មកដឹងពីមធ្យោបាយពន្យារកំណើតរយៈពេលខ្លី វែង និងអចិន្ត្រៃយ៍

    មកដឹងពីមធ្យោបាយពន្យារកំណើតរយៈពេលខ្លី វែង និងអចិន្ត្រៃយ៍

    វិធី​ពន្យារ​កំណើត​សម្រាប់​បុរស និង​នារី​ត្រូវ​បែង​ចែក​ជា ៣ ជម្រើស ដោយ​មធ្យោបាយ​ទាំង​នោះ​សុទ្ធតែ​មាន​ប្រសិទ្ធភាព មិនថា​មធ្យោបាយ​ពន្យារ​កំណើត​រយៈពេល​ខ្លី ឬ​វែង។ ខាង​ក្រោម​នេះ​ជា​គឺ​វិធី​ពន្យារ​កំណើត​ទាំង​ជាង ១០ ប្រភេទ ដោយ​បែងចែក​ជា ៣ ដែល​ណែនាំ​ដោយ​លោក​វេជ្ជបណ្ឌិត ចាន់ ស៊ីណេត ប្រធាន​ផ្នែក​សម្ភព និង​រោគ​ស្រ្តី​នៃ​មន្ទីរ​ពេទ្យ​បង្អែក​មិត្តភាព​កម្ពុជា-ចិន សែន​សុខ។

    គណនាការឡើងទម្ងន់ស្ត្រីអំឡុងពពោះទីនេះ
    គណនាថ្ងៃសម្រាលកូន នៅត្រង់នេះ
    ដឹងកាលវិភាគចាក់ថ្នាំបង្ការកូននៅទីនេះ

    ១- វិធី​ពន្យារ​កំណើត​រយៈពេល​ខ្លី

    វិធី​ពន្យារ​កំណើត​ក្នុង​រយៈ​ពេល​ខ្លី​មាន​ដូចជា ស្រោមអនាម័យ​បុរស/នារី ថ្នាំគ្រាប់ពន្យារកំណើត ( ១​បន្ទះ​២៨​គ្រាប់ មាន​ប្រសិទ្ធភាព​បាន​១​ខែ) ថ្នាំ ៧២ ម៉ោង ថ្នាំ​ចាក់ពន្យារកំណើត ( ១​ម្ជុល​មាន​ប្រសិទ្ធភាព​បាន​៣​ខែ) កៅអៀក​បិទពន្យារកំណើត ( ១​បន្ទះ​បិទ​បាន ១ សប្ដាហ៍)។

    ២- វិធី​ពន្យារ​កំណើត​រយៈពេល​វែង

    រី​ឯ​មធ្យោបាយ​ពន្យារ​កំណើត​ដែល​មាន​រយៈពេល​វែង​វិញ មាន​ដូចជា កង​ដាក់​ក្នុង​ស្បូន (​គ្មាន​ជាតិ​អ័រម៉ូន​មាន​ប្រសិទ្ធភាព ១០ ឆ្នាំ) កង​ដាក់​ក្រោម​ស្បែក ( មាន​ប្រសិទ្ធភាព ៣ ឆ្នាំ សម្រាប់​កង ១ ដើម និង​មាន​ប្រសិទ្ធភាព ៥ ឆ្នាំ សម្រាប់​កង ២ ដើម)។

    ៣- វិធី​ពន្យារ​កំណើត​អចិន្ត្រៃយ៍

    ចំណែក​មធ្យោបាយ​ពន្យារ​កំណើត​អចិន្ត្រៃយ៍ មានការ​ចងដៃ​ស្បូន (បញ្ឈប់​កំណើត​ជា​អចិន្ត្រៃយ៍) ចង​បំពង់​បង្ហូរ​មេ​ជីវិត​បុរស (បញ្ឈប់​កំណើត​ជា​អចិន្ត្រៃយ៍)។ ប៉ុន្តែវីធីសាស្រ្តនេះត្រូវមានការសម្រេចចិត្តឲ្យច្បាស់លាស់ និងពិភាក្សាជាមួយគ្រូពេទ្យឲ្យបានល្អិតល្អន់។

    បើ​និយាយ​ពី​វិធីសាស្ត្រ​ពន្យារកំណើត​តាម​បែប​ធម្មជាតិ លោក​វេជ្ជបណ្ឌិត​ថា ភាគរយ​បរាជ័យ​ខ្ពស់​ខ្លាំង​ណាស់ ដូចជា ការ​ចាក់​ទឹក​ក្រៅ​ពាង តម​ការ​រួមភេទ​តាម​វដ្ដ​រដូវ​ស្ត្រី វិធី​បំបៅ​ដោះ​កូន​តែ​មួយ​មុខ។ ដូចនេះ​ហើយ​ប្រសិនបើ​ចង់​ពន្យារ​កំណើត​ត្រូវ​តែ​ពិភាក្សា​ជាមួយ​គ្រូពេទ្យ ដើម្បី​ឲ្យ​អ្នក​ជំនាញ​ណែនាំ​ពី​ជម្រើស​ដែល​ស័ក្ដិសម​វ័យ និង​សុខភាព​យើង។

    ស្វែងយល់ពីការពន្យារកំណើតផ្សេងទៀត៖

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ប្រភព

    https://www.health.qld.gov.au/news-events/news/types-contraception-women-condoms-pill-iud-ring-implant-injection-diaphragm

    https://www.plannedparenthood.org/learn/birth-control

    https://www.cdc.gov/reproductivehealth/contraception/index.htm

    https://opa.hhs.gov/reproductive-health/preventing-pregnancy-contraception

    https://www.nhs.uk/conditions/contraception/how-effective-contraception/

    https://www.sciencedirect.com/topics/medicine-and-dentistry/pregnancy-prevention

    រូបថត​របស់​អ្នក​និពន្ធbadge
    ដោយ Try Ravi កែសម្រួល​ចុងក្រោយ 03/02/2022
    ត្រួតពិនិត្យដោយ វេជ្ជ. ចាន់ ស៊ីណេត