សុខភាពផ្លូវដង្ហើម

សុខភាព​ផ្លូវសង្ហើម - សួត​ដើរ​តួ​យ៉ាង​សំខាន់​បំផុត​ក្នុង​ផ្នែក​ផ្លូវដង្ហើម។ ប្រសិន​បើ​បងប្អូន​មាន​បញ្ហា​ផ្លូវ​ដង្ហើម នោះ​សួត​អាច​មាន​បញ្ហា​ធំៗ​ដូចជា ​រលាកទងសួតរ៉ាំរ៉ៃ ​ហើមសួត ​ស្វិតសួត ​​ជំងឺហឺត ​ផ្តាសាយធំ ​ជំងឺរបេង ​រលាកសួត ​ដុំពកសួតតូចៗ ​ផ្តាសាយធម្មតា ​រលាកទងសួត ​ស្ទះទងសួត ​និង​បញ្ហាសួតផ្សេងទៀត

ចំណេះដឹងទូទៅ

សុខភាពផ្លូវដង្ហើម

​គ្នា​យើង​ពិត​ជា​ដឹង​ហើយ​ថា​​ពេល​កើត​ជំងឺ​ផ្ដាសាយ​ម្ដងៗ​ថា​ពិបាក​ក្នុង​ខ្លួន និង​រំខាន​ប៉ុនណា​នោះ​។ ជំងឺ​ផ្ដាសាយ​​ធម្មតា​បង្ក​ឡើង​ដោយ​វីរុស​ដែល​ឆ្លង​ចូល​ទៅ​ក្នុង​បំពង់​ក និង​ច្រមុះ​ និង​មាន​រោគ​សញ្ញា​ដូច​ជា​ហៀរ​សម្បោរ ឈឺ​ក ក្អក តឹង​ច្រមុះ ឈឺ​ខ្លួន​ប្រាណ និង​ឈឺ​ក្បាល​តិច​តួច កណ្ដាស់ ឬ​អាច​មាន​ក្ដៅ​ខ្លួន​បន្តិច​បន្តួច​ផង​ដែរ​ ដែល​អាការៈ​ទាំង​នេះ​ធ្វើ​ឲ្យ​យើង​អស់កម្លាំង​។​ យ៉ាងណា ​ជំងឺ​ផ្ដាសាយ​មិន​បង្ក​គ្រោះ​ថ្នាក់​នោះ​ទេ គ្រាន់​តែ​ជំងឺ​មួយ​នេះ​អាច​ត្រូវ​ការ​ពេល​រហូត​ដល់​ពីរ​សប្ដាហ៍​ដើម្បី​ឲ្យ​អាការៈ​បាន​ធូរ​ស្បើយ​ឡើង​វិញ​។ ​បើ​ផ្ដាសាយ​ពិបាក​អ៊ីចឹង យើង​គួរ​ចេះ​វិធី​បង្ការ​ជាមុន​ទើប​ល្អ​។​ ១. លាង​សម្អាត​ដៃ​ឲ្យ​បាន​ញឹក​ញាប់​ ដៃ​មិន​ស្អាត ហើយ​យើង​យក​មក​ប៉ះ​នឹង​មុខ​មាត់​ច្រើន​ដង​ទៀត​នោះ ពិត​ជា​មាន​បញ្ហា​មិន​ខាន​។ ដៃ​មិន​ស្អាត មាន​ជាប់​វីរុស ឬ​បាក់តេរី​មិន​ល្អ នឹង​អាច​ឆ្លង​ចូល​ក្នុង​ប្រព័ន្ធ​រាង​កាយ​របស់​យើង​ជាក់​ជា​មិន​ខាន​។ ដូច​នេះ​ហើយ យើង​ត្រូវ​លាង​សម្អាត​ដៃ​ឲ្យ​បាន​ញឹក​ញាប់​ ដើម្បី​បង្ការ​បញ្ហា​ឆ្លង​មេរោគ​បង្ក​ជា​ជំងឺ​ផ្សេងៗ ពិសេស​ជំងឺ​ផ្ដាសាយ​។​ ២. បន្ថែម​វីតាមីន​D ការសិក្សា​រក​ឃើញ​ថា អ្នក​ដែល​មិន​មាន​វីតាមីន​ D គ្រប់​គ្រាន់​អាច​នឹង​ងាយ​ប្រឈម​នឹង​ជំងឺ​ផ្លូវ​ដង្ហើម​ជាង​អ្នក​មាន​វីតាមីន​D គ្រប់​គ្រាន់​ ដោយ​អាច​បង្ក​ឲ្យ​មាន​បញ្ហា​ក្អក រមាស់​ក តឹង​ច្រមុះ ជា​ដើម។ វី​តាមីន D អាច​ទទួល​បាន​ពី​ព្រះ​អាទិត្យ​ ហើយ​កោសិកា​របស់​យើង​ត្រូវ​ការ​វីតាមីនD ដើម្បី​ដំណើរ​ការ​ប្រព័ន្ធ​ភាពស៊ាំ។ ក្រៅ​ពី​ពន្លឺ​ព្រះ​អាទិត្យ ​វីតាមីនD ក៏​អាច​រក​បាន​នៅ​ក្នុង​អាហារ​មួយ​ចំនួន​ដូច​ជា​ទឹក​ដោះ​គោ​បន្ថែម​វីតាមីនD ស៊ុត ផ្សិត សាច់​គោ និង​ទឹក​ក្រូច​ស្រស់​ជា​ដើម​។ ៣. កាត់​បន្ថយ​ស្ត្រេស​ បើ​ដឹង​ថា​យើង​មាន​អារម្មណ៍​មិន​ល្អ មិន​សប្បាយ​ចិត្ត យើង​គួរ​រក​ពេល​សម្រាក​លំហែ​ខ្លះ​។ បញ្ហា​ធុញ​ថប់ ស្ត្រេស​អាច​ធ្វើ​ឲ្យ​ប្រព័ន្ធភាព​ស៊ាំ​របស់​យើង​ចុះ​ខ្សោយ និង​ងាយ​ឆ្លង​ជំងឺ​ផ្សេងៗ​ […]

សំណួរ​ដែល​សួរ​ញឹកញាប់​បំផុត

ការដកដង្ហើមចេញចូល

Icon Chevron

រាងកាយរបស់យើងត្រូវការអុកស៊ីហ្សែនចាំបាច់បំផុត។ សួតមាន​មុខងារ បញ្ជូនអុកស៊ីសែនដល់រាងកាយ តាមរយៈចរន្តឈាមដែលវាធ្វើដំណើរទៅជាលិកានិងសរីរាង្គទាំងអស់។ ការដកដង្ហើមចេញ ជា​ការ​ជញ្ជូន​​កាបូនឌីអុកស៊ីតចេញ​ទៅក្នុងខ្យល់ ហើយការស្រូបខ្យល់ចូល ឬ​ដកដង្ហើមចូលជាការស្រូបខ្យល់អុកស៊ីហ្សែនចូលទៅតាមតម្រូវការនិងមុខងាររបស់សួត។

ប្រហោងច្រមុះ

Icon Chevron

ប្រហោង​ច្រមុះ ជាចន្លោះនៅខាងក្នុងច្រមុះ ដែល​ត្រូវបានបែងចែកទៅជា រន្ធច្រមុះមានភ្នាសរំអិល។ រាល់ពេលដែលយើង​ធ្វើ​ការ ដកដង្ហើមហើយខ្យល់ឆ្លងកាត់តាមផ្លូវទាំងនេះធ្វើឱ្យខ្យល់មានសំណើមមុនពេលវាចូលទៅសួត។ រន្ធច្រមុះក៏មានរោមតូចៗដែលជួយច្រោះខ្យល់ទប់ស្កាត់ភាពកខ្វក់និងធូលី។

មុខងារប្រព័ន្ធដង្ហើម

Icon Chevron

ខ្យល់ដែលយើងដកដង្ហើមគឺអុកស៊ីហ្សែន ដែលត្រូវបានផ្លាស់ប្តូរសម្រាប់ឧស្ម័នកាកសំណល់ដែលហៅថាកាបូនឌីអុកស៊ីត នៅពេលកោសិការបស់យើងទទួលបានអុកស៊ីហ្សែន។ ចរន្តឈាមដឹកនាំ​កាបូនឌីអុកស៊ីតត្រលប់ទៅសួតដែលវាដកដង្ហើមយកចេញពីចរន្តឈាម​ វា​ត្រូវបាន​ស្គាល់ថាជាការផ្លាស់ប្តូរ ឧស្ម័ន។ ប្រព័ន្ធដង្ហើមរបស់យើងបំពេញតួនាទីផ្សេងទៀតរួមមាន៖ - គ្រប់គ្រងសីតុណ្ហភាពខ្យល់និងផ្តល់សំណើមដល់កម្រិតសំណើមឱ្យបានត្រឹមត្រូវ - ច្រោះខ្យល់និងការពាររាងកាយយើង ពីសារធាតុគ្រោះថ្នាក់តាមរយៈការក្អកកណ្តាស់ឬលេប - ជួយឲ្យដឹងក្លិន

ចលនា​សន្ទះទ្រូងធ្វើ​ឲ្យមានខ្យល់ចូលនិងចេញពីសួតដូចម្តេច?

Icon Chevron

នៅពេលយើងដកដង្ហើមចេញសន្ទះទ្រូងរាបស្មើនិងតូច ខណៈពេលដែលយើងស្រូបខ្យល់ចូលវានឹងរីកធំ។ នេះបង្កើតឱ្យមានកន្លែងទំនេរដែលទាញខ្យល់ចូលក្នុងសួត។ ​ពេលយើងដកដង្ហើមចេញខ្យល់ត្រូវបានបង្ខំចេញពីសួត បង្រួមប្រហោង​ទ្រូងហើយត្រលប់ទៅរាងដូចដើមវិញ។

អត្ថបទផ្សេងទៀតពី សុខភាពផ្លូវដង្ហើម

បញ្ហាសួតផ្សេងទៀត

សុខភាព​ប្រព័ន្ធ​ផ្លូវ​ដង្ហើម ឬ​សួត ពិត​ជា​មាន​សារសំខាន់​ណាស់​ចំពោះ​មនុស្ស​យើង​គ្រប់​គ្នា ព្រោះ​វា​ជា​ផ្នែក​មួយ​នៃ​រាងកាយ​ជួយ​ឲ្យ​យើង​ដក​ដង្ហើម​ចេញ​ចូល​បាន​ពី​មួយ​ថ្ងៃ​ទៅ​មួយ​ថ្ងៃ។ ក្នុង​បរិបទ​ដែល​មាន​ជំងឺ​ផ្លូវ​ដង្ហើម​កាច​សាហាវ​ដូច​ជំងឺ​កូវីដ-១៩​ទៀត គ្នា​យើង​គប្បី​ចេះ​ថែ​ទាំ​សុខភាព​ផ្លូវ​ដង្ហើម ឬ​សួត​ឲ្យ​បាន​ល្អ​តាម​ប៉ុន្មាន​តិចនិក​ខាង​ក្រោម​៖ ១. កុំ​ជក់​បារី ការ​ជក់​បារី​ជា​កត្តា​ចម្បង​បង្ក​ឲ្យ​កើត​ជំងឺ​មហារីក​សួត និង​ជំងឺ​ស្ទះ​សួត​រ៉ាំរ៉ៃ ហើយ​ផ្សែង​បារី​អាច​បង្រួម​រន្ធ​ខ្យល់ និង​ធ្វើ​ឲ្យ​ពិបាក​ដក​ដង្ហើម។ ជក់​បារី​ក៏​បណ្ដាល​ឲ្យ​រលាក​រ៉ាំ​រ៉ៃ ឬ​ហើម​ក្នុង​សួត​ដែល​អាច​នាំ​ឲ្យ​មាន​ជំងឺ​រលាក​ទង​សួត​រ៉ាំរ៉ៃ។ យូរ​ៗ ទៅ​ផ្សែង​បារី​បំផ្លាញ​ជាលិកា​សួត និង​អាច​បង្ក​ឲ្យ​មាន​ការ​ផ្លាស់​ប្ដូរ​ដែល​ក្លាយ​ទៅ​ជា​មហារីក។ កម្មវិធីពិនិត្យ​គ្រោះថ្នាក់ជំងឺកូវីដ-១៩ អនឡាញ​ ២. ចៀសវាង​ការ​ប៉ះពាល់​សារធាតុ​ពុល ផ្សែង​បារី សារធាតុ​គីមី​ក្នុង​ផ្ទះ ឬ​កន្លែង​ធ្វើ​ការ​សុទ្ធ​តែ​អាច​បង្ក​ឲ្យ​សួត​ប្រឈម​នឹង​កើត​ជំងឺ ពិសេស​អ្នក​រស់​នៅ​ទី​ប្រជុំ​ជន​មាន​ឡាន មាន​ម៉ូតូ​ច្រើន។ ម៉្យាង​វិញ​ទៀត យើង​គួរ​ចៀស​វាង​ការ​ធ្វើ​លំហាត់​ប្រាណ​ក្រៅ​ផ្ទះ​ចំ​ថ្ងៃ​មាន​ផ្សែង​ពុល​ច្រើន និង​​ត្រូវពាក់​ម៉ាស​ ដើម្បីការពារសុខភាព​ផ្លូវ​ដង្ហើម​ពី​ខ្យល់​កខ្វក់។ ៣. ហាត់​ប្រាណ មិន​ថា​យើង​ក្មេង ឬ​ចាស់ ធាត់ ឬ​ស្គម​នោះ​ទេ ការ​ធ្វើ​សកម្មភាព​រាងកាយ ឬ​ហាត់​ប្រាណ​អាច​ជួយ​រក្សា​សុខភាព​ផ្លូវ​ដង្ហើម​ឲ្យ​មាន​សុខភាព​ល្អ​បាន។ ៤. ទប់​ស្កាត់​ការ​ឆ្លង​មេរោគ មិន​ថា​ជំងឺ​ផ្ដាសាយ ឬ​ជំងឺ​ផ្លូវ​ដង្ហើម​ដទៃ ពិសេស​ឥឡូវ​នេះ​មាន​ការ​រាលដាល​ជំងឺ​កូវីដ-១៩ យើង​ត្រូវ​ការពារ​ប្រព័ន្ធ​ផ្លូវ​ដង្ហើម​ដោយ៖ លាង​ដៃ​ជាមួយ​សាប៊ូ​នឹង​ទឹក​ស្អាត ឬ​អាច​ប្រើ​អាល់កុល ឬ​ជែល​លាង​ដៃ ឲ្យ​បាន​ញឹក​ញាប់ តាម​ដែរ​អាច​ធ្វើ​ទៅ​បាន។ ចៀស​វាង​កន្លែង​មាន​មនុស្ស​ច្រើន (ពិសេស ក្នុង​រដូវ​ងាយ​កើត​ជំងឺ​ផ្ដាសាយ)។ ដុស​សម្អាត​ធ្មេញ​ឲ្យ​បាន​យ៉ាង​តិច២/ថ្ងៃ។ ការ​ធ្វើ​អនាម័យ​មាត់​ស្អាត អាច​ទប់​ស្កាត់​មេរោគ​បង្ក​ជា​ជំងឺ​បាន។ ចាក់​វ៉ាក់សាំង​ការ​ពារ​ខ្លួន​ពី​ជំងឺ​តាម​ការ​ណែនាំ។ មើល​ថែ​សុខភាព​ខ្លួន​ឯង​ឲ្យ​បាន​ល្អ ក្នុង​ករណី​ឈឺ ចៀស​វាង​ចម្លង​មនុស្ស​ជុំ​វិញ​ខ្លួន។ ៥. ពិនិត្យ​សុខភាព​ទៀង​ទាត់ ការ​ពិនិត្យ​សុខភាព​ជា​ប្រចាំ​ជួយ​ការពារ​ជំងឺ​ផ្សេងៗ ទោះ​បី​ជា​យើង​មាន​អារម្មណ៍​ថា​សុខភាព​ល្អ​ក៏​ដោយ ព្រោះ​ជំងឺ​ខ្លះ​​មិន​ចេញ​រោគ​សញ្ញា​ឲ្យ​យើង​ដឹង​ភ្លាម​ៗ​ទេ ទាល់​តែ​ចូល​ដល់​លក្ខណៈ​ធ្ងន់ធ្ងរ​ទើប​ចេញ​រោគ​សញ្ញា​ឲ្យ​យើង​ភ័យ រត់​ទៅ​ពិនិត្យ​សុខភាព។

បញ្ហាសួតផ្សេងទៀត

អាប់សែ​សួត ជា​ប្រហោង​​​ដែល​ពោរពេញ​ទៅ​​ដោយ​ខ្ទុះ។ ​ភាគ​ច្រើន​ បញ្ហានេះបណ្ដាល​មក​​ពី​ការ​ឆ្លង​បាក់តេរី​នៅ​​ក្នុង​ជាលិកា​សួត​។ ការ​បង្ក​រោគ​​អាច​បណ្ដាល​ឲ្យ​ជាលិកា​សួតងាប់​ ហើយ​ខ្ទុះ​ក៏​ចាប់ផ្ដើម​ប្រមូល​ផ្ដុំ​នៅ​ក្នុង​ប្រហោង​នោះ​។ ពិត​ណាស់ អាប់សែ​សួត​​​ពិបាក​​ក្នុង​ការ​ព្យាបាល​ ព្រម​ទាំង​អាច​បង្ក​គ្រោះថ្នាក់​ដល់​អាយុ​ជីវិត​ថែម​ទៀត​ផង​។ ប្រសិនបើ​​អាប់សែ​សួត​មាន​រយៈពេល​​ក្រោម​៤​ទៅ​៦​សប្ដាហ៍​ វា​ត្រូវ​បាន​ចាត់​ទុក​ថា​​ជា​អាប់សែ​សួត​ស្រួចស្រាល់​ ប៉ុន្តែ​បើ​លើស​ពី​នេះ អាច​ជា​អាប់សែ​សួត​រ៉ាំរ៉ៃ​។ រោគសញ្ញា​នៃ​អាប់សែ​សួត​ រោគសញ្ញា​ដែល​គួរ​ឲ្យ​កត់សម្គាល់​បំផុត​នៃ​អាប់សែ​សួត​ គឺ​ក្អក​ស្លេស្ម​ ឬ​ក្អក​មាន​ឈាម​ ឬ​ដូច​ខ្ទុះ ព្រម​ទាំង​មាន​ក្លិន​មិន​ល្អ​។ រោគសញ្ញា​ដទៃ​ទៀត​រួម​មាន​៖ ខ្យល់​ដង្ហើម​មិន​ល្អ​ ក្ដៅ​ខ្លួន​​ចាប់​ពី​៣៨,៣​អង្សាសេ ឬ​លើស​ពី​នេះ​ ឈឺ​ទ្រូង​ ហត់ បែក​ញើស​ខ្លាំង​ជ្រុល ឬ​បែក​ញើស​ពេល​យប់​ ស្រក​ទម្ងន់​ អស់កម្លាំង​ តើ​អាប់សែ​សួត​បណ្ដាល​មក​ពី​មូលហេតុ​អ្វី​? ​អាប់សែ​សួត​អាច​ត្រូវ​បាន​បែងចែក​ជា​​អាប់សែ​ដែល​បង្ក​ដោយ​មេរោគ  ឬ​បង្ក​ដោយ​កត្តា​ផ្សេង​ទៀត​ ។ អាប់សែ​បង្ក​ដោយ​មេរោគ ការ​ញ៉ាំ​គ្រឿង​ស្រវឹង​​ច្រើន​ជ្រុល​ ក៏​អាច​ធ្វើ​ឲ្យ​យើង​ងាយ​កើត​ជំងឺ​អាប់សែ​សួត​នេះ​ដែរ​ ពីព្រោះ​អ្នក​ដែល​ញ៉ាំ​គ្រឿង​ស្រវឹង​ច្រើន​ ឧស្សាហ៍​មាន​អាការៈ​ក្អួត និង​ប្រែប្រួល​កម្រិត​ស្មារតី។ ផលវិបាក​ទាំង​នេះ​អាច​បង្កើន​ឱកាស​នៃ​ការ​ស្រូប​យក​ទឹក​ក្រពះ និង​បាក់តេរី​ទៅ​ក្នុង​សួត​ ជា​ហេតុ​នាំ​ឲ្យ​​មាន​ការ​ឆ្លង​មេរោគ​។ ម្យ៉ាង​វិញ​ទៀត​ អ្នក​ដែល​ញ៉ាំ​គ្រឿង​ស្រវឹង​ច្រើន​ជ្រុល​ ក៏​​ប្រឈម​នឹង​​បញ្ហា​ប្រព័ន្ធ​ភាព​ស៊ាំ​ចុះ​ខ្សោយ​ ដោយ​សារ​តែ​សុខភាព​ទ្រុឌទ្រោម​ និង​កង្វះ​អាហារូបត្ថម្ភ​ ដែល​អាច​នាំ​ឲ្យ​យើង​ងាយ​​វិវដ្ត​ទៅ​ជា​ការ​ឆ្លង​មេរោគ​។ ចំណែក​ឯ​​ជំងឺ​រលាក​សួត ក៏​អាច​​នាំ​ឲ្យ​កើត​ជា​អាប់សែ​សួត​ដែល​បង្ក​ដោយ​មេរោគដូច​គ្នា​។ អាប់សែ​សួត​​បង្ក​ឡើង​ដោយ​កត្តា​ផ្សេង​ៗ​ ចំពោះ​អាប់សែ​ប្រភេទ​​នេះ កើត​ឡើង​ដោយ​កត្តា​ផ្សេង​ៗ​​ក្រៅ​ពី​ការ​ឆ្លង​មេរោគ​​​ ដែល​ចាប់ផ្ដើម​ពី​ខាង​ក្នុង​សួត​តែ​ម្ដង​។ មូលហេតុ​បង្ក​មាន​ដូច​ជា៖​ ស្ទះ​ផ្លូវ​ដង្ហើម​ធំ​ៗ​នៅ​ក្នុង​សួត ជំងឺ​ដែល​កើត​ឡើង​រួម​គ្នា​នៅ​ក្នុង​សួត ការ​ឆ្លង​មេរោគ​ពី​ផ្នែក​ផ្សេង​ទៀត​នៃ​រាងកាយ​ដែល​រាលដាល​ដល់​សួត អ្នក​មាន​ហានិភ័យ​ខ្ពស់​នៃ​ការ​កើត​អាប់សែ​សួត អ្នក​ដែល​ញ៉ាំ​គ្រឿង​ស្រវឹង​ច្រើន​ជ្រុល​ ឬ​អ្នក​​​ដែល​ទើប​កើត​ជំងឺ​រលាក​សួត មាន​ហានិភ័យ​ខ្ពស់​ក្នុង​ការវិវត្ត​ទៅ​ជា​អាប់សែ​សួត​។ លើស​ពី​នេះ អ្នក​ដែល​មាន​ប្រព័ន្ធ​​ភាព​ស៊ាំ​ខ្សោយ​​ដោយ​សារ​តែ​ការ​ផ្លាស់ប្ដូរ​សរីរាង្គ មាន​ជំងឺ​មហារីក​ ជំងឺ​អេដស៍ ជំងឺ​​ប្រព័ន្ធ​ភាព​ស៊ាំ​ប្រឆាំង​នឹង​ខ្លួន​ឯង ឬ​ស្រូប​យក​វត្ថុ​ចម្លែក​ដែល​អាច​បង្អាក់​ផ្លូវ​ដង្ហើម​ធំ​ ​ក៏​ប្រឈម​នឹង​​អាប់សែ​សួត​ខ្ពស់​ផង​ដែរ​។ ​

បញ្ហាសួតផ្សេងទៀត

គ្នា​យើង​ដែល​មាន​បញ្ហា​សុខភាព​សួត​ខ្សោយ​គួរ​តែ​ចាប់​​អារម្មណ៍​អំពី​របប​អាហារ​ដែល​កំពុង​តែ​ញាំ​ប្រចាំ​ថ្ងៃ​ឲ្យ​បាន​ដិត​ដល់​។ ពពួក​ផ្លែ​ឈើ បន្លែ ទឹកដោះ​គោ​ និង​គ្រឿង​ផ្សំក្នុង​អាហារ​​មួយ​ចំនួន​ក៏​អាច​ជះ​ឥទ្ធិពល​ដល់​សុខភាព​សួត​ផង​ដែរ។ ខាង​ក្រោម​នេះ​គឺ​ជា​របប​អាហារ​សម្រាប់​គ្នា​យើង​ដែល​មាន​បញ្ហា​សុខភាព​សួត​គួរ​តែ​ញាំ ​និង​មិន​គួរ​ញាំ៖ ១.អាហារ​ល្អ​សម្រាប់​សុខភាព​សួត ផ្លែ​ប៉ោម៖ ផ្លែ​ប៉ោម​មាន​សារធាតុ​ប្រឆាំង​នឹង​អុកស៊ីតកម្ម quercetin ។ ផ្លែ​ប៉ោម​​​អាច​ជួយ​សម្រួល​អាការៈ​ជំងឺ​សួត​ហើយ​ថែម​ទាំង​កាត់​បន្ថយ​ការ​ខូច​ខាត​សួត​ដែល​បណ្ដាល​មក​ពី​ការ​ជក់​បារីផង​។ គ្នា​យើង​ដែល​ញ៉ាំ​ផ្លែ​ប៉ោម ៥ ផ្លែ​ឬ​ច្រើន​ជាង​នេះ​ក្នុង​មួយ​សប្ដាហ៍​ ក៏​ជួយ​កាត់​បន្ថយ​ការ​ហានិភ័យ​នៃ​ការ​វិវត្ត​ទៅ​ជាជំងឺស្ទះដង្ហើមរ៉ាំរ៉ៃ ផង​ដែរ។ មើម​ឆៃថាវក្រហម៖មើម​ឆៃថាវ​ក្រហម​ផ្ដល់​អត្ថ​ប្រយោជន៍​ដល់​មុខ​ងារ​សួត បញ្ចុះ​សម្ពាធ​ឈាម​ និង​បង្កើន​ការ​ស្រូប​យក​អុកស៊ីសែន​ផង​ដែរ។ ការណ៍​នេះ​ក៏​ដោយ​សារ​តែ​វា​សម្បូរ​ទៅ​ដោយ​វីតាមីន​ និង​សារធាតុ​ចិញ្ចឹម​​ជួយ​លើក​កម្ពស់​សុខភាព​សួត​ដូច​ជា​ម៉ាញេស្យូម​ និង​ប៉ូតាស្យូម។ ផ្លែ​ល្ពៅ៖ ផ្លែ​ល្ពៅ​គឺ​សម្បូរ​ទៅ​ដោយ​សារធាតុ​ carotenoids ដែល​មាន​ទំនាក់​ទំនង​ល្អ​​នឹង​មុខ​ងារ​សួត។ សារធាតុ​Carotenoids ក៏​មាន​សារធាតុ​ប្រឆាំង​អុកស៊ីតកម្ម​ និង​ប្រឆាំង​ពី​ការ​រលាក​ផង​ដែរ។ ផ្លែ​ប៉េងប៉ោះ៖ គឺ​ជា​ប្រភព​បន្លែ​​សម្បូរ​ដោយ​សារធាតុ lycopene និង​​សារធាតុ​carotenoid ដែលជួយ​​ឱ្យ​មុខ​ងារ​សួត​ប្រសើរ​ឡើង​ ហើយ​​ក៏​ជួយ​កាត់​បន្ថយ​អាការៈ​​នៃ​ជំងឺ​សួត​ និង​ការ​រលាក​ផ្លូវ​ដង្ហើម។ បន្លែ​បៃតង៖ ដូច​ជា​ស្ពៃ​តឿ ផ្ទី​ និង​ខាត់​ណា ​ជា​ប្រភព​បន្លែ​ដែល​សម្បូរ​ដោយ carotenoids ជាតិ​ដែក ប៉ូតាស្យូម កាល់ស្យូម​និង​វីតាមីន។ សារធាតុ​ចិញ្ចឹម​ទាំង​នេះ​មាន​ឥទ្ធិពល​ប្រឆាំង​ការ​រលាក​ និង​ប្រឆាំង​អុកស៊ីតកម្ម​ដែល​អាច​ជួយ​កាត់​បន្ថយ​ការ​រលាក​សួត​ និង​ជួយ​សុខភាព​ទូ​ទៅ។ ២.អាហារ​​គួរ​ជៀស​វាង​ប្រសិន​បើ​គ្នា​យើង​មាន​បញ្ហា​សួត អាហារ​ប្រៃ៖ សូដ្យូម​ ឬ​អំបិល អាច​បង្ក​ឲ្យ​ចាល់​សារធាតុ​រាវ​ក្នុង​រាង​កាយ ដែល​អាច​នាំ​ឲ្យ​អ្នក​ជំងឺ​សួត​ឆាប់​ហត់​។ អ្នកមាន​ជំងឺ​សួត​គួរ​កម្រិត​ការ​ញ៉ាំអំបិល​ មិន​ត្រូវ​លើស​ពី​៣០០ មីលី​ក្រាម​ក្នុង​មួយ​ពេល​ទេ។ ដូច​គ្នា​ដែរ គួរ​ពិនិត្យ​ស្លាក​សញ្ញា​រាយ​មុខគ្រឿង​ផ្សំ​លើ​ផលិត​ផល​ដែល​យើង​ទិញ​ញ៉ាំ ដើម្បី​ដឹង​ច្បាស់​ថា​មិន​មាន​អំបិល​ច្រើន​។​ ផលិត​ផល​​ធ្វើ​ពី​ទឹក​ដោះ៖ ផលិត​ផល​ទាំង​នេះ​ធ្វើ​ឲ្យ​រាង​កាយ​បង្កើន​បរិមាណ​ស្លេស្ម […]

បញ្ហាសួតផ្សេងទៀត

ជំងឺស្ទះសួតរុំារ៉ៃ (COPD) គឺជាជំងឺរលាកសួតរុំារ៉ៃដែលបណ្តាលឱ្យស្ទះខ្យល់ និង​​ធ្វើឱ្យយើង​ពិបាក​ដក​ដង្ហើម។ ភាគច្រើនយើងមិនដឹងថា យើងមានជំងឺ​ស្ទះសួតរុំារ៉ៃទេ រហូតដល់ជំងឺ​នេះ​វិវដ្ដ​ដល់ដំណាក់កាលចុងក្រោយ។ ពេលខ្លះយើងគ្រាន់តែគិតថាយើងហត់ ឬមិនសូវមានកម្លាំង​ដោយសារ​យើង​ចាស់​​ជាងមុនប៉ុណ្ណោះ។ តើជំងឺស្ទះសួតររុំារ៉ៃមានអាការៈអ្វីខ្លះ? ស្វែងយល់ពីជំងឺហឺត ចុចទីនេះ រោគសញ្ញា និងអាការៈរបស់ជំងឺស្ទះសួតរ៉ាំរ៉ៃអាចមានដូចជា៖ ហត់ជាពិសេសអំឡុងពេលហាត់ប្រាណ ឮសូរសម្លេងពេលដកដង្ហើម តឹងទ្រូង ក្អករុំារ៉ៃដែលមានស្លេស្មថ្លា ពណ៌ស លឿង ឬបៃតង  ឆ្លងមេរោគផ្លូវដង្ហើមញឹកញាប់ គ្មានកម្លាំង ស្រកទម្ងន់ដោយគ្មានមូលហេតុ ហើមកជើង ប្រអប់ជើង ឬជើង ការប៉ះពាល់នឹងសារធាតុដែលបំផ្លាញសួត និងផ្លូវដង្ហើមយូរអាច​បណ្តាលឱ្យយើង​​កើតជំងឺ​ស្ទះសួត​រ៉ាំរ៉ៃ។ យើងអាចការពារ ឬកាត់បន្ថយការកើតជំងឺស្ទះ​សួតរុំារ៉ៃដោយ៖ បញ្ឈប់ការជក់បារី កុំជក់បារី ចៀសវាង​ការស្រូបផ្សែងបារី ចៀសវាង​ការប៉ះពាល់ ឬស្រូបផ្សែង ឬចំហាយគីមី ឬធូលីដីជាដើម ជំងឺស្ទះសួតរុំារ៉ៃព្យាបាលមិនជាទេ តែបើយើងសង្កេតថាមានរោគសញ្ញា ឬអាការៈដូចខាង​លើត្រូវ​ទៅ​ពិនិត្យជាបន្ទាន់ ព្រោះការព្យាបាលជំងឺនៅដំណាក់​​ស្រាល ឬដំបូងអាចទប់ស្កាត់​ជំងឺពី​ការវិវឌ្ឍ​ទៅ​ជាធ្ងន់ធ្ងរ។

បញ្ហាសួតផ្សេងទៀត

បញ្ហា​សុខភាព​ជា​ច្រើន​អាច​បណ្ដាល​ឲ្យ​យើង​ក្អក​ ហើយ​ប្រភេទ​នៃ​ការ​ក្អក​ និង​រយៈពេល​​គឺ​អាស្រ័យ​ទៅ​លើ​មូលហេតុ​នៃ​ជំងឺ​។ ដូច្នេះ​ហើយ​ គ្នា​យើង​គប្បី​ស្គាល់​ពី​រោគសញ្ញា​សំខាន់​ៗ​មួយ​ចំនួន ពីព្រោះ​ការ​ក្អក​មួយ​ចំនួន​​អាច​បាត់​ទៅ​វិញ​ដោយ​ខ្លួន​ឯង ខណៈ​ដែល​ប្រភេទ​នៃ​ការ​ក្អក​ផ្សេង​ទៀត ត្រូវការ​ការ​ព្យាបាល​​ត្រឹម​ត្រូវ​​។ ១. ក្អក​ស្លេស្ម អាការៈ​ក្អក​ស្លេស្ម​​ អាច​បណ្ដាល​មក​ពី​​ជំងឺ​រលាក​ទង​សួត ដោយ​សារ​តែ​ផ្លូវ​ដង្ហើម​មាន​សភាព​ហើម​ និង​បង្កើត​ជា​ស្លេស្ម។ ជាក់​ស្ដែង​ ជំងឺ​មួយ​ប្រភេទ​នេះ​បង្ក​ឡើង​ដោយ​វីរុស និង​ធ្វើការ​វិវត្ត​ក្រោយ​ពេល​ដែល​យើង​មាន​ជំងឺ​គ្រុន​ផ្ដាសាយ ដែល​ហៅថា​ជំងឺ​រលាក​ទង​សួត​ស្រួចស្រាល់។ យ៉ាង​ណា​មិញ យើង​អាច​នឹង​មិន​​មាន​ក្អក​ស្លេស្ម​នៅ​ប៉ុន្មាន​ថ្ងៃ​ដំបូង​​នៃ​ការ​ឆ្លង​មេរោគ​រលាក​ទង​សួត​ឡើយ​។ ២. ក្អក​ស្លេស្ម​​រ៉ាំរ៉ៃ​ ប្រសិនបើ​យើង​ក្អក​ស្លេស្ម​រយៈពេល​ច្រើន​ថ្ងៃ​នៅ​ក្នុង​មួយ​ខែ​ និង​យ៉ាង​ហោច​ណាស់​រយៈពេល​៣​ខែ​ក្នុង​មួយ​ឆ្នាំ យើង​អាច​នឹង​មាន​ជំងឺ​រលាក​ទង​សួត​រ៉ាំរ៉ៃ។ វា​អាច​ជា​ផ្នែក​មួយ​នៃ​ជំងឺ​ស្ទះ​​ផ្លូវ​ដង្ហើម​​។ ការ​ជក់​បារី​អាច​ជា​មូលហេតុ​ចម្បង​មួយ​ដែល​នាំ​ឲ្យ​កើត​ជំងឺ​​រលាក​ទង​សួត​រ៉ាំរ៉ៃ​។ ៣. ក្អក​ស្លេស្ម​ និង​គ្រុន​ក្ដៅ​ ​​​​​ជាមួយ​គ្នា​នេះ​ដែរ ការ​ក្អក​ស្លេស្ម​ក៏​អាច​ជា​រោគសញ្ញា​នៃ​ជំងឺ​រលាក​សួត​​ផង​ដែរ​។ រោគសញ្ញា​នៃ​ជំងឺ​រលាក​សួត​ដទៃ​ទៀត​មាន​ដូចជា​គ្រុន​ក្ដៅ គ្រុន​រងា និង​ដកដង្ហើម​ខ្លី​ៗ​។ ស្លេស្ម​អាច​មាន​ពណ៌​បៃតង លឿង​ ឬ​មាន​ឈាម​។ ប្រសិនបើ​យើង​សង្ស័យ​ថា​កើត​ជំងឺ​រលាក​សួត​ ចូរ​ពិគ្រោះ​យោបល់​ជាមួយ​នឹង​គ្រូពេទ្យ​ភ្លាម​ៗ​។ ៤. ក្អក​បណ្ដាល​មក​ពី​ជក់​បារី អាការៈ​ក្អក​ដែល​ពាក់ព័ន្ធ​នឹង​ស្លេស្ម​ច្រើន​ អាច​ជា​រោគសញ្ញា​ទូទៅ​នៃ​ជំងឺ​ស្ទះ​​ផ្លូវ​ដង្ហើម​​រ៉ាំរ៉ៃ។ នៅ​ក្នុង​ករណី​នេះ យើង​អាច​មាន​បញ្ហា​ក្នុង​ការ​ដកដង្ហើម​ ដោយ​សារ​តែ​​ផ្លូវ​ដង្ហើម​ស្ទះ​។ រោគ​សញ្ញា​ដទៃ​ទៀត​ រួម​មាន​តឹង​ទ្រូង កណ្ដាស់​ និង​ដកដង្ហើម​ខ្លី​ៗ។ ៥. ក្អក​ និង​ជូរ​មាត់​ ប្រសិនបើ​យើង​ក្អក​ ព្រម​ទាំង​មាន​អារម្មណ៍​ថា​​មាន​រសជាតិ​ជូរ​ក្នុង​មាត់​​ ដែល​មាន​រយៈពេល​ពីរ​ ឬ​ច្រើន​ខែ វា​អាច​ជា​សញ្ញា​នៃ​ជំងឺ​ច្រាល​ទឹក​ក្រពះ។ ជំងឺ​ច្រាល​ទឹក​ក្រពះ​កើត​ឡើង​នៅ​ពេល​ដែល​​បរិមាណ​ទឹក​ក្រពះ  ហូរ​ត្រលប់​​ចូល​ក្នុង​បំពង់​ក​របស់​យើង​។ ៦. ក្អក​ស្ងួត​ ចំពោះ​អាការៈ​ក្អក​ស្ងួត​ដែល​មិន​បាត់​ទៅ​វិញ អាច​ជា​រោគ​សញ្ញា​នៃ​ជំងឺ​ហឺត​ ជា​ពិសេស​ប្រសិនបើ​យើង​ក្អក​ច្រើន​នៅ​ពេល​យប់​។ មនុស្ស​ភាគច្រើន​ដែល​មាន​ជំងឺ​ហឺត​​ក៏​ជួប​អាការៈ​តឹង​ទ្រូង […]

ជំងឺរបេង

យើង​ដឹង​ថា ជំងឺរបេង​សួត ជា​ជំងឺ​ឆ្លង ​ដោយ​សារ​មេរោគ​របេង ហើយ​អាច​យាយី​ដល់​សរីរាង្គ​ផ្សេង​ទៀត​ពិសេស​គឺសួត ​បើ​មិន​ព្យាបាល​ទាន់​ពេល​។ ជំងឺ​នេះ ក៏​ជា​ប្រភេទ​ជំងឺ​ងាយ​ឆ្លង​បំផុត តាម​ផ្លូវ​ដង្ហើម។ មេរោគ​របេង ក៏​អាច​បង្ក​ជា​ជំងឺ​របេង​ឆ្អឹង​កង​ខ្នង អាច​គំរាមកំហែង​ដល់​ជីវិត​អ្នក​ជំងឺ​ថែម​ទៀត។ ជំងឺ​របេង​ឆ្អឹង​កង​ខ្នង ឬ​ជំងឺ Potts ជា​ជំងឺ​របេង​ក្រៅ​សួត​មួយ​ប្រភេទ ដែល​ជំងឺ​នេះ​ត្រូវ​បាន​មើល​ឃើញ​នៅ​ក្នុង​ឆ្អឹង​កង​ខ្នង ហើយ​វា​បង្ក​ឡើង​ដោយ​មេរោគ​របេង ។ វា​អាច​ប៉ះពាល់​ដល់​ឆ្អឹង​ខ្នង សន្លាក់ និង​ទ្រនាប់​ឆ្អឹង​កង​ខ្នង។ នេះ​បើ​តាម​ការ​ពន្យល់​របស់​លោក​វេជ្ជបណ្ឌិត ច័ន្ទ រស្មី។ ទី​កន្លែង​ដែល​វា​កើត គឺ​នៅ​ផ្នែក​ឆ្អឹង​កង​ទ្រូង​ផ្នែក​ខាង​លើ ឆ្អឹង​កង​ចង្កេះ ជា​តំបន់​ឆ្អឹង​កង​ខ្នង​រង​ផល​ប៉ះពាល់​ជា​ញឹក​ញាប់​បំផុត។ លទ្ធផល​នៃ​ជំងឺ​របេង​ឆ្អឹង​កង​ខ្នង​ពី​ការ​រីក​រាលដាល​នៃ​ជំងឺ​របេង​តាម​ចរន្ត​ឈាម​ទៅ តំបន់​បណ្ដាញ​ផ្សេង​ទៀត​ជា​ញឹកញាប់​របស់​សួត។ ការ​ឆ្លង​មេរោគ​នេះ​បន្ទាប់​មក​រាលដាល​ពី​ឆ្អឹង​កង​នៅ​ជាប់​គ្នា​ចំនួន ២ ចូល​ទៅ​ក្នុង​សន្លាក់ និង​ទ្រនាប់​ឆ្អឹង។ កម្មវិធីពិនិត្យ​ជំងឺពុកឆ្អឹងអនឡាញ​ លោក​បន្ត​ថា ប្រសិន​បើ​មាន​តែ​មួយ​គត់ គឺ​ត្រូវ​រង​ផល​ប៉ះពាល់​ឆ្អឹង​កង ទ្រនាប់​ឆ្អឹង​ខ្នង តែ​នេះ​គឺ​ធម្មតា ប៉ុន្តែ​ប្រសិន​បើ​ទាំង ២​ត្រូវ​បាន​ជាប់​ទាក់ទង ទ្រនាប់​ឆ្អឹង​ដែល​គ្មាន​សរសៃ​ឈាម មិន​អាច​ទទួល​បាន​សារធាតុ​ចិញ្ចឹម​ហើយ​វា​នឹង​រលួយ។ ជាលិកា​ឌីស​នេះ​បាន​ស្លាប់ ហើយ​ខូច​ដោយ caseation នាំ​ឲ្យ​កង​ខ្នង​រួម​តូច ហើយ​នៅ​ទី​បំផុត​ទៅ​នឹង​ដួល​រលំ​ឆ្អឹង​កង​ខ្នង និង​ការ​ខូច​ខាត​ឆ្អឹង​ខ្នង។ រោគ​សញ្ញា​ជំងឺ​របេង​ឆ្អឹង​កង​ខ្នង ឈឺ​ខ្នង បែក​ញើស​ស្អិត​ពេល​យប់ ញ៉ាំ​ចំណី​អាហារ​មិន​បាន អស់​កម្លាំង ស្រក​ទម្ងន់ ឆ្អឹង​ខ្នង​ផ្លាស់​ប្ដូរ​ទ្រង់ទ្រាយ ស្ពឹក ឬ​សាច់ដុំ​ខ្សោយ​ជើង ពិបាក​ឈរ។ល។ វេជ្ជបណ្ឌិត​រូប​នេះ​បន្ថែម​ឲ្យ​ដឹង​ថា […]

ផ្ដាសាយធម្មតា

រាងកាយ​របស់​យើង​​ប្រឹងប្រែង​ប្រយុទ្ធ​ប្រឆាំង​នឹង​វីរុស ក៏​ដូចជា​បាក់តេរី​ ជា​ពិសេស​នៅ​ក្នុង​អំឡុង​រដូវ​ភ្លៀង​នេះ​តែ​ម្ដង​​​ ពីព្រោះ​នៅ​ក្នុង​រដូវ​នេះ វីរុស និង​បាក់តេរី​នៅ​ក្នុង​បរិយាកាស​កើន​ឡើង​ ដែល​ធ្វើ​ឲ្យ​រាងកាយ​ងាយ​នឹង​ឈឺ។ ដោយ​សារ​តែ​សីតុណ្ហភាព​ប្រែប្រួល​ភ្លាម​ៗ ឱកាស​កើត​ជំងឺ​គ្រុន​ផ្ដាសាយ​​គឺ​ខ្ពស់​បំផុត​​។ ដើម្បី​ពង្រឹង​​ប្រព័ន្ធ​ភាព​ស៊ាំ​ និង​បង្ការ​ហានិភ័យ​នៃ​ការ​កើត​ជំងឺ​គ្រុន​ផ្ដាសាយ​ គ្នា​យើង​គប្បី​អនុវត្ត​តិចនិក​ខាង​ក្រោម​នេះ​។ ១. ​ញ៉ាំ​អាហារ​មាន​សារធាតុ​ចិញ្ចឹម​​ គន្លឹះ​ដ៏​ល្អ​បំផុត​ដើម្បី​បញ្ចៀស​ជំងឺ​គ្រុន​ផ្ដាសាយ​ គឺ​ញ៉ាំ​អាហារ​ដែល​សម្បូរ​ទៅ​ដោយ​សារធាតុ​ចិញ្ចឹម​ ដើម្បី​ពង្រឹង​ប្រព័ន្ធ​ភាព​ស៊ាំ​ និង​ការពារ​រាងកាយ​កុំ​ឲ្យ​ធ្លាក់​ខ្លួន​ឈឺ។ អាហារ​ដែល​ជា​ប្រភព​នៃ​សារធាតុ​ចិញ្ចឹម​មាន​ដូចជា​បន្លែ ផ្លែឈើ សាច់​គ្មាន​ខ្លាញ់​ ត្រី គ្រាប់​ធញ្ញជាតិ​ទាំង​មូល​ អាហារ​ដែល​ធ្វើ​ពី​ទឹក​ដោះ​គោ និង​គ្រាប់​ផ្លែឈើ​ជា​ដើម។ ២. វីតាមីន​C ការ​បញ្ចូល​វីតាមីន​C​ទៅ​ក្នុង​របប​អាហារ​ប្រចាំ​ថ្ងៃ​ ជា​រឿង​ដែល​មិន​អាច​ខ្វះ​បាន​ឡើយ​ ដើម្បី​ការពារ​រាងកាយ​ពី​ជំងឺ​គ្រុន​ផ្ដាសាយ​។ ការ​ញ៉ាំ​​វីតាមីន​C​ក្នុង​បរិមាណ​​សម​ល្មម​អាច​ប្រយុទ្ធ​ប្រឆាំង​នឹង​ជំងឺ​គ្រុន​ផ្ដាសាយ​យ៉ាង​មាន​ប្រសិទ្ធភាព​។ ប្រភព​ដ៏​ល្អ​នៃ​វីតាមីន​C​មាន​ដូចជា​ពពួក​ផ្លែ​ក្រូច ផ្លែ​ប៊ឺរី ខាត់ណាខៀវ និង​ដំឡូង​ជា​ដើម។ ៣. គេង​ឲ្យ​បាន​គ្រប់គ្រាន់ ជាមួយ​គ្នា​នេះ​ដែរ​ ការ​គេង​គ្រប់គ្រាន់​​​អាច​ប្រឆាំង​នឹង​ការ​ឆ្លង​មេរោគ​​គ្រប់​ប្រភេទ​ដែល​បង្ក​ឡើង​នៅ​រដូវ​ភ្លៀង​។ ដូច្នេះ​ហើយ​គ្នា​យើង​គប្បី​គេង​ឲ្យ​បាន​គ្រប់គ្រាន់ យ៉ាង​ហោច​ណាស់​​ឲ្យ​​បាន​៧​ទៅ​៨​ម៉ោង​ក្នុង​មួយ​ថ្ងៃ​​​ ដើម្បី​ឲ្យ​ប្រព័ន្ធ​ភាព​ស៊ាំ​រឹងមាំ​ល្អ​ និង​ឲ្យ​រាងកាយ​អាច​ជួសជុល​ ក៏​ដូចជា​ជំនួស​កោសិកា​​ចាស់ ជាលិកា និង​សាច់ដុំ។ ៤. រក្សា​កម្ដៅ​ក្នុង​រាងកាយ ប្រសិនបើ​យើង​ទទឹក​ភ្លៀង​​រយៈពេល​យូរ​ សីតុណ្ហភាព​រាងកាយ​នឹង​ធ្លាក់​ចុះ​ ដែល​ធ្វើ​ឲ្យ​យើង​ងាយ​កើត​ជំងឺ​គ្រុន​ផ្ដាសាយ​។ ហេតុ​នេះ​ហើយ​ ​យើង​គប្បី​​ជូត​សម្អាត​ខ្លួន​ និង​ផ្លាស់ប្ដូរ​សំលៀកបំពាក់​ភ្លាម​ៗ។ ៥. ថែទាំ​អនាម័យ​ផ្ទាល់​ខ្លួន​ ក្រៅ​ពី​​រក្សា​សម្ភារៈ​ឲ្យ​ស្អាត​ល្អ​ យើង​ក៏​ចាំបាច់​ត្រូវ​ថែទាំ​អនាម័យ​ផ្ទាល់​ខ្លួន​ ដោយ​ការ​លាង​សម្អាត​ដៃ នៅ​ពេល​ត្រលប់​មក​ផ្ទះ​វិញ និង​ងូត​ទឹក​សម្អាត​ខ្លួន​ ប្រសិនបើ​យើង​ប៉ះពាល់​នឹង​អ្នក​ដែល​មាន​ជំងឺ​។ បន្ថែម​ពី​នេះ គ្នា​យើង​ក៏​ត្រូវ​លាង​សម្អាត​ និង​ជូត​ខ្លួន​ឲ្យ​ស្ងួត​ល្អ […]

ផ្ដាសាយធំ

អាហារ​មាន​សារសំខាន់​ណាស់​ក្នុង​ការ​ប្រយុទ្ធ​ប្រឆាំង​នឹង​ផល​ប៉ះពាល់​អវិជ្ជមាន​នៃ​ជំងឺ​ផ្ដាសាយ​ ដែល​ធ្វើ​ឲ្យ​គ្នា​យើង​ភាគ​ច្រើន​តែងតែ​​​មាន​អារម្មណ៍​ល្ហិតល្ហៃ​ ក៏​ដូចជា​ពិបាក​ក្នុង​ខ្លួន។ ប៉ុន្តែ តើ​យើង​គប្បី​ញ៉ាំ​អាហារ ឬ​ភេសជ្ជៈ​បែប​ណា​ ដើម្បី​ឲ្យ​ជំងឺ​ផ្ដាសាយ​​ឆាប់​ជា​សះស្បើយ​ ក៏​ដូចជា​ពង្រឹង​ប្រព័ន្ធ​ភាព​ស៊ាំ​របស់​យើង​ឲ្យ​កាន់​តែ​រឹងមាំ? ១. ម្ទេស​សម្រាប់​បង្កើន​ចំណង់​អាហារ​ឡើង​វិញ​ ជា​ទូ​ទៅ យើង​តែងតែ​បាត់បង់​ចំណង់​អាហារ​នៅ​ពេល​ដែល​យើង​មិន​ស្រួល​ខ្លួន ពីព្រោះ​តែ​អាហារ​មិន​មាន​រសជាតិ​ឆ្ងាញ់​ដូច​ពី​មុន​។ យ៉ាង​ណា​មិញ អាហារ​ហឹរ​មាន​គុណប្រយោជន៍​​ជួយ​បំបាត់​អាការៈ​តឹង​ច្រមុះ និង​សម្រួល​ដល់​ការ​ដកដង្ហើម​។ ជា​លទ្ធផល​ វា​ធ្វើ​ឲ្យ​​​រសជាតិ​អាហារ​ត្រលប់​មក​រក​សភាព​ដូច​មុន​វិញ​។ ២. បំពេញ​ជាតិ​ទឹក​ជាមួយ​នឹង​ទឹក​ដូង​ ការ​បំពេញ​ជាតិ​ទឹក​ក្នុង​រាងកាយ​មាន​សារសំខាន់​ណាស់​ ក្នុង​ការ​កម្ចាត់​ជាតិ​ពុល​ចេញ​ពី​រាងកាយ​។ គ្នា​យើង​គប្បី​ញ៉ាំ​ទឹក​ដូង ឬ​ភេសជ្ជៈ​ដែល​សម្បូរ​ដោយ​អេឡិចត្រូលីត​ ដើម្បី​បំពេញ​ជាតិ​រ៉ែ ដូចជា​ប៉ូតាស្យូម​ និង​សូដ្យូម។ ៣. ទឹក​ដោះ​គោ​ជូរ​​ពង្រឹង​ប្រព័ន្ធ​ភាព​ស៊ាំ​ ​ប្រព័ន្ធ​ភាព​ស៊ាំ​​របស់​យើង​ប្រមាណ​៧០%​​គឺ​ប្រមូលផ្ដុំ​នៅ​ក្នុង​ក្រពះ​ ដូច្នេះ​ហើយ​​ការ​បញ្ចូល​បាក់តេរី​ល្អ​ៗ​ក្នុង​ក្រពះ អាច​ជួយ​ឲ្យ​យើង​ឆាប់​ជា​សះស្បើយ​ពី​ជំងឺ ក៏​ដូចជា​មាន​សុខភាព​រឹងមាំ​។ ទឹក​ដោះ​គោ​ជូរ ជួយ​រក្សា​តុល្យភាព​នៃ​បាក់តេរី​ល្អ​ក្នុង​ក្រពះ ហើយ​ក៏​ជា​អាហារ​ដែល​ស័ក្ដិសម​សម្រាប់​ជំងឺ​ផ្ដាសាយ​ផង​ដែរ​។ ៤. តែ​បៃតង​សម្រាប់​ប្រឆាំង​នឹង​អុកស៊ីតកម្ម​ ជាមួយ​គ្នា​នេះ​ដែរ តែ​បៃតង​មិន​ត្រឹម​តែ​បំពេញ​​ជាតិ​ទឹក​ដល់​រាងកាយ​របស់​យើង​ប៉ុណ្ណោះ​ទេ វា​​ក៏​សម្បូរ​ទៅ​ដោយ​សារធាតុ​ប្រឆាំង​នឹង​អុកស៊ីតកម្ម​ សម្រាប់​ប្រយុទ្ធ​នឹង​ពពួក​រ៉ាឌីកាល់​សេរី​។ ​ប្រព័ន្ធ​ផ្លូវ​ដង្ហើម​ផ្នែក​ខាង​លើ​​រង​ផល​ប៉ះពាល់​ នៅ​ពេល​ដែល​យើង​​កើត​ជំងឺ​ផ្ដាសាយ ហើយ​ការ​ញ៉ាំ​តែ​បៃតង​ក្ដៅ​ជាមួយ​នឹង​ទឹក​ឃ្មុំ​អាច​បើក​ផ្លូវ​​ដង្ហើម​របស់​យើង​ឲ្យ​ដំណើរការ​ប្រក្រតី​ឡើង​វិញ​។ ៥. ខ្ទឹម​ស​អាច​សម្លាប់​មេរោគ​ ខ្ទឹម​ស​ជា​ភ្នាក់ងារ​ប្រឆាំង​នឹង​ការ​ឆ្លង​មេរោគ​ផ្សេង​ៗ​ ដូចជា​បាក់តេរី និង​វីរុស​។ ជាក់​ស្ដែង ខ្ទឹម​ស​ឆៅ​អាច​ជួយ​កាត់បន្ថយ​អាការៈ​គ្រុន​​ផ្ដាសាយ​បាន​យ៉ាង​អស្ចារ្យ ហើយ​យើង​ក៏​អាច​បញ្ចូល​វា​ទៅ​ក្នុង​គ្រឿង​ផ្សំ​នៃ​អាហារ​ដើម្បី​កម្ចាត់​អាការៈ​គ្រុន​ផ្ដាសាយ​នេះ​​ដូច​គ្នា​។ ៦. ក្រូច​ឆ្មារ និង​ផ្លែ​ក្រូច​សម្រាប់​​​បង្កើន​វីតាមីន​C ​វីតាមីន​C​ជា​អាហារ​ដ៏​ល្អ​បំផុត​សម្រាប់​ជួយ​ពង្រឹង​ប្រព័ន្ធ​ភាព​ស៊ាំ ហើយ​អាហារ​ដែល​សម្បូរ​ទៅ​ដោយ​វីតាមីន​C​មាន​ដូចជា​ផ្លែ​ក្រូច ក្រូច​ឆ្មារ ស្រ្តប៊ឺរី និង​ប៉េងប៉ោះ​​។​ ហេតុ​នេះ​ហើយ​ យើង​គប្បី​ញ៉ាំ​អាហារ​ទាំង​នេះ​​ជា​ប្រចាំ ជា​ពិសេស​នៅ​ពេល​ដែល​យើង​មាន​អាការៈ​គ្រុន​ផ្ដាសាយ​។

បញ្ហាសួតផ្សេងទៀត

ការ​គេង​មាន​សារសំខាន់​ណាស់​ចំពោះ​សុខភាព​របស់​យើង​ទាំង​មូល​ រួម​មាន​ដំណើរការ​ត្រឹមត្រូវ​នៃ​ប្រព័ន្ធ​ផ្លូវ​ដង្ហើម​ផង​ដែរ​។ ពិត​ណាស់​ សរីរាង្គ​ផ្លូវ​ដង្ហើម​ចម្បង ​គឺ​សួត​របស់​យើង​ ពីព្រោះ​វា​ផ្លាស់ប្ដូរ​ឧស្ម័ន​ និង​ស្រូប​យក​ខ្យល់​ចេញ​ចូល។ យ៉ាង​ណា​មិញ​ វិបត្តិ​នៃ​ការ​គេង​​ជះ​ឥទ្ធិពល​អវិជ្ជមាន​ដល់​​ផ្លូវ​ដង្ហើម​របស់​យើង​យ៉ាង​ធ្ងន់ធ្ងរ​។​ ហេតុ​នេះ​ហើយ​ គ្នា​យើង​គប្បី​គេង​ឲ្យ​បាន​យ៉ាង​តិច​៨​ម៉ោង​ក្នុង​មួយ​ថ្ងៃ​ ដើម្បី​ពង្រឹង​មុខងារ​សួត​ប្រកប​ដោយ​ប្រសិទ្ធភាព​។​ ១. ការ​គេង​មិន​គ្រប់គ្រាន់​​ កាត់បន្ថយ​មុខងារ​របស់​សួត​ យោង​តាម​ការ​សិក្សា​មួយ​បាន​បង្ហាញ​ថា មុខងារ​សួត​មាន​ទំនាក់ទំនង​ផ្ទាល់​ទៅ​នឹង​ការ​គេង​។ ខណៈ​ពេល​ដែល​ជំងឺ​ផ្លូវ​ដង្ហើម​អាច​ប៉ះពាល់​ដល់​​គុណភាព​នៃ​ការ​គេង ​ការ​គេង​មិន​គ្រប់គ្រាន់​ក៏​អាច​​បង្ក​ជា​បញ្ហា​សួត​​ដូច​គ្នា​។ ជាក់​ស្ដែង ការ​គេង​មាន​ឥទ្ធិពល​លើ​ការ​រក្សា​​​ជាតិ​រម្អិល​  ប្រតិកម្ម​រលាក​ទង​សួត  និង​បញ្ហា​ខ្សោយ​ផ្លូវ​ដង្ហើម​។ ​​​២. ធ្វើ​ឲ្យ​ប្រព័ន្ធ​ភាព​ស៊ាំ​ចុះ​ខ្សោយ​ ទន្ទឹម​គ្នា​នេះ​ដែរ ការ​គេង​មិន​គ្រប់គ្រាន់​​មិន​ត្រឹម​តែ​​ប៉ះពាល់​ដល់​សុខភាព​សួត​ប៉ុណ្ណោះ​ទេ វា​ក៏​អាច​ធ្វើ​​ឲ្យ​ប្រព័ន្ធ​ភាព​ស៊ាំ​ចុះ​ខ្សោយ​។ លើស​ពី​នេះ វា​ក៏​បង្កើន​ហានិភ័យ​នៃ​ការ​កើត​បញ្ហា​ផ្លូវ​ដង្ហើម​ផ្សេង​ៗ​។ សម្រាប់​អ្នក​​ដែល​​មាន​ជំងឺ​សួត​រ៉ាំរ៉ៃ ​ការ​គេង​មិន​គ្រប់គ្រាន់​អាច​​ធ្វើ​ឲ្យ​ស្ថានភាព​ជំងឺ​កាន់​តែ​យ៉ាប់យ៉ឺន​​។ ម្យ៉ាង​វិញ​ទៀត ប្រសិនបើ​​យើង​គេង​មិន​គ្រប់គ្រាន់​ វា​ក៏​បង្កើន​ហានិភ័យ​​នៃ​ជំងឺ​សរសៃ​ឈាម​ខួរ​ក្បាល តម្រង​នោម​ ជំងឺ​ទឹក​នោម​ផ្អែម​ និង​ការ​បាក់​ទឹក​ចិត្ត​។ ៣. បង្កើន​ហានិភ័យ​នៃ​ការ​ឆ្លង​​វីរុស​កូវីដ​ ដោយ​សារ​តែ​ការ​គេង​មិន​គ្រប់គ្រាន់​​អាច​ធ្វើ​ឲ្យ​ប្រព័ន្ធ​ភាព​ស៊ាំ​ចុះ​ខ្សោយ​ វា​​អាច​ធ្វើ​ឲ្យ​យើង​ងាយ​ឆ្លង​ជំងឺ​កូវីដ​-១៩ ហើយ​ប្រឈម​នឹង​ជំងឺ​រលាក​សួត​ធ្ងន់ធ្ងរ ​។ ក្រៅ​ពី​ការ​គេង​គ្រប់គ្រាន់​ គ្នា​យើង​គប្បី​ញ៉ាំ​អាហារ​ដែល​មាន​សារធាតុ​ចិញ្ចឹម​ល្អ​ៗ​សម្រាប់​សួត និង​វីតាមីន​ ក៏​ដូចជា​សារជាតិ​រ៉ែ​ផ្សេង​ៗ ដើម្បី​​​ជួយ​ឲ្យ​សួត​​មាន​ដំណើរការ​ល្អ​ប្រសើរ​។ តិចនិក​ជួយ​​​ឲ្យ​គេង​ស្កប់ស្កល់​ និង​ពង្រឹង​សុខភាព​សួត​ ជៀសវាង​ប្រើប្រាស់​គ្រឿង​អេឡិចត្រូនិក​ផ្សេងៗ​ នៅ​អំឡុង​ម៉ោង​គេង ជៀសវាង​ការ​គេង​ថ្ងៃ​ ផ្លាស់ប្ដូរ​កម្រាល​ពូក​ ស្រោម​ខ្នើយ​​ជា​ប្រចាំ​ ស្ដាប់​ចម្រៀង​។

បញ្ហាសួតផ្សេងទៀត

របប​អាហារ​ប្រចាំ​ថ្ងៃ​ជះ​ឥទ្ធិពល​ដ៏​ធំធេង​ដល់​ប្រព័ន្ធ​រាងកាយ​របស់​យើង​ទាំង​មូល​ រួម​ទាំង​សួត​ផង​ដែរ​។ ពពួក​ផ្លែ​ក្រូច បន្លែ​ស្លឹក​បៃតង ​ត្រី​ដែល​មាន​ខ្លាញ់​ និង​​អាហារ​​​មិន​កែច្នៃ ឬ​មិន​បន្ថែម​សារធាតុ​កែច្នៃ​​ អាច​ផ្ដល់​សារធាតុ​ចិញ្ចឹម​ដែល​ចាំបាច់​​សម្រាប់​សុខភាព​សួត​ដ៏​ល្អ​បំផុត​ ខណៈ​ពេល​ដែល​អាហារ​មួយ​ចំនួន​ទៀត មាន​គុណប្រយោជន៍​កាត់​បន្ថយ​ហានិភ័យ​នៃ​ការ​ឆ្លង​មេរោគ​ផ្លូវ​ដង្ហើម​ ជួយ​ឲ្យ​ការ​ដកដង្ហើម​កាន់​តែ​ប្រសើរ​ឡើង​ ក៏​ដូចជា​សម្អាត​ផ្លូវ​ដង្ហើម​យ៉ាង​មាន​ប្រសិទ្ធភាព​។ របប​អាហារ​តុល្យភាព​ ត្រូវ​រួម​បញ្ចូល​ពពួក​វីតាមីន​សម្រាប់​សុខភាព​សួត ជា​ពិសេស​នៅ​អំឡុង​រដូវ​វស្សា​។ ១. វីតាមីន​C ជំរុញ​មុខងារ​របស់​សួត​ វីតាមីន​C មាន​សមត្ថភាព​បង្កើន​មុខងារ​ប្រព័ន្ធ​ភាព​ស៊ាំ និង​ជំរុញ​ការ​ផលិត​ខូឡាជែន​នៅ​ក្នុង​ស្បែក។ សារធាតុ​ចិញ្ចឹម​មួយ​នេះ​ក៏​អាច​ជួយ​ពង្រឹង​មុខងារ​សួត​ និង​កាត់បន្ថយ​រោគ​សញ្ញា​ផ្លូវ​ដង្ហើម​បាន​ពាក់​កណ្ដាល នៅ​អំឡុង​ពេល​ និង​ក្រោយ​ពេល​ហាត់​ប្រាណ។ អត្ថប្រយោជន៍​សុខភាព​ទាំង​នេះ ទទួល​បាន​​ពី​សារធាតុ​ប្រឆាំង​នឹង​អុកស៊ីតកម្ម​នៅ​ក្នុង​វីតាមីន​C។ ដូច្នេះ​ហើយ​ ដើម្បី​ទទួល​បាន​សារធាតុ​ចិញ្ចឹម​បន្ថែម​នៅ​ក្នុង​របប​អាហារ​ជំនួយ​ដល់​សុខភាព​សួត​ គ្នា​យើង​គប្បី​ញ៉ាំ​​វីតាមីន​C ដែល​មាន​នៅ​ក្នុង​ពពួក​ផ្លែ​ក្រូច ម្ទេស ត្របែក​ ឃីវី ខាត់ណាខៀវ និង​ពពួក​ផ្លែ​ប៊ឺរី ​ជា​ដើម។ ២. វីតាមីន​E សារធាតុ​ប្រឆាំង​នឹង​អុកស៊ីតកម្ម​​ដ៏​មាន​ឥទ្ធិពល​មួយ​ទៀត​ គឺ​វីតាមីន​E ដោយ​សារ​តែ​វីតាមីន​មួយ​នេះ​អាច​កាត់បន្ថយ​ការ​រលាក​បាន​យ៉ាង​ស័ក្ដិសិទ្ធិ។ ដើម្បី​ទទួល​បាន​អត្ថប្រយោជន៍​ពី​វីតាមីន​E យើង​គួរ​ញ៉ាំ​ពពួក​គ្រាប់​ធញ្ញជាតិ​ និង​គ្រាប់​ផ្លែឈើ ប្រេង​អូលីវ ប៉េងប៉ោះ ដំឡូង​ជ្វា ស្វាយ​ និង​ស្ពៃ​ពួយ​ឡេង​។ ៣. វីតាមីន​D គ្នា​យើង​មួយ​ចំនួន​ប្រហែល​ជា​ធ្លាប់​បាន​ដឹង​ហើយ​ថា វីតាមីន​D​ អាច​ជួយ​​ឲ្យ​ធ្មេញ និង​ឆ្អឹង​រឹងមាំ ដោយ​គ្រប់គ្រង​កម្រិត​ជាតិ​កាល់ស្យូម​។ ប៉ុន្តែ សារធាតុ​ចិញ្ចឹម​​មួយ​នេះ​ ក៏​អាច​​ប្រឆាំង​នឹង​​ការ​ឆ្លង​មេរោគ​ផ្លូវ​ដង្ហើម​ ព្រម​ទាំង​កាត់បន្ថយ​ហានិភ័យ​នៃ​ជំងឺ​​ស្ទះ​ផ្លូវ​ដង្ហើម​រ៉ាំរ៉ៃ […]