គ្នាយើងដែលចូលចិត្ដញ៉ាំហឹរភាគច្រើន ទំនងធ្លាប់បានឆ្លងកាត់រួចហើយបទពិសោធន៍ នៃការចុកពោះ រាក ក្រហាយ ពិសេសអាការៈនេះអាចកើតឡើងប្រមាណជា ១ ទៅ ២ម៉ោងក្រោយការញ៉ាំតែម្ដង។ ចំណុចនេះធ្វើឲ្យយើងសង្ស័យថា ប្រព័ន្ធរំលាយអាហារប្រហែលជាមានការរលាក ឬមានជំងឺរ៉ាំរៃអ្វីមួយដែលយើងបានមិនដឹង។ ប៉ុន្ដែអាការៈនេះមិនមែនបែបហ្នឹងទាំងអស់នោះទេ។
ហេតុអ្វីអ្នកខ្លះញ៉ាំអាហារហឹរហើយបណ្ដាលឲ្យរាករូស?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
ហេតុអ្វីញ៉ាំអាហារហឹរបង្កឲ្យរាក?
អាហារហឹរអាចបង្កឲ្យរាក គឺបណ្ដាលមកពីប្រព័ន្ធរំលាយអាហារងាយប្រតិកម្មទៅនឹងសារធាតុ capsaicin ដែលនេះជាដំណើរធម្មជាតិមួយ ហើយរាងកាយបង្ហាញសញ្ញាមួយថា សុខភាពប្រព័ន្ធរំលាយអាហារមិនអាចធ្វើការបានល្អ ជាមួយនឹងសារធាតុនេះ។ Capsaicin ជាសារធាតុហឹរនៅក្នុងគ្រឿងផ្សំដែល អាចបង្កឲ្យក្ដៅពេលប៉ះជាមួយស្បែក ឬជាលិកា។ ដូច្នេះសម្រាប់អ្នកមានប្រព័ន្ធរំលាយអាហារងាយប្រតិកម្ម ពេលញ៉ាំហឹរ មិនថា ម្ទេស ម្រេច ដែលផ្ទុកសារធាតុ capsaicin គឺអាចបណ្ដាលឲ្យក្ដៅក្នុងខ្លួន ឈឺពោះ រាក។
តើអាចប៉ះពាល់ដល់សុខភាពដែរទេ?
ជាក់ស្ដែងណាស់ រសជាតិហឹរចាប់ផ្ដើមប្រតិកម្មនៅពេលអាហារនេះបានចូលក្នុងមាត់ សារធាតុ capsaicin នឹងរំញោចប្រូតេអ៊ីនមួយប្រភេទឈ្មោះថា vanilloid ឲ្យធ្វើការបញ្ជូនសញ្ញាទៅកាន់ខួរក្បាល បញ្ជាក់ថាក្នុងរាងកាយកំពុងតែមានសារធាតុធ្វើឲ្យក្ដៅ និងក្រហាយ។ ខួរក្បានឹងបញ្ចេញអ័រម៉ូន endorphins ជួយរារាំងការឈឺចាប់មួយនេះ។
ដើម្បីការពាររាងកាយពីអាការៈក្ដៅ ក្រហល់ក្រហាយដោសារជាតិហឹរ ពោះវៀនតូចក៏ឆាប់បញ្ជូនអាហារទាំងនោះទៅកាន់ពោះវៀនធំ។ ពោះវៀនតូចមិនអាចស្រូបយកសារធាតុហឹរបាន ហេតុនេះក៏រុញច្រានសារធាតុ capsaicin ទៅកាន់ពោះរៀនធំដែលមានមុខងារ ស្រូបយកជាតិទឹក និងបញ្ចេញកាកសំណល់ចោល។ ប៉ុន្ដែក្នុងដំណាក់កាលនោះ ពោះវៀនធំមិនអាចស្រូបយកសារធាតុទឹកបាននោះទេ ព្រោះសារធាតុហឹរ capsaicin ក៏នៅមានក្នុងនោះដែរ ដូច្នេះក៏បញ្ចេញមកក្រៅ ជាមួយទឹក ជាតិហឹរ ធ្វើឲ្យក្ដៅដល់ទ្វារបាត។
ការរាកបង្កឡើងដោយការញ៉ាំអាហារហឹរ គឺមិនអាចបង្កឲ្យប៉ះពាល់អ្វីដល់សុខភាពនោះទេ វានឹងបាត់ទៅវិញក្នុងចន្លោះពេល ១ថ្ងៃនៅពេលដែលដំណើរប្រព័ន្ធរំលាយអាហារ បញ្ចេញសំណល់ទាំងនោះចេញក្រៅអស់។ ប៉ុន្ដែសម្រាប់អ្នកដែលមានជំងឺរលាកពោះវៀនរ៉ាំរៃ (IBS) អាចមានផលអាក្រក់ និង គួរតែជៀសវាង ប្រភេទអាហារហឹរ។
អ្នកដែលមានសុខភាពមិនសមប្រកបនឹងអាហារហឹរ អាចបង្ហាញអាការៈផ្សេងៗដូចជា ហើមពោះ ចុកពោះ ក្ដៅពោះ ភើច្រើន ដើរខ្យល់ និងពេលបន្ទោបង់អាចមានរលាកទ្វារបាត។ ក្នុងករណីដែលគ្នាយើងជួបបញ្ហានេះ អាចដោះស្រាយដោយវិធីងាយៗ ដូចជា ញ៉ាំទឹកឲ្យបានច្រើន និងញ៉ាំផ្លែឈើជាតិទឹក។
អត្ថបទគួរអាន៖
- ទម្លាប់មិនល្អទាំង៦ បំផ្លាញសុខភាពបេះដូងដោយមិនដឹងខ្លួន
- ខ្វះឈាមទៅចិញ្ចឹមបេះដូង អាចចេញរោគសញ្ញាទាំងនេះ
- ផ្លែឈើទាំង៨មុខនេះ ល្អសម្រាប់សុខភាពបេះដូង
- ឈឺទ្រូងផ្នែកកណ្ដាល ឬខាងឆ្វេង ប្រយ័ត្នជំងឺសរសៃឈាមបេះដូង
- គ្រឿងផ្សំក្នុងអាហារ ៣មុខ អាចធ្វើឲ្យបេះដូងលោតខុសធម្មតា
- ធ្វើការពីផ្ទះ មុខកុំព្យូទ័រយូរម៉ោង អាចប្រឈមជំងឺបេះដូង
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម