តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

អ្នកជំងឺទឹកនោមផ្អែមប្រភេទ២ ឡើងជាតិស្ករពេលព្រឹកគួរធ្វើបែបណា?

    អ្នកជំងឺទឹកនោមផ្អែមប្រភេទ២ ឡើងជាតិស្ករពេលព្រឹកគួរធ្វើបែបណា?

    អ្នកជំងឺទឹកនោមផ្អែមប្រភេទ២ ភាគច្រើនតែងឡើងជាតិស្ករក្នុងឈាមខ្ពស់នៅពេលព្រឹក ដែលជារឿងមួយគួរព្រួយបារម្ភ។ តើហេតុអ្វីបានជាជាតិស្ករក្នុងឈាមកើនឡើងខ្ពស់នៅពេលព្រឹក ? មូលហេតុ​មួយ​ចំនួន​អាច​បណ្ដាល​ឲ្យ​អ្នក​ជំងឺ​ទឹក​នោម​ផ្អែម​ប្រភេទ២ អាច​ប្រឈម​នឹង​បញ្ហាឡើង​ជាតិ​ស្ករ​នៅ​ពេល​​ព្រឹក​នេះ។​

    ចង់គណនា BMR ចុចទីនេះ!
    ចង់គណនា BMI ចុចទីនេះ!
    ចង់គណនារង្វាស់ចង្វាក់បេះដូង ចុចទីនេះ!
    ចង់ពិនិត្យសុខភាពប្រព័ន្ធរំលាយអាហារ ចុចទីនេះ!

    ១.កត្ដាបម្រែបម្រួលអ័រម៉ូន

    ការកើនឡើងនៃអ័រម៉ូន cortisol អាចកើតមាននៅពេលព្រឹកព្រលឹម ចន្លោះពីម៉ោង ២ព្រឹកដល់ម៉ោង ៨ព្រឹក​ខណៈ​​ដែល​រាងកាយកំពុងសម្រាក។ ការបញ្ចេញអ័រម៉ូន cortisol នឹងរំញោចដល់មុខងារថ្លើមបញ្ចេញជាតិស្ករជំរុញឲ្យរាង​កាយមានថាមពលនិងភ្ញាក់ពីគេង។ ដំណើរការនេះនឹងធ្វើឲ្យលំពែងបញ្ចេញអ័រម៉ូនអាំង​ស៊ុយ​លីន ដើម្បីគ្រប់គ្រងកម្រិតជាតិស្ករ ប៉ុន្ដែក្នុងករណីអ្នកកើតជំងឺទឹកនោមផ្អែម ដែលលំពែង​មិនអាចផលិតអាំងស៊ុយលីនបានគ្រប់គ្រាន់ ឬអាំងស៊ុយលីនមិនអាចប្រើការបាន(ស៊ាំនឹងអាំងស៊ុយ​លីន) នោះ​បណ្ដាលឲ្យជាតិស្ករក្នុងឈាមកើនឡើងបាន។ ករណីនេះអាចកើតមានចំពោះអ្នកកើតទឺកនោមផ្អែមប្រភេទ​២​ច្រើន ជាងប្រភេទ១។

    ២.ថយចុះអ័រម៉ូនអាំងស៊ុយលីន

    អ្នកកើតទឹកនោមផ្អែមប្រភេទ២ កម្រិតអាំងស៊ុយលីននៅពេលយប់នឹងមានការថយចុះ ក្នុងករណីនេះរាងកាយនឹងប្រឈមខ្វះអាំងស៊ុយលីនដើម្បីគ្រប់គ្រងកម្រិតជាតិស្ករក្នុងឈាម ជាហេតុបណ្ដាលឲ្យជាតិស្ករកើនឡើងបានរហូតដល់ពេលព្រឹក។

    ដោយឡែកមួយទៀតនៅពេលដែលរាងកាយពេលយប់កំពុងសម្រាក គ្មានសកម្មភាពផ្សេងៗ ជាតិស្ករដែលជាថាមពលបំបែកចេញពីរបបអាហារ ដែលបានញ៉ាំពេលល្ងាចនឹងមិនអាចបញ្ចេញប្រើប្រាស់អស់ទាំងស្រុងនោះទេ ទើបអាចបណ្ដាលឲ្យជាតិស្ករកើនឡើងបានដែរ។

    ៣.ការប្រើប្រាស់អាំងស៊ុយលីនលើសកម្រិត

    ករណីនេះអាចថាជាករណីកម្រ នៅពេលដែលអ្នកជំងឺទឹកនោមផ្អែមទាំងពីរប្រភេទបានប្រើប្រាស់វិធីគ្រប់គ្រងកម្រិតជាតិស្ករលើសកម្រិត។ ការ​ប្រើ​ប្រាស់​ថ្នាំបញ្ចុះជាតិស្ករ ឬចាក់អាំងស៊ុយលីនលើសកម្រិតអាចបណ្ដាលឲ្យជាតិស្ករថយចុះខ្លាំង នឹងជំរុញឲ្យថ្លើម​ខំផលិតជាតិស្ករឡើងវិញកាន់តែខ្លាំងដែរ ដើម្បីរក្សាលំនឹងជាតិស្ករក្នុងឈាម។ កត្ដានេះអាច​បណ្ដាលឲ្យជាតិស្ករក្នុង​ឈាម ងាយកើនឡើងផងដែរ។

    ការកើនឡើងជាតិស្ករក្នុងឈាមពេលព្រឹកបង្ហាញអាការៈបែបណា?

    ក្នុងករណីដែលអ្នកជំងឺទឹកនោមផ្អែមបានតាមជាតិស្កររាល់ព្រឹក វាអាចធ្វើឲ្យយើងសម្គាល់ដឹង និងគ្រប់គ្រងរោគសញ្ញាបានល្អ ប៉ុន្ដែក្នុងករណីដែលមិនបានតាមដានជាប្រចាំ នោះអ្នកជំងឺនឹងប្រឈមកើតមានរោគសញ្ញាដូចជា ឈឺនោមញឹក ស្រេកទឹកខ្លាំង ញ៉ាំច្រើន និង ព្រិលភ្នែក ក្នុងករណីខ្លះឈានដល់ការវិលមុខទៀត​ផង។

    ទឹកនោមផ្អែម

    តើគួរធ្វើបែបណាដើម្បីគ្រប់គ្រងជាតិស្ករពេលព្រឹកបានល្អ?

    ជាទូទៅកម្រិតជាតិស្ករគោលដៅក្នុងឈាមពេលព្រឹកមុនពេលញ៉ាំអាហារពេលព្រឹក ចន្លោះពី ៧០ ទៅ១២០ ឬករណីខ្លះអាចឡើងដល់ ១៨០មិល្លីក្រាម ក្នុងមួយដេស៊ីលីត្រឈាម។ ការគ្រប់គ្រងកម្រិតជាតិស្ករក្នុងឈាម ជារឿងចាំបាច់សម្រាប់អ្នកកើតទឹកនោមផ្អែម។ ខាងក្រោមគឺជាការណែនាំអំពីការគ្រប់គ្រងកម្រិតជាតិស្ករពេលព្រឹកឲ្យបានល្អ៖

    • ត្រូវត្រួតពិនិត្យកម្រិតជាតិស្ករមុនពេលចូលគេង
    • ត្រូវញ៉ាំអាហារឲ្យបានយ៉ាងហោចមុន ២ម៉ោងមុនពេលគេង
    • កំណត់បរិមាណនៃការញ៉ាំអាហារតិចល្មម
    • ហាត់ប្រាណឲ្យបានទៀងទាត់រាល់ពេលល្ងាចឬ ពេលព្រឹក
    • ក្នុងករណីភ្ញាក់ពេលយប់ចន្លោះពីម៉ោង ២ ដល់ម៉ោង ៨​ព្រឹក ត្រូវតេស្ដជាតិស្ករ
    • ត្រូវប្រើប្រាស់ថ្នាំបញ្ចុះជាតិស្ករតាមការណែរនាំរបស់គ្រូពេទ្យ

    អត្ថបទគួរអាន៖

    health-tool-icon

    គណនា BMI

    ប្រើ​រង្វាស់សុខភាព​BMI ដើម្បី​គណនា​រាងកាយ ទម្ងន់ និង​កម្ពស់​សមសួន និង​សុខភាព​ល្អ

    ប្រុស

    ស្រី

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    រូបថត​របស់​អ្នក​និពន្ធbadge
    ដោយ អឿ អ៊ុយ កែសម្រួល​ចុងក្រោយ 7 ថ្ងៃកន្លងទៅ
    ត្រួតពិនិត្យដោយ វេជ្ជ. ចាន់ ស៊ីណេត
    Next article: