នេះជាសញ្ញាខ្វះជាតិអ៊ីយ៉ូត អាហារទាំងនេះអាចបំពេញ​បាន

    នេះជាសញ្ញាខ្វះជាតិអ៊ីយ៉ូត អាហារទាំងនេះអាចបំពេញ​បាន

    កង្វះជាតិអ៊ីយ៉ូតអាចបង្កឱ្យក្រពេញទីរ៉ូអ៊ីតអសកម្ម។ រាងកាយរបស់យើងត្រូវការអ៊ីយ៉ូតដើម្បីផលិតអ័រម៉ូនទីរ៉ូអ៊ីតដែលមានឥទ្ធិពលលើការបំប្លែងអាហារ គ្រប់គ្រងមុខងារខួរក្បាល សរសៃប្រសាទ និងឆ្អឹង។ ចុះមានរឿងអ្វីកើតឡើង ប្រសិនបើរាងកាយ​យើង​ខ្វះជាតិអ៊ីយ៉ូត? យើងអាចបំពេញជាតិអ៊ីយ៉ូតតាមរយៈអាហារអ្វីខ្លះ?

    ប្រសិនបើរាងកាយ​យើង​ខ្វះជាតិអ៊ីយ៉ូត អាច​មាន​អាការៈ​ដូចជា៖

    យើងអាចទទួលបានជាតិអ៊ីយ៉ូតពីអាហារមួយចំនួនដូចជា៖

    ១. សារាយសមុទ្រ

    សារាយសមុទ្រមិនត្រឹមតែមានផ្ទុកជាតិអ៊ីយ៉ូតខ្ពស់ទេ ថែមទាំងសម្បូរទៅដោយសារធាតុប្រឆាំង​អុកស៊ីតកម្ម វីតាមីន និងរ៉ែជាច្រើនប្រភេទទៀត។

    ២. គ្រឿងសមុទ្រ

    គ្រឿងសមុទ្រដូចជា ក្តាម បង្គា បង្កង គ្រំ អយស្ទ័រ ជាដើមសម្បូរទៅដោយ​​ជាតិអ៊ីយ៉ូត ហើយ​ថែម​ទាំង​មានផ្ទុកប្រូតេអ៊ីន កាល់ស្យូម និងវីតាមីនជាច្រើនប្រភេទទៀតផង។

    ៣. ដំឡូងបារាំង

    ដំឡូងបារំាងសម្បូរទៅដោយសារធាតុចិញ្ចឹមចាំបាច់ដូចជា វីតាមីន ជាតិសរសៃ ប៉ូតាស្យូម និង​ជាតិ​អ៊ីយ៉ូត។ ក្នុងដំឡូងបារំាងមួយមើមមានផ្ទុកជាតិអ៊ីយ៉ូតប្រហែល ៦០ មីក្រូក្រាមដែលស្មើនឹង ៤០% នៃជាតិអ៊ីយ៉ូតប្រចាំ​ថ្ងៃដែលយើងគួរញុំា។

    ៤. ចេក

    ការ​ញ៉ាំ​ចេកអាចផ្តល់ថាមពលដល់យើង​លឿន ព្រោះចេកសម្បូរទៅដោយ​ប៉ូតាស្យូម។ លើស​ពី​នេះ​ទៅទៀត ក្នុងចេកមួយផ្លែមានផ្ទុកជាតិអ៊ីយ៉ូត ៣ មីក្រូក្រាម។

    ចេក

    ចង់គណនា BMI ចុចទីនេះ!

    ចង់គណនា BMR ចុចទីនេះ!

    ចង់ពិនិត្យជំងឺសរសៃឈាមបេះដូង ចុចទីនេះ!

    ចង់គណនារង្វាស់ចង្វាក់បេះដូង ចុចទីនេះ!

    ៥. អំបិលមានលាយជាតិអ៊ីយ៉ូត

    យើងគួរប្រើអំបិលមានលាយជាតិអ៊ីយ៉ូតក្នុងអាហារព្រោះក្នុងអំបិលមួយក្រាមមានជាតិអ៊ីយ៉ូតប្រហែល ៧៧ មីក្រូក្រាម។

    ៦. ដំណាប់ផ្លែផ្លាម

    ការញុំាដំណាប់ផ្លែផ្លាម ៥ គ្រាប់ក្នុងមួយថ្ងៃ គឺគ្រប់គ្រាន់ហើយ ព្រោះក្នុងដំណាប់ផ្លែផ្លាម ៥ គ្រាប់​មាន​ផ្ទុកជាតិអ៊ីយ៉ូតប្រហែល ១៣​ មីក្រូក្រាម។ ម្យ៉ាងទៀត ដំណាប់ផ្លែផ្លាមក៏ផ្ទុកទៅដោយវីតាមីន ជាតិ​សរសៃ និងសារធាតុរ៉ែជាច្រើនទៀត។

    ៧. ស៊ុត

    ក្នុងស៊ុតមួយគ្រាប់អាចមានជាតិអ៊ីយ៉ូនប្រហែល ២៤ មីក្រូក្រាម។ លើស​ពីនេះទៅទៀត ស៊ុត​មាន​ផ្ទុក​សារធាតុចិញ្ចឹមជាច្រើនដូចជា ជាតិដែក ហ្វូឡាត វីតាមីន B12 វីតាមីន D វីតាមីន E និង​ប្រូតេអ៊ីន​ជា​ដើម។

    ៨. ផលិតផលទឹកដោះ

    ផលិតផលទឹកដោះគោដូចជា ទឹកដោះគោ យ៉ាអួរ និងឈឺស ជាដើមមានផ្ទុកជាតិអ៊ីយ៉ូត ប៉ុន្តែកម្រិត​ជាតិ​អ៊ីយ៉ូតអាស្រ័យទៅលើចំណីដែលគេផ្តល់​ឱ្យ​គោស៊ី​ដើម្បី​ផលិត​ទឹកដោះ​។ ម្យ៉ាងទៀត ផលិតផលទឹកដោះក៏​មាន​ផ្ទុក​វីតាមីន D និងកាល់ស្យូម​ដែរ។

    កង្វះជាតិអ៊ីយ៉ូតធ្ងន់ធ្ងរអាចបណ្តាលឱ្យយើងមានជំងឺពកក ឬក្រពេញ​ទីរ៉ូអ៊ីតរីកធំ ប៉ុន្តែ​យើង​ក៏មិន​អាច​ញុំាជាតិអ៊ីយ៉ូតច្រើនដែរ។ ជាទូទៅ ជាតិអ៊ីយ៉ូតប្រចាំថ្ងៃសម្រាប់កុមារអាយុ ១-៨ ឆ្នាំ គឺ ៩០ មីក្រូក្រាម កុមារអាយុ ៩-១៣ ឆ្នាំ ១២០ មីក្រូក្រាម បុរស និងស្ត្រីពេញវ័យ ១៥០ មីក្រូក្រាម ម៉ាក់ៗ​ពពោះ ២២០ មីក្រូក្រាម និងម៉ាក់ៗបំបៅដោះ ២៩០ មីក្រូក្រាម។

    អត្ថបទគួរអាន៖

    ចំណុចសំខាន់

    ១. កង្វះជាតិអ៊ីយ៉ូតអាចបណ្តាលឱ្យយើងមានអាចអាការៈដូចជា៖
    • អស់កម្លាំង
    • ខ្សោយសាច់ដុំ
    • ឡើងទម្ងន់
    • រៀនមិនចេះ ឬពិបាកចងចាំ
    • ទល់លាមក
    • ចង្វាក់បេះដូងលោតយឺត ឬខ្សោយ
    • ស្បែក​ស្ងួត
    • ជ្រុះសក់
    • មុខហើម
    • មានអារម្មណ៍ត្រជាក់
    ២. យើងអាចទទួលបានជាតិអ៊ីយ៉ូតពីអាហារមួយចំនួនដូចជា សារាយសមុទ្រ គ្រឿងសមុទ្រ ដំឡូងបារាំង ចេក
    អំបិលមានលាយជាតិអ៊ីយ៉ូត ដំណាប់ផ្លែផ្លាម ស៊ុត និង លិតផលទឹកដោះ

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ត្រួតពិនិត្យដោយ

    វេជ្ជ. ចាន់ ស៊ីណេត

    · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


    អត្ថបទ​ដោយ សុខ វណ្ណ · កែ 17/03/2022

    ផ្សព្វផ្សាយពាណិជ្ជកម្ម
    ផ្សព្វផ្សាយពាណិជ្ជកម្ម
    ផ្សព្វផ្សាយពាណិជ្ជកម្ម
    ផ្សព្វផ្សាយពាណិជ្ជកម្ម