តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

ហេតុអ្វី​ចុង​សុដន់​ប្រែពណ៌ក្រមៅ? ​ធ្វើ​ម៉េច​ទើបមក​ស៊ីជម្ពូវិញ?

ហេតុអ្វី​ចុង​សុដន់​ប្រែពណ៌ក្រមៅ? ​ធ្វើ​ម៉េច​ទើបមក​ស៊ីជម្ពូវិញ?

ស្រីៗណា​ក៏​ប្រាថ្នា​ចង់​មាន​សុដន់​ស្អាត​នឹង​គេ មិន​ថា​ទំហំ និង​ពណ៌​ចុង​សុដន់​ទេ។ បើ​ចុង​សុដន់​មាន​ពណ៌​ស៊ីជម្ពូទៀត នឹង​សប្បាយ​ចិត្ត តែ​បើ​វា​ប្រែ​ឡើង​ជា​ខ្មៅ ​ក្រមៅ ស្រគាំ ទាំង​អ្នក​នៅ​លីវ ឬ​មាន​គ្រួសារ​ហើយ ចាប់​ផ្ដើម​ខក​ចិត្ត​។ “Hello គ្រូពេទ្យ” នឹង​​លើក​យកបញ្ហា​នេះ​មក​បង្ហាញ​ជាមួយ​ហេតុផល និង​ដំណោះស្រាយ។

ម៉េចបានចុងសុដន់ប្រែទៅពណ៌ក្រមៅ?

​ពណ៌​ចុង​​​សុដន់​យើង ​​អាស្រ័យ​​​ទៅ​តាម​ពណ៌​​​ស្បែក។ ស្បែក​ស្រីៗ​សម្បុរ​ស ​​​ពណ៌​​​ចុង​​​សុដន់ ​អាច​​មាន​​​ពណ៌​​​ស៊ីជម្ពូ តែ​បើ​អ្នក​មាន​សម្បុរ​ស្រអែម ឬ​សណ្ដែកបាយ ចុង​សុដន់​ក៏​ប្រែប្រួល​តាម​ហ្នឹង គឺ​អាច​ពណ៌​ត្នោត ឬ​​​ក្រមៅ​តែ​ម្ដង។ តែ​ក៏​មាន​ករណី​ពិសេស​មួយ​ចំនួន ក៏​អាច​ធ្វើ​ឲ្យ​ចុង​សុដន់​ប្ដូរ​ទៅ​ពណ៌​ក្រមៅ ស្រគាំ​បាន​ដែរ។

១- ពណ៌រោម

ការ​មាន​រោម​នៅ​បរិវេណ​ក្បាល​សុដន់ មិនមែន​ជាករណី​ទូទៅ​ ឬ​​គ្រប់​គ្នា​មាន​​ទេ។ ប៉ុន្តែ ​ចំពោះ​អ្នក​មានរោម​នៅក្បាលសុដន់ នឹង​ប្រែប្រួល​ដូច​ពណ៌​រោម។ បើ​សិន​ជា​រោម​ពណ៌​​​ត្នោត ឬក្រមៅ​ ចុង​​​សុដន់​​​អាច​មាន​ពណ៌​ដូច​គ្នា។

២- វ័យផ្លាស់ប្ដូររូបរាង

អំឡុង​អាយុ​ ១១ ឆ្នាំ ជា​វ័យ​លូតលាស់​របស់​ក្មេង​ស្រីទៅកាន់​ភាព​ពេញវ័យ​របស់​គេ។ អាយុ​ប៉ុណ្ណេះ គឺ​ជា​​ដំណាក់​កាល​ពេញ​រូប​ពេញ​រាង និង​លូតលាស់។ ដូច្នេះ​ ចុង​​​សុដន់អាច​ប្រែ​ពណ៌​​​ទៅ​​​ជា​​​ក្រមៅ​​​ជាង​​​មុន អត់​មាន​អី​ចម្លែក​ទេ។ ជា​ធម្មតា វា​នឹងត្រលប់​​មក​​​ពណ៌​​​ដើម​​​វិញ ​​​ពេល​​​ចប់​​​​​​​​​វ័យ​​​ជំទង់។

ពណ៌ចុងសុដន់

៣- មករដូវ

មក​រដូវ​ ក៏​អាច​ជា​មូលហេតុ​មួយធ្វើ​ឲ្យ​ចុង​សុដន់​ប្រែ​ពណ៌​បាន​ដែរ។ ស្ត្រី​​​មួយ​​​ចំនួន​​​​​​ថា ចុង​​​សុដន់គេ​ប្រែ​ពណ៌​​​ក្រមៅ​​​អំឡុង​​​ពេល​​​មក​​​រដូវ ឡើង​ហើម ​តឹង​ណែន ឬ​​​ឈឺ (សង្កៀរ)។ វា​​​នឹង​​​បាត់​​​ទៅ​​​វិញ ​ពេល​អស់​រដូវ។

៤- មានផ្ទៃពោះ

អំឡុង​រាងកាយ​ប្រែប្រួល​ច្រើន ពេល​ពពោះ ការ​ប្រែប្រួល​ពណ៌​ស្បែកទៅ​ជា​ក្រមៅ ជា​រឿង​ធម្មតា។ ដំបូង​ ពណ៌​ក្រមៅ​នេះ នឹង​កើត​ឡើង​លើ​ស្បែក​​​មុខ ឬ​​រង្វង់​​​ភ្នែក​ បន្ទាប់​​​ពី​​​ចូល​​​ដល់​​​ខែ​​​ទី​​​៣ ឬ​​​ទី​​​៤ រង្វង់​ជុំវិញ​​​ក្បាល​សុដន់​​​នឹង​ប្រែ​ពណ៌​ទៅ​ជា​ក្រមៅ​ដែរ។ មិនមែន​ប្រែប្រួល​តែ​ពណ៌​រង្វង់​ចុង​សុដន់​ទេ ប៉ុន្តែ​ទំហំសុដន់ ក៏​រីក​ធំ​ជាង​មុន។

បញ្ហា​នេះអាច​នឹង​​​ត្រលប់​ទៅ​ធម្មតា​​​វិញ ក្រោយ​សម្រាល។

៥- ការបំបៅដោះកូន

ម៉ាក់ៗបំបៅ​កូន​ដោយ​ដោះ ឬ​ទឹកដោះគោ អាស្រ័យ​តាម​ស្ថានភាព លក្ខខណ្ឌជីវភាព ឬ​ជម្រើស។ ករណី​បំបៅ​កូន​ដោយ​ដោះ​ជា​ប្រចាំ ពិត​ជា​ធ្វើ​ឲ្យ​ចុង​សុដន់ប្រែ​ទៅ​ពណ៌​ “ក្រមៅ” ប៉ុន្តែ​ពណ៌​ដែល​ស្រីៗ​ទូទៅ​អត់​ចង់​បាន​មួយនេះ នឹង​ប្រសើរ​ឡើងវិញ ឬ​ត្រលប់​ទៅ​ពណ៌​តាម​ស្បែក​វិញ ក្រោយ​ឈប់​បំបៅ។

៦- អាយុកាន់តែច្រើន

ពេល​ស្រីៗ​យើងអាយុ​កាន់​តែ​ច្រើន សម្រស់​មិន​ចាំ​ដូច​ក្មេង​ទេ ហើយ​ពណ៌​ក្បាល​សុដន់ ក៏​ប្រែ​ទៅ​ក្រមៅ។

៧- ជំងឺ ឬប្រើថ្នាំ

ពេល​ឈឺ​ ភាគ​ច្រើន​ប្រាកដ​ជា​ប្រើ​ថ្នាំ។ អំណាច​​ថ្នាំ អំឡុង​សុខភាព​អត់​ល្អ ក៏​អាច​ជា​មូលហេតុអាច​ធ្វើ​ឲ្យ​ចុង​សុដន់​ប្ដូរពណ៌ទៅ​ក្រមៅបាន​ដែរ។

ធ្វើម៉េចឲ្យ​ចុង​សុដន់​ប្រែ​មក​ស៊ីជម្ពូវិញ?

បើ​សិន​ចុង​សុដន់​យើង​ប្រែពណ៌ក្រមៅ ដោយសារ​លក្ខខណ្ឌ​ដូច​រៀបរាប់​ខាង​លើ វា​នឹង​ប្រែ​ជា​ស៊ីជម្ពូ​វិញ បើ​យើង​មាន​សម្បុរ​ស និង​ក្រមៅ​បន្តិច បើ​យើង​មាន​សម្បុរ​ស្រអែម ឬខ្មៅ ក្នុង​ករណី​រាងកាយ​យើង​ប្រក្រតី​ឡើង​វិញ។

យ៉ាងណា មាន​វិធី​ធម្មជាតិ​មួយ​ចំនួន អាច​ជួយ​កែខៃ​បញ្ហា​នេះ ក្រៅ​ពី​ប្រើ​ផលិតផលប្ដូរ​ពណ៌​ក្បាល​សុដន់ដែល​មាន​លក់​លើ​ទីផ្សារ ដូចជា៖

– លាប​វីតាមីន C លើ​កន្លែងបរិមាណ​ក្រមៅ
– ចិត​ត្រសក់​ ឬ​ក្រូចជា​បន្ទះ​ស្ដើងៗ រួច​បិទលើ​បរិវេណ​ក្រមៅមួយ​ស្របក់។ ប៉ុន្តែ ​កុំ​ប្រើ​ញឹកញាប់​ពេក ព្រោះអាច​ធ្វើ​ឲ្យ​ស្បែក​​រមាស់ ឡើង​កន្ទួល​ក្រហម។

គណនាថ្ងៃមេជីវិតញីទុំធ្លាក់

គណនាថ្ងៃមេជីវិតញីទុំធ្លាក់

តាមដានវដ្តរដូវរបស់អ្នកកំណត់ថ្ងៃមេជីវិតទុំធ្លាក់ បង្កើនឱកាសមានគភ៌ឬគ្រប់គ្រងការពន្យារកំណើត

គណនាថ្ងៃមេជីវិតញីទុំធ្លាក់

តាមដានវដ្តរដូវរបស់អ្នកកំណត់ថ្ងៃមេជីវិតទុំធ្លាក់ បង្កើនឱកាសមានគភ៌ឬគ្រប់គ្រងការពន្យារកំណើត

គណនាថ្ងៃមេជីវិតញីទុំធ្លាក់

រយៈពេល​វដ្ដរដូវ

(ថ្ងៃ)

28

វដ្ដរដូវ

(ថ្ងៃ)

7

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

Breast Changes During Pregnancy – Topic Overview. http://www.webmd.com/baby/tc/breast-changes-during-pregnancy-topic-overview#1. Accessed February 28, 2017.

Normal Breast Development and Changes. http://www.hopkinsmedicine.org/healthlibrary/conditions/breast_health/normal_breast_development_and_changes_85,P00151/. Accessed February 28, 2017.

Breast changes during pregnancy. http://www.babycenter.com/0_breast-changes-during-pregnancy_262.bc. Accessed February 28, 2017.

Breast Skin Changes/Areola Coloring With Twins. http://www.webmd.com/baby/breast-skin-changes-areola-coloring-twins. Accessed February 28, 2017.

The Benefits of Vitamin C. http://www.webmd.com/diet/features/the-benefits-of-vitamin-c#1. Accessed February 28, 2017.

រូបថត​របស់​អ្នក​និពន្ធbadge
ដោយ Sao Solynet កែសម្រួល​ចុងក្រោយ 15/02/2022
ត្រួតពិនិត្យដោយ វេជ្ជ. ចាន់ ស៊ីណេត