ស្ត្រីដែលមាន«ជំងឺឈាមក្រកក (Hemophilia)» ឬហៅថាជំងឺឈាមរាវ មិនគួរមានផ្ទៃពោះឡើយ ព្រោះថាពេលសម្រាលងាយប្រឈមមុខនឹងគ្រោះថ្នាក់ខ្លាំងណាស់។ នេះជាការលើកឡើងរបស់លោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅ។
ចង់មានកូន តែបើម៉ាក់ណាមានជំងឺនេះគួរកុំអីល្អជាង
ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
លោកបានបន្តថា មនុស្សស្រីដែលមានគ្រួសារ គួរតែពិនិត្យឈាម ដើម្បីស្វែងរកជំងឺវិបត្តិកំណកឈាមជាមុនសិន និងឆែកមើលបញ្ហាសុខភាពដទៃទៀត ហើយបើរកឃើញមានជំងឺប្រភេទនេះ យើងគួរតែផ្អាកគម្រោងចង់បានកូន ព្រោះមិនអាចសម្រាលបានដោយសុវត្ថិភាពឡើយ។ ប្រសិនបើស្ត្រីមានជំងឺ «ឈាមក្រកក» ពេលសម្រាលកូន អត្រាគ្រោះថ្នាក់មានភាគរយខ្ពស់ ងាយប្រឈមនឹងការហូរឈាមមិនឈប់នៅពេលសម្រាលកូន។
ចំពោះបញ្ហាដែលធ្វើឲ្យស្ត្រីកើតជំងឺកម្រមួយនេះ គឺដោយសារតែកត្តាតំណពូជ ហើយរោគសញ្ញាវិញគឺគ្មានអ្វីជាក់លាក់នោះទេ គ្រាន់តែអាចសម្គាល់បានតាមរយៈស្បែកងាយជាំ ហើម អាចស្លេកស្លាំង ពេលប៉ះទង្គិច ឬបុកអ្វីមួយ និងមិនងាយបាត់ទៅវិញ។ ប្រសិនបើពេលមានរបួសតិចតួចដូចជាមុត ឬឆ្កូតស្បែក គឺងាយហូរឈាមមិនឈប់។ ជំងឺនេះ មិនអាចព្យាបាលឲ្យជាសះស្បើយបានឡើយ តែគេអាចបង្ការ និងទប់ស្កាត់បានតាមវិធីមួយចំនួន ប្រសិនបើដឹងមុន។
សម្រាប់អ្នកដែលដឹងថាខ្លួនមានជំងឺនេះ គួរតែបង្កើនការប្រុងប្រយ័ត្នឲ្យបានខ្ពស់ ព្រោះបើមានរបួសធ្ងន់ធ្ងរ និងគ្មានការជួយសង្គ្រោះពីអ្នកជំនាញត្រឹមត្រូវ អាចហូរឈាមរហូតដល់ខ្សោះពីខ្លួន និងប៉ះពាល់ដល់អាយុជីវិត។ ដូចនេះហើយបានជាគេហាមមិនឲ្យស្ត្រីកើតជំងឺនេះមានកូន ព្រោះពេលសម្រាលមិនថាមធ្យោបាយណាធម្មជាតិ ឬសម្រាលដោយវះកាត់សុទ្ធតែគ្រោះថ្នាក់។
អ្នកដែលកើតជំងឺនេះមានផលប៉ះពាល់មួយចំនួនដូចជា បាក់ទឹកចិត្តក្នុងការរស់នៅ ព្រោះគិតថាពេលចាស់ទៅខ្លួនកំព្រាឯកា គ្មានកូនចៅមើលថែ។
អាន៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម