បន្លែមួយចំនួនយើងមិនត្រូវការចម្អិនក៏អាចញ៉ាំបានដែរ ពិសេសរសជាតិរបស់វាក៏ឆ្ងាញ់ និង សម្បូរសារជាតិចិញ្ចឹមក៏ច្រើនទៀត ដូចជាពពួកបន្លែស្ពៃ តាសក ជាដើម យើងអាចញ៉ាំជាអន្លក់ទៅតាមចំណង់ចំណូលចិត្ដ ប៉ុន្ដែបញ្ហានោះគឺ ការញ៉ាំបន្លែឆៅអាចប្រឈមនឹងការរាក ប៉ះពាល់ដល់សុខភាព ប្រសិនមិនបានប្រុងប្រយ័ត្នលើចំណុចមួយចំនួនដូចខាងក្រោម៖
កត្ដាទាំងនេះទើបធ្វើឲ្យអ្នកញ៉ាំបន្លែឆៅ រាករូស
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
១.ការលាងសម្អាត
បើចង់ញ៉ាំបន្លែស្រស់ ជម្រើសទី១ល្អបំផុតគឺការលាងសម្អាតតែម្ដង។ ព្រោះបន្លែស្រស់ប្រឈមមាន ពពួកសត្វល្អិត មេរោគ ពពួកបារ៉ាសិត ដែលតោងជាប់នៅបន្លែ។ ពេលលាងមិនបានស្អាតល្អ អាចបណ្ដាលឲ្យអ្នកញ៉ាំ ប្រឈបអាការ ចុកពោះ រាក ហើមពោះ។ ម្យ៉ាងវិញទៀត បន្លែស្រស់អាចមានជាប់មកជាមួយប្រភេទថ្នាំសម្លាប់សត្វល្អិតដែលគេប្រើប្រាស់ការពារបន្លែ អាចបណ្ដាលឲ្យអ្នកញ៉ាំពុល បង្កជាការរាករូស ចុកពោះ ជាមួយនឹងរោគសញ្ញាផ្សេងៗជាច្រើនទៀត ដូច្នេះត្រូវលាងឲ្យបានស្អាតល្អមុនពេលញ៉ាំ។
២.បន្លែមានជាតិសរសៃមិនរលាយ
ពពួកបន្លែដែលមានជាតិសរសៃមិនរលាយក្នុងទឹក ក៏អាចបណ្ដាលឲ្យយើងរាកបានដែរប្រសិនបើយើងញ៉ាំច្រើន ហើយញឹកញាប់។ សារជាតិនេះជំរុញឲ្យប្រព័ន្ធរំលាយអាហារធ្វើចលនាសកម្មជាងធម្មតា មិនតែប៉ុណ្ណោះក៏ធ្វើឲ្យលាមករាវ និងបញ្ចេញមកក្រៅលឿនផងដែរ។ បន្លែទាំងនោះមានដូចជា ស្ពៃ ការ៉ុត និង ប៉េងបោះ ដែលយើងមិនគួរញ៉ាំឆៅច្រើនពេកនោះទេ។
៣.បញ្ហាប្រព័ន្ធរំលាយអាហារ
ប្រព័ន្ធរំលាយអាហារមានការរលាក មិនអាចដំណើរការបានល្អ ក៏ជាផ្នែកមួយបណ្ដាលឲ្យយើង ញ៉ាំបន្លែឆៅបង្កឲ្យរាកបានដែរ។ តួយ៉ាងដូចជា អ្នកមានជំងឺ រលាកពោះវៀនរ៉ាំរៃ ជំងឺ Crohn ដែលមិនអាចឲ្យយើងញ៉ាំបន្លែឆៅបានច្រើនឡើយ។ ត្រូវពិភាក្សាជាមួយគ្រូពេទ្យជាមុន ប្រសិនអ្នកដឹងថាមានជំងឺទាំងនេះ មុនពេលញ៉ាំបន្លែឆៅ។
តើការរាកដោយញ៉ាំបន្លែឆៅអាចប៉ះពាល់ដល់សុខភាពដែរទេ?
ប្រសិនបើការរាករូសដោយសារការញ៉ាំបន្លែឆៅ លក្ខណៈស្រាល អាចកើតមានចន្លោះពី ១ ទៅ ២ថ្ងៃ នឹងបាត់ទៅវិញដោយខ្លួនឯង ប៉ុន្ដែប្រសិនបើការរាករូសនោះដោយមានជាមួយអាការៈបង្ហាញផ្សេងៗ ដូចជា ឈឺក្បាល វិលមុខ ចុកពោះ ហើមពោះ ឆ្អល់ លាមកមានឈាម ក្អួត នោះមិនមែនជាការរាករូសធម្មតានោះទេ អាចបណ្ដាលមកពីពុលអាហារ ឆ្លងមេរោគ ឬជារោគសញ្ញានៃជំងឺរលាកប្រព័ន្ធរំលាយអាហារ ដែលត្រូវទៅជួបគ្រូពេទ្យដើម្បីពិនិត្យមើលសុខភាព និង ទទួលការព្យាបាលឲ្យបានទាន់ពេល។
អត្ថបទគួអាន៖
- ញ៉ាំស៊ុតមានប្រយោជន៍ច្រើនដល់ខួរក្បាល និងការចងចាំ
- អ្នកខ្លះមានប្រតិកម្មញ៉ាំស៊ុតមិនបាន តើគួរធ្វើម៉េច?
- អ្នកមានជំងឺទឹកនោមផ្អែម ញ៉ាំស៊ុតបានឬអត់?
- ចេញសញ្ញាទាំងនេះ ក្មេងអាលែកហ្ស៊ីនឹងស៊ុតហើយ
- ធ្លាប់ឮអត់ថាគួរញ៉ាំស៊ុតតែផ្នែកពណ៌សបានហើយ ខ្លាចប៉ះពាល់សុខភាព? តើពិតអត់?
- អ្នកកើតជំងឺស្លេកស្លាំង អាហារទាំងនេះអាចជួយបាន
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម