ពិតណាស់ ស្រីៗយើងចាំបាច់ត្រូវថែទាំតំបន់សម្ងាត់ឲ្យបានត្រឹមត្រូវ និងប្រុងប្រយ័ត្នបំផុត។ ជាទូទៅ ទ្វារមាសតែងតែឆ្លងកាត់ការផ្លាស់ប្ដូរជារៀងរាល់ខែ ហើយការផ្លាស់ប្ដូរទាំងនេះក៏អាចចង្អុលបង្ហាញពីស្ថានភាពសុខភាពរបស់យើងផងដែរ។ នៅពេលខ្លះ យើងអាចនឹងមិនយកចិត្តទុកដាក់នឹងការផ្លាស់ប្ដូរនៅតំបន់នោះ ប៉ុន្តែវាអាចជាកំហុសឆ្គងដ៏ធ្ងន់ធ្ងរមួយ។ ដូច្នេះហើយ ការយល់ដឹងពីសញ្ញានៃទ្វារមាសគឺជារឿងសំខាន់បំផុត។
មាតិកា
បញ្ហាទ្វារមាស! ៦រឿងសំខាន់ៗ ដែលអាចបញ្ជាក់ពីសុខភាព
១. អាការៈធ្លាក់ស
ភាគច្រើន ការធ្លាក់សគឺជារឿងធម្មតា ប៉ុន្តែបរិមាណ ក្លិន និងពណ៌អាចមានភាពខុសៗគ្នា។ យ៉ាងណាមិញ ប្រសិនបើយើងសង្កេតឃើញមានធ្លាក់សដែលមានពណ៌លឿង ឬបៃតងដុំៗ និងមានក្លិនមិនល្អ យើងគប្បីពិគ្រោះយោបល់ជាមួយនឹងគ្រូពេទ្យ ពីព្រោះសញ្ញានេះអាចបង្ហាញពីការឆ្លងមេរោគនៅទ្វារមាស។
២. ក្លិនទ្វារមាស
ជាមួយគ្នានេះដែរ ក្លិនធម្មតានៃទ្វារមាសអាចមានក្លិនតិចតួច ។ ប៉ុន្តែ ប្រសិនបើគ្នាយើងមានអារម្មណ៍ថាទ្វារមាសមានក្លិនប្លែក វាអាចដោយសារតែយើងលាងសម្អាតទ្វារមាសជាមួយនឹងសាប៊ូស្ងួត ប្រើសំឡីអនាម័យរយៈពេលយូរ និងបែកញើសច្រើនជ្រុល។ បន្ថែមពីនេះ វាក៏អាចបញ្ជាក់ពីការឆ្លងបាក់តេរី និងជំងឺកាមរោគ។
៣. រដូវមិនទៀង
ស្រីៗយើងអាចសង្កេតឃើញការធ្លាក់សមុនពេលមករដូវ ឬធ្លាក់សខុសប្រក្រតី ដែលអាចមានពណ៌លឿងតិចតួច។ ជាក់ស្ដែង វដ្ដរដូវអាចមានរយៈពេលយូរ ឬឆាប់ ប៉ុន្តែពេលខ្លះ វាក៏អាចជាតម្រុយនៃបញ្ហាសុខភាពមួយចំនួន ដូចជាស្ត្រេស អតុល្យភាពអ័រម៉ូន និងបញ្ហាសុខភាពធ្ងន់ធ្ងរ ដូចជាជំងឺដុំគីសទឹកលើក្រពេញអូវែ (PCOS )ជាដើម។
- ហេតុផលពិត ម៉េចបានទឹកក្រូចឆ្មារ ជាឱសថសម្រកទម្ងន់ធម្មជាតិដ៏អស្ចារ្យ
- ភេសជ្ជៈសុខភាព៨មុខ គ្រប់គ្នាមិនគួរមើលរំល
- ផឹកទឹកក្ដៅឧណ្ហៗលាយទឹកឃ្មុំ មានប្រយោជន៍ចំពោះសុខភាព
- សាច់ដូង ក្រៅពីមានជាតិ អាចជួយអីបានខ្លះ?
- ទឹកក្រូចស្រស់ អាចបញ្ចុះជាតិខ្លាញ់អាក្រក់ក្នុងខ្លួនយើងបាន?
- ផឹកទឹកក្រូចគ្មានជាតិស្ករ កុំឲ្យឡើងគីឡូ ប្រយ័ត្នចូលដើម!
បើស្រីៗយើងមានអាការៈរមាស់ទ្វារមាសខ្លាំង វាមិនមែនជារឿងធម្មតាឡើយ។ ជាទូទៅ ការរមាស់ទ្វារមាសអាចមកពីមូលហេតុផ្សេងៗដូចជា ការឆ្លងមេរោគ និងជំងឺកាមរោគ។ល។ ដូចនេះហើយ យើងគប្បីពិគ្រោះយោបល់ជាមួយនឹងគ្រូពេទ្យឲ្យទាន់ពេលវេលា ក៏ដូចជាត្រូវធ្វើការព្យាបាលនៅក្នុងករណីចាំបាច់។
៥. ដុំពកនៅលើទ្វារមាស
ទោះបីជាដុំពកនៅលើទ្វារមាសភាគច្រើនមានសភាពតូច និងមិនមានការឈឺចាប់ក៏ពិតមែន ប៉ុន្តែនៅក្នុងករណីកម្រខ្លះ វាក៏អាចបង្ហាញពីបញ្ហាសុខភាពធ្ងន់ធ្ងរដូចគ្នា។ ជាពិសេស នៅពេលដែលវារីកធំ អាចនឹងមានចេញឈាម ឬមានការឈឺចាប់។ នៅក្នុងករណីនេះ តំបន់ដែលរងផលប៉ះពាល់ អាចមានភាពមិនស្រួល រលាក និងរមាស់ថែមទៀតផង ដែលតម្រូវឲ្យយើងត្រូវទៅជួបពិគ្រោះជាមួយនឹងគ្រូពេទ្យភ្លាមៗ។
៦. ឈឺចាប់ពេលរួមភេទ និងនោម
ស្រីៗយើងភាគច្រើនមានអាការៈឈឺចាប់នៅអំឡុងពេលរួមភេទ ឬនៅពេលនោម ដែលកត្តានេះ អាចជាជំងឺDyspareunia (រួមភេទមានការឈឺចាប់) ដែលបណ្ដាលមកពីការបញ្ចេញទឹករម្អិលមិនគ្រប់គ្រាន់ក្នុងពេលរួមភេទ និង/ឬកង្វះសម្រើបផ្លូវភេទ។ ការឈឺចាប់នេះក៏អាចបង្ហាញពីបញ្ហាផ្លូវចិត្តដូចជាការថប់បារម្ភ ការបាក់ទឹកចិត្ត និងស្រ្តេស។
ពីបញ្ហាទ្វារមាសផ្សេងទៀត
- ធ្វើរឿងទាំងនេះដោយមិនប្រើទឹកអនាម័យ ទ្វារមាសនឹងមានក្លិនធម្មជាតិ
- ស្រីៗយើងកុំស្ត្រេសច្រើនពេក ប្រយ័ត្នប៉ះពាល់សុខភាពទ្វារមាស
- គួរប្រយ័ត្ន! បើទ្វារមាសឆ្លងមេរោគផ្សិតស្រីៗអាចប្រឈមជំងឺមហារីកមាត់ស្បូន
- គួរប្រយ័ត្ន! បើទ្វារមាសឆ្លងមេរោគផ្សិតស្រីៗអាចប្រឈមជំងឺមហារីកមាត់ស្បូន
- ស្រីៗបាត់បង់បាត់តេរីល្អក្នុងទ្វារមាស ងាយឆ្លងរោគ ធ្លាក់ស មកមូលហេតុទាំងនេះ
- ចង់ឲ្យទ្វារមាសមានសុខភាពល្អ មិនធុំក្លិន ឬធ្លាក់ស ចៀសវាងចំណីអាហារប៉ុន្មានមុខនេះ
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
https://www.health.com/condition/sexual-health/what-your-vagina-says-about-your-health
https://www.cosmopolitan.com/uk/body/health/a44919/things-my-vagina-telling-me-normal/
The Vagina Dialogues: What’s Your Vagina Telling You? – https://www.intimina.com/blog/the-vagina-dialogues-whats-your-vagina-telling-you/
7 things your vagina could be trying to tell you – Cosmopolitan – https://www.cosmopolitan.com/uk/body/health/a44919/things-my-vagina-telling-me-normal/
13 Things Your Vagina Is Trying To Tell You – https://www.bustle.com/wellness/things-your-vagina-is-trying-to-tell-you
6 things your vagina can tell you about your health – https://www.healthshots.com/intimate-health/feminine-hygiene/6-things-your-vagina-can-tell-you-about-your-health/
កំណែប្រែបច្ចុប្បន្ន
21/12/2022
អត្ថបទដោយ នូ សោភ័ណ្ឌ
ត្រួតពិនិត្យដោយ គ្រូពេទ្យឯកទេស. សាស្ត្រាចារ្យវេជ្ជបណ្ឌិត គាន់ អូន
បច្ចុប្បន្នភាពដោយ៖ ជីព ចិត្ត
ត្រួតពិនិត្យដោយ គ្រូពេទ្យឯកទេស.
សាស្ត្រាចារ្យវេជ្ជបណ្ឌិត គាន់ អូន
សម្ភពនិងរោគស្រ្តី · មន្ទីរពេទ្យកាល់ម៉ែត
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម