ចិញ្ចឹមកូន

ខួរក្បាលរបស់ក្មេងមានការអភិវឌ្ឍនៅក្នុងដំណាក់កាលសំខាន់ៗ ២ ដែលដំណាក់កាលសំខាន់ទីមួយកើតឡើងនៅអាយុ ២ឆ្នាំ និងដំណាក់កាលទី២ កើតឡើងក្នុងវ័យជំទង់។ នៅពេលចាប់ផ្ដើមនៃការអភិវឌ្ឍខួរក្បាលក្មេងក្នុងដំណាក់កាលទាំងនេះ ចំនួននៃការតភ្ជាប់ (synapses) រវាងកោសិកាខួរក្បាល (ណឺរ៉ូន)កើនឡើងទ្វេដង។ ស្វែងយល់ពីអត្ថន័យពណ៌ និងរូបរាងលាមកទារក ចុចត្រង់នេះ ក្មេងអាយុ ២ឆ្នាំ មានតំណភ្ជាប់ប្រព័ន្ធសរសៃប្រសាទច្រើន ប្រហែល២ដងដូចទៅនឹងមនុស្សពេញវ័យដែរ ដោយសារតែការភ្ជាប់នេះ ជាមួយកោសិកាខួរក្បាលដែលអាចឲ្យខួរក្បាលកូនក្មេងរៀនអ្វីៗបានឆាប់រហ័សនៅក្នុងវ័យនេះ។ ដូច្នេះ ក្មេងៗនឹងទទួលបទពិសោធន៍ច្រើននៅក្នុងដំណាក់កាលនេះតាមវ័យលូតលាស់របស់អាអូន។ ដំណាក់កាលដ៏សំខាន់ដំបូងនៃការអភិវឌ្ឍខួរក្បាលក្មេងចាប់ផ្ដើមនៅអាយុ ២ឆ្នាំ និងបញ្ចប់នៅអាយុ ៧ឆ្នាំ។ វាផ្ដល់ឱកាសដ៏សំខាន់មួយក្នុងការដាក់មូលដ្ឋានគ្រឹះសម្រាប់ការអប់រំរួមសម្រាប់កុមារ។ ទន្ទឹមនឹងនេះ មានវិធីសាស្ត្រ ៤ យ៉ាងដែលកាន់តែជួយជំរុញដល់ការអភិវឌ្ឍខួរក្បាលក្មេងឲ្យពូកែមានដូចជា៖ ១. លើកទឹកចិត្តកូនឲ្យស្រលាញ់ការសិក្សា ២. ពង្រឹងជំនាញរបស់កូន និងជួយស្វែងរកទេពកោសល្យកូន ៣. យកចិត្តទុកដាក់ទៅលើភាពឆ្លាតវៃខាងផ្លូវអារម្មណ៍ (EQ) គំនិតច្នៃប្រឌិតរបស់កូន ៤. អនុញ្ញាតឲ្យកូនរៀនទាំងមេរៀនក្នុងសាលា និងមេរៀនក្នុងជីវិត កុំរំពឹងលទ្ធផលសិក្សាពីកូនខ្ពស់ពេក ក្រៅពីចំណុច ៤ យ៉ាងខាងលើ ដែលជំរុញដល់ការអភិវឌ្ឍខួរក្បាលក្មេង ម៉ាក់ប៉ាត្រូវបំពេញសារជាតិចិញ្ចឹមក្នុងរបបអាហារប្រចាំថ្ងៃរបស់កូន ដើម្បីឲ្យខួរក្បាលទទួលបានវីតាមីន និងរ៉ែសំខាន់ៗគ្រប់គ្រាន់។ លើសពីនេះ ម៉ាក់ប៉ាក៏ត្រូវគិតដល់សុខភាពក្រពះ-ពោះវៀនកូនដែរ មុននឹងចង់ឲ្យកូនឆ្លាត យកល្អគួរផ្ដល់ទឹកដោះគោម្សៅមានផ្ទុក SYNBIOTICS ជួយបង្កើតបាក់តេរីក្នុងក្រពះពោះវៀន ស្រូបយកសារធាតុចិញ្ចឹមពីចំណីអាហារបានកាន់តែល្អ។

បើ​និយាយ​ពី​រឿង​ឈឺ គ្មាន​អ្នក​ណា​ងាយ​ឈឺ​ជាង​កូន​ក្មេង​នោះ​ទេ ងាកៗ​ក្ដៅ​ខ្លួន ងាកៗ​ហៀរ​សម្បោរ នេះ​ក៏​ព្រោះ​តែ​ក្មេង​មាន​​ប្រព័ន្ធ​ការពារ​រាងកាយ​មិន​រឹង​ម៉ាំ​ដូច​យើង​មនុស្ស​ធំ​ពេញ​វ័យ​ទេ។ ជា​ទូទៅ ពេល​ដែល​កូន​ឈឺ ម៉ាក់​ប៉ាក៏​ពិបាក​​មើល​ថែ​ទាំ​កូនដែរ ព្រោះត្រូវ​ចំណាយ​ពេល​រកស៊ី​ផង ត្រូវ​ខ្វល់​ខ្វាយ​ពី​សុខភាព​កូន​ទៀត ពិសេស​គឺ​កូន​អាយុ​ក្រោម ៦​ខែ​តែ​ម្ដង។ ដឹងអត្ថន័យពណ៌ និងរូបរាងលាមកទារក ចុច​ត្រង់​នះ ជុំ​វិញ​បញ្ហា​ថែ​ទាំ​កូន​អាយុ​ក្រោម ៦ខែ​ពេល​ឈឺ ក្រសួង​សុខាភិបាល បាន​ផ្សព្វផ្សាយ​ឲ្យ​ដឹង​ថា ត្រូវ​ឲ្យ​ទារក​បៅ​ដោះ​ម្ដាយ​ឲ្យ​បាន​ញឹក​ញាប់​ជាង​ធម្មតា​អំឡុង​ពេល​ឈឺ និង​ពេល​ទើប​ងើប​ពី​ឈឺ​ដូច​ជា​ជំងឺ​រាក​ជាដើម។ ការ​បំបៅ​ដោះ​កូន​ឲ្យ​បាន​ញឹក​ញាប់ អាច​កាត់​បន្ថយ​ជំងឺ​រាក​ធ្ងន់ធ្ងរ ហើយ​វា​ជួយ​ការពារ​បញ្ហា​ខ្សោះ​ជាតិ​ទឹក បញ្ហា​កង្វះ​អាហារូបត្ថម្ភ និង​ជួយ​បំពេញ​ជាតិ​ទឹក​ក្នុង​ខ្លួនកូន​ផង​​ដែរ។ ក្នុង​ករណី​កូន​ឈឺ​រហូត​ជួប​បញ្ហា​ខ្សោះ​ជាតិ​ទឹក​ខ្លាំង ទារក​អាច​ចេញ​សញ្ញា​ដូច​ជា ភ្នែក​ខូង បបូរមាត់ និង​អណ្ដាត​ស្ងួត និង​ទារក​មិន​នោម។ បន្ថែម​ពី​នេះ កង្វះ​អាហារូបត្ថម្ភ​ក៏​ចោទ​ជា​បញ្ហា​ធំ​មួយ​ដល់​ការ​លូតលាស់​ទាំង​រាងកាយ និង​ប្រព័ន្ធ​សរសៃ​ប្រសាទ​របស់​ក្មេង​ដែរ។ ជួន​កាល ម៉ាក់ៗ ត្រូវ​បាន​គេ​ណែ​នាំ​ឲ្យ​បំបៅ​ដោះ​កូន​តិច​តួច​នៅ​ពេល​ដែល​ទារក​មាន​ជំងឺ​រាក ប៉ុន្តែ​ក្រសួង​សុខាភិបាល​បដិសេធ​ទាំង​ស្រុង​ថា ការ​ណែ​នាំ​បែប​នេះ​គឺ​ខុស​ស្រឡះ។ ទារក​ដែល​ឈឺ គឺ​ត្រូវ​ការ​ចាំ​បាច់​ក្នុង​ការ​បំបៅ​ដោះ​ម្ដាយ​ឲ្យ​បាន​ច្រើន​ទើប​ល្អ ព្រោះ​ទឹក​ដោះ​ម្ដាយ​មាន​សារជាតិ​ចិញ្ចឹម​គ្រប់​គ្រាន់​ងាយស្រួល​ក្នុង​ការ​រំលាយ ហើយ​ជួយ​ទារក​ក្នុង​ការ​ប្រឆាំង​នឹង​ជំងឺ និង​ការ​បង្ក​រោគ​ផ្សេងៗ។ ក្រសួង​សុខាភិបាល បញ្ជាក់​បន្ថែម​ថា ការ​បំបៅ​កូន​ដោយ​ទឹក​ដោះ​ម្ដាយ អាច​ធ្វើ​ឲ្យ​ទារក​ដែល​មាន​អារម្មណ៍​អាប់អួ ​អាច​ប្រែ​ជាសប្បាយ​រីករាយ​ក្នុង​ចិត្ត​បាន។ នៅ​ក្នុង​ករណី​ដែល​ទារក​មាន​ជំងឺ​រាក​ធ្ងន់ធ្ងរ ដូចជា​បង្ហាញ​នូវ​សញ្ញា​គ្រោះ​ថ្នាក់ ម៉ាក់​ប៉ា​គួរ​នាំ​កូន​ទៅ​ពិនិត្យ​នៅ​មន្ទីរពេទ្យ​ និង​យក​ចិត្ត​ទុក​ដាក់​ថែ​ទាំ​កូន​ឲ្យ​បាន​ល្អ​តាម​ការ​ណែនាំ​របស់​អ្នក​ជំនាញ។​

តាមលក្ខណៈធម្មជាតិ ទឹកដោះពពែតែងតែត្រូវបានទទួលស្គាល់ថាងាយស្រួលរំលាយជាងទឹកដោះគោ។ ឥឡូវនេះ ម៉ាក់ប៉ាមួយចំនួនបានជ្រើសរើសម្សៅទឹកដោះពពែឲ្យកូនបៅបន្ទាប់ពីផ្ដាច់ដោះ ព្រោះ​ថា​សម្បូរសារធាតុចិញ្ចឹមច្រើនជាងទឹកដោះគោ។ ដឹងកាលវិភាគចាក់ថ្នាំបង្ការកូននៅទីនេះ ហេតុផលទឹកដោះពពែល្អជាងទឹកដោះគោ ១. ប្រូតេអ៊ីនងាយរំលាយ បើប្រៀបធៀបទៅនឹងទឹកដោះគោ ប្រូតេអ៊ីនទឹកដោះពពែមានលក្ខណៈតូចជាង និងទន់ជាង ហើយជួយបង្កើតស្រទាប់ទន់ក្នុងក្រពះដែលនាំឲ្យមានការរំលាយបានរហ័ស និងងាយស្រួល។ ២. ខ្លាញ់ល្អ ខ្លាញ់ដែលមាននៅក្នុងទឹកដោះពពែក៏ងាយរំលាយតាមលក្ខណៈធម្មជាតិផងដែរ ព្រោះតូចជាងខ្លាញ់នៅក្នុងទឹកដោះគោ ហើយសម្បូរទៅដោយអាស៊ីដខ្លាញ់ច្រវ៉ាក់ខ្លី និងមធ្យម ងាយនឹងត្រូវបានបំបែកក្នុងប្រព័ន្ធរំលាយអាហារ។ ៣. Prebiotics បើប្រៀបធៀបទៅនឹងទឹកដោះគោ ទឹកដោះពពែមានផ្ទុកនូវសារធាតុ gut-supportive prebiotic oligosaccharides ៦ដងលើសទឹកដោះគោ។ ៤. មានអាហារូបត្ថម្ភច្រើនពីធម្មជាតិ ទឹកដោះពពែសម្បូរទៅដោយសារធាតុចិញ្ចឹមសំខាន់ៗច្រើន​។ បើប្រៀបធៀបទៅនឹងទឹកដោះគោ ទឹកដោះពពែ ថែមទាំងមានផ្ទុកនូវជីវចម្រុះ និងរ៉ែដែលមានគុណភាពខ្ពស់។ បន្ថែមពីលើសារសំខាន់ទាំង ៤ ខាងលើ ទឹកដោះពពែ មានផ្ទុកនុយក្លេថាយ ដែលជាសារធាតុចិញ្ចឹមមួយសំខាន់រហូតដល់ទៅ ៤ដងច្រើនជាងទឹកដោះគោ និងមានប្រយោជន៍ជួយបង្កើនភាពស៊ាំដល់កូន និងការពារសុខភាពក្មេងពីជំងឺតូចធំផ្សេងៗទៀតផង។

ខ្វះ​ជាតិ​ដែក​លើ​ក្មេង អាច​ជា​បញ្ហា​មួយ​បង្អាក់​ដល់​ការ​លូតលាស់​ទាំង​ផ្នែក​រាងកាយ និង​ខួរក្បាល​របស់​កូនៗ បូក​រួម​ទាំង​ប្រព័ន្ធ​ភាព​ស៊ាំ​អាច​មិន​រឹង​មាំ​ថែម​ទៀត។ ក្នុង​អត្ថបទ​នេះ “Hello Krupet” នឹង​ណែនាំ​ពី​តិចនិក​បង្ការ​កូន​ៗ​ពី​បញ្ហា​ខ្វះ​ជាតិ​ដែក ដែល​ម៉ាក់​ប៉ា​គួរ​អនុវត្ត​ដើម្បី​សុខភាព​កូន។ ដឹងអត្ថន័យពណ៌ និងរូបរាងលាមកទារក ចុចត្រង់នេះ តិចនិក​បង្ការ​បញ្ហា​ខ្វះ​ជាតិ​ដែក​លើ​ទារក –ទារក៖ ម៉ាក់ៗ​ដែល​បំបៅ​ដោះ​កូន ពេល​អាអូន​អាយុបាន​បួន​ខែ គួរ​ពិភាក្សា​ជាមួយ​គ្រូពេទ្យ ថា​គួរ​ផ្ដល់​​អាហារ​បំប៉ន​ជាតិ​ដែក​ដល់​កូន​ឬ​យ៉ាងណា​។ ការ​ផ្ដល់​ជាតិ​ដែក​ដល់​កូន​ដែល​បៅ​ទឹក​ដោះ​ម្ដាយ​គួរ​ធ្វើ​រហូត​ដល់​កូន​អាច​​ញ៉ាំ​អាហារ​រឹង​ដែល​មាន​ជាតិ​ដែក​បាន បើ​សិន​ជាមានការ​ណែនាំពី​គ្រូពេទ្យ​។ ប្រសិន​បើ​អា​អូន​បៅ​ដោះ​ម្ដាយ លាយ​នឹង​បៅ​ម្សៅ​ទឹក​ដោះ​គោដែលបន្ថែមជាតិ​ដែក​ស្រាប់ យើង​មិន​ចាំ​បាច់​បន្ថែម​ថ្នាំ ឬ​អាហារ​បំប៉ន​ជាតិដែកដល់កូនទេ។ -ទារក​មិន​គ្រប់​ខែ៖ ចាប់​ផ្ដើម​ផ្ដល់​ថ្នាំ​បំប៉ន​ជាតិ​ដែក​ដល់​កូន​ចាប់​ពី​អាយុ ២សប្ដាហ៍ រហូត​ដល់​អាយុ ១​ឆ្នាំ។ ប្រសិន​បើ​អា​អូន​បៅ​ដោះ​ម្ដាយ លាយ​ម្សៅ​ទឹក​ដោះ​គោដែលបន្ថែមជាតិ​ដែក​ស្រាប់ យើង​មិន​ចាំ​បាច់​បន្ថែម​ថ្នាំ ឬ​អាហារ​បំប៉ន​ជាតិដែកដល់កូនទេ​។ តិចនិក​បង្ការ​បញ្ហា​ខ្វះ​ជាតិ​ដែក​លើ​ក្មេង ផ្ដល់​អាហារ​សម្បូរ​ជាតិ​ដែក៖ នៅ​ពេល​យើង​ចាប់​ផ្ដើម​ផ្ដល់​អាហារ​សម្រន់​ដល់​កូន​នៅ​អាយុ​ ៦ខែឡើង​ គួរ​ជ្រើស​រើស​អាហារ​ដែល​មាន​ជាតិ​ដែក​ច្រើន​ដូចជា​សាច់​កិន ឬ​សណ្ដែក​កិន​ជាដើម។ ចំពោះ​ក្មេង​រាង​ធំ​បន្តិច​អាច​ឲ្យ​កូន​ញ៉ាំ​អាហារ​សម្បូរ​ជាតិ​ដែក​ដូចជា សាច់​ក្រហម មាន់ ត្រី សណ្ដែក និង​ស្ពៃ​ពួយ​ឡេង។ កុំ​ឲ្យ​កូន​ញ៉ាំ​ទឹក​ដោះ​គោ​ច្រើន៖ ចាប់​ពី​អាយុ ១-៥ឆ្នាំ គួរ​ទប់​ស្កាត់​កូន​កុំ​ឲ្យ​ញ៉ាំ​ទឹក​ដោះ​គោ​ច្រើន​លើស​ពី ៧១០មិល្លីលីត្រ/ថ្ងៃ។ ពង្រឹង​ការ​ស្រូប​យក​ជីជាតិ៖ វីតាមីន C ជួយ​ជំរុញ​ការ​ស្រូប​យក​ជាតិ​ដែក​ក្នុង​របប​អាហារ។ យើង​អាច​ជួយ​កូន​ស្រូប​យក​ជាតិ​ដែក​ដោយ​ផ្ដល់​អាហារ​សម្បូរ​វីតាមីន C ដូចជា ក្រូច ស្ត្របឺរី ប៉េងប៉ោះ និង​បន្លែ​ពណ៌​បៃតង​ចាស់។

ខាន់លឿង ជា​បញ្ហា​មួយ​គ្នា​យើង​ច្បាស់​ជាបានឮ​ញឹក​ញាប់ ហើយ​ភាគ​ច្រើន​គិត​ថា​វា​កើត​ឡើង​ចំពោះ​តែ​មនុស្ស​ពេញ​វ័យ​ដែល​មាន​បញ្ហា​ថ្លើម​ប៉ុណ្ណោះ។ ប៉ុន្តែ មាន​ដឹង​ឬ​អត់​ថា ទារក​ទើប​នឹង​កើត​មួយ​ចំនួន​ក៏​កើត​បញ្ហា​ខាន់​លឿង​បាន​ដែរ? ហើយ​វា​កើត​ឡើង​បាន​យ៉ាង​ម៉េច? ដឹងពីអត្ថន័យពណ៌ និងរូបរាងលាមកទារក នៅទីនេះ បញ្ហា​ខាន់​លឿង​បណ្ដាល​មក​ពី​ការ​កើន​ឡើង​នៃ​កម្រិត ប៊ីលីរ៉ូប៊ីន (Bilirubin) ក្នុង​ឈាម។ ប៊ីលីរ៉ូប៊ីន ជា​សារធាតុ​ពណ៌​លឿង ដែល​ផលិត​ឡើង​អំឡុង​ពេល​បំបែក​កោសិកា​ឈាម​ក្រហម​ធម្មតា ហើយ​វា​ត្រូវ​បាន​បំប្លែង​មួយ​ផ្នែក​ដោយ​ថ្លើម និង​បញ្ចេញ​ចោល​តាម​ទឹក​ប្រមាត់។ ជាក់​ស្ដែង ពេល​គភ៌​នៅ​ក្នុង​ផ្ទៃ ថ្លើម​ម៉ាក់ៗ​ជា​អ្នក​សម្អាត​ជាតិ​ប៊ីលីរ៉ូប៊ីន (ទឹក​ប្រមាត់) ចេញ ប៉ុន្តែ​ពេល​ទារក​កើត​មក ថ្លើម​ទារក​ផ្ទាល់​​ជា​អ្នក​ធ្វើ​ការ​បំបែក​សារធាតុ​រាវ​នេះ​ដោយ​ខ្លួន​ឯង។ ថ្លើម​ទារក ពី​មួយ​ដំណាក់​កាល​ទៅ​មួយ​ដំណាក់​កាល មិន​អាច​ធ្វើ​ការ​ងារ​នេះ​លឿន​បាន​ទេ ជា​ហេតុ​នាំ​ឲ្យ​កើន​ឡើង​ជាតិ ប៊ីលីរ៉ូប៊ីន ហើយ​ដោយ​សារ​តែ​សារធាតុ​នេះ​មាន​​ពណ៌​លឿង ទើប​​បណ្ដាល​ឲ្យ​ស្បែក ឬ​ភ្នែក​ក្មេង​ឡើង​ពណ៌​លឿង​ដូច​គ្នា ជា​ហេតុ​ធ្វើ​ឲ្យ​ទារក​កើត​ខាន់​លឿង​លើ​ក្មេង។ ​ជា​ទូទៅ បញ្ហា​ខាន់​លឿង​លើ​ក្មេង​នេះ​កើត​ឡើង​ចំពោះ​ទារក​កើត​មុន​ខែ ព្រោះ​ពេល​ថ្លើម​​ទារក​កំពុង​លូត​លាស់ ឬ​នៅ​ពេល​​ទារក​បៅ​ដោះ​មិន​គ្រប់​គ្រាន់ ឬ​មិន​មាន​សារធាតុ​ចិញ្ចឹម​ចាំ​បាច់​​ក្នុង​ទឹក​ដោះ​ម្ដាយ សុទ្ធ​តែ​ជា​មូល​ហេតុ​នាំ​ឲ្យ​ក្មេង​មាន​បញ្ហា​ខាន់​លឿង​នេះ​ឯង។ នៅ​ពេល​ទារក​មាន​អាយុ​ប្រហែល ២ សប្ដាហ៍ ថ្លើម​របស់​ពួក​គេ​កាន់​តែ​រឹងមាំ​អាច​បំបែក​សារធាតុ​ប៊ីលីរ៉ូប៊ីន​បាន ដូច្នេះ​បញ្ហា​ខាន់​លឿន​លើ​ក្មេង​តែង​តែ​បាត់​ទៅ​វិញ​នៅ​អំឡុង​ពេល​នេះ ដោយ​មិន​បង្ក​គ្រោះ​ថ្នាក់​អ្វី​ដល់​សុខភាព​កូន​ឡើយ។ ក្នុង​ករណី​ទារក​កើត​​ខាន់​លឿង​លើ​ក្មេង​កម្រិត​ស្រាល ការ​ថែទាំ ព្យាបាល​អា​អូន​គ្រាន់​តែ​បំបៅ​ដោះ​កូន​ឲ្យ​គ្រប់​គ្រាន់ ដាក់​កូន​នៅ​ក្រោម​ពន្លឺ​ព្រះអាទិត្យ​ពេល​ព្រឹក (ចន្លោះពីម៉ោង ៦-៩ព្រឹក) និង​តាមដាន​ស្បែក សុខភាព​កូន​តែ​ប៉ុណ្ណោះ។ ផ្ទុយ​ទៅ​វិញ​ក្នុង​ករណី​ធ្ងន់ធ្ងរ ម៉ាក់​ប៉ា​ត្រូវ​នាំ​កូន​ទៅ​ព្យាបាល​ជាមួយ​គ្រូពេទ្យ​ជំនាញ​ជា​បន្ទាន់។

ជំងឺ​រលាក​ទងសួត​នេះ គឺ​ជាការ​រលាក​ និង​ស្ទះ​បំពង់​ផ្លូវ​ខ្យល់​តូចៗ​ខាង​ក្នុង​របស់​បំពង់​ទងសួត ដែល​បំពង់​នេះ​មាន​តួនាទី​ដឹក​នាំ​ខ្យល់​ចេញ និង​ចូល​ទៅ​ក្នុង​សួត។ យោង​តាម​លោក​វេជ្ជបណ្ឌិត ហ៊ាង រតនា  ពេល​កូន​កើត​ជំងឺ​រលាក​ទង​សួត អាច​នឹង​មាន​ស្លេស្ម​ពេញ​សួត​កូន ដែល​ជា​រឿង​គួរ​ឲ្យ​បារម្ភ​មួយ​ចំពោះ​ម៉ាក់​ប៉ា​គ្រប់​រូប។ ទាក់​ទង​នឹង​ជំងឺ​រលាក​ទង​សួត​នេះ​ដែរ លោក​ស្រី​វេជ្ជបណ្ឌិត កុសល កណិការ ឯកទេស​ជំងឺ​កុមារ និង​ទារក បាន​ឲ្យ​ដឹងដែរ​​ថា អាការៈ​ដំបូង​នៃ​ជំងឺ​រលាក​ទង​សួត​លើ​កុមារ​ដូច​គ្នា​នឹង​ជំងឺ​ផ្ដាសាយ​ធម្មតា​ដែរ ពោល​គឺ​អា​អូន​អាច​ក្អក ហៀរ​សម្បោរ ក្ដៅ​ខ្លួន​តិច​តួច ដែល​ជាហេតុ​បណ្ដាល​ឲ្យ​គ្រូពេទ្យ​មិន​ទាន់​អាច​បែងចែក​បាន​ភ្លាមៗ​ថា​ជា​ជំងឺ​រលាក​ទង​សួត ឬ​ជា​ជំងឺ​ផ្ដាសាយ​ធម្មតា ពេល​ដែល​កូន​ឈឺ​ដំបូងៗ។ [embed-health-tool-vaccination-tool] លោក​ស្រី​បន្ត​ថា ក្រោយ​អា​អូន​ឈឺ​ជំងឺ​រលាក​ទង​សួត​បាន ២-៣ថ្ងៃ កូន​នឹង​មាន​អាការៈ​ហត់ និង​ក្អក​កាន់​តែ​ខ្លាំង ហើយ​សព្វ​ថ្ងៃ​សម្បូរ​ក្មេង​ៗ​កើត​ជំងឺ​នេះ​ណាស់។ ពេល​ខ្លះ រលាក​ទង​សួត​កម្រិត​ស្រាល​មាន​អាការៈ​ហត់​តិច​តួច​តែ​ក្មេង​ក្អក​ខ្លាំង មាន​ស្លេស្ម​ច្រើន​ដែល​ជា​ហេតុ​ធ្វើ​ឲ្យ​ម៉ាក់​ប៉ា​មិន​ដឹង​ថា​កូន​ហត់​ទេ។ “ការ​ធ្វើ​រោគ​វិនិច្ឆ័យ​ត្រូវ​​ធ្វើ​ដោយ​គ្រូពេទ្យ​តាម​រយៈ​ការ​សួរ​ប្រវត្តិ​អ្នក​ជំងឺ និង​ស្ដាប់​សួត។ ជួន​កាល ពេល​ម៉ាក់​ប៉ា​យក​កូន​ទៅ​ជួប​គ្រូពេទ្យ​តែ​ម្ដង​មិន​ទាន់​អាច​ពិនិត្យ​ដឹង​បាន​ភ្លាម​ទេ។” នេះ​បើ​តាម​ការ​​ឲ្យ​ដឹង​ពី វេជ្ជបណ្ឌិត​បម្រើ​ការ​នៅ​គ្លីនិក MommyDoctor រូប​នេះ។ ចង់គណនាថ្ងៃមេជីវិតញីទុំធ្លាក់ ចុចទីនេះ! ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ពេល​កូន​កើត​ជំងឺ​រលាក​ទង​សួត អា​អូន​ពិបាក​ក្នុង​ខ្លួន និង​ពិបាក​ដក​ដង្ហើម​ណាស់ ហេតុ​នេះ​ម៉ាក់​ប៉ា​គួរ​ចេះ​តិចនិក​ការពារ​កូន​ពី​ជំងឺ​នេះ​រួម​មាន៖ លាង​សម្អាត​ដៃ​ម៉ាក់ៗ និង​កូន​ឲ្យ​បាន​ស្អាត និង​ញឹក​ញាប់ ជូត​សម្អាត​របស់​របរ​កូន​លេង​ជា​ប្រចាំ (ចៀស​វាង​អា​អូន​យក​ទៅ​ដាក់​ក្នុង​មាត់ ឆ្លង​មេរោគ​ផ្ទុក​លើ​ប្រដាប់​លេង) ឲ្យ​កូន​នៅ​ក្នុង​ផ្ទះ​រហូត​ទាល់​អា​អូន​ជា​សះ​ស្បើយ សឹម​ឲ្យ​ចេញ​លេង​ក្រៅ កុំ​ឲ្យ​អ្នក​ឈឺ​ផ្ដាសាយ​នៅ​ក្បែរ​កូន​តូច (ពិសេស​ទារក​ទើប​កើត) […]

ប៉ាម៉ាក់តែងតែចង់ដឹងកម្ពស់កូននាពេលអនាគត និងបារម្ភខ្លាចកូនមាន​កម្ពស់ទាប​ដែលធ្វើឱ្យ​ប៉ះពាល់​ដល់រូបសម្បត្តិ របស់​កូន។ តើ​មាន​​វីធីសាស្រ្តអ្វីខ្លះដែលប៉ាម៉ាក់​អាចប្រើដើម្បី​ទាយ​កម្ពស់​កូននាពេលអនាគតបាន? ប៉ាម៉ាក់អាចទាយកម្ពស់កូននាពេលអនាគតតាមវិធីសាស្រ្តដូចខាងក្រោម៖ ១. វិធីសាស្រ្តគុណនឹង ២ ជាទូទៅកុមារមានកម្ពស់​ពាក់កណ្តាលនៃកម្ពស់ពេញវ័យរបស់ពួកគេក្នុង​រយៈពេល ២ ឆ្នាំដំបូងបន្ទាប់​ពី​កើត​។ ដោយឡែកក្មេងស្រីគឺគិតពីអាយុ ១ ខួបកន្លះ ព្រោះក្មេងស្រីមានទំនោរ​លូតលាស់​លឿនជាងក្មេងប្រុស។ កម្ពស់អនាគតកូនប្រុស = កម្ពស់កូនប្រុសនៅអាយុ ២ ខួប × ២ ឧទាហរណ៍៖ បើអាអូនមានសម្ពស់ ៩០​ សង់ទីម៉ែត្រនៅអាយុ ២ ខួប ដូច្នេះ​កម្ពស់អនាគតអាអូនគឺ ១៨០ សង់ទីម៉ែត្រ (១,៨ ម៉ែត្រ)។ កម្ពស់អនាគតកូនស្រី = កម្ពស់កូនស្រីនៅអាយុ ១៨ ខែ × ២ ឧទាហរណ៍៖ បើអូនតូចមានកម្ពស់ ៨០​ សង់ទីម៉ែត្រនៅអាយុ ១៨ ខែ ដូច្នេះកម្ពស់អនាគតអូនតូចគឺ ១៦០ សង់ទីម៉ែត្រ (១,៦ ម៉ែត្រ)។ ២. វិធីសាស្រ្តបូកដក ដើម្បីរកកម្ពស់អនាគតកូនប្រុស ប៉ាម៉ាក់ត្រូវបូក ១៣ សង់ទីម៉ែត្របន្ថែមទៅកម្ពស់ម៉ាក់ ហើយត្រូវរក្សាកម្ពស់របស់ប៉ានៅដដែល។ កម្ពស់អនាគតកូនប្រុស = កម្ពស់ម៉ាក់ + ១៣ សង់ទីម៉ែត្រ ឧទាហរណ៍៖ ម៉ាក់មានកម្ពស់ […]

ការយល់ពីភាសាកាយវិការរបស់ទារកអាចឱ្យប៉ាម៉ាក់ដឹង និងឆ្លើយតបតម្រូវការរបស់អូនតូច។ តើ​ភាសា​កាយវិការរបស់ទារកប្រាប់អ្វីខ្លះដល់ប៉ាម៉ាក់? ប៉ាម៉ាក់ថ្មោងថ្មីអាចមិនដឹង ឬពិបាកយល់ពីភាសាកាយវិការរបស់ទារក។ ខាងក្រោម​នេះជាអត្ថន័យ​ភាសាកាយវិការរបស់ទារកមួយចំនួន៖ ១. ធាក់ជើងឡើងលើ អូនតូច​អាចរំភើប និង​សប្បាយ​ចិត្ត​​ខ្លាំងដោយសារអូនតូចឃើញប៉ាម៉ាក់ ឬអ្វីមួយដែល​ធ្វើឱ្យ​អូនតូច​ចាប់​អារម្មណ៍ ដូចជា ប្រដាប់ក្មេងលេងដែល​អូន​តូចចូលចិត្ត ឬអាហារ (ប្រសិនបើអូនតូចឃ្លាន)។ ការ​ធាក់ជើង​ឡើង​លើ​​​ជួយ​អូនតូច​​អភិវឌ្ឍ​សាច់ដុំជើង​ដែល​នឹង​ជួយ​ដល់​អូនតូចក្នុង​ការ​វារ។ ដូច្នេះ​ប៉ាម៉ាក់អាចជំរុញឱ្យអូនតូចធាក់ជើង​ឡើង​លើ​​​ដោយបង្ហាញអ្វីដែលធ្វើឱ្យអូនតូចរំភើប។ ២. បែរមុខចេញ កាយវិការនេះអាចមានន័យពីរយ៉ាង។ ទីមួយ អូនតូចប្រហែលជាគ្រាន់​តែព្យាយាមចង់​ដឹងអំពី​អ្វី​ដែល​កំពុងកើតឡើង និង​ ទីពីរអូនតូចអាចខឹងនឹងការរំខានរបស់ប៉ាម៉ាក់។ ប៉ាម៉ាក់ត្រូវ​បណ្តោយ​តាមអូន​តូចបន្តិចសិន។ អូនតូចប្រហែល​ជា​បាន​ឃើញ​​អ្វី ១ ហើយ​ចង់​ដឹង​ថា​វា​ជា​អ្វី។ ពេល​អូនតូចបាន​ដឹង​ពី​ចម្លើយហើយ អូន​តូចនឹងងាកមុខមករកប៉ាម៉ាក់វិញហើយ។​ ៣. ពត់ខ្នង ប្រសិនបើអូនតូចពត់ខ្នងក្នុងអំឡុងពេលបៅ ឬញុំាអាហារមានន័យថា អូន​​តូចលែងចង់បៅ ឬញុំា​អាហារ​ទៀតហើយ។ វាក៏អាចមានន័យថាអូនតូចចុកពោះ ឬមានបញ្ហាប្រព័ន្ធរំលាយអាហារដែរ។ ជាទូទៅបើទារកមានអាយុច្រើនបន្តិចពត់ខ្នងមានន័យថា ពួកគេខកចិត្ត ខឹង ឬអស់កម្លាំង។ ពេលខ្លះ ទារកដែលមានជំងឺអូទីស្សឹម, Rumination (ជំងឺ​ទាក់ទង​នឹងបញ្ហាកាយវិការ) ឬ Kernicterus (ជំងឺ​ទាក់ទង​នឹង​បញ្ហា​ខួរ​ក្បាល​) ក៏ឧស្សាហ៍ពត់ខ្នងដែរ។ ប៉ាម៉ាក់អាចព្យាយាមធ្វើឱ្យអូនតូចស្ងប់។ ប៉ាម៉ាក់​អាច​បង្វែរ​ការ​ចាប់អារម្មណ៍​​​របស់​អូនតូច​ដោយលើ​ក​​ព​អូន​តូច​​ចេញ​ក្រៅ ឬបង្ហាញ​របស់​ដែល​ធ្វើ​ឱ្យ​អូនតូច​ចាប់​អារម្មណ៍។ ប៉ាម៉ាក់​ក៏​អាច​រឺតខ្នងអូនតូច​ថ្នមៗ បំពេរ ឬ​យោល​អូនតូចប្រសិនបើអូនតូច​ងងុយគេង។ ប្រសិនបើអូនតូចនៅតែយំមិនបាត់​ ប៉ាម៉ាក់គួរ​នាំ​អូនតូចទៅជួបគ្រូពេទ្យកុមារ។​ ៤. លាដៃ អូនតូចអាចសប្បាយចិត្ត និងមានអារម្មណ៍ល្អ។ វាក៏អាចមានន័យថាអូនតូចចេះអ្វីមួយថ្មីដែរដូចជា ការ​អង្គុយ […]

ស្នាម​ប្រឡាក់​ពណ៌​ផ្កា​ឈូក ​ឬ​ពណ៌​ក្រហម​នៅ​លើ​ខោ​ទឹក​នោម​អា​អូន​ អាច​មើល​ទៅ​​ស្រដៀង​នឹង​​ឈាម​ ប៉ុន្តែ​​ភាគ​ច្រើន​ វា​កើត​ឡើង​ដោយ​សារ​តែ​សារធាតុ​គ្រីស្តាល់​អ៊ុយរ៉េត​(Urate crystals)​ក្នុង​ទឹក​នោម​។ ​អ៊ុយរ៉េត ជា​អំបិល​ដែល​បង្កើត​ឡើង​ដោយ​អាស៊ីដ​អ៊ុយរិច ​ហើយ​វា​ក៏​ជា​អាស៊ីដ​សរីរាង្គ​ខ្សោយ​​ដែល​ផលិត​ក្នុង​រាងកាយ​ អំឡុង​ពេល​​ធ្វើ​មេតាប៉ូលីស​​នៃ​ផលិតផល​​មួយ​ចំនួន​នៃ​រាងកាយ​។ គ្រីសា្គល់​អ៊ុយរ៉េត​នៅ​ក្នុង​ទឹក​នោម​ មាន​សំណល់​​ពណ៌​ក្រហម​ ទឹក​ក្រូច ឬ​ផ្កា​ឈូក​។ ​ពិត​ណាស់​ វា​ជា​រឿង​ធម្មតា​ប៉ុណ្ណោះ​ ដែល​​​ទឹក​នោម​អា​អូន​មាន​គ្រីស្តាល់​អ៊ុយរ៉េត​ នៅ​ក្នុង​​រយៈពេល​ពីរ​បី​ថ្ងៃ​ដំបូង​​បន្ទាប់​ពី​អាអូន​កើត​។ ប៉ុន្តែ​ ការ​បញ្ចេញ​គ្រីស្តាល់​រយៈពេល​យូរ​ អាច​ជា​រឿង​គួរ​ឲ្យ​បារម្ភ​។ មូលហេតុ​អ្វី​បាន​ជា​ទឹក​នោម​​​ទារក​មាន​គ្រីស្តាល់​អ៊ុយរ៉េត? ​​ទារក​អាច​បញ្ចេញ​គ្រីស្តាល់​អ៊ុយរ៉េត​ ដោយ​សារ​តែ​កំហាប់​អាស៊ីដ​អ៊ុយរិក​ខ្ពស់​ក្នុង​ឈាម​។ អាស៊ីដ​ប្រភេទ​នេះ ជា​ផលិតផល​កាកសំណល់​ដែល​​សំយោគ​នៅ​ក្នុង​ថ្លើម​ ពោះវៀន​ និង​កោសិកា​មួយ​ចំនួន​នៃ​ប្រព័ន្ធ​​ចរន្ត​ឈាម​ នៅ​ពេល​ដែល​រាងកាយ​បំបែក​សារធាតុ​Purines ​ដែល​ជា​​សមាសធាតុ​បង្កើត​ឡើង​ក្នុង​អំឡុង​ពេល​ដំណើរការ​ធម្មជាតិ​នៃ​សមាសធាតុ​អាហារ និង​សារធាតុ​ដែល​បញ្ចេញ​​មក​ក្រៅ ដោយ​សារ​តែ​ការ​ងាប់​កោសិកា​តាម​​ធម្មជាតិ​។ អាស៊ីដ​អ៊ុយរិក​​បាន​ចូល​ទៅ​ក្នុង​ឈាម​ ហើយ​ទៅ​ដល់​តម្រង​នោម​។ តម្រង​នោម​ច្រោះ​អាស៊ីដ​អ៊ុយរិក​ ដែល​រលាយ​ជាមួយ​សមាសធាតុ​ផ្សេង​ទៀត​ ដែល​មាន​នៅ​ក្នុង​ទឹក​នោម​ ដើម្បី​បង្កើត​អំបិល​អាស៊ីដ​អ៊ុយរិក ហើយ​​សារធាតុ​អ៊ុយរិក​លើស​​ត្រូវ​បាន​បញ្ចេញ​តាម​​ទឹក​នោម​។ លក្ខខណ្ឌ​ខាង​ក្រោម​ អាច​នាំ​ឲ្យ​មាន​កំហាប់​អាស៊ីដ​អ៊ុយរិក​លើស​ក្នុង​ឈាម​ ដែល​នាំ​ឲ្យ​​​មាន​គ្រីស្តាល់​អ៊ុយរ៉េត​នៅ​ក្នុង​ខោ​ទឹក​នោម​អា​អូន​។ ១. កង្វះ​ជាតិ​ទឹក​ ​ទឹក​ដោះ​ម្ដាយ ជា​អាហារ​តែ​មួយ​គត់​សម្រាប់​ទារក​ទើប​កើត​សម្រាប់​​រយៈពេល​៦​ខែ​ដំបូង​។ ​អា​អូន​ទទួល​បាន​សារធាតុ​ចិញ្ចឹម​ និង​ទឹក​​តាម​រយៈ​​ទឹក​ដោះ​ម្ដាយ​។ កង្វះ​​ការ​បំបៅ​ទឹក​ដោះ​ម្ដាយ អាច​បង្កើន​ហានិភ័យ​នៃ​កង្វះ​ជាតិ​ទឹក​ ដែល​អាច​​នាំ​ឲ្យ​មាន​គ្រីស្តាល់​អ៊ុយរ៉េត​នៅ​ក្នុង​ទឹក​នោម​។ បញ្ហា​បំបៅ​ដោះ​ ដូចជា​ម៉ាក់​ៗ​មិន​សូវ​មាន​ទឹក​នោម​ ជា​មូលហេតុ​ចម្បង​មួយ​ដែល​ធ្វើ​ឲ្យ​កូន​ខ្វះ​ជាតិ​ទឹក​។​ [embed-health-tool-baby-poop-tool] ២. ជំងឺ​តម្រង​នោម​ ជំងឺ​តម្រង​នោម​ ដូចជា​ជំងឺ​តម្រង​នោម​រ៉ាំរ៉ៃ អាច​ប៉ះពាល់​ដល់​មុខងារ​តម្រង​នោម​ ដែល​ធ្វើ​ឲ្យ​តម្រង​នោម​មិន​អាច​ច្រោះ​ឈាម​​​ប្រកប​ដោយ​ប្រសិទ្ធភាព​។ វា​អាច​​នាំ​ឲ្យ​មាន​ការ​ប្រមូលផ្ដុំ​គ្រីស្តាល់​អ៊ុយរ៉េត​ក្នុង​​តម្រង​នោម​ និង​បណ្ដាល​ឲ្យ​មាន​ក្រួស​ក្នុង​តម្រង​នោម​​ថែម​ទៀត​ផង​។ ទារក​មួយ​ចំនួន​អាច​ប្រឈម​នឹង​បញ្ហា​តម្រង​នោម​ពី​កំណើត​ ដូចជា​ជំងឺ​ដោយ​សារ​កត្តា​ហ្សែន​។ ចង់គណនាថ្ងៃមេជីវិតញីទុំធ្លាក់ […]

ក្មេងលូតលាស់យឺតសំដៅលើក្មេងដែលមានល្បឿនលូតលាស់យឺតជាងក្មេងដែលមានអាយុ ភេទ និងជាតិសាសន៍ដូចគ្នា។ ហេតុអ្វីបានជាក្មេងខ្លះលូតលាស់យឺត? ក្មេងលូតលាស់យឺតអាចបណ្តាលមកពីមូលហេតុជាច្រើន៖ ១. កត្តាតំណពូជ ប៉ាម៉ាក់ ឬតាយាយរបស់អូនតូចមានមាឌតូច ឬកម្ពស់ទាប។ ២. កង្វះអាហារូបត្ថម្ភ កង្វះអាហារូបត្ថម្ភ និង​វិបត្តិចំណង់អាហារ គឺជាមូលហេតុទូទៅនៃការលូតលាស់​យឺត។ ៣. ការប្រើថ្នាំមួយចំនួន ថ្នាំព្យាបាលជំងឺពិបាកផ្ចង់អារម្មណ៍ និងស្រៃ្ពស្តេរ៉ូអ៊ីត​សម្រាប់ជំងឺហឺត​ក៏ធ្វើ​ឱ្យ​ប៉ះពាល់​ដល់ការ​លូតលាស់របស់​កុមារដែរ។ ៤. ភាពតានតឹងផ្លូវចិត្ត វេជ្ជបណ្ឌិត Patel បានលើកឡើងថា “កុមារដែលឆ្លងកាត់សង្គ្រាម គ្រោះទុរ្ភិក្ស ជួបអំពើហិង្សា ឬ​រស់នៅ​ក្នុងបរិយាកាស​ដែលមិនមានការបីបាច់ថែ​រក្សា​ត្រឹមត្រូវ​អាចជួបប្រទះភាព​តានតឹងផ្លូវចិត្ត​ដែល​រារាំងពួកគេមិន​ឱ្យ​លូតលាស់បានល្អ”។ ៥. ជំងឺប្រព័ន្ធអង់ដូគ្រីន កង្វះអ័រម៉ូនលូតលាស់ ខ្សោយក្រពេញទីរ៉ូអ៊ីត និងភាពក្រពេញវ័យក៏ប៉ះពាល់​ដល់ការលូតលាស់​កុមារ​ដែរ។ ៦. ជំងឺរុំារ៉ៃ ជំងឺ​រ៉ាំរ៉ៃដូចជា ជំងឺខ្វះគ្រាប់ឈាមក្រហម ជំងឺហឺត ជំងឺឆ្អឹង ជំងឺ Celiac (ជាជំងឺប្រតិកម្មនឹងការញុំាជាតិ gluten ដែលជាប្រូតេអ៊ីននៅក្នុងពពួកស្រូវសាលី) ជំងឺបេះដូង ជំងឺរលាកពោះវៀនធំ និងជំងឺតម្រងនោមជាដើម សុទ្ធតែអាចប៉ះពាល់​ដល់​ការលូត​លាស់​របស់​ក្មេង​។ ៧. ជំងឺទាក់ទងនឹងហ្សែន ជំងឺ Achondroplasia៖ បណ្តាលឱ្យមានការលូតលាស់ឆ្អឹងខ្ចីមិនធម្មតា​ដែលបណ្តាលឱ្យតឿ ជំងឺខ្យោយបញ្ញាពីកំណើត ជំងឺ Noonan៖  ជាជំងឺដែលរារាំងការលូតលាស់ផ្នែកខ្លះនៃរាងកាយ ជំងឺ Russell-Silver៖ ជំងឺដែលបណ្តាលឱ្យកើតមិនគ្រប់គីឡូ និងមិនអាចលូតលាស់បានល្អ ជំងឺ Turner៖ បញ្ហាក្រូម៉ូសូមដែលប៉ះពាល់តែលើ​ក្មេងស្រី កុមារដែលមានការលូតលាស់យឺតអាចត្រូវធ្វើរោគវិនិច្ឆ័យដោយ៖ ការពិនិត្យរាងកាយ៖ ការថ្លឹងទម្ងន់ និងវាស់កម្ពស់របស់កូនធៀបនឹងតារាងកំណើនកុមារ។ ប្រសិនបើអូនតូចមានទម្ងន់តិចជាង និងមាន​កម្ពស់ទាបជាងតារាងកំណើនកុមារ អូនតូចត្រូវបានគេធ្វើរោគវិនិច្ឆ័យថាមានការលូតលាស់យឺត។ ការធ្វើតេស្តឆ្អឹង៖ គ្រូពេទ្យអាចធ្វើតេស្តឆ្អឹងដោយ​ថតកាំរស្មី X លើដៃ និងកដៃឆ្វេងអូនតូច។ ការធ្វើតេស្តនេះអាចបង្ហាញពីភាពលូតលាស់ឆ្អឹងរបស់អូនតូច។ ការធ្វើតេស្តឈាម៖ […]