បញ្ហាបេះដូងផ្សេងទៀត

បើមិនចង់គាំងបេះដូងពេលហាត់ប្រាណទេនោះ គួរជៀសវាងកំហុសឆ្គងទាំងនេះ

ការហាត់ប្រាណ អាចជួយឲ្យគ្នាយើងមានសុខភាពល្អ និងមានរាងកាយសមសួន ប៉ុន្តែយើងក៏ត្រូវដឹងពីហានិភ័យមួយចំនួនដែលអាចកើតមានឡើងនៅអំឡុងពេលហាត់ប្រាណដូចគ្នា តួយ៉ាងដូចជាអាការៈគាំងបេះដូង។ ជាក់ស្តែង មានករណីស្លាប់ជាច្រើនដោយសារតែបញ្ហាគាំងបេះដូងអំឡុងពេលហាត់ប្រាណ ដូច្នេះ តើកត្តាអ្វីខ្លះដែលជាដើមចងប៉ះពាល់ដល់សុខភាពបេះដូង? ១. មិនកម្តៅសាច់ដុំ ពិតណាស់ ការមិនកម្តៅសាច់ដុំ នៅមុនពេលធ្វើលំហាត់ប្រាណ អាចបង្កជាផលវិបាកសុខភាពធ្ងន់ធ្ងរ ហើយយើងក៏មិនត្រូវចាប់ផ្តើមលើកទម្ងន់ភ្លាមៗដែរ នៅពេលទៅដល់ក្លឹបហាត់ប្រាណភ្លាម។ ប្រសិនបើយើងកម្តៅសាច់ដុំបានល្អ នៅមុនពេលហាត់ប្រាណ នោះនឹងអាចជួយបង្កើនចង្វាក់បេះដូង និងលំហូរឈាមទៅកាន់សាច់ដុំ។ ផ្ទុយទៅវិញ បើយើងមិនកម្តៅសាច់ដុំទេនោះ យើងអាចប្រឈមនឹងហានិភ័យនៃការរងរបួស ក៏ដូចជាអាការៈគាំងបេះដូង។ ចង់គណនា BMR ចុចទីនេះ! ចង់គណនា BMI ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! ២. បញ្ចប់ដោយការហាត់ប្រាណងាយៗរយៈពេលខ្លី ប្រសិនបើយើងមិនធ្វើលំហាត់ប្រាណងាយៗរយៈពេលខ្លី ក្រោយបញ្ចប់វគ្គហាត់ប្រាណនីមួយៗទេនោះ វានឹងអាចបង្កផលប៉ះពាល់ធ្ងន់ធ្ងរដល់រាងកាយ។ ពិតណាស់ ការធ្វើលំហាត់ប្រាណងាយៗ អាចជួយឲ្យចង្វាក់បេះដូង និងសម្ពាធឈាមថយចុះ ស្របពេលដែលការរំលងទម្លាប់មួយនេះ អាចបង្កើនហានិភ័យនៃការកើតកំណកឈាម និងបណ្តាលឲ្យមានបញ្ហាគាំងបេះដូង។ ៣. មិនញ៉ាំទឹកគ្រប់គ្រាន់ កង្វះជាតិទឹកក្នុងរាងកាយ អាចនាំឲ្យយើងប្រឈមនឹងបញ្ហាខ្សោះជាតិទឹកធ្ងន់ធ្ងរ ដែលអាចបណ្តាលឲ្យបេះដូងធ្វើការកាន់តែខ្លាំងក្លាជាងមុន និងបង្កើនហានិភ័យនៃការគាំងបេះដូង។ ដូច្នេះហើយ គ្នាយើងគួរញ៉ាំទឹកឲ្យបានគ្រប់គ្រាន់ នៅមុនពេល អំឡុងពេល និងក្រោយពេលធ្វើលំហាត់ប្រាណរួច។ ៤. ហាត់ប្រាណភ្លាមៗក្រោយញ៉ាំអាហារ ការហាត់ប្រាណភ្លាមៗ ក្រោយញ៉ាំអាហាររួច អាចបណ្តាលឲ្យយើងប្រឈមនឹងការគាំងបេះដូងខ្ពស់។ យោងតាមក្រុមអ្នកជំនាញបានឲ្យដឹងថា ការហាត់ប្រាណលឿនពេក ក្រោយញ៉ាំអាហារ អាចបង្វែរលំហូរឈាមចេញពីក្រពះទៅកាន់សាច់ដុំរបស់យើង ដែលបង្កជាបញ្ហាពិបាករំលាយអាហារ […]

បញ្ហាបេះដូងផ្សេងទៀត

មូលហេតុ ៨ យ៉ាងអាចធ្វើឱ្យបេះដូងរីកធំខុសធម្មតា

បេះដូងរីកកើតឡើងនៅពេលសាច់ដុំបេះដូងប្រែទៅជាក្រាស់ ឬថតណា ១ របស់បេះដូងរីកដែលធ្វើឱ្យបេះដូងរីកធំខុសពីទំហំធម្មតា។ បេះដូងអាចរីកធំជាបណ្តោះអាសន្ន ឬជាអចិន្រ្តៃយ៍ អាស្រ័យលើកត្តាបង្ក។ តើមានកត្តាអ្វីខ្លះបណ្តាលឱ្យបេះដូងយើងរីកធំខុសធម្មតា? នៅពេលបេះដូងយើងធ្វើការលើសកម្រិត វាអាចរីកធំ។ បេះដូងរីកធំអាចជាលទ្ធផលនៃការមានភាពតានតឹងរយៈពេលខ្លីលើរាងកាយដូចជាការមានផ្ទៃពោះ ឬបណ្តាលមកពីជំងឺដូចជា៖ ១. ជំងឺលើសសម្ពាធឈាម ជំងឺលើសសម្ពាធឈាមធ្វើឱ្យសរសៃឈាមបេះដូងរួមតូចប៉ះពាល់ដល់លំហូរឈាមទៅកាន់ផ្នែកផ្សេងៗនៃរាងកាយ ដូច្នេះបេះដូងយើងត្រូវប្រឹងច្របាច់ឈាមកាន់តែខ្លាំងដើម្បីបញ្ជូនឈាមទៅកាន់រាងកាយទាំងមូល។ ជាលទ្ធផលវាធ្វើឱ្យសាច់ដុំបេះដូងឡើងក្រាស់ និងរីកធំ។ ២. ជំងឺប្រឹសបេះដូង ប្រឹសទាំងបួននៅក្នុងបេះដូងយើងរក្សាឈាមឱ្យហូរតាមទិសដៅត្រឹមត្រូវ។ បេះដូងរបស់យើងអាចរីកធំ ប្រសិនបើប្រឹសបេះដូងខូចដោយសារ ជំងឺរលាកសន្លាក់ឆ្អឹង ជំងឺខូចបេះដូងពីកំណើត ជំងឺរលាកភ្នាសបេះដូង ជំងឺបេះដូងដើរខុសចង្វាក់ ជំងឺជាលិកាតំណ ការព្យាបាលមហារីកដោយថ្នាំ ឬដោយកាំរស្មី ។ ៣. ជំងឺសាច់ដុំបេះដូង ជំងឺនេះធ្វើឱ្យបេះដូងយើងពិបាកក្នុងការច្របាច់ឈាមទៅចិញ្ចឹមរាងកាយទាំងមូល។ នៅពេលជំងឺនេះកាន់តែធ្ងន់ធ្ងរ បេះដូងរបស់យើងអាចរីកធំដោយសារព្យាយាមច្របាច់ឈាមបន្ថែម។ ៤. ជំងឺទឹកដក់ក្នុងស្រោមបេះដូង ការមានសារធាតុរាវនៅក្នុងស្រោមបេះដូងក៏ធ្វើឱ្យបេះដូងរីកធំដែរ។ ៥. ជំងឺស្លេកស្លាំងដោយសារខ្វះគ្រាប់ឈាមក្រហម ជំងឺនេះកើតឡើងដោយសារកង្វះកោសិកាឈាមក្រហមដែលមាននាទីដឹកនាំអុកស៊ីសែនទៅគ្រប់ជាលិការបស់យើង។ បេះដូងរបស់យើងត្រូវច្របាច់ឈាមបន្ថែមដើម្បីបំពេញកង្វះអុកស៊ីសែននៅក្នុងឈាម។ ៦. ជំងឺសរសៃឈាមបេះដូង កំណកខ្លាញ់នៅក្នុងសរសៃឈាមបេះដូងធ្វើឱ្យរាំងស្ទះដល់លំហូរឈាមតាមសរសៃឈាមបេះដូង។ នៅពេលផ្នែកមួយរបស់សាច់ដុំបេះដូងគាំងងាប់ បេះដូងយើងត្រូវច្របាច់ឈាមបន្ថែមដើម្បីបញ្ចូនឈាមទៅរាងកាយទាំងមូល។ ជាលទ្ធផលវាធ្វើឱ្យបេះដូងរីកធំ។ ៧. ជំងឺក្រពេញទីរ៉ូអ៊ីត ជំងឺនេះអាចបណ្តាលឱ្យមានបញ្ហាបេះដូង រួមទាំងធ្វើឱ្យបេះដូងរីកធំ។ ៨. លើសជាតិដែកក្នុងខ្លួន បញ្ហាលើសជាតិដែល កើតឡើងនៅពេលរាងកាយយើងមិនអាចរំលាយជាតិដែកបានល្អដែលបណ្តាលឱ្យជាតិដែកកកនៅតាមសរីរាង្គផ្សេងៗរួមទាំងបេះដូង។ បញ្ហានេះអាចបណ្តាលឱ្យថតបេះដូងខាងឆ្វេងរីកធំដោយសារតែសាច់ដុំបេះដូងចុះខ្សោយ។ ចង់ដឹងពីបញ្ហាប្រព័ន្ធរំលាយអាហារ ចុចទីនេះ តើបេះដូងរីកធំមានអាការៈអ្វីខ្លះ? អ្នកដែលមានបេះដូងរីកធំអាចមាន ឬមិនមានអាការៈដូចខាងក្រោម៖ វិលមុខ ហើម ជាពិសេសនៅជើង ប្រអប់ជើង ឬពោះ អស់កម្លាំងខ្លាំងខុសពីធម្មតា បេះដូងលោតញាប់ ណែន ឬតឹងទ្រូង បេះដូងរីកធំធ្វើឱ្យបេះដូងមានបញ្ហាក្នុងការច្របាច់ឈាមដែលអាចបង្កផលវិបាកទៅជាជំងឺខ្សោយបេះដូង ឬដាច់សរសៃឈាមខួរក្បាល។ ប្រសិនបើយើងមានអាការៈដូចខាងលើ ត្រូវទៅជួបវេជ្ជបណ្ឌិតឯកទេសបេះដូងជាបន្ទាន់។