backup og meta

៥សំណួរសំខាន់ៗសម្រាប់អ្នកជំងឺទឹកនោមផ្អែមគួរស្វែងយល់

ត្រួតពិនិត្យដោយ វេជ្ជ. ចាន់ ស៊ីណេត · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


អត្ថបទ​ដោយ អឿ អ៊ុយ · កែ May 17, 2023

៥សំណួរសំខាន់ៗសម្រាប់អ្នកជំងឺទឹកនោមផ្អែមគួរស្វែងយល់

ជំងឺទឹកនោមផ្អែម គឺជាជំងឺរ៉ាំរៃ ហើយត្រូវការគ្រប់គ្រងជាតិស្ករជាចាំបាច់ មិនឲ្យខ្ពស់ពេក ឬក៏ទាបពេកនោះទេ មិនដូច្នោះនឹងបង្ក​ការលំបាក ប៉ះពាល់ដល់សុខភាពអ្នកជំងឺ។ ខាងក្រោមជាសំណួរសំខាន់ៗមួយ​ចំនួន​ដែល​អ្នកមាន​ជំងឺ​ទឹក​នោម​ផ្អែម​អាច​ចង់ដឹង​ចម្លើយ​។​

កម្មវិធីពិនិត្យជំងឺបម្រុងទឹកនោមផ្អែមអនឡាញ

ចង់គណនារង្វាស់ចង្វាក់បេះដូង ចុចទីនេះ!

១.តើអ្នកទឹកនោមផ្អែមគួររក្សាកម្រិតជាតិស្ករប៉ុន្មាននៅពេលព្រឹក បន្ទាប់ពីក្រោកពីគេង និងញ៉ាំអាហារ?

កម្រិតជាតិស្ករគោលដៅអ្នកជំងឺទឹកនោមផ្អែមទាំងពីរប្រភេទគ្រប់ពេលគឺចន្លោះ ៨០ ទៅ ១២៥ មិល្លីក្រាម/ដេស៊ីលីត្រ។ ប៉ុន្ដែអ្នកជំងឺភាគច្រើនអាចឡើងខ្ពស់នៅពេលព្រឹក ពិសេសអ្នកជំងឺទឹកនោមផ្អែមប្រភេទ២ ដោយសារតែរាងកាយពេលយប់គ្មានសកម្មភាព បូករួមទាំងបម្រែបម្រួលអ័រម៉ូន និង ការបញ្ចេញអាំងស៊ុយលីន មិនបានល្អ។ ប៉ុន្ដែមិនជាថ្វីនោះទេ ជាតិស្ករនឹងចុះវិញពេលរាងកាយចាប់ផ្ដើមធ្វើចលនា។

មួយវិញទៀត អ្នកជំងឺគួរតែរក្សាគម្លាតពេលវេលាញ៉ាំអាហារពេលព្រឹកឲ្យបាន ១ ឬ២ម៉ោង បន្ទាប់ពីក្រោកពីគេង ដើម្បីរក្សាលំនឹងជាតិស្ករ។

២.ហេតុអ្វីបានជាអ្នកជំងឺទឹកនោមផ្អែមអាចញ៉ាំផ្លែឈើ ដែលមានកាឡូរីខ្ពស់បាន?

មិនខុសទេ អ្នកជំងឺពិតជាអាចញ៉ាំផ្លែឈើដែលមានកាឡូរីខ្ពស់បាន មិនត្រឹមតែប៉ុណ្ណោះសូម្បីផ្លែឈើមានជាតិកាបូអ៊ីដ្រាត ក៏អ្នកជំងឺអាចញ៉ាបានដែរ ឲ្យតែជាផ្លែឈើស្រស់ មិនបានកែច្នៃបន្ថែមរសជាតិផ្អែម។

ផ្លែឈើជាប្រភពសារជាតិចិញ្ចឹម ក្នុងនោះពពួកវីតាមីន ប្រូតេអ៊ីន ជាតិរ៉ែគឺមាននៅក្នុងផ្លែឈើ ជួយឲ្យអ្នកជំងឺមានកម្លាំង សុខភាពល្អ។ ជាតិស្ករក្នុងផ្លែឈើងាយស្រួលបំបែកជាងជាតិស្ករក្នុងអាហារកែច្នៃ ប៉ុន្ដែអ្នកជំងឺក៏មិនត្រូវញ៉ាំច្រើនពេកដែរ គួរ​ញ៉ាំ​ក្នុងបរិមាណសរម្យណាមួយ។

៣.ហេតុអ្វីជើងអ្នកជំងឺមានអាការៈឈឺនៅពេលដើរ ហើយក៏បាត់ទៅវិញពេលអង្គុយចុះ?

ប្រសិនបើអ្នកជំងឺមានអាការៈបែបហ្នឹង គឺជារោគសញ្ញាមួយបង្ហាញថា សុខភាពអ្នកជំងឺកំពុងប្រឈមការកើនឡើងកំណកខ្លាញ់ក្នុងសរសៃឈាម អាចបង្កឲ្យស្ទះសរសៃឈាម មិនអាចបញ្ជូនឈាមបានគ្រប់គ្រាន់។

អ្នកជំងឺអាចឈឺជើងនៅពេលដែលសរសៃឈាមមិនអាចបញ្ជូនឈាមទៅកាន់សាច់ដុំគ្រប់គ្រាន់ ពិសេសនៅពេលអ្នកជំងឹដើរ ហើយវាក៏បាត់ទៅវិញនៅពេលដែល អ្នកជំងឺអង្គុយចុះព្រោះសាច់ដុំមិនត្រូវការលំហូរឈាមច្រើន។

អា​ការៈនេះជារោគសញ្ញាអាចបង្កគ្រោះថ្នាក់ដល់អ្នកជំងឺដូចជា គ្រោះថ្នាក់សរសៃឈាមខួរក្បាល ស្ទះសរសៃ​ឈាម​បេះដូង និង ឡើងអាស៊ីដចុងជើងបណ្ដាលឲ្យជើងអ្នកជំងឺហើម ឬមានដំបៅ។

ហើមជើង

៤.តើការចាក់អាំងស៊ុយលីនអាចបង្កឲ្យអ្នកជំងឺឡើងគីឡូដែរទេ?

ការចាក់អាំងស៊ុយលីនមិនអាចធ្វើឲ្យអ្នកជំងឺឡើងគីឡូនោះទេ ព្រោះការចាក់អាំងស៊ុយលីនគឺដើម្បីជួយគ្រប់គ្រងជាតិស្ករក្នុងឈាម ពិសេសសម្រាប់អ្នកជំងឹទឹកនោមផ្អែមប្រភេទ១។ អាំងស៊ុយលីនត្រូវចាក់ជាប្រចាំនៅពេលជាតិស្ករកើនឡើង ដូច្នេះកុំបារម្ភថាការចាក់អាំងស៊ុយច្រើនអាចបណ្ដាលឲ្យឡើងគីឡូ តែអាចធ្វើឲ្យអ្នកជំងឺប្រឈមការចុះជាតិស្ករខ្លាំង។

អត្ថទ​ពាក់ព័ន្ធ​៖

៥.តើអ្នកជំងឺទឹកនោមផ្អែមអាចផឹកស្រាបានអត់?

អ្នកជំងឹទឹកនោមផ្អែមអាចផឹកស្រាបាន តែ​​ក្នុង​កម្រិត​តិចតួច ឬគួរ​ពិភាក្សា​ជាមួយ​គ្រូពេទ្យមុន​នឹង​ញ៉ាំ​ព្រោះ​ថា​ស្ថានភាព​សុខភាព​អ្នក​ជំងឺ​ម្នាក់ៗ​មិន​ដូច​គ្នា​ទេ​។

សម្រាប់អ្នកទឹកនោមផ្អែមប្រភេទ១ ការផឹកស្រាត្រូវប្រុងប្រយ័ត្ន ត្រូវមានអាហារសម្រាប់ញ៉ាំជាមួយ ព្រោះការផឹកស្រាអាចធ្វើឲ្យអ្នកជំងឺប្រឈមចុះជាតិស្ករក្នុងឈាមខ្លាំង ដូច្នេះអ្នកជំងឺត្រូវតាមដានចំណុចនេះផង។

បដិសេធ

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ត្រួតពិនិត្យដោយ

វេជ្ជ. ចាន់ ស៊ីណេត

· ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


អត្ថបទ​ដោយ អឿ អ៊ុយ · កែ May 17, 2023

advertisement iconផ្សព្វផ្សាយពាណិជ្ជកម្ម

តើអត្ថបទនេះមានប្រយោជន៍ដែរទេ?

advertisement iconផ្សព្វផ្សាយពាណិជ្ជកម្ម
advertisement iconផ្សព្វផ្សាយពាណិជ្ជកម្ម