តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

ស្រ្តីមានដៃគូរួមភេទហើយ អាចចាក់វ៉ាក់សាំងបង្ការមហារីកមាត់ស្បូនបានអត់?

    ស្រ្តីមានដៃគូរួមភេទហើយ អាចចាក់វ៉ាក់សាំងបង្ការមហារីកមាត់ស្បូនបានអត់?

    វ៉ាក់សាំងបង្ការមហារីកមាត់ស្បូន ឬវ៉ាក់សាំង HPV អាចការពារស្រ្តីពីការឆ្លងវីរុស HPV ដែលឆ្លង​តាម​រយៈការរួមភេទ និងជាមូលហេតុចម្បងដែល​​​បង្កឱ្យស្រ្តីកើតមហារីកមាត់ស្បូន។ ក្មេងស្រី​ជំទង់​ដែល​មិន​ទាន់មាន​ដៃគូរួមភេទត្រូវបានលើកទឹកចិត្តឱ្យចាក់វ៉ាក់សាំងនេះដើម្បីការពារមហារីកមាត់ស្បូន។ ចុះ​ស្រ្តីដែលមានដៃគូរួមភេទហើយអាចវ៉ាក់សាំងបង្ការមហារីក​​​មាត់ស្បូនបានដែរឬទេ?

    ទាក់ទងនឹងចម្ងល់នេះ សាស្ត្រាចារ្យវេជ្ជបណ្ឌិត គាន់ អូន ឯកទេសសម្ភព និងរោគស្ត្រី និង​ជា​ប្រធាន​មន្ទីរពហុព្យាបាល និងសម្ភពត្បូងពេជ្រ បានស្រាយ​បំភ្លឺថា ជាទូទៅក្មេងស្រីវ័យជំទង់អាយុចាប់ពី ៩ ទៅ ១៤ ឆ្នាំត្រូវចាក់​វ៉ាក់សាំងបង្ការមហារីកមាត់ស្បូន ២ ដង និងស្រ្តី​ដែលមាន​អាយុ​ចាប់ពី ១៥ ឆ្នាំឡើងទៅដែលមិនទាន់រួមភេទត្រូវចាក់វ៉ាក់សាំងបង្ការមហារីកមាត់ស្បូន ៣ ដង។

    ចំណែកឯស្រ្តីដែលមានដៃគូរួមភេទហើយ មិនថាមានអាយុក្រោម ឬលើ ១៨ ឆ្នាំទេចាំបាច់​ត្រូវចាក់​វ៉ាក់សាំងបង្ការមហារីកមាត់ស្បូន ៣ ដងដែរ ព្រោះ​ស្រ្តីដែលមាន​ដៃគូរួមភេទហើយ​ប្រឈម​នឹង​ការកើត​មហារីកមាត់ស្បូនខ្ពស់ដោយសារអាចឆ្លងវីរុស HPV តាមរយៈការរួមភេទ។

    យ៉ាងណាលោក​ថា មុននឹងចាក់វ៉ាក់សាំងបង្ការមហារីកមាត់ស្បូនសម្រាប់​ស្រ្តី​មាន​ដៃគូ​រួមភេទ​ គ្រូពេទ្យត្រូវធ្វើតេស្តរកវីរុស HPV និងតេស្តកៀស​កោសិកាមាត់ស្បូនដើម្បីរកមហារីកមាត់ស្បូន​ជាមុនសិន។

    ប្រសិនបើស្រ្តីដែល​មានដៃ​គូរួម​ភេទ​ហើយឆ្លងវីរុស HPV ឬមានកោសិកាមាត់ស្បូនដែលមានបំរែបំរួលបម្រុងក្លាយជាមហារីក គ្រូពេទ្យ​នឹងធ្វើការព្យាបាលជំងឺ HPV ឬកោសិកាមាត់ស្បូនឱ្យជាសះស្បើយសិន ទើបអាចចាក់​​វ៉ាក់សាំង​​បង្ការ​មហារីកមាត់ស្បូនឱ្យបាន​។

    តេស្តកៀសកោសិកាមាត់ស្បូន

    ចង់ពិនិត្យជំងឺមហារីកសុដន់ ចុចទីនេះ!
    ចង់ពិនិត្យជំងឺមហារីកមាត់ស្បូន ចុចទីនេះ!
    ចង់ពិនិត្យជំងឺមហារីកក្រពេញអូវែ ចុចទីនេះ!
    ចង់ពិនិត្យជំងឺមហារីកសួត ចុចទីនេះ!

    ផ្ទុយមកវិញ ក្រោយពីការធ្វើតេស្ត បើស្រ្តីដែលមានដៃគូរួមភេទហើយអត់មានឆ្លងវីរុស HPV ឬមិន​មាន​កោសិកាមាត់ស្បូនដែលមាន​បំរែបំរួល​បម្រុងក្លាយជាមហារីកទេ គ្រូពេទ្យនឹងធ្វើការ​ចាក់វ៉ាក់សាំង​បង្ការ​មហារីក​មាត់ស្បូនឱ្យតែម្តង។

    សាស្ត្រាចារ្យ វេជ្ជបណ្ឌិតរូបនេះក៏បានបន្ថែមថា វ៉ាក់សាំងបង្ការជំងឺមហារីក​មាត់ស្បូន​អាចការពារ​បាន​តែប្រភេទវីរុស HPV ១៦ និង ១៨ ប៉ុណ្ណោះ ប៉ុន្តែវីរុស HPV មានទាំងអស់ប្រហែលជា ២០០ ប្រភេទ​ដែល​អាចបង្ក​ឱ្យ​ស្រ្តីកើតមហារីកមាត់ស្បូន ហើយមហារីកមាត់ស្បូនមាន ៤ ទៅ ៥ ប្រភេទឯណោះ គ្រាន់តែ​ជាទូទៅមហារីកមាត់ស្បូនបង្កឡើងដោយវីរុស HPV ១៦ និង ១៨ ច្រើន​ជាង​គេ។

    health-tool-icon

    គណនា BMR

    ប្រើប្រាស់​រង្វាស់​សុខភាព - អត្រាដុតកាឡូរី ដើម្បី​កំណត់ និង​​ដឹង​ពី​បរិមាណ​កាឡូរី​ដុត​សមស្របបំផុត​ទៅ​តាម កម្ពស់ ទម្ងន់ អាយុ និង​សកម្មរាងកាយ​នានា

    ប្រុស

    ស្រី

    វីរុស HPV ផ្សេងទៀតក៏អាចបណ្តាលឱ្យស្ត្រីកើតមហារីកមាត់ស្បូនដែរ គ្រាន់តែអត្រាប្រឈមទាប។ ទោះបីជាស្រ្តីបានចាក់វ៉ាក់សាំងបង្ការជំងឺមហារីកមាត់ស្បូនហើយក៏ដោយ ក៏ស្រ្តីចាំបាច់ទៅ​ធ្វើ​តេស្ត​រកកោសិកាមហារីកមាត់ស្បូនឱ្យបានទៀតទាត់ដែរ ព្រោះស្រ្តីដែលបានចាក់វ៉ាក់សាំងបង្ការ​មហារីកមាត់ស្បូន​បន្ថយហានិភ័យខ្ពស់ក្នុងការកើតមហារីកមាត់ស្បូនក៏ពិតមែន តែមិនមែនមានន័យថា ស្រ្តីលែង​កើតជំងឺ​​មហារីក​មាត់ស្បូនទេ។

    អត្ថបទគួរអាន៖

    ចំំណុចសំខាន់

    ការចាក់វ៉ាក់សាំងបង្ការមហារីកមាត់ស្បូន៖
    • ក្មេងស្រីវ័យជំទង់អាយុចាប់ពី ៩ ទៅ ១៤ ឆ្នាំត្រូវចាក់វ៉ាក់សាំងបង្ការមហារីកមាត់ស្បូន ២ ដង
    • ស្រ្តីដែលមានអាយុចាប់ពី ១៥ ឆ្នាំឡើងទៅដែលមិនទាន់រួមភេទ​ត្រូវចាក់វ៉ាក់សាំងបង្ការ​មហារីកមាត់​ស្បូន ៣ ដង
    • ស្រ្តីដែលមានដៃគូរួមភេទហើយត្រូវចាក់វ៉ាក់សាំងបង្ការមហារីកមាត់ស្បូន ៣ ដង តែត្រូវធ្វើ​តេស្ត​រក​វីរុស HPV និងតេស្តកៀរកោសិកាមាត់ស្បូនសិន

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    រូបថត​របស់​អ្នក​និពន្ធbadge
    ដោយ សុខ វណ្ណ កែសម្រួល​ចុងក្រោយ 13/04/2022
    ត្រួតពិនិត្យដោយ គ្រូពេទ្យឯកទេស. សាស្ត្រាចារ្យវេជ្ជបណ្ឌិត គាន់ អូន
    Next article: