ចិញ្ចឹមកូន

ការពារកូនតូចពីជំងឺផ្សេងៗ នៅរដូវភ្លៀង ប៉ាម៉ាក់អាចអនុវត្តន៍វិធានទាំងនេះ

រដូវភ្លៀង កុមារតូចៗងាយប្រឈមនឹងជំងឺផ្សេងៗណាស់ អ៊ឹចឹងហើយ ប៉ាម៉ាក់គួរអនុវត្តន៍គន្លឹះបែបណាខ្លះ ដើម្បីជួយកូនឲ្យជៀសផុតពីបញ្ហាមួយនេះ? ពិតណាស់ នៅរដូវភ្លៀង ជាមួយនឹងសំណើមខ្ពស់ អាចបណ្តាលឲ្យក្មេងៗដែលមិនទាន់មានប្រព័ន្ធភាពស៊ាំរឹងមាំនៅឡើយ ងាយនឹងឆ្លងជំងឺផ្សេងៗតាមរដូវកាល ដូចនេះ យកល្អ ប៉ាម៉ាក់ត្រូវត្រៀមវិធានការការពារទុកជាមុនដូចខាងក្រោម៖ ១. រក្សាអនាម័យ ការរក្សាអនាម័យឲ្យបានខ្ជាប់ខ្ជួន អាចបញ្ចៀសការរីករាលដាលនៃជំងឺឆ្លងបាន។ ហេតុនេះហើយ ប៉ាម៉ាក់គួរបង្រៀនកូនឲ្យយល់ដឹងពីសារៈសំខាន់នៃការលាងសម្អាតដៃឲ្យបានត្រឹមត្រូវ ជាពិសេស មុនពេលញ៉ាំអាហារ និងក្រោយពីការបន្ទោរបង់រួច។ ការលាងសម្អាតដៃទៀតសោត គួរឲ្យកូនលាងជាមួយនឹងសាប៊ូ និងទឹកយ៉ាងហោចណាស់២០វិនាទី។ ចង់ដឹងអត្ថន័យពណ៌ និងរូបរាងលាមកទារក ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់គណនាថ្ងៃមេជីវិតញីទុំធ្លាក់ ចុចទីនេះ! ២. ពង្រឹងប្រព័ន្ធភាពស៊ាំជាមួយនឹងរបបអាហារ របបអាហារតុល្យភាព ត្រូវរួមបញ្ចូលនូវវីតាមីន និងសារធាតុរ៉ែ ដើម្បីជួយពង្រឹងប្រព័ន្ធភាពស៊ាំ។ ប៉ាម៉ាក់គប្បីឲ្យកូនញ៉ាំបន្លែ ផ្លែឈើ និងប្រូតេអ៊ីនគ្មានខ្លាញ់។ អាហារដែលសម្បូរទៅដោយវីតាមីនC ដូចជាផ្លែក្រូច ស្រ្តប៊ឺរី និងម្ទេសប្លោក ក៏អាចជួយការពារកូនប៉ាម៉ាក់ពីជំងឺផ្សេងៗបានផងដែរ។ មួយវិញទៀត គួរកាត់បន្ថយការញ៉ាំអាហារដែលមានជាតិស្ករខ្ពស់ និងអាហារកែច្នៃ។ ៣. កុំភ្លេចបន្ថែមជាតិទឹក ម្យ៉ាងវិញទៀត ប៉ាម៉ាក់ចាំបាច់ណែនាំឲ្យកូនញ៉ាំទឹកឲ្យបានច្រើនក្នុងអំឡុងរដូវភ្លៀង នៅពេលដែលកម្រិតសំណើមឡើងខ្ពស់ ដើម្បីបញ្ចៀសបញ្ហាកង្វះជាតិទឹក។ យើងក៏អាចបន្ថែមជាប្រភេទផ្លែឈើដែលសម្បូរជាតិទឹក ដូចជាផ្លែឪឡឹក និងត្រសក់ជាដើម។ ៤. ស្លៀកពាក់ឲ្យកូនឲ្យបានត្រឹមត្រូវ ជាមួយគ្នានេះ ប៉ាម៉ាក់គួរឲ្យកូនស្លៀកពាក់សំលៀកបំពាក់ណាដែលមានខ្យល់ចេញចូល ហើយងាយស្ងួត ដើម្បីការពារកូនពីការកើតជំងឹផ្តាសាយ ឬបញ្ហាស្បែក។ ក្នុងអំឡុងរដូវភ្លៀង ចាំបាច់ត្រូវឲ្យកូនមានអាវភ្លៀវ […]

ការលូតលាស់អាយុ ៦ឆ្នាំ

ប៉ាម៉ា់ក់ចង់ឲ្យកូនធំឡើងមានចរិតល្អ គួរចៀសវាងចំណុចទាំងនេះ

ការចិញ្ចឹមកូនមិនមែនជារឿងងាយស្រួលទេ ពេលខ្លះម៉ាក់ប៉ាអាចនឹងសួរខ្លួនឯងទៀតថាតើត្រូវចិញ្ចឹមកូនបែបណាដើម្បីឲ្យកូនឲ្យមានចរិតល្អ។ ដើម្បីចិញ្ចឹមកូនឲ្យមានចរិតល្អម៉ាក់ប៉ាគួរចៀសវាងប៉ុន្មានចំណុចខាងក្រោមនេះ។ ១. មិនឲ្យកូនលេងជាមួយក្មេងដទៃ ក្មេងនៅតែឯងអាចនឹងមិនសូវបានយល់ដឹងពីទំនាក់ទំនងខាងក្រៅ ឬអារម្មណ៍រាប់អានគ្នាទៅវិញទៅមកដូចទៅនឹងក្មេងដែលបានលេងជាមួយក្មេងដទៃនោះទេ។ នៅពេលកូនលេងជាមួយក្មេងដទៃ កូនតូចនឹងរៀនចេះចែករំលែក លេងដោយស្មើភាពគ្នា រាប់អានក្មេងដទៃដោយមិនប្រកាន់ និងចេះយកចិត្តទុកដាក់លើអ្នកដទៃទៀតផង។ កូនៗក៏អាចដឹងទៀតថាអារម្មណ៍ពួកគេអាចនឹងទទួលរងការឈឺចាប់ នៅពេលពួកគេធ្វើអ្វីមិនល្អទៅលើក្មេងដទៃ ដោយសារតែក្មេងដទៃអាចនឹងយំ ឬមិនសប្បាយចិត្ត។ ហេតុនេះហើយ កូនតូចនឹងយល់ច្បាស់ពីអារម្មណ៍ខ្លួន និងក្មេងដទៃនៅពេលចំណាយពេលលេងជាមួយគ្នា។ ២. បណ្ដោយតាមចិត្តកូន ការចង់បាននេះចង់បាននោះគឺខុសគ្នាពីតម្រូវការដែលចាំបាច់។ តម្រូវការមានដូចជាអាហារ ជម្រក សម្លៀកបំពាក់ដែលម៉ាក់ប៉ាត្រូវផ្តល់ឲ្យកូនតូច។ រីឯភាពចង់បានគឺជាចំណង់ទៅលើអ្វីមួយដូចជាប្រដាប់លេងផ្សេងៗជាដើម។ នៅពេលដែលម៉ាក់ប៉ាបំពេញភាពចង់បានរបស់កូនតូចភ្លាមៗដោយមិនពន្យារពេល ឬឲ្យកូនតូចបង្ហាញពីអាកប្បកិរិយាល្អជាមុនសិនមុននឹងទទួលបានរបស់ដែលគេចង់បាន នោះម៉ាក់ប៉ាអាចនឹងប្រឈមនឹងបញ្ហានៅពេលក្រោយ។ ប្រសិនជាម៉ាក់ប៉ាបន្តធ្វើបែបនេះ កូនតូចនឹងយល់ថាពួកគេអាចទទួលបានគ្រប់យ៉ាងដែលគេចង់បានភ្លាមៗ ហើយបើពួកគេមិនទទួលបានទេ កូនតូចនឹងបង្ហាញអត្តចរិតមិនល្អឡើងមកដើម្បីទទួលបានរបស់ដែលគេត្រូវការ។ ៣. ម៉ាក់ប៉ាចំណាយពេលច្រើនលើទូរសព្ទ ឬកុំព្យូទ័រ កូនតូចចូលចិត្តទទួលបានការចាប់អារម្មណ៍ពីម៉ាក់ប៉ា។ ប្រសិនជាពួកគេមិនទទួលបានការចាប់អារម្មណ៍នោះទេ ពួកគេនឹងចាប់ផ្ដើមធ្វើគ្រប់យ៉ាងដើម្បីទទួលបានការចាប់អារម្មណ៍ពីម៉ាក់ប៉ា។ ម៉្យាងទៀតបើកូនតូចតែងឃើញម៉ាក់ប៉ារវល់ជាមួយទូរសព្ទ ឬកុំព្យូទ័រច្រើនដោយមិនងាកមកចាប់អារម្មណ៍នឹងពួកគេ នោះពួកគេនឹងមិនធ្វើតាមការណែនាំរបស់ម៉ាក់ប៉ាដើម្បីទទួលបានការចាប់អារម្មណ៍ទេ។ ដូចនេះម៉ាក់ប៉ាយកល្អគួរលៃពេលវេលាឲ្យបានត្រឹមត្រូវសម្រាប់ការប្រើប្រាស់ទូរសព្ទ និងយកចិត្តទុកដាក់លើកូនតូច។ ៤. មិនផ្តល់ជម្រើសដល់កូនតូច កុំទម្លាប់ឲ្យរបស់លេង ឬរបស់អ្វីមួយដល់កូនតូចដោយមិនផ្តល់ជម្រើសផ្សេងៗ។ ទម្លាប់អាចនឹងធ្វើឲ្យកូនតូចមានភាពរឹងចចេស និងនៅពេលធំឡើងពួកគេចង់បានតែរបស់មួយប្រភេទប៉ុណ្ណោះ ហើយពួកគេនឹងធ្វើគ្រប់យ៉ាងដើម្បីបានរបស់នោះ។ យកល្អគួរឲ្យឱកាសកូនតូចក្នុងការជ្រើសរើសមិនថាជារឿងតូចតាចក៏ដោយ។ ម៉ាក់ប៉ាអាចកំណត់ត្រឹមតែជម្រើសពីរក៏បានដើម្បីឲ្យកូនតូចធ្វើការជ្រើសរើស។ ៥. មិនពន្យល់ប្រាប់កូនតូចពីមូលហេតុដែលពួកគេទទួលពិន័យ ប្រសិនជាម៉ាក់ប៉ាដាក់ពិន័យលើកូន ហើយមិនបានពន្យល់ពួកគេថាហេតុអ្វី កូននឹងមិនបញ្ចេញអត្តចរិតល្អតែបែរជាមានអត្តចរិតអាក្រក់ទៅវិញ។ ដូចនេះម៉ាក់ប៉ាគួរពន្យល់ពួកកូនថាហេតុអ្វីបានជាគេត្រូវទទួលពិន័យ និងប្រាប់ពីអ្វីដែលប៉ាម៉ាក់រំពឹងថាបានពីកូន។ បើមិនដូច្នោះទេ កូនៗនៅតែបន្តធ្វើសកម្មភាពនោះហាក់ដូចជាសមិទ្ធផលមួយរបស់ពួកគេដែលឃើញម៉ាក់ប៉ាមានអារម្មណ៍ច្របូកច្របល់ ឬមិនសប្បាយចិត្ត។ អត្ថបទពាក់ព័ន្ធ៖ ក្មេងៗក៏អាចមានបញ្ហាផ្លូវចិត្តដែរ […]