អាហារញ៉ាំប្រចាំថ្ងៃមួយចំនួនអាចធ្វើឲ្យយើងប្រឈមនឹងជំងឺមហារីកពោះវៀនធំបាន។ អាហារដូចជាសាច់ក្រហម និងសាច់កែច្នៃ ជាមូលហេតុបង្កជំងឺមហារីកពោះវៀនធំក្នុងកម្រិតខ្ពស់។ តើហេតុអ្វីបានជាសាច់រសជាតិឆ្ងាញ់សម្រាប់អ្នកចូលចិត្តទាំងនោះជាមូលហេតុបង្កទុក្ខទោសទៅវិញ?
សាច់ពីរប្រភេទនេះ អាចបង្កហានិភ័យជំងឺមហារីកពោះវៀនធំ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១. អ្វីជាជំងឺមហារីកពោះវៀនធំ?
មហារីកពោះវៀនធំគឺជាមហារីកកើតឡើងលើសរីរាង្គពោះវៀនធំដែលជាផ្នែកចុងក្រោយនៃផ្លូវរំលាយអាហាររបស់យើង។ ភាគច្រើននៃជំងឺនេះគឺចាប់ផ្ដើមពីសាច់ដក់នៅតាមប្រហោងពោះវៀនដែលយូរៗទៅវិវត្តទៅជាជំងឺមហារីកបាន។
កម្មវិធីពិនិត្យជំងឺមហារីកពោះវៀនធំអនឡាញ
២. សាច់ក្រហមនិងសាច់កែច្នៃ
គ្នាយើងទំនងជាមិនបានដឹងទេថា ការញ៉ាំសាច់ក្រហមច្រើនជាង៧០០ក្រាមក្នុងមួយសប្ដាហ៍ជាកត្តាបង្កឲ្យមានហានិភ័យកាន់តែខ្ពស់ក្នុងការកើតជំងឺមហារីកពោះវៀនធំ។ ដូចគ្នាដែរ ហានិភ័យកើតជំងឺ មហារីកពោះវៀនអាចកើតមានដល់ទៅ១,៨ដង រាល់ការញ៉ាំអាហារកែច្នៃ ៥០ក្រាមក្នុងមួយថ្ងៃ។
សាច់ក្រហមមានទាំងសាច់គោ សាច់ចៀមនិងសាច់ជ្រូក។ ចំណែកសាច់កែច្នៃ មានដូចជាសាច់ជ្រូកបីជាន់ bacon សាច់ ham សាច់ក្រក និងHot dog ជាដើម។
ការសិក្សាថ្មីៗនេះបានរកឃើញពីសារធាតុគីមីជាក់លាក់មួយចំនួននៅ ក្នុងសាច់ក្រហម និងសាច់កែច្នៃ។ អាហារពីរប្រភេទនេះ មានទាំងសារធាតុគីមីកើតឡើងដោយការបន្ថែមក្រៅ និងសារធាតុគីមីដែលកើតឡើងដោយធម្មជាតិ ដែលសារធាតុទាំងនេះហើយ ធ្វើឲ្យអ្នកញ៉ាំងាយកើតជំងឺមហារីក។
ដូចជាសារធាតុគីមីមួយប្រភេទឈ្មោះថា Haem ត្រូវបំបែកក្នុងពោះវៀន ហើយសារធាតុគីមី N-nitroso ក៏បានកើតឡើង ដែលសារធាតុនេះត្រូវបានគេរកឃើញថាអាចបំផ្លាញដល់កោសិកានៅក្នុងពោះវៀន ជាហេតុនាំឲ្យកើតជំងឺមហារីកបាន។
សារធាតុគីមីដូចគ្នានេះ ក៏កើតមាននៅពេលសាច់កែច្នៃត្រូវបានរំលាយក្នុងប្រព័ន្ធរំលាយអាហារដែរ។ បន្ថែមពីនេះ សារធាតុនីទ្រីត និងនីត្រាត ត្រូវបានគេបន្ថែមដើម្បីរក្សាគុណភាពផលិតផលសាច់កែច្នៃ ដែលអាចបង្កើតបានជា សារធាតុគីមី N-nitroso ដែរ ដែលសារធាតុនេះហើយអាចបង្កឲ្យកើតជំងឺមហារីកពោះវៀន។
សារធាតុគីមីទាំងអស់នេះអាចបំផ្លាញកោសិកានៅក្នុងពោះវៀនធំ និងកោសិកានៅចុងពោះវៀនធំ។ ការខូចខាតនេះកើតមានកាន់តែយូរ កត្តាប្រឈមកើតជំងឺមហារីកក៏កាន់តែខ្ពស់ដែរ។
កម្មវិធីពិនិត្យជំងឺបម្រុងទឹកនោមផ្អែមអនឡាញ
កម្មវិធីពិនិត្យបញ្ហាលិង្គមិនឡើងរឹងអនឡាញ
៣. វិធីបន្ថយហានិភ័យ
ដើម្បីបន្ថយហានិភ័យជំងឺមហារីកពោះវៀនធំ គ្នាយើងមិនគួរញ៉ាំសាច់ក្រហមលើស ម្ដងក្នុងមួយសប្ដាហ៍ ឯសាច់កែច្នៃមិនលើសពី ៤ដងក្នុងមួយសប្ដាហ៍ទេ។ ការកាត់បន្ថយការញ៉ាំសាច់ក្រហម និងសាច់កែច្នៃ នឹងជួយកាត់បន្ថយហានិភ័យកើតជំងឺមហារីកពោះវៀនធំ។
ដូចគ្នាដែរយើងគួរញ៉ាំគ្រប់ធញ្ញជាតិ និងអាហារធ្វើពីទឹកដោះ ដើម្បីជួយកាត់បន្ថយហានិភ័យកើតជំងឺមហារីកពោះវៀនធំ។ អាហារមានជាតិសរសៃខ្ពស់ក្នុង បន្លែ និងផ្លែឈើ តាមការសិក្សាថាមានទំនាក់ទំនងតិចតួចក្នុងក្នុងការចូលរួមកាត់បន្ថយហានិភ័យជំងឺមួយនេះ តែថាយើងមិនអាចរំលងបន្លែ និងផ្លែឈើពីរបបអាហារបាននោះទេ។
គួរស្វែងយល់ពីបញ្ហាពោះវៀនធំច្រើនទៀត៖
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម