ្ងន់ ជាងប្រុសៗទៅទៀត
ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ទោះបារីមានដាក់រូបជំងឺលើកញ្ចប់ពីផលប៉ះពាល់ក៏ដោយ អ្នកជក់នៅតែជក់ អត់ខ្វល់ ហើយឥទ្ធិពលបារី ឬសារធាតុញៀននីកូទីន មានច្រើនក្នុងផ្សែងបារី។ ភាគច្រើន ឃើញតែប្រុសៗ ប៉ុន្តែក៏មានស្រីៗជក់បារីដែរ។ ជក់ ឬស្រូបផ្សែងបារីចូល បញ្ជាក់ថា ស្រីៗមានគ្រោះថ្នាក់ខ្ពស់ជាងប្រុសៗ។ តើអាចប៉ះពាល់អីខ្លះ?
១- បារីស៊ីសួត
ការស្រាវជ្រាវបានបង្ហាញថា ស្រីជក់បារីមានហានិភ័យខ្ពស់ និងវិវត្តជាជំងឺស្ទះសួតរ៉ាំរ៉ៃ (COPD = Chronic Obstructive Lung Disease) ហើមសួត និងរលាកទងសួត។ បើធៀបនឹងស្រីៗមិនជក់បារី ស្រីៗជក់បារីងាយស្លាប់ដោយសារជំងឺ ស្ទះសួតរ៉ាំរ៉ៃ (COPD) ដល់ទៅ ២២ ដងឯណោះ។
កម្មវិធីពិនិត្យជំងឺមហារីកសុដន់អនឡាញ
ការវាយតម្លៃមុន/អំឡុងពេល/និងក្រោយពេលអស់រដូវ
កម្មវិធីពិនិត្យជំងឺមហារីកក្រពេញអូវែអនឡាញ
២- តួលេខស្ត្រីជក់បារី
លើពិភពលោក ប្រុសប្រហែល ៤០% ជក់បារី និង ៩% ជាស្រី។ ទោះជាភាគរយស្រីៗជក់បារីចំនួនតិចជាងប្រុសៗពិតមែន ក៏ជាការព្រួយបារម្ភដែរ។ ប្រទេសខ្លះ អ្នកជក់បារីទាំងពីរភេទមានចំនួនប្រហាក់ប្រហែលគ្នា បើផ្អែកលើស្ថិតិរបស់អង្គការសុខភាពពិភពលោក (WHO)។ ស្រីៗជក់បារីភាគច្រើន មានអាយុនៅចន្លោះពី ២៥-៤៤ ឆ្នាំ។
៣- អ្នកស្លាប់ច្រើនបំផុតគឺស្ត្រី
អ្នកស្រូបផ្សែងពីគេ មានគ្រោះថ្នាក់ស្មើអ្នកជក់ផ្ទាល់។ រាល់ឆ្នាំ មានអ្នកស្លាប់ជាង ៤៣ ម៉ឺននាក់ ដោយសារស្រូបផ្សែងបារីពីគេ ក្នុងនោះ ៦៤% ជាស្រី។
៤- បារីស្រាល
បារីស្រាលមិនមែនមានន័យថា ស្រាល ហើយមានសុវត្ថិភាពទេ។ បារីនេះធ្វើឡើងឲ្យអ្នកប្រើស្រូបចូលជ្រៅ និងញឹកញាប់ជាងមុន ដើម្បីបង្គ្រប់បរិមាណនីកូទីនតាមចំណង់។ អ៊ីចឹង គ្រោះថ្នាក់ធំដដែល។
៥- ផលប៉ះពាល់
ស្រីៗជក់បារី អាចមានលទ្ធភាពយកកូនថយចុះ សម្រាលកូនមិនគ្រប់ខែ កូនស្លាប់ក្នុងពោះ ទារកស្លាប់ពេលកើត និងមិនសូវមានទឹកដោះ។ នេះជាផលប៉ះពាល់ផ្សេងៗទៀត៖
– ឆ្អឹងមិនសូវរឹងមាំ
– បាក់ទឹកចិត្ត
– មហារីកមាត់ធ្មេញ ដើមក បំពង់ក បំពង់អាហារ លំពែង ក្រលៀន ប្លោកនោម និងស្បូន។
ស្រីៗជក់បារីពេលដល់វ័យអស់រដូវ អាចប្រឈមបញ្ហាពុកឆ្អឹងងាយបាក់គ្រប់ពេល ស្បែកងាយកើតអាចម៍រុយ និងជ្រីវជ្រួញ។
គួរអាន៖
- ស្រីៗពពោះ បើនៅជិតអ្នកជក់បារី គ្រោះថ្នាក់ធំខ្លាំងដល់គភ៌
- កូនក្នុងពោះទៅជាយ៉ាងណា បើម៉ាក់ៗជក់ ឬនៅជិតអ្នកជក់បារី?
- ជក់បារីអាចនាំឲ្យកើតជំងឺមហារីកយ៉ាងតិច ១៥ប្រភេទ
- ឈប់លេសទៀត នេះជាវិធីសាស្ត្រងាយៗ ដើម្បីផ្តាច់បារី
- ជក់បារីអេឡិចត្រូនិក អាចធ្វើឲ្យស្លាប់លឿនជាងជក់បារីធម្មតា
- អ្នកជក់បារីអេឡិចត្រូនិក(E-Cigarette) អាចប្រកាច់ ឬវង្វេង
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម