ជាទូទៅដុំសាច់ស្បូន ឬដុំស្បូន ជាដុំសាច់ស្លូត ហើយមិនសូវឲ្យចេញជាសញ្ញាអ្វីទេ ច្រើនកើតលើស្រ្តីដែលមាន អាយុលើស ៣០ឆ្នាំ។ ដុំស្បូនអាចមានទំហំចាប់ពីប៉ុនគ្រាប់ម្រេច ដល់ប៉ុនផ្លែក្រូចថ្លុង។ នេះបើតាមការបកស្រាយនៅលើផេកផ្លូវការរបស់មន្ទីរពេទ្យ កាល់ម៉ែត។ តើរោគសញ្ញាជំងឺដុំស្បូន ឬដុំសាច់ស្បូនមានអ្វីខ្លះគួរឲ្យសម្គាល់?
១. រោគសញ្ញាដុំស្បូនមានអ្វីខ្លះ?
ដុំស្បូនអាចមាននៅ ៣ទីតាំងខុសៗគ្នា គឺដុំសាច់នៅលើសាច់ស្បូន ដុំសាច់នៅក្នុងសាច់ស្បូន និងដុំសាច់នៅក្នុងរន្ធស្បូន។ ចំពោះស្ត្រីដែលមានដុំស្បូន អាចចេញនូវរោគសញ្ញាសំខាន់ៗមួយចំនួនខាងក្រោមនេះ។
– ឈាមរដូវធ្លាក់ច្រើនជាងធម្មតា និងមានសភាពដុំៗ
– អាចមានឈាមធ្លាក់ពាក់កណ្ដាលវដ្ដរដូវ
– ចុកពោះខ្លាំងពេលមករដូវ
– ឈឺធ្ងន់ៗក្នុងអាងត្រគាក
– បត់ជើងតូចញឹកញាប់
– ទល់លាមក។
កម្មវិធីពិនិត្យជំងឺមហារីកក្រពេញអូវែអនឡាញ
កម្មវិធីពិនិត្យនិងវាយតម្លៃរដ្ដរដូវស្ត្រីអនឡាញ
ចំពោះស្រីៗដែលមានរោគសញ្ញា ដូចរៀបរាប់ខាងលើនេះ ត្រូវប្រញាប់ទៅជួបគ្រូពេទ្យជាបន្ទាប់ ដើម្បីធ្វើរោគវិនិច្ឆ័យ និងព្យាបាល តើត្រូវព្យាបាលដោយប្រើថ្នាំ ឬវះកាត់។
២. មូលហេតុបង្កឲ្យកើតដុំស្បូន
រហូតមកដល់បច្ចុប្បន្ននេះ គេមិនទាន់រកឃើញមូលហេតុច្បាស់លាស់បង្កឲ្យកើតដុំស្បូននៅឡើយទេ ប៉ុន្តែគេសង្កេតឃើញថា មានកត្តាប្រឈមមួយចំនួន ដូចជាកត្តាអ័រម៉ូន តំណពូជ និងកត្តាជាតិសាសន៍ ជាដើម ដែលពូជសាសន៍ស្បែកខ្មៅមានដុះសាច់ស្បូនច្រើនជាងពូជសាសន៍ស្បែកស។
គួរស្វែងយល់ពីបញ្ហាស្បូនច្រើនទៀត៖
- កត្តាប្រឈមអ្វីខ្លះ នាំឲ្យស្រ្តីកើតជំងឺដុំសាច់ស្បូន?
- មាត់ស្បូនមិនប្រក្រតី គួរភ័យដែរអត់?
- មហារីកមាត់ស្បូនសាហាវប៉ុនណា អាចស្វែងយល់លម្អិតបាន
- រោគសញ្ញាមិនប្រក្រតីនៃជំងឺមហារីកមាត់ស្បូន ស្រីៗគួរដឹង
- ប្រយ័ត្នផងស្រីៗ! បើខ្លាចកើតមហារីកស្បូន ត្រូវចេះបង្ការ
- មហារីកមាត់ស្បូន បង្កការឈឺចាប់អីខ្លះ? ទប់ទល់របៀបណា?
[embed-health-tool-bmi]
