ការដើរ ក៏ជាការហាត់ប្រាណមួយប្រភេទត្រូវបានរាប់បញ្ចូលក្នុងវិធីសាស្ដ្រនៃការបញ្ចុះជាតិស្ករសម្រាប់អ្នកជំងឺទឹកនោមផ្អែម។ ព្រោះថាការដើរអាចជំរុញឲ្យសាច់ដុំមានចលនា ប្រើប្រាស់ថាមពលទាញយកជាតិស្ករទៅប្រើប្រាស់ ពិសេសក៏ជួយដល់ចរន្ដឈាមដំណើរការបានល្អផងដែរ។
អ្នកជំងឺទឹកនោមផ្អែមដើរបាន២ ទៅ ៥នាទីក្រោយញ៉ាំអាហារក៏ជួយបញ្ចុះជាតិស្ករ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
អ្នកទឹកនោមផ្អែម ឬអ្នកបម្រុងកើតទឹកនោមផ្អែម អាចសាកល្បងអនុវត្ដវិធីនេះបាន គ្រាន់តែចំណាយពេលដើរចន្លោះពី ២ ទៅ ៥នាទីបន្ទាប់ពីញ៉ាំអាហាររួចរាល់ ព្រោះការដើរអាចជួយបង្កើនការរំញោចដំណើរការផលិតអាំងស៊ុយលីនដែលជាអ័រម៉ូនសំខាន់បំផុតក្នុងការដឹកនាំជាតិស្ករបញ្ជូនទៅតាមសរីរាង្គក្នុងរាងកាយ។
ជាក់ស្ដែងណាស់អ្នកជំងឺទឹកនោមផ្អែមប្រភេទ២ មានបញ្ហាចុះខ្សោយការផលិតអាំងស៊ុយលីន ឬផលិតអាំងស៊ុយប្រើការមិនបាន ដែលមិនអាចគ្រប់គ្រងជាតិស្ករក្នុងឈាម។ ដូច្នេះអាចអនុវត្ដវិធីដើរត្រឹមតែ២ ទៅ ៥នាទី បន្ទាប់ពីញ៉ាំអាហារហើយនឹងអាចជួយបញ្ចុះជាតិស្ករ។ ពីព្រោះថា នៅពេលសាច់ដុំធ្វើចលនាគឺត្រូវការថាមពល ហើយថាមពលទាំងនោះគឺបានមកពីជាតិស្ករក្នុងឈាមដែលបានមកពីការបំបែកអាហារយើងបានញ៉ាំ។
សមាគមទឹកនោមផ្អែមអាមេរិកបានបញ្ជាក់ថា ការហាត់ប្រាណមិនថាស្ថិតក្នុងកម្រិតណានោះទេ នៅពេលដែលរាងកាយធ្វើចលនា នោះមានន័យថាសាច់ដុំនឹងត្រូវការទាញយកថាមពលមកប្រើប្រាស់ អាចតិចឬច្រើនអាស្រ័យលើកម្រិតនៃការហាត់ប្រាណ។ ដូច្នេះមិនថាតែការហាត់ប្រាណដែលមានរយៈតិច ឬច្រើននោះទេ ក៏ជួយកាត់បន្ថយជាតិស្ករក្នុងឈាមបានដែរ។
ប្រសិនជាចង់ឲ្យការដើរកាន់តែមានប្រសិទ្ធភាពទៀតនោះគឺគួរតែចំណាយពេលដើរឲ្យបាន ចន្លោះពី ៦០ ទៅ ៩០នាទី បន្ទាប់ពីញ៉ាំបាយហើយ នេះសម្រាប់អ្នកមានជំងឺទឺកនោមផ្អែម បើសម្រាប់អ្នកមានសុខភាពធម្មតាអាចចន្លោះពី ២០ ទៅ ៣០ នាទីបានហើយ។
ការដើរបន្ទាប់ពីញ៉ាំអាហារ ក្រៅតែពីផ្ដល់អត្ថប្រយោជន៍ដល់ការបញ្ចុះជាតិស្ករ នៅមានអត្ថប្រយោជន៍ផ្សេងទៀតដូចជា ជួយសម្រួលដល់សរសៃឈាម បេះដូង ប្រព័ន្ធរំលាយអាហារ និងសុខភាពឆ្អឹង សាច់ដុំផងដែរ។
ដូច្នេះការចំណាយពេលដើរយ៉ាងហោចបាន ២ទៅ ៥នាទី បន្ទាប់ពីញ៉ាំអាហារហើយ ពិតជាផ្ដល់អត្ថប្រយោជន៍ដោយជួយបញ្ចុះជាតិស្ករ ទាំងអ្នកទឹកនោមផ្អែម និងអ្នកមានសុខភាពធម្មតា។
អត្ថបទគួរអាន៖
- ទម្លាប់មិនល្អទាំង៦ បំផ្លាញសុខភាពបេះដូងដោយមិនដឹងខ្លួន
- ខ្វះឈាមទៅចិញ្ចឹមបេះដូង អាចចេញរោគសញ្ញាទាំងនេះ
- ផ្លែឈើទាំង៨មុខនេះ ល្អសម្រាប់សុខភាពបេះដូង
- ឈឺទ្រូងផ្នែកកណ្ដាល ឬខាងឆ្វេង ប្រយ័ត្នជំងឺសរសៃឈាមបេះដូង
- គ្រឿងផ្សំក្នុងអាហារ ៣មុខ អាចធ្វើឲ្យបេះដូងលោតខុសធម្មតា
- ធ្វើការពីផ្ទះ មុខកុំព្យូទ័រយូរម៉ោង អាចប្រឈមជំងឺបេះដូង
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម