របបអាហារ

អាហារជួយឱ្យយើងមានអារម្មណ៍ល្អ និងកាត់បន្ថយភាពតានតឹង

អាហារអ្វីខ្លះជួយឱ្យយើងមានអារម្មណ៍ល្អ និងកាត់បន្ថយភាពតានតឹង? អាហារមិនត្រឹមតែមាន ឥទ្ធិពលចំពោះសុខភាពរាងកាយទេ ថែមទាំងមានឥទ្ធិពលយ៉ាងខ្លាំងទៅលើសុខភាពផ្លូវចិត្តយើងទៀត។អាហារមួយចំនួនអាចជួយដល់មុខងារខួរក្បាល បង្កើនអ័រម៉ូនជួយឱ្យយើងរីករាយ និងស្ងប់អារម្មណ៍។ អាហារជួយឱ្យយើងមានអារម្មណ៍ល្អ និងកាត់បន្ថយភាពតានតឹងមានដូចជា៖ ១. អាហារផ្អាប់ អាហារផ្អាប់ដូចជា គីមឈី យ៉ាអួរជាដើមសម្បូរទៅដោយប្រ៉ូបាយអូទិក ដែលជួយដល់សុខភាពប្រព័ន្ធរំលាយអាហារ និងជួយបង្កើនកម្រិត Serotonin មានក្នុងខួរក្បាល ឈាម និងក្រពះពោះវៀន និងជាអ័រម៉ូនជួយឱ្យយើងរីករាយ ស្ងប់អារម្មណ៍ និងកាត់បន្ថយអាការថប់បារម្ភ ។ វេជ្ជបណ្ឌិត Casey Means គ្រូពេទ្យទទួលការបណ្តុះបណ្តាលនៅ Stanford និង ជានិពន្ធនាយករងនៃ International Journal of Disease Reversal and Prevention បានលើកឡើងថា ផលវិជ្ជមានរបស់អាហារផ្អាប់លើអារម្មណ៍ អាចទាក់ទងនឹងទំនាក់ទំនងយ៉ាងជិតស្និទ្ធរវាងមុខងារប្រព័ន្ធរំលាយអាហារ និងសុខភាពខួរក្បាលដែលប៉ះពាល់គ្នាទៅវិញទៅមក។ ការសិក្សាមួយបានបង្ហាញថា បុគ្គលដែលទទួលទានអាហារសម្បូរប្រូបាយអូទិក អាចកាត់បន្ថយអត្រានៃភាពធ្ងន់ធ្ងររបស់ជំងឺធ្លាក់ទឹកចិត្តបានច្រើន ជាពិសេសបុរស។ ២. កាហ្វេ ជាតិកាហ្វេអ៊ីនក្នុងកាហ្វេមិនត្រឹមតែអាចជួយដាស់អារម្មណ៍យើងទេ ថែមទាំងអាចបញ្ឈប់ Adenosine (សមាសធាតុដែលកើតឡើងដោយធម្មជាតិនៅក្នុងខួរក្បាល) ពីការភ្ជាប់ទៅនឹង សរសៃប្រសាទទទួលអារម្មណ៍ក្នុងខួរក្បាលមួយចំនួនដែលទាក់ទងនឹងអារម្មណ៍អស់កម្លាំង។ ជាតិកាហ្វេអ៊ីនក៏បង្កើនការបញ្ចេញសារធាតុ Dopamine និង Norepinephrine (សារធាតុបញ្ជូនសរសៃប្រសាទដែលបង្កើនអារម្មណ៍) ដែលជួយឱ្យយើងមានអារម្មណ៍ល្អ។ ៣. […]

រូបមន្តសុខភាព

តើអាចផឹកទឹកពេលកំពុងញ៉ាំអាហារបានឬអត់?

គ្នាយើងប្រហែលជាធ្លាប់បានឮរឿងហាមផឹកទឹកពេលកំពុងញ៉ាំអាហារហើយមើល៍ទៅ។ អ្នកជំនាញខ្លះបានពន្យល់ថាទឹកអាចពង្រាវអាស៊ីតក្នុងក្រពះ និងអ្នកជំនាញផ្សេងទៀតគិតថាការធ្វើបែបនេះនឹងធ្វើឲ្យយើងធាត់។ មនុស្សមួយចំនួនទៀតក៏គិតថាទឹកអាចរុញអាហារមិនទាន់រំលាយចេញពីក្រពះបានផងដែរ។ តោះស្វែងយល់ទាំងអស់គ្នា។ ដំណើរការនៃការរំលាយអាហារ ដំណើរការនៃការរំលាយអាហារចាប់ផ្តើមតាំងពីយើងគិតពីអាហារដែលត្រូវញ៉ាំ ហើយទឹកមាត់ក៏ចាប់ផ្ដើមផលិតនៅក្នុងមាត់។ នៅពេលដែលយើងទំពារអាហារ អាហារនឹងលាយជាមួយទឹកមាត់ដែលមានអង់ស៊ីមចាំបាច់សម្រាប់ការរំលាយអាហារ។ បន្ទាប់ពីនោះ អាហារដែលបន្ទន់រួចនឹងចូលក្នុងក្រពះ និងលាយជាមួយនឹងអាស៊ីតក្រពះ។ ជាមធ្យម ក្រពះត្រូវការរយៈពេល៤ម៉ោងដើម្បីធ្វើការរំលាយអាហារមុននឹងបំលែងទៅជាសារធាតុរាវ ឬអាស៊ីត (chyme) ដែលអាស៊ីតនេះនឹងបន្តទៅពោះវៀនតូច និងផ្តល់សារធាតុចិញ្ចឹមទាំងអស់ទៅឲ្យរាងកាយ។ ចំណែកឯទឹកមិនស្តុកនៅក្នុងក្រពះយូរទេ។ ក្រពះត្រូវការរយៈពេលតែ១០នាទីប៉ុណ្ណោះដើម្បីបញ្ជូនទឹក ២៩៥មីល្លិលីត្រ។ ដូចនេះបើយើងផឹកទឹកអំឡុងពេលញ៉ាំអាហារ ទឹកមិនស្តុកក្នុងក្រពះទេ គឺទឹកនឹងហូរកាត់អាហារទាំងនោះ ផ្តល់សំណើមដល់អាហារទាំងនោះ ហើយចេញពីក្រពះយ៉ាងឆាប់រហ័ស។ សារធាតុរាវមិនកាត់បន្ថយភាពខ្លាំងរបស់អាស៊ីតទេ រាងកាយយើងជាប្រព័ន្ធដែលមានភាពស្មុគស្មាញ ប៉ុន្តែមានមុខងារច្បាស់លាស់។ ប្រសិនជាក្រពះមិនអាចរំលាយអាហារណាមួយ ក្រពះនឹងផលិតអង់ស៊ីមបន្ថែម និងបង្កើនជាតិអាស៊ីតឲ្យសារធាតុរាវនៅខាងក្នុងនោះ។ ទោះបីយើងផឹកទឹកច្រើនរហូតដល់មួយលីត្រកន្លះក៏ដោយ ទឹកក៏មិនមានឥទ្ធិពលអ្វីទៅលើកម្រិតអាស៊ីតដែរ។ ដោយឡែក យើងមានញ៉ាំអាហារដែលមានជាតិទឹកដែរដូចជាផ្លែក្រូចជាដើម ដែលផ្លែក្រូចមួយផ្លែមានជាតិទឹក ៨៦%។ ការសិក្សាជាច្រើនបានបង្ហាញថាអាហារមួយចំនួនអាចនឹងបន្ថយកម្រិតជាតិអាស៊ីតនៅក្នុងក្រពះ ប៉ុន្តែកម្រិតជាតិអាស៊ីតនឹងត្រលប់មកសភាពដើមវិញយ៉ាងឆាប់រហ័ស។ សារធាតុរាវមិនប៉ះពាល់ដល់ការរំលាយអាហារទេ មិនមានការសិក្សាណាមួយអាចបញ្ជាក់ថាសារធាតុរាវរុញអាហាររឹងទៅក្នុងពោះវៀនតូចមុនពេលត្រូវបានរំលាយទេ។ អ្នកវិទ្យាសាស្ត្របានអះអាងថាសារធាតុរាវចេញពីរាងកាយលឿនជាងអាហាររឹង ប៉ុន្តែសារធាតុរាវមិនបានរំខានដល់ដំណើរការនៃការរំលាយអាហារទេ។ តើអាចផឹកទឹកពេលកំពុងញ៉ាំអាហារបានដែរឬទេ? ការផឹកទឹកអំឡុងពេលញ៉ាំអាហារមិនមានផលប៉ះពាល់អ្វីទេ។ ផ្ទុយមកវិញ ទឹកជួយបន្ទន់អាហារដែលរឹង។ ប៉ុន្តែយកល្អកុំផឹកទឹកមុននឹងលេបអាហារ ព្រោះអាហារត្រូវការទឹកមាត់ដែលមានផ្ទុកអង់ស៊ីមចាំបាច់ក្នុងការរំលាយអាហារ។ ម៉្យាងទៀត ការសិក្សាបង្ហាញថានៅពេលយើងផ្អាកការញ៉ាំដើម្បីផឹកទឹកនោះអាចពន្យឺតការញ៉ាំអាហារ និងធ្វើឲ្យយើងញ៉ាំអាហារតិចជាងមុនដែលនេះជាការណ៍ល្អសម្រាប់អ្នកចង់សម្រកទម្ងន់ និងបង្ការកុំឲ្យញ៉ាំអាហារលើសកំណត់។ បើយើងទម្លាប់នឹងការផឹកទឹកតែពេលញ៉ាំអាហារ ក៏មិនមានបញ្ហាអ្វីដែរ។ ការស្រាវជ្រាវបានឲ្យដឹងថាកម្រិតជាតិអាស៊ីតក្នុងក្រពះគឺមិនមានភាពខុសគ្នាក្រោយពេលផឹកតែ ឬផឹកទឹកធម្មតាទេ។ សីតុណ្ហភាពទឹកដែលយើងផឹកក៏មិនមានឥទ្ធិពលលើដំណើរការនៃការរំលាយអាហារ ឬបរិមាណសារធាតុចិញ្ចឹមដែលរាងកាយទទួលទេ ព្រោះក្រពះអាចបន្ថែមកម្តៅ ឬបញ្ចុះកម្ដៅឲ្យអាហារក្នុងកម្រិតចាំបាច់។ ប៉ុន្តែអ្នកវិទ្យាសាស្ត្រណែនាំឲ្យផឹកទឹកក្ដៅឧណ្ហៗត្រឹម៦៥អង្សាសេ។ […]