កង្វះអាហារូបត្ថម្ភ

កូនស្លេកស្លាំងសង្ស័យខ្វះជាតិដែក ម៉ាក់ៗគួរធ្វើម៉េចខ្លះ?

កង្វះជាតិដែកលើកុមារមិនត្រឹមតែបង្កឱ្យកុមារមានជំងឺស្លេកស្លាំងទេ ថែមទាំងអាចបង្កឱ្យកុមារលូតលាស់រាងកាយ និងអភិវឌ្ឍខួរក្បាលយឺតទៀតផង។ ហេតុអ្វីបានជាកុមារមានជំងឺនេះ? ជំងឺនេះអាចធ្វើរោគវិនិច្ឆ័យ និងព្យាបាលតាមវិធីណាខ្លះ? លោកវេជ្ជបណ្ឌិត ទ្រី លីធាង ឯកទេសរោគកុមារ និងជំងឺឈាមលើកុមារនៅមន្ទីរពេទ្យកុមារជាតិបានឱ្យដឹងថា កត្តាបង្កឱ្យកុមារខ្វះជាតិដែករហូតដល់ស្លេកស្លាំងរួមមាន៖ - អំឡុងពេលបៅដោះម្តាយ៖ ម្តាយញុំាចំណីអាហារដែលខ្វះជាតិដែក - របបអាហារ៖ ក្រោយពេលកុមារអាយុ ៦ ខែ ម៉ាក់ប៉ាអាចឱ្យកូនញុំាអាហារដែលខ្វះជាតិដែកដូចជា បបរសជាមួយទឹកត្រី ទឹកស៊ីអ៊ីវ ស្ករស ឬអំបិលជាដើម ដោយមិនបានបន្ថែមបន្លែ ត្រី សាច់ត្រឹមត្រូវ - ទឹកដោះគោក្រដាស៖ ការឱ្យកូនញុំាទឹកដោះគោក្រដាសមុនអាយុ ១ ខួប - ទឹកដោះគោខាប់៖ ការឆុងទឹកដោះគោខាប់ឱ្យកូនបៅ ឬញុំាជំនួសទឹកដោះម្តាយ ឬបបរខាប់គ្រប់គ្រឿង - ការហូរឈាមតិចៗក្នុងខ្លួន៖ ដោយសារដំបៅក្រពះ ឫសដូងបាត ឬដុះសាច់ក្នុងពោះវៀន - ជំងឺដែលធ្វើឱ្យពោះវៀនមិនស្រូបសារធាតុចិញ្ចឹមបានល្អ (Coeliace disease) ៖ ពេលខ្លះកុមារញុំាចំណីអាហារបានគ្រប់គ្រាន់ហើយ តែពោះវៀនអត់ស្រូបយក។ ដូច្នេះជាតិដែកដែលនាំចូល អត់បានយកទៅប្រើប្រាស់ទេដែលបណ្តាលឱ្យខ្វះជាតិដែក - ការមានសត្វល្អិតនៅក្នុងខ្លួន៖ ពេលកុមារមានសត្វល្អិតនៅក្នុងខ្លួនក៏បណ្តាលឱ្យជាតិដែកថយចុះដែរ លោកវេជ្ជបណ្ឌិត ទ្រី លីធាង ឯកទេសរោគកុមារ និងជំងឺឈាមលើកុមារនៅមន្ទីរពេទ្យកុមារជាតិ ចង់គណនាថ្ងៃមេជីវិតញីទុំធ្លាក់ ចុចទីនេះ! ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់ដឹងអត្ថន័យពណ៌ និងរូបរាងលាមកទារក […]

កង្វះអាហារូបត្ថម្ភ

ប៉ាម៉ាក់បារម្ភរឿងកូនមិនឡើងគីឡូ អាចសាកវិធីនេះបាន

គ្នាយើងប្រហែលជាបានឃើញហើយថាសព្វថ្ងៃនេះមានកុមារមួយចំនួនលើសទម្ងន់ តែក៏មានកុមារមួយចំនួនទៀតបែរជាមិនគ្រប់គីឡូទៅវិញ។ បើមានកូនមិនគ្រប់គីឡូតើប៉ាម៉ាក់គួរធ្វើម៉េចវិញ? ខាងក្រោមនេះជាគន្លឹះសម្រាប់ប៉ាម៉ាក់ដែលមានការបារម្ភអំពីកូនដែលស្គមស្គាំងមិនងាយឡើងគីឡូនឹងគេ។ ១- យល់ដឹងពីមូលហេតុ នេះជាមូលហេតុខ្លះៗដែលអាចធ្វើឱ្យកូនយើងពិបាកនឹងឡើងទម្ងន់៖ – បញ្ហាអ័រម៉ូន ឬប្រព័ន្ធរំលាយអាហារ – ការប្រើប្រាស់ថ្នាំ – ការធ្វើសកម្មភាពច្រើនពេកដែលបណ្តាលឱ្យមានការប្រើប្រាស់កាឡូរីច្រើន – អាលែកហ្ស៊ីជាមួយម្ហូបអាហារ – សម្ពាធផ្លូវចិត្តពីសំណាក់មិត្តភក្តិ យកល្អប៉ាម៉ាក់ទាំងឡាយគួរតែសុំយោបល់ពីពេទ្យកុមារដើម្បីជួយដល់កូនយើង។ កុំខ្មាសអៀនក្នុងការលើកជាសំណួរ ឬចម្ងល់ដើម្បីបានការយល់ដឹងអំពីមូលហេតុដែលធ្វើឱ្យកូនយើងមិនឡើងគីឡូ។ បញ្ហាទាំងនេះអាចបណ្តាលមកពីការប្រើប្រាស់ថ្នាំ ឬ ប្រតិកម្មជាមួយម្ហូបអាហារ ពេទ្យជំនាញផ្នែកកុមារអាចចេញវេជ្ជបញ្ហា និងការព្យាបាលបានត្រឹមត្រូវ។ អត្ថបទពាក់ព័ន្ធ: នេះជាគីឡូជាមធ្យមរបស់ទារក ម៉ាក់ៗមើលមើល៍ទម្ងន់កូនគ្រប់តាមស្តង់ដារទេ? ទារកក្នុងផ្ទៃលូតលាស់បានល្អ អាស្រ័យលើកត្តាសំខាន់២នេះ ទារកទើបកើត គួរឲ្យបៅប៉ុន្មានដងក្នុងមួយថ្ងៃ? ២- ការផ្លាស់ប្តូរទម្លាប់នៃការហូបចុក ប៉ាម៉ាក់ទាំងឡាយគួរតែព្យាយាមបញ្ចុកចំណីអាហារដល់កូនដែលស្គមស្គាំងញឹកញ៉ាប់ជាងធម្មតា។ ក្មេងខ្លះមានក្រពះតូច ហើយត្រូវប្រើពេលសមរម្យមុននឹងញំុាអាហារផ្សេងទៀត។ ព្យាយាមឱ្យកូនញំុាពី ៥ ទៅ ៦ ដងក្នុងមួយថ្ងៃ ហើយឱ្យញំុាអាហារសម្រន់មុននឹងដល់ពេលញំុាអាហារថ្ងៃត្រង់ ឬល្ងាច។ ម៉ាក់ប៉ាក៏គួរតែយកចិត្តទុកដាក់ឱ្យបានច្រើនចំពោះពេលវេលាញំុាអាហាររបស់កូនៗ ដោយចាត់ចែងឲ្យបានទៀងទាត់ចំពោះអាហារគ្រប់ពេលជារៀងរាល់ថ្ងៃ និងបង្រៀនកូនឱ្យចេះឱ្យតំលៃលើអាហារសុខភាពដើម្បីធ្វើឱ្យពួកគេមានអារម្មណ៍ស្រណុកសុខស្រួលពេលបរិភោគអាហារ។ ជំនួសឲ្យការបង្ខំកូនៗឱ្យបោះបង់ទម្លាប់នៃការញំុាអាហារមិនល្អ ប៉ាម៉ាក់ទាំងឡាយគួរព្យាយាមធ្វើជាគំរូដ៏ល្អសម្រាប់កូនៗដែរ។ កូនក្មេងតែងតែយកតម្រាប់តាមឪពុកម្តាយជានិច្ច។ សាកល្បងជាមួយផ្លែឈើស្រស់ ឬអាហារណាដែលមានជីវជាតិខ្ពស់ជំនួសឱ្យ fast foods។ គ្រាប់ធញ្ញជាតិ និងផ្លែឈើ ក៏ជាអ្វីដែលអ្នកជំនាញបានណែនាំឲ្យផ្ដល់ឲ្យកូនញ៉ាំដែរ។ ៣- ជ្រើសរើសអាហារសម្បូរកាឡូរី និងជីវជាតិ នំ Cookies អាហារសម្រន់ និងអាហារបន្ទាប់បន្សំគឺសម្បូរតែកាឡូរីប៉ុណ្ណោះ។ អាហារទាំងនេះ មិនបានផ្តល់វីតាមីន ឬជីវជាតិបំប៉នដែលមានសុខភាពអ្វីដល់រាងការក្មេងឡើយ។ សាកល្បងប្រើផលិតផលដែលផ្សំឡើងពីធាតុផ្សំទាំងនេះទៅមើល៖ – បឺរដែលធ្វើពីទឹកដោះគោ – ទឹកដោះគោ និងក្រីម – […]