នរណាក៏ដឹងដែរ មហារីកជាជំងឺកាចសហាវ មានច្រើនប្រភេទ ពិបាកក្នុងការព្យាបាល ឯមហារីកមួយចំនួនព្យាបាលមិនជានោះទេ បានត្រឹមប្រើថ្នាំពន្យារជីវិតប៉ុណ្ណោះ។
ត្បិតមហារីកសាហាវ តែយើងម្នាក់ៗអាចបង្ការមិនឲ្យកើតជំងឺនេះបាន ដោយចាប់ផ្តើមពីទម្លាប់នៃការរស់នៅ ហូបចុក ជាដើម នេះបើតាមការបញ្ជាក់របស់លោកវេជ្ជបណ្ឌិត អ៊ាវ សុខា ប្រធានផ្នែកជំងឺមហារីក ជំងឺឈាម នៃមន្ទីរពេទ្យកាល់ម៉ែត។
១- កុំជក់បារីគ្រប់ប្រភេទ
បារីមានជាតិនីកូទីន អ្នកជក់បារី ចុកថ្នាំ ឬអ្នកស្រូបផ្សែងដោយប្រយោល សុទ្ធទទួលរងផលប៉ះពាល់ដូចគ្នា រួមមាន ជំងឺមហារីកសួត បេះដូង បំពង់ក មាត់ធ្មេញ។
២- ញ៉ាំអាហារសុខភាព
កុំញ៉ាំសាច់ ខ្លាញ់អាក្រក់ច្រើន ឬពពួកអាហារប្រៃ-ផ្អែមខ្លាំង មិនល្អចំពោះសុខភាពយើងទេ ហើយងាយកើតជំងឺច្រើនណាស់មុខណាស់។
៣- ហាត់ប្រាណទៀងទាត់
ចំណាយពេលតែ ១៥ នាទី ឬកន្លះម៉ោង/១ថ្ងៃ ធ្វើលំហាត់ប្រាណ នោះសុខភាពយើងក៏ល្អ ជំងឺកាចសាហាវផ្សេងក៏មិនមកយាយីដែរ។
៤- ចៀសវាងការត្រូវកម្តៅថ្ងៃខ្លាំង
រស្មីអុលត្រាវីយូឡេពីកម្តៅថ្ងៃជាមូលហេតុនៃជំងឺមហារីកស្បែក ដូច្នេះយើងមិនត្រូវឲ្យស្បែកត្រូវកម្តៅព្រះអាទិត្យខ្លាំងញឹកញាប់ពេកនោះទេ គួរតែលាបក្រែមការពារកម្តៅថ្ងៃរាល់ពេលចេញក្រៅ។
៥- បរិស្ថានរស់នៅស្អាត មិនមានខ្យល់ពុល
ខ្យល់ពុលក៏ជាមូលហេតុនៃការកើតជំងឺមហារីកដែរ យកល្អយើងគួរមានបរិស្ថានរស់នៅស្អាត គ្មានខ្យល់ពុល។
៦- បំដៅដោះកូន
ការសិក្សាបង្ហាញថា ម៉ាក់ៗដែលបំបៅដោះកូន មិនសូវមានហានិភ័យកើតមហារីកសុដន់នោះទេ។
៧- កំណត់ការញ៉ាំជាតិអាល់កុលឲ្យបានតិច
តួលេខប្រុសៗដែលកើតជំងឺមហារីកថ្លើមច្រើនបំផុត នេះក៏ចំណែកនៃការផឹកស្រាលើសកម្រិត។
[embed-health-tool-heart-rate]
៨- ចាក់វ៉ាក់សាំងការពារ
រលាកថ្លើមប្រភេទ B និងមហារីកមាត់ស្បូន ជំងឺមហារីក២មុខនេះ មានវ៉ាក់សាំងចាក់ការពារហើយ ដូច្នេះចាំអីទៀត ត្រូវតែចាក់វ៉ាក់សាំងការពារ។
អត្ថបទគួរអាន៖
- កាត់បន្ថយហានិភ័យមហារីកសុដន់ អនុវត្តទម្លាប់ល្អៗទាំងនេះ
- តិចនិកជួយស្រីៗ ចៀសឆ្ងាយពីជំងឺមហារីកសុដន់
- ស្រីៗគួរដឹង! ជំងឺមហារីកសុដន់ និងការបំបៅដោះកូន
- មកដឹងពីដំណាក់កាលទាំង៤ នៃជំងឺមហារីកសុដន់
- ស្ទាបសុដន់រកដុំសាច់ជំងឺមហារីកខ្លួនឯង អាចជួយបានកម្រិតណាដែរ?
- មហារីកសុដន់ដោយសារមិនបានបំបៅកូន វិវត្តមកពីបែប
