បញ្ហាបែកញើសច្រើនជ្រុល ឬកង្វះជាតិទឹកអំឡុងពេលរដូវក្តៅ អាចធ្វើឲ្យមានអតុល្យភាពpHនៅក្នុងទ្វារមាស និងបណ្តាលឲ្យមានការបង្ករោគផ្សេងៗ។ ហេតុនេះហើយ ដើម្បីថែទាំសុខភាពទ្វារមាសឲ្យបានល្អអំឡុងពេលរដូវក្តៅនេះ គ្នាយើងគួរអនុវត្តន៍តិចនិកមួយចំនួន។
១. ការឆ្លងមេរោគផ្សិត
ការឆ្លងមេរោគផ្សិតនៅទ្វារមាស កើតឡើងជាញឹកញាប់នៅរដូវក្តៅ។ ជាមួយនឹងអាកាសធាតុក្តៅ ហើយសើម ដែលអំណោយផលដល់ពពួកផ្សិត នោះនឹងអាចបណ្តាលឲ្យស្រីៗយើងប្រឈមនឹងការរមាស់ ឬក្រហាយទ្វារមាស ព្រមទាំងមានធ្លាក់ទឹករម្អិលទ្វារមាស។
២. អតុល្យភាពបាក់តេរីក្នុងទ្វារមាស
បន្ថែមពីនេះ រដូវក្តៅក៏អាចបណ្តាលឲ្យយើងប្រឈមនឹងអតុល្យភាពបាក់តេរីក្នុងទ្វារមាសដូចគ្នា ដែលមានរោគសញ្ញាដូចជា ធ្លាក់ទឹករម្អិលទ្វារមាស រមាស់ និងមានក្លិនមិនល្អ។
![សុខភាពទ្វារមាស](https://cdn.hellokrupet.com/wp-content/uploads/2023/05/សុខភាពទ្វារមាស៣.jpg)
៣. ការបង្ករោគលើផ្លូវទឹកនោម
ទន្ទឹមនឹងនេះដែរ ការបង្ករោគលើផ្លូវទឹកនោមកើតឡើងជាញឹកញាប់នៅរដូវក្តៅ ដោយសារតែកង្វះជាតិទឹក និងការបែកញើសច្រើន។
៤. ស្ងួតទ្វារមាស
មួយវិញទៀត ស្រីៗយើងក៏អាចជួបប្រទះនឹងបញ្ហាកង្វះជាតិទឹក និងបង្កជាអាការៈស្ងួតទ្វារមាស។ កត្តានេះ នឹងធ្វើឲ្យយើងមានអារម្មណ៍មិនស្រណុកនៅពេលរួមភេទ ក៏ដូចជាបង្កើនហានិភ័យនៃការឆ្លងមេរោគផ្សេងៗថែមទៀតផង។