របបអាហារ

ប្រូតេអ៊ីន​អាច​ជួយសម្រក​ទម្ងន់​ និង​ជួយ​ឲ្យ​យើង​ឆ្អែត​បាន​យូរ​ទៀត​ផង។ ប៉ុន្តែ​យើង​ត្រូវ​ជ្រើសរើស​ប្រូតេអ៊ីន​ឲ្យ​បាន​ត្រឹមត្រូវ និង​ញ៉ាំ​ក្នុង​កម្រិត​ត្រឹមត្រូវ​ដើម្បី​ទទួល​បាន​ប្រយោជន៍​ដល់​សុខភាព។ ១. គ្រឿង​សមុទ្រ គ្រឿងសមុទ្រ​ជា​ប្រភព​នៃ​ប្រូតេអ៊ីន​ព្រោះ​គ្រឿង​សមុទ្រ​មាន​ជាតិ​ខ្លាញ់​ទាប។ ដោយ​ឡែក​ត្រី​សាល់ម៉ុន​គឺ​មាន​ជាតិ​ខ្លាញ់​រាង​ច្រើន​បន្តិច ប៉ុន្តែ​ខ្លាញ់​នេះ​គឺ​ល្អ​សម្រាប់​សុខភាព​ដែល​ជា​អាស៊ីដ​ខ្លាញ់​អូមេហ្គា៣។ ២. សាច់​បក្សី​ពណ៌​ស យើង​គួរ​ញ៉ាំ​សាច់​បក្សី​ពណ៌​ស​ដូចជា​សាច់មាន់​ជាដើម​ដើម្បី​ទទួល​បាន​ប្រូតេអ៊ីន។ សម្រាប់​សាច់​ពណ៌​ក្រម៉ៅ​គឺមាន​ជាតិ​ខ្លាញ់​ច្រើន​បន្តិច។ ស្បែក​របស់​សាច់​បក្សី​សំបូរ​ដោយ​ជាតិ​ខ្លាញ់​ឆ្អែត ដូចនេះ​យក​ល្អ​ពេល​ញ៉ាំ​គួរ​យក​ស្បែក​ចេញ។ ៣. ទឹកដោះគោ ឈីស និង​យ៉ាអួ ផលិតផល​ធ្វើ​ពី​ទឹកដោះគោ​ដូចជា​ទឹកដោះគោ ឈីស និង​យ៉ាអួ​មិនត្រឹម​តែ​មាន​ប្រូតេអ៊ីន​ទេ តែ​នៅ​ផ្ទុក​កាល់ស្យូម និង​វីតាមីន D​ទៀត។ យើង​អាច​ជ្រើសរើស​ផលិតផល​ទឹកដោះគោ​ដែល​មាន​ជាតិ​ខ្លាញ់​តិច ឬ​គ្មាន​ជាតិ​ខ្លាញ់​ដើម្បី​ជួយ​ឲ្យ​ឆ្អឹង និង​ធ្មេញ​រឹងមាំ និង​បង្ការ​ជំងឺ​ពុកឆ្អឹង​ផងដែរ។ ៤. ស៊ុត ស៊ុត​ជា​ប្រភព​ប្រូតេអ៊ីន​ដែល​មាន​តម្លៃ​សមរម្យ​បំផុត។ សមាគម​ជំងឺ​បេះដូង​អាមេរិក​បាន​និយាយ​ថា​មនុស្ស​ពេញ​វ័យ​អាច​ញ៉ាំ​ស៊ុត​មួយ​គ្រាប់​មួយ​ថ្ងៃ។ ៥. សណ្ដែក សណ្ដែក​ ២០០​ក្រាម​ផ្តល់​នូវ​ប្រូតេអ៊ីន​រុក្ខជាតិ​ស្មើនឹង​សាច់គោ​អាំង​ ២៨,៣៥ក្រាម។ បន្ថែម​ពី​នេះ​ទៀត ពពួក​សណ្ដែក​នេះ​មាន​​តម្លៃ​សមរម្យ​​ និង​សំបូរ​ដោយ​ជាតិ​សរសៃ​ដែល​អាច​ជួយ​ឲ្យ​យើង​ឆ្អែត​បាន​រាប់​ម៉ោង​។ ៦. សណ្ដែក​សៀង ការ​ញ៉ាំ​សណ្ដែក​សៀង​៥០​ក្រាម​រាល់​ថ្ងៃ​អាច​បញ្ចុះ​កូលេស្តេរ៉ូល​រហូត​ដល់​៣%។ ម៉្យាងទៀត​ការ​ទទួល​បាន​ប្រូតេអ៊ីន​រុក្ខជាតិ​ពី​សណ្ដែក​ជំនួស​ឲ្យ​ការ​ទទួល​បាន​ប្រូតេអ៊ីន​ពី​ប្រភព​មាន​ជាតិ​ខ្លាញ់ និង​ការ​រក្សា​របប​អាហារ​ល្អ​អាច​ជួយ​ដល់​សុខភាព​បេះដូង។ ៧. សាច់គោ​គ្មាន​ខ្លាញ់ សាច់​គោ​គ្មាន​ខ្លាញ់​មាន​ជាតិ​ខ្លាញ់​ឆ្អែត​ច្រើន​ជាង​សាច់​ទ្រូង​មាន់​អត់​មាន​ស្បែក​ប្រហែល​២ក្រាម។ សាច់​គោ​គ្មាន​ខ្លាញ់​ក៏​ជា​ប្រភព​ដ៏​ល្អ​នៃ​ស័ង្កសី ជាតិដែក និង​វីតាមីន B12។ អត្ថបទ​ពាក់ព័ន្ធ៖ គ្រប់គ្នា​គួរដឹង អាហារទាំងនេះ​សុទ្ធតែ​សំបូរវីតាមីន A ស្វែងយល់អំពីប្រូតេអ៊ីនក្នុងបន្លែ និងសាច់ សាច់​សម្បូរ​ប្រូតេអ៊ីន តែស្រីៗ​មានផ្ទៃពោះ​កុំ​ចេះ​តែ​ញ៉ាំ​ផ្តេសផ្តាស ញ៉ាំអាហារទាំងនេះអាចជួយឲ្យរាងកាយទទួលបានកាល់ស្យូមគ្រប់គ្រាន់ ចូលចិត្តញ៉ាំ​អាហារ​សាច់​ក្រហម ត្រូវ​ដឹង​ពី​គុណ​សម្បត្តិ និង​គុណ​វិបត្តិ​ទាំង​នេះ ក្នុង​ករណី​មាន​សំណួរ ​ឬ​មន្ទិល​សង្ស័យ​ជុំ​វិញ​សុខ​ភាព​អ្នក​ ជម្រើស​ល្អ​បំផុត​ សូម​ពិគ្រោះ​ និង​ប្រឹក្សា​យោបល់​ជា​មួយ​ពេទ្យ​ជំនាញ​។​​​ Hello Health Group​ មិន​​ចេញ​វេជ្ជបញ្ជា ​​មិន​ធ្វើ​រោគ​វិនិច្ឆ័យ ឬ​ព្យាបាល​ជូន​​ទេ។

គ្នា​យើង​ ធ្លាប់​ប្រទះ​អាការៈ​ឈឺ​ក្បាល​អំឡុង​ពេល​ធ្វើ​ការ​អត់ បើ​ឧស្សាហ៍​មាន​បញ្ហា​នេះ កុំ​ព្រងើយ​កន្តើយ​អី បើ​ថា​មិន​ប៉ះពាល់​សុខភាព​ធ្ងន់​ធ្ងរ ក៏​ប៉ះពាល់​ដល់​លទ្ធផល​ការងារ​ប្រចាំ​ថ្ងៃ​យើង​ដែរ។ បើ​ឧស្សាហ៍​ឈឺ​ក្បាល​ពេល​ធ្វើ​ការ យើង​ត្រូវ​ដឹង​មូល​ហេតុ​ឲ្យ​ច្បាស់ ដើម្បី​រិះ​រក​វិធី​ដោះ​ស្រាយ​បាន​ត្រឹម​ត្រូវ។ “Hello គ្រូពេទ្យ” នឹង​ណែនាំ​គ្នា​យើង​ខ្លះៗ​ពាក់​ព័ន្ធ​មូលហេតុ និង​តិចនិក​ដោះ​ស្រាយ។ ១- ឈឺក្បាល​ដោយ​សារ​អង្គុយ​យូរ​ពេក និង​ឥរិយាបថ​អង្គុយ​មិន​ល្អ ជន​ជាតិ​អាមេរិក​ភាគ​ច្រើន តែង​អង្គុយ​ធ្វើ​ការ​ពេញ​មួយ​ថ្ងៃ ដែល​ទម្លាប់​នេះ ត្រូវ​អ្នក​ស្រាវ​ជ្រាវ​រក​ឃើញ​ថាជា​ទម្លាប់​អាក្រក់​មួយ​ប៉ះពាល់​សុខភាព។ បើ​សិន​ជាការងារ​យើង​តម្រូវ​ឲ្យ​អង្គុយ​ធ្វើ​ការ​ពេញ​មួយ​ថ្ងៃ ​យើង​ប្រហែល​ជា​មាន​អារម្មណ៍​តាន​តឹង​ខ្លាំង ហើយ​អារម្មណ៍​តាន​តឹង​ទាំង​នេះ​​នឹង​នាំ​សម្ពាធ​ទៅ​លើ​ ក និង​ខ្នង​ផ្នែកខាង​ក្រោម ជា​មូល​ហេតុ​នាំ​ឲ្យ​ឈឺ​ក្បាល​អំឡុងពេល​ធ្វើ​ការ​នេះ​ឯង។ – តិចនិក​ដោះស្រាយ៖ ដាក់​ម៉ោង​រោទ៍​លើ​ទូរសព្ទ​យើង ដើម្បី​រំឮក​ឲ្យ​យើង​ក្រោក​ឈរ​ឲ្យ​បាន​ច្រើន​គ្រប់​ម៉ោង​ធ្វើ​ការ។ បញ្ចេញ​សកម្ម​ភាពនៅ​នឹង​ជើង និង​បង្វិល​ចង្កេះ​លើ​កៅអី ដើម្បី​កុំ​ឲ្យ​ខ្នង និង​ក រង​សម្ពាធ​ខ្លាំង​ពេក។ អត្ថបទ​ពាក់ព័ន្ធ៖ ស្តាប់តន្រ្តី​ ផ្ដល់​គុណប្រយោជន៍ច្រើន​យ៉ាងដល់​សុខភាព​ផ្លូវចិត្ត មានវិប្បដិសារីក្នុង​ខ្លួន តើគួរដោះស្រាយ​បែបណា?​ ២- មិន​ញ៉ាំ​អាហារ​ព្រឹក ជាមូលហេតុ​នាំ​ឲ្យ​ឈឺ​ក្បាល​ប្រកាំង កុំ​យក​លេស​មិន​មាន​ពេល​គ្រប់​គ្រាន់​ញ៉ាំ​អាហារ​ពេល​ព្រឹក​នោះ​ឲ្យ​​សោះ! ព្រោះ​ដោយ​សារ​អាហារ​ពេល​ព្រឹក ជា​របបអាហារ​សំខាន់​បំផុត​​ក្នុង​ចំណោម​របប​អាហារ​ទាំង ៣​ពេល​របស់​យើង។ ហេតុនេះ​ត្រូវ​តែ​ឆ្លៀត​ញ៉ាំ ព្រោះ​ទម្លាប់​មិន​ញ៉ាំ​អាហារ​បែប​នេះ នឹង​ធ្វើ​ឲ្យ​រាងកាយ​យើង​កើន​ឡើង​អ័រម៉ូន​ស្ត្រេស​ខ្លាំង ប៉ះពាល់​ដល់​ការ​ធ្វើ​មេតាប៉ូលីស។ – តិចនិក​ដោះស្រាយ៖ អាច​ត្រៀម​អាហារ​សម្បូរ​ប្រូតេអ៊ីន និង​មិន​ពិបាក​ចម្អិន​យូរ​ដូច​ជា គ្រាប់ធញ្ញជាតិ Oatmeal យ៉ាអួ ផ្លែ​ប៊ឺរី​ញ៉ាំ​ចូល​គ្នា​ក៏​បាន ដែល​សុទ្ធ​សឹង​អាច​ញ៉ាំ​បាន​រហ័ស​ទាន់​ពេល​វេលា​ធ្វើការ។ អត្ថបទពាក់ព័ន្ធ៖ អាហារព្រឹក​ល្អ​បំផុត​ចំពោះ​សុខភាព ប៉ុន្តែ​មនុស្សតិចណាស់​​ដឹង អត់ញ៉ាំអាហារ​ព្រឹក អាច​ស្លាប់​ដោយសារ​ជំងឺ​បេះដូង អាហារ​ពេលព្រឹកគួរញ៉ាំ និងមិនគួរញ៉ាំ សម្រាប់អ្នក​ចង់​សម្រក​ទម្ងន់ ៣- […]

ទឹកអំពៅ​ជា​ជម្រើស​ដ៏​ល្អ​មួយ​សម្រាប់​បំបាត់​ការ​ស្រេក​ទឹក ជាពិសេស​ពេល​អាកាសធាតុ​ក្ដៅបែបនេះ​ផង​។ គ្នា​យើងដែលចូល​ចិត្ត​ញ៉ាំ មានដឹងទេថា ​​ទឹក​អំពៅ​មិន​ត្រឹម​តែ​ជួយ​បំបាត់​ភាព​ស្រេក​ទឹក​ទេ ប៉ុន្តែ​នៅ​សំបូរ​ដោយ​កាបូអ៊ីដ្រាត ប្រូតេអ៊ីន ពពួក​វីតាមីន និង​ជាតិ​រ៉ែ​ដូចជា​ផូស្វ័រ កាល់ស្យូម ប៉ូតាស្យូម ស័ង្កសី និង​ជាតិដែក​ដែល​មាន​ប្រយោជន៍​ច្រើន​ដល់​សុខភាព។ ១. បន្ថែម​ថាមពល ផឹក​ទឹក​អំពៅ​អាច​បន្ថែម​ថាមពល​ដល់​យើង​ពេល​ដែល​យើង​មាន​អារម្មណ៍​អស់កម្លាំង​។ ជាតិស្ករ sucrose នៅ​ក្នុង​អំពៅ​គឺ​មាន​ប្រសិទ្ធភាព​ក្នុង​ការ​បំពេញ​ថាមពល​ដែល​យើង​បាត់បង់​ព្រោះ​​ងាយ​ស្រួល​រំលាយ។ ដូចនេះ​បើ​យើង​មាន​អារម្មណ៍​អស់​កម្លាំង យើង​អាច​ផឹក​ទឹក​អំពៅ​ដើម្បី​បំពេញ​ថាមពល​ឡើង​វិញ។ ២. បង្ការ​ភាព​ចាស់ ប្រសិនជា​យើង​មាន​ស្នាមជ្រួញ​មុន​វ័យ យើង​អាច​ផឹក​ទឹក​អំពៅ​ដើម្បី​ដោះស្រាយ​បញ្ហា​នេះ​។ នេះ​មក​ពី​ទឹកអំពៅ​មាន​សារធាតុ​ប្រឆាំង​អុកស៊ីតកម្ម​ អាស៊ីត phenolic និងសារធាតុ flavonoids ជួយ​ផ្តល់​សំណើម​ដល់​ស្បែក និង​ធ្វើ​ឲ្យ​ស្បែក​ទន់​រលោង​ពី​ខាង​​ក្នុង​​ដែល​​អាច​​កាត់​​បន្ថយ​​ស្នាម​ជ្រួញ​។​ ៣. បំបាត់​ក្លិន​មាត់ និង​បង្ការ​ការ​ពុក​ធ្មេញ ការ​ពុក​ធ្មេញ​អាច​មក​ពី​អនាម័យ​មាត់​ធ្មេញ​មិន​ល្អ និង​កង្វះ​ជាតិ​រ៉ែ។ ប៉ុន្តែ​ទឹកអំពៅ​អាច​ជួយ​ប្រឆាំង​នឹង​បញ្ហា​ក្លិន​មាត់ និង​ធ្មេញ​ពុក​បាន​ដោយ​សារ​ទឹក​អំពៅ​ផ្ទុក​ជាតិ​រ៉ែ​ដែល​ជួយ​ឲ្យ​ធ្មេញ​រឹងមាំ និង​បំបាត់​ក្លិន​មាត់។​ ៤. ជួយ​ដល់​ការ​រំលាយ​អាហារ គ្នា​យើង​ដែល​មាន​បញ្ហា​ទល់លាមក ទឹក​អំពៅ​អាច​មាន​ប្រយោជន៍​ជួយ​សម្រួល​បញ្ហា​នេះ។ នេះ​មក​ពី​ប៉ូតាស្យូម​មាន​ក្នុង​ទឹកអំពៅ​ដែល​ជួយ​រក្សា​លំនឹង pH នៅ​ក្នុង​ក្រពះ និង​ជួយ​ឲ្យ​ទឹក​ក្នុង​ប្រព័ន្ធ​រំលាយ​អាហារ​ហូរ​ដែល​អាច​សម្រាល​បញ្ហា​ទល់​លាមក។ ៥. ផ្តល់​ប្រយោជន៍​ដល់​ឆ្អឹង និង​ធ្មេញ ទឹកអំពៅ​សំបូរ​ដោយ​កាល់ស្យូម​ដែល​អាច​ជួយ​ពង្រឹង​ឆ្អឹង​សម្រាប់​ក្មេង​កំពុង​លូតលាស់ ហើយ​ក៏​ជួយ​ឲ្យ​ធ្មេញ​រឹងមាំ​ដែរ។ ៦. បង្ការ​ជំងឺ​មហារីក ការ​ផឹក​ទឹកអំពៅ​ជា​ប្រចាំ​អាច​បង្ការ​ជំងឺមហារីក​សុដន់ និង​ក្រពេញ​ប្រូស្តាត។ ការសិក្សា​ជា​ច្រើន​បាន​បង្ហាញ​ពី​ផល​ប៉ះពាល់​វិជ្ជមាន​នៃ​ទឹកអំពៅ​ក្នុង​ការ​កាត់បន្ថយ​ និង​ទប់ស្កាត់​ផល​ប៉ះពាល់​នៃ​កោសិកា​មហារីក។ ៧. ជួយ​សម្រក​ទម្ងន់ ទឹកអំពៅ​មាន​ប្រសិទ្ធភាព​ក្នុង​ការ​សម្រក​ទម្ងន់​ព្រោះ​មាន​ជាតិ​សរសៃ​រលាយ​ដែល​ជួយ​គ្រប់​គ្រង​ទម្ងន់ និង​កាត់បន្ថយ​កម្រិត​កូលេស្តេរ៉ូល​អាក្រក់​ក្នុង​រាងកាយ​ដែល​ជា​មូលហេតុ​នៃ​ការ​ឡើង​ទម្ងន់។ ៨. ​បំបាត់​អាការៈ​ឈឺក ទឹកអំពៅ​មាន​វីតាមីន C ច្រើន​ដែល​មាន​ប្រសិទ្ធភាព​បំបាត់​អាការៈ​ឈឺក ហើយ​ក៏​មាន​សារធាតុ​ប្រឆាំង​អុកស៊ីតកម្ម​ខ្ពស់​ដែល​អាច​ទប់ស្កាត់​ការ​ឆ្លង​មេរោគ​ដែរ។ ៩. ព្យាបាល​របួស នៅ​ពេល​យើង​មាន​ស្នាម​ជាំ […]

រាករូស​គឺ​ជា​បញ្ហា​ប្រព័ន្ធ​រំលាយអាហារ​មួយ និង​បង្ក​ភាព​លំបាក​ដល់​យើង​។ ពេល​ខ្លះ​អាច​មាន​អាការៈ​រាក​រូស​ប៉ុន្មាន​ម៉ោង​ ឬ​ប៉ុន្មាន​ថ្ងៃ​ បន្ទាប់ពី​នេះ​យើង​នឹង​មាន​អាការៈ​ប្រសើរ​ឡើងវិញ​។ ទោះបី​រាករូស​អាច​នឹង​បាត់​ទៅ​ដោយ​ឯងៗ ប៉ុន្តែ​យើង​ក៏​អាច​ប្រើ​វិធី​ព្យាបាល​នៅ​ផ្ទះ​ដើម្បី​សម្រួល​ដល់​អាការៈ និង​ជួយ​ឲ្យ​ជា​សះស្បើយ​កាន់តែ​លឿន។ ១. បំពេញ​ជាតិ​ទឹក​ឡើង​វិញ ការ​បំពេញ​ជាតិ​ទឹក​គឺ​សំខាន់​ដល់​ការ​ជា​សះស្បើយ​ពី​អាការៈ​រាករូស ព្រោះ​ពេល​រាករូស​អាច​ធ្វើ​ឲ្យ​បាត់បង់​ជាតិ​ទឹក សូដ្យូម និង​chloride។ បើ​មិន​ដូច្នោះ​ទេ​យើង​អាច​នឹង​បាត់​បង់​ជាតិ​ទឹក។ ការ​បាត់បង់​ជាតិ​ទឹក​អាច​មាន​គ្រោះថ្នាក់​ដល់​កុមារ និង​មនុស្ស​ចាស់ ដូចនេះ​គួរ​ឲ្យ​អ្នកទាំង​នោះ​​ផឹក​ទឹក​ឲ្យ​បាន​ច្រើន​ពេល​មាន​អាការៈ​រាករូស។ ក្រៅ​ពី​ផឹក​ទឹក​ក៏​អាច​លាយ​ទឹកអូរ៉ាលីត​បាន​ដោយ​លាយ​ទឹក​១លីត្រ​ជាមួយ​អំបិល​កន្លះ​ស្លាបព្រា​កាហ្វេ និង​ស្ករ​៦​ស្លាបព្រា​កាហ្វេ។ ការ​ផឹក​ទឹក​នេះ​អាច​ជួយ​ពោះវៀន​ស្រូប​យក​ជាតិ​ទឹក​បាន​កាន់​តែមាន​ប្រសិទ្ធភាព។ យើង​ក៏​អាច​ផឹក​ភេសជ្ជៈ​កីឡា​ដើម្បី​ជួយ​រាងកាយ​បំពេញ​ជាតិទឹក ប៉ូតាស្យូម និង​សូដ្យូម​ឡើង​វិញដែរ​ រីឯ​ទឹក​ផ្លែ​ឈើ​ក៏អាច​ជួយ​បំពេញ​ប៉ូតាស្យូម​ឡើង​វិញដែរ។ ប៉ុន្តែ​គ្នា​យើង​គួរ​ចៀស​វាង​ភេសជ្ជៈ ប៉ុន្មាន​ប្រភេទ​នេះ​ដូចជា​ភេសជ្ជៈ​មាន​ជាតិ​កាហ្វេអ៊ីន គ្រឿងស្រវឹង ភេសជ្ជៈ​មាន​ជាតិ​កាបូណាត និង​ភេសជ្ជៈ​ក្ដៅ។ ២. របបអាហារ នៅ​ពេល​​អាការៈ​រាករូសចាប់​ផ្ដើម​ធូរស្បើយ​ យើង​គួរ​ញ៉ាំ​អាហារ​ក្នុង​បរិមាណ​តិច​ និង​ញឹកញាប់​ល្អ​ជាង​ញ៉ាំ​ម្ដង​ច្រើនៗ។ របប​អាហារ​ល្អ​សម្រាប់​គ្នា​យើង​ដែល​មាន​អាការៈ​រាករូស​មាន​ដូចជា៖ អាហារ​សំបូរ​ដោយ pectin ដូចជា​ផ្លែឈើ អាហារ​សំបូរ​ដោយ​ប៉ូតាស្យូម ដូចជា​ដំឡូងបារាំង និង​ដំឡូងជ្វា អាហារ​មាន​អេឡិចត្រូលីត​ដូចជា​ស៊ុប និង​ភេសជ្ជៈ​កីឡា បន្លែ​ឆ្អិន និង​ទន់ ប្រូតេអ៊ីន។ ជម្រើស​អាហារ​មួយ​ទៀត​សម្រាប់​អ្នក​មាន​អាការៈ រាករូស​គឺ​មាន​ផ្លែចេក បាយ ទឹក​ប៉ោម(apple sauce) និង​នំប៉័ង​អាំងដោយ​អាហារ​នេះ​មាន​ប៉ូតាស្យូម និង ​pectin។ ប៉ុន្តែ​គ្នា​យើង​គួរ​ញ៉ាំ​អាហារ​នេះ​រហូត​ដល់​ពេល​ដែល​អាការៈ​ប្រសើរ​ឡើង និង​មិន​ត្រូវ​ញ៉ាំ​ច្រើន​ជាង​២​ថ្ងៃ​ទេ​។ ៣. អាហារ​គួរ​ចៀសវាង យើង​គួរ​ចៀស​វាង​អាហារ​ដែល​អាច​នឹង​ផ្តល់​សម្ពាធ និង​បង្ក​ឲ្យ​មាន​ការ​រលាក​ដល់​ក្រពះ​ពោះវៀន​មាន​ដូចជា៖ អាហារ​មាន​ជាតិ​ខ្លាញ់​ច្រើន អាហារ​មាន​រសជាតិ​ហឹរ​ ​អាហារ​មាន​បន្ថែម​ជាតិស្ករ ឬ​ជាតិ​ផ្អែម អាហារ​មាន ​fructose ច្រើន ដែលមាន​ក្នុង​បន្លែ និង​ផ្លែឈើ គ្រូពេទ្យ​មួយ​ចំនួន​ក៏​ណែនាំ​ឲ្យ​ចៀសវាង​ផលិតផល​ធ្វើ​ពី​ទឹកដោះគោ ព្រោះ​អាច​ធ្វើ​ឲ្យ​អាការៈ​រាករូស​កាន់​តែ​ធ្ងន់ធ្ងរ​សម្រាប់​មនុស្ស​មួយ​ចំនួន។ ៤. […]

សួត​របស់​យើង​គឺ​មាន​តួនាទី​សំខាន់​ក្នុង​ការ​ជួយ​ឲ្យ​រាងកាយ​ដំណើរការ​បាន​ល្អ​ ប៉ុន្តែ​វា​អាច​​​ស្រូប​យក​សារធាតុ​មិន​ល្អ​មួយ​ចំនួន​ពី​ក្នុង​ខ្យល់​ដែល​អាច​បង្កើន​ហានិភ័យ​បញ្ហា​ផ្លូវ​ដង្ហើម​ដូចជា​ជំងឺ​ហឺត រលាក​ទង​សួត និង​ជំងឺ​រលាក​សួត​ជាដើម។ វិធី​ល្អ​ក្នុង​ការ​រក្សា​រសុខភាព​សួតឲ្យ​បាន​ល្អ ​គឺ​ហាត់ប្រាណ​ជា​ប្រចាំ​ និង​ញ៉ាំ​អាហារ​ដែល​មាន​សុខភាព​ល្អ។ ដូចនេះ​ដើម្បី​ពង្រឹង​សុខភាព​សួត​ យើង​គួរ​បញ្ចូល​អាហារ​ប៉ុន្មាន​មុខ​នេះ​ចូល​ទៅ​ក្នុង​របប​អាហារ​ប្រចាំ​ថ្ងៃ។ ចុះអាហារទាំងនោះមានអ្វីខ្លះ?  ១. ផ្លែប៉ោម អ្នកស្រាវជ្រាវ​បាន​ឲ្យ​ដឹង​ពី​ទំនាក់ទំនង​រវាង​មុខងារ​សួត​ល្អ​ជាមួយ​នឹង​វីតាមីន C វីតាមីន E និង​Beta-carotene។ វីតាមីន​ទាំង​នេះ​សុទ្ធ​តែ​មាន​នៅ​ក្នុង​ផ្លែ​ប៉ោម ហើយ​ផ្លែ​ប៉ោម​ក៏​មាន​សារធាតុ​ប្រឆាំង​អុកស៊ីតកម្ម​ដែល​ជួយ​ដល់​សុខភាព​សួត​ដែរ។ ២. គ្រាប់ Walnut គ្រាប់ Walnut ជា​ប្រភព​ដ៏​ល្អ​សម្រាប់​អាស៊ីត​ខ្លាញ់​អូមេហ្គា៣។ ការ​ញ៉ាំ​គ្រាប់​ធញ្ញជាតិ​នេះ​អាច​ជួយ​ប្រឆាំង​ជំងឺ​ហឺត និង​បញ្ហា​ផ្លូវ​ដង្ហើម​ផ្សេង​ទៀត។ អ្នកស្រាវជ្រាវ​ជឿ​ថា​អាស៊ីតខ្លាញ់​អូមេហ្គា៣​ជា​សារធាតុ​ប្រឆាំង​ការ​រលាក​ដែល​មាន​ប្រសិទ្ធភាព​ក្នុង​ការ​ការពារ​ជំងឺ​រលាក។ ៣. ផ្លែ​ប្លូ​ប៊ឺរី (blueberry ) ផ្លែ​ប្លូ​ប៊ឺរី​អាច​ជួយ​ដល់​សុខភាព​សួត​របស់​យើង​ព្រោះ​ផ្លែ​នេះ​សំបូរ​ដោយ​សារធាតុ​ប្រឆាំង​អុកស៊ីត​កម្ម​ដូចជា​វីតាមីន C ដែល​ជួយ​ប្រឆាំង​នឹង​កោសិកា​ខូចខាត​បណ្ដាល​មក​ពី​ពពួក​រ៉ាឌីកាល់​សេរី។ គណនា BMI គណនា BMR កម្មវិធីពិនិត្យជំងឺបម្រុងទឹកនោមផ្អែមអនឡាញ កម្មវិធីពិនិត្យ​បញ្ហាលិង្គមិនឡើងរឹងអនឡាញ ៤. ផ្កាខាត់ណាខៀវ ផ្កាខាត់ណាខៀវ​សំបូរ​ដោយ​វីតាមីន C carotenoids folate និងphytochemicalsដែល​ជួយ​ប្រឆាំង​នឹង​ការ​ខូចខាត​នៅ​ក្នុង​សួត។ ផ្កាខាត់ណាខៀវ​ក៏​មាន​សារធាតុ​ L-sulforaphane ដែល​ជួយ​ភ្ញោច​កោសិកា​ក្នុង​ផលិត​ហ្សែន​ប្រឆាំង​នឹង​ការ​រលាក​ដើម្បី​ចៀស​វាង​បញ្ហា​ផ្លូវ​ដង្ហើម​ផ្សេងៗ។ ៥. ម្ទេស សារធាតុ capsaicin នៅ​ក្នុង​ម្ទេស​ជួយ​ជំរុញ​ការ​ផលិត និង​ការពារ​ភ្នាស​សើម​ក្នុង​ប្រព័ន្ធ​ផ្លូវដង្ហើម​ផ្នែកខាងលើ និង​ខាងក្រោមបាន។ ៦. ខ្ញី ខ្ញី​មិន​ត្រឹម​តែ​ប្រឆាំង​ការ​រលាក​ទេ ​នៅអាច​ជួយ​កម្ចាត់ជាតិ​ពុល​ចេញ​ពី​ក្នុង​សួត។ ខ្ញី​ក៏​ជួយ​​បន្ធូរដល់​​ការ​ស្ទះ​ផ្លូវ​ដង្ហើម និង​ជួយ​ឲ្យ​ឈាម​រត់​ទៅ​កាន់​សួត​កាន់​តែ​ប្រសើរ​ឡើង​ និងជួយ​​ពង្រឹង​សុខភាព​សួត។ គួរអាន៖ សម្រាប់​អ្នក​ចូល​ចិត្ត​ហឹរ ​កុំ​ថា​អត់​ដឹង​​ ​​ខ្ញី ជួយ​អី​ខ្លះ […]

លំពែង​គឺ​ជា​ផ្នែក​សំខាន់​មួយ​នៃ​ប្រព័ន្ធ​រំលាយ​អាហារ។ លំពែង​មិន​ត្រឹម​តែ​ជួយ​បន្សាប​អាហារ​មាន​ជាតិ​អាស៊ីត​ទទួល​ពីក្រពះ​នោះទេ​​ តែនៅ​ផលិត​អង់ស៊ីម​ជួយ​ដល់​ការ​រំលាយ​កាបូអ៊ីដ្រាត ប្រូតេអីន និង​លីពីត​ផង​ដែរ។ លំពែង​ដែល​មាន​សុខភាព​ល្អ​គឺ​មាន​ការ​រក្សា​លំនឹង​កម្រិត​ជាតិស្ករ និង​ប្រព័ន្ធ​រំលាយ​អាហារ​ឲ្យ​មាន​សុខភាព​ល្អ។ ដើម្បី​ជួយ​ឲ្យ​លំពែង​មាន​សុខភាព​ល្អ​ យើង​អាច​ញ៉ាំ​អាហារ​ប៉ុន្មាន​ប្រភេទ​នេះ​បាន។ ១. ល្មៀត ល្មៀត​គឺ​ជា​ភ្នាក់ងារ​ប្រឆាំង​ការ​រលាក​ធម្មជាតិ​ដ៏​ល្អ​មួយ​ដែល​អាច​ជួយ​បន្ថយ​ការ​ឈឺ​ចាប់បង្ក​ដោយ​ភាព​ក្ដៅ​ ផ្សា​នៅ​ក្នុង​លំពែង។ មិន​ត្រឹម​តែ​ប៉ុណ្ណោះ ល្មៀត​នៅ​ជំរុញ​ដល់​ការ​ផលិត​អ័រម៉ូន​អាំងស៊ុយលីន ​នៅ​ក្នុង​លំពែង​ផ្ទាល់​ដែលជួយ​រក្សា​លំនឹង​កម្រិត​ជាតិ​ស្ករ​ក្នុង​ឈាម និង​បង្ការ​ជំងឺ​ទឹកនោមផ្អែម។ ២. ខ្ទឹមស គ្នា​យើង​មួយ​ចំនួន​អាច​នឹង​ធ្លាប់​ឮពីការ​ណែនាំឲ្យញ៉ាំ​ខ្ទឹមស​ជាមួយ​នឹង​ទឹកឃ្មុំ​ពេល​ពោះ​យើង​ទទេ។ ខ្ទឹមស​គឺ​ជា​មានសារធាតុ​ប្រឆាំង​មេរោគ ហើយ​ពេល​បញ្ចូល​ខ្ទឹមស​ជាមួយនឹង​ម្ហូប​ផ្សេងៗ​អាច​នឹង​កាន់​តែមាន​​ប្រសិទ្ធភាព។ ភាគច្រើន​គេ​ប្រើ​ខ្ទឹមស​ជាមួយ​ទឹកឃ្មុំ និង​ខ្ទឹមបារាំង​ជាដើម។ ការ​បញ្ចូល​បែប​នេះ​ជួយ​ពង្រឹង​ប្រព័ន្ធ​ភាព​ស៊ាំ​ ដោយ​ការ​ជួសជុល​ជាលិកា​នៃ​សរីរាង្គ​រួម​ទាំង​លំពែង​ផង​ដែរ។ ៣. ស្ពៃ​ពួយ​ឡេង ស្ពៃ​ពួយឡេង​សំបូរ​ដោយ​វីតាមីន B និង​ជាតិដែក​ដែល​ជួយ​បំពេញ​តម្រូវ​ការ​របស់​លំពែង។ ជាតិដែក​ជួយ​បង្ការ​ការ​រលាក រីឯ​វីតាមីន B​ជួយ​ចិញ្ចឹម​លំពែង។ យើង​អាច​​យក​ស្ពៃ​ពួយឡេង​ និង​ខ្ទឹម​បារាំង​ធ្វើ​ញាំ​បន្លែ ឬ​យក​ស្ពៃ​ពួយឡេង​ទៅ​ឆា​ជាមួយ​ខ្ទឹមស។ បន្ថែម​ពី​នេះ​ទៀត​ ស្ពៃ​ពួយឡេង​សំបូរ​ដោយ​សារធាតុ​ប្រឆាំង​នឹង​មហារីក​ឈ្មោះ MGDG (monogalactosyldiacylglycerol) ដែល​អាច​បន្ថយ​ភាគរយ​នៃ​ការ​មាន​ជំងឺ​មហារីក​លំពែង​បាន។ ៤. ផ្កាខាត់ណាខៀវ ពពួក​បន្លែ​ដូចជា​ផ្កាខាត់ណាខៀវ ស្ពៃក្ដោប ផ្កាខាត់ណា​សុទ្ធ​តែ​មានសារធាតុ​ប្រឆាំង​នឹង​កោសិកា​មហារីក​នៅ​ក្នុង​លំពែង​ និងជួយការពារ​លំពែង​ពី​ជំងឺ​ផ្សេងៗ។ បន្លែ​ទាំង​នេះ​ផ្ដល់​នូវ​សារធាតុចិញ្ចឹម​ដែល​ងាយស្រួល​ក្នុង​ការ​ស្រូប​យក​ និង​សំបូរ​ដោយ flavonoids ដែល​ជួយ​ពង្រឹង​ដល់​ការ​កម្ចាត់ជាតិពុល​ក្នុង​រាងកាយ។ ៥. ផ្លែ​ទំពាំងបាយជូរ​ក្រហម ផ្លែទំពាំងបាយជូរក្រហម​ផ្ទុក​សារធាតុ​ប្រឆាំង​អុកស៊ីតកម្ម resveratrol​ដែល​ជួយ​បន្ថយ​ការ​រលាក​លំពែង និង​បំផ្លាញ​កោសិកា​មហារីក​លំពែង​ទៀត​ផង។ អ្នក​ជំនាញ​ណែនាំ​ឲ្យ​ញ៉ាំ​ផ្លែ​ទំពាំង​បាយ​ជូរ​ស្រស់​ម្ដង​ក្នុង​មួយ​ថ្ងៃ។ មនុស្ស​មួយ​ចំនួន​ជ្រើសរើស​ផឹក​ស្រា​ទំពាំងបាយជូរ​ក្រហម​ដើម្បី​ទទួល​បាន​អត្ថប្រយោជន៍​នេះ​។ ប៉ុន្តែ​ការ​ញ៉ាំ​ផ្លែ​ទំពាំងបាយជូរ​ស្រស់​គឺ​មាន​អត្ថប្រយោជន៍​ច្រើន​ជាង។ ៦. ដំឡូង​ជ្វា ដំឡូងជ្វា​អាច​កាត់​បន្ថយ​ហានិភ័យ​ជំងឺ​មហារីក​លំពែង​បាន​រហូតដល់ ៥០% និង​ជួយ​រក្សា​លំនឹង​កម្រិត​ជាតិ​ស្ករ​ក្នុង​ឈាម​ដោយ​បញ្ចេញ​ជាតិស្ករ​បន្តិច​ម្ដងៗ​ទៅ​ក្នុង​ចរន្ត​ឈាម។ ៧. គន្លឹះ​ផ្សេង​ទៀត​ជួយ​ឲ្យ​លំពែង​មាន​សុខភាព​ល្អ ចៀសវាង​គ្រឿង​ស្រវឹង អាហារ​កែ​ច្នៃ​ […]

គ្នា​យើង​ទំនងជា​បាន​ដឹងពីប្រភេទ​បន្លែ​ក្លាសេហើយមែនទេ? បន្លែប្រភេទនេះ​​អាច​ទុក​បាន​យូរ​ និងអាច​ថាមាន​តម្លៃធូរថ្លៃជាង​បន្លែងស្រស់ទៀតផង​​ ពិសេស​គ្នា​យើង​ដែល​រវល់ច្រើន​គឺ​ពិតជា​គិតថា​បន្លែនេះជាជម្រើស​ល្អ​​មិន​ខាន។។​​ ប៉ុន្តែ​គ្នាយើង​អាច​នឹង​មាន​ចម្ងល់​ថា​តើ​បន្លែ​ក្លាសេ​​ល្អ​សម្រាប់​សុខភាព​ឬ​យ៉ាង​ណា។ ១. សារធាតុ​ចិញ្ចឹម ជាធម្មតា​បន្លែ​ដែល​យក​ទៅ​ក្លាសេគឺជា​បន្លែ​ដែល​បេះ​ភ្លាមៗ​​ ដូចនេះ​ហើយគេជឿថា​​បន្លែ​ទាំង​នោះ​អាចនៅ​រក្សា​សារធាតុ​ចិញ្ចឹមបាន​​ដដែល។ ការសិក្សា​មួយ​បាន​បង្ហាញ​ថា​បន្លែ​ក្លាសេ​ត្រឹម​រយៈ​ពេល​​២​ខែ​ ​មិន​មាន​ការ​ប្រែប្រួល​សារធាតុ phytochemical ខ្លាំង​ទេ។ ដោយឡែក​ការសិក្សា​ជា​ច្រើន​បាន​ឲ្យ​ដឹង​ថា​ការ​ក្លាសេ​​អាច​នឹង​ប៉ះពាល់​ដល់​បរិមាណ​សារធាតុចិញ្ចឹម​នៃប្រភេទ​បន្លែ​មួយ​ចំនួន​។ ការសិក្សា​មួយ​បាន​រក​ឃើញ​ថា​ផ្កាខាត់ណាខៀវ​ក្លាសេ​​គឺ​មាន​សារធាតុ riboflavin ខ្ពស់​បើ​ធៀប​នឹង​ផ្កាខាត់ណាខៀវ​ស្រស់ ខណៈ​ដែល​គ្រាប់​សណ្ដែក pea ក្លាសេ​​មាន​វីតាមីន​ទាប​ជាង​គ្រាប់​សណ្ដែក​ស្រស់។ បន្ថែម​ពី​នេះទៀត ការ៉ុត និង​ស្ពៃពួយឡេង​ក្លាសេ​​មាន​សារធាតុ beta-carotene ទាប។ យ៉ាងណាមិញ ការ​ក្លាសេ​​អាច​នឹង​បន្ថយ​បរិមាណ​សារធាតុចិញ្ចឹម​ដូចជា​វីតាមីន C និង​វីតាមីន​B1​ (Thiamine)។ ការសិក្សា​មួយ​បង្ហាញ​ថា​វីតាមីន C នៃ​បន្លែ​មួយ​ចំនួន​មាន​ការ​ថយ​ចុះ​ចន្លោះ​ពី​១០ទៅ៨០% អំឡុងពេល​ក្លាសេ ​ដោយ​ជា​មធ្យម​បាត់បង់​សារធាតុចិញ្ចឹម​ប្រហែល​៥០%។ គួរ​ចងចាំ​ផង​ដែរ​ថា​វិធី​ចម្អិន​ដូចជា​ស្ងោរ ឆា​ និង​ដុត​ ក៏អាច​ធ្វើ​ឲ្យ​បាត់បង់​សារធាតុចិញ្ចឹម​ដូចគ្នា​មិនថា​បន្លែ​នោះ​ជា​បន្លែ​ស្រស់ ឬបន្លែ​កំប៉ុង​ក៏​ដោយ។ ២. សារធាតុ​បន្ថែម និង​សារធាតុ​រក្សា​ទុក​ឲ្យ​បាន​យូរ យក​ល្អ​ពេល​ជ្រើស​រើស​បន្លែ​ក្លាសេ​គួរ​ពិនិត្យ​មើល​គ្រឿង​ផ្សំ​ឲ្យ​បាន​ម៉ត់ចត់។ ទោះបី​ជា​ភាគច្រើន​បន្លែ​ក្លាសេ​មិន​មាន​​សារធាតុ​បន្ថែម​ផ្សេងៗ​ និង​សារធាតុ​រក្សា​ឲ្យ​បាន​យូរ​ ប៉ុន្តែ​បន្លែ​ក្លាសេ​មួយ​ចំនួន​អាច​នឹង​មាន​បន្ថែម​ជាតិស្ករ អំបិល ទឹក​ជ្រលក់ និង​គ្រឿង​ផ្សំ​ផ្សេង​ទៀត​ដែល​បន្ថែម​រសជាតិ​។ ការ​បន្ថែម​រសជាតិ​អាច​បង្កើន​បរិមាណ​សូដ្យូម ជាតិខ្លាញ់ ឬ​កាឡូរី​។ សម្រាប់​គ្នាយើង​ដែល​ចង់​បន្ថយ​កាឡូរី និង​សម្រក​ទម្ងន់​​ យក​ល្អ​គួរ​ចៀសវាង​បន្លែ​ក្លាសេ​ដែល​មាន​គ្រឿងផ្សំ​ដូចជា​បឺរ​ ខ្ទឹមស ឬ​ទឹក​ជ្រលក់​ឈីស។ […]

​រាល់​ពេល​​ផឹកគ្រឿងស្រវឹង​​រួច​ មានមនុស្ស​មួយ​ចំនួន​​ញ៉ាំ​ក្រូច​ឆ្មារ​ជាមួយ​នឹង​អំបិល ដើម្បី​បន្សាប​ជាតិ​ស្រវឹង។ ប្រសិន​បើ​ស្រវឹង ក្រូច​ឆ្មារ និង​អំបិល​ពិតជា​អាច​ជួយ​ឲ្យ​ស្វាងវិញ​បាន​មែន ឬ​យ៉ាង​ណា? ចំពោះរឿងញ៉ាំក្រូចឆ្មារ និងអំបិលជួយឲ្យស្វាងស្រវឹងនេះ លោក​វេជ្ជបណ្ឌិត ចាន់ ស៊ីណេត ឯកទេស​ផ្នែក​ជំងឺ​ទូទៅ បាន​ឲ្យ​ដឹង​ថា វា​មិន​ខុស​ទេ ការ​ញ៉ាំ​ក្រូច​ឆ្មារ និង​អំបិល ពិត​ជា​អាច​ជួយ​កាត់​បន្ថយ​ជាតិ​ស្រវឹង​បាន​មែន ក៏​ប៉ុន្តែក្នុង​ករណី​ដែល​ញ៉ាំ​ស្រា​តិច​តួច​ប៉ុណ្ណោះ។ លោក​វេជ្ជបណ្ឌិត បានបន្តថា ប្រសិន​បើ​ញ៉ាំ​ស្រា ស្រវឹង​ជោគ​ជាំ​ហើយ​នោះ ញ៉ាំ​ក្រូច​ឆ្មារ​ជាមួយ​អំបិល​​ក៏​​មិន​អាច​ជួយ​បាន​បន្សាប​ជាតិ​ស្រវឹង​បាន​ដែរ។ អត្ថបទពាក់ព័ន្ធ៖ ផឹក​ស្រា ហើយ​បំបៅ​ដោះ​កូន ប៉ះពាល់​កូន​កម្រិត​ណា? របៀបដោះសា កុំ​ឲ្យញៀនផឹក ដោយសារកម្មវិធីញឹកញាប់ មិន​ត្រឹម​តែ​ការ​ញ៉ាំ​ក្រូច​ឆ្មារ​ប៉ុណ្ណោះ​ទេ​ដែល​ជួយ​កាត់​បន្ថយ​ជាតិ​ស្រវឹង ប្រសិន​បើ​ត្រូវ​ការ​ជំនួយ​បន្សាប​ភ្លាម​ៗ យើង​អាច​ញ៉ាំ៖ ​-ភេសជ្ជៈ​ប៉ូវ​កម្លាំង​ផ្សេងៗ​ដែល​ជួយ​តាស់​ស្មារតី -​ញ៉ាំ​ទឹក​ក្រូច​ឆ្មារ -ញ៉ាំ​តែ​ ឬផ្លែ​ឈើ​ពពួក​ Citrus ​ដែល​មាន​ជាតិ​ជូរ។ ប៉ុន្តែ​ត្រូវ​ចាំថា ក្បួន​ទាំង​នេះ​ជួយ​បាន​តែ​ពេល​ញ៉ាំ​គ្រឿង​ស្រវឹង​ក្នុង​កម្រិត​តិច​តួច​ប៉ុណ្ណោះ បើ​ស្រវឹង​ខ្លាំង​ហើយ ​គួរ​សម្រាក និង​​ញ៉ាំ​ទឹក​ឲ្យ​បាន​ច្រើន ជៀស​វាង​ខ្វះ​ជាតិ​ទឹក​ខ្លាំង ឬ​អាច​បណ្តាល​ឲ្យ​មាន​គ្រោះ​ថ្នាក់​ណាមួយ​ជាយថាហេតុ។ អត្ថបទពាក់ព័ន្ធ៖ អ្នក​ខ្លាំង​ផឹក​​ច្រើន ប្រយ័ត្ន​​កើត​ជំងឺ​ផ្លូវ​ចិត្ត​ម្យ៉ាង​ដោយ​មិន​ដឹង​ខ្លួន ឆ្ងល់អត់ ម៉េចក៏ចេះតែរាក ក្រោយផឹកគ្រឿងស្រវឹង?​ ដាក់ជ្រុលស្រវឹង ហើយអត់ស្រួលខ្លួន នេះជាវិធីដោះស្រាយ រឿង ៧ យ៉ាង ហាមធ្វើពេលស្រវឹង ព្រោះប៉ះពាល់សុខភាពធ្ងន់ធ្ងរ ស្រា អាច​ធ្វើ​ឲ្យ​​ដាច់​សរសៃ​ឈាម​ខួរ​ក្បាល​បាន នៅក្មេងផឹកស្រាច្រើន ប្រឈមនឹងហានិភ័យសុខភាពទាំងនេះ ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health […]

ញ៉ាំប្រៃ​ជា​មូលហេតុ​ឈាន​ទៅ​មាន​ជំងឺ​លើស​ឈាម គ្រោះថ្នាក់សរសៃឈាមខួរក្បាល ជំងឺបេះដូង មហារីក​ក្រពះ ក្រួស​តម្រង​នោម និង​​ជំងឺ​​ជា​ច្រើន​​ទៀត ដូច្នេះ​ហើយ​ទើប​អង្គការ​សុខភាព​ពិភពលោក​ណែនាំ​ឲ្យ​យើង​ម្នាក់ៗ​ញ៉ាំ​អំបិល​ក្នុង​របប​អាហារ​តែ ១ ស្លាបព្រា​កាហ្វេ​ប៉ុណ្ណោះ​ក្នុង ១ ថ្ងៃ។ មិន​ចង់​ប្រឈម​នឹង​ជំងឺ​ដែល​បាន​រៀប​រាប់​ខាង​លើ​នេះ យើង​គួរ​ចាប់ផ្តើម​ផ្លាស់ប្តូរ​ទម្លាប់​នៃ​ការ​ញ៉ាំ​ប្រៃ ពិសេស​របប​អាហារ​ប្រៃៗ តាម​ចំណុច​មួយ​ចំនួន​ខាង​ក្រោម​នេះ។ ១. ញ៉ាំ​ម្ហូប​អាហារ​ចម្អិន​ភ្លាមៗ ជា​ជាង​អាហារ​កែច្នៃ យើង​ដឹង​ហើយ​ថា អាហារ​កែច្នៃ ជា​អាហារ​ដែល​បញ្ចូល​គ្រឿង​​ផ្សំ​អាច​ទុក​បាន​យូរ មាន​អំបិល ស្ករ ពណ៌ និង​សារធាតុ​ផ្សេងៗ​ទៀត ដែល​មាន​ហានិភ័យ​ចំពោះ​សុខភាព។ ជំនួស​ឲ្យ​ការ​ញ៉ាំ​អាហារ​ច្នៃ យើង​គួរ​ប្តូរ​មក​ញ៉ាំ​អាហារ​ចម្អិន​ភ្លាមៗ​វិញ។ ២. កុំ​ដាក់​អំបិល ទឹកត្រី ទឹក​ស៊ីអ៊ីវ​លើ​តុអាហារ ជា​ទម្លាប់​នៅ​លើ​តុ​អាហារ ឬ​ពេល​ចម្អិន​ម្ហូប​អាហារ​រួចរាល់ រៀប​ចំ​បាយ ទាំង​យើង​ទាំង​គេ​តែ​មាន​ដាក់​កូន​ចាន​អំបិល ទឹក​ត្រី ឬទឹក​ស៊ីអ៊ីវ នៅ​លើតុ សម្រាប់​ជ្រលក់​ម្ហូប​អាហារ​ដែល​ចម្អិន​ហើយ ឬ​ច្រូច​បន្ថែម​ទៅ​ក្នុង​សម្លរ ដែល​ស្ទើរ​រសជាតិ​ប្រៃ។ ទម្លាប់​បែប​នេះ​មិន​ល្អ​នោះ​ទេ យូរៗ​ទៅ​ធ្វើ​ឲ្យ​យើង​ញ៉ាំ​ប្រៃ​ដោយ​មិន​ដឹង​ខ្លួន។ ​ ៣. ចៀស​វាង​អាហារ​សម្រន់​ដែល​មាន​ជាតិ​ប្រៃ អាហារ​ដែល​មាន​រសជាតិ​ប្រៃ ពិសេស​ពពួក Fast food ចៀស​បាន​គួរ​តែ​ចៀស​ទៅ ព្រោះ​វា​មិន​ត្រឹម​តែ​មាន​រសជាតិ​ប្រៃ​នោះ​ទេ ថែម​ទាំង​សម្បូរ​ជាតិ​ខ្លាញ់ ញ៉ាំ​ធ្វើ​ឲ្យ​ធាត់ និង​មាន​បញ្ហា​សុខភាព​ជា​ច្រើន​មុខ​ទៀត។ ៤. កំណត់​បរិមាណ​អំបិល​ពេល​ចម្អិន​អាហារ រាល់​ពេល​ចម្អិន​អាហារ​ម្តងៗ យើង​ត្រូវ​កំណត់​បរិមាណ​អំបិល​ឲ្យ​បាន​ល្អ កុំ​ចេះ​តែ​ភ្លក់​ហើយ​ថែម​គ្រឿង​មិន​ឈប់ ស៊ូ​ឲ្យ​មុខ​ម្ហូប​សាប ប្រសើរ​ជាង​ប្រៃ ធ្វើ​បែប​នេះ​យូរៗ​ទៅ​នឹង​ក្លាយ​ជា​ទម្លាប់ ហើយ​ថែម​ល្អ​ចំពោះ​សុខភាព​យើង​ទៅ​ថ្ងៃ​ក្រោយ។ អត្ថបទពាក់ព័ន្ធ៖ ពពួក​អាហារ​សត្រូវ​នឹង​សុខភាព […]

គ្រឿង​ការី​ ដែល​មាន​​​ប្រភព​កំណើត​ពី ប្រទេស​ឥណ្ឌា គឺ​ជា​​គ្រឿង​​ម្ហូប​ ដែល​ផ្សំ​ពី​ បណ្តុំ​​គ្រឿង​ទេស​ជា​ច្រើន​ចូល​គ្នា រួម​ទាំង​រុក្ខ​ជាតិ​​ក្រអូប​ទៀត​ផង។ ដោយ​សារ​ គ្រឿង​ផ្សំ​ ច្រើន​មុខ​នេះ ធ្វើ​ឱ្យ​​​គ្រឿង​ធ្វើ​ម្ហូប​នេះ ផ្តល់​នូវ​អត្ថប្រយោជន៍​ជា​ច្រើនដល់​រាង​កាយ ដែល​​ក្នុង​នោះ អត្ថបទ​ស្រាវជ្រាវ​សុខភាព​ជា​ច្រើន បាន​លើក​ឡើង​ដូច​ជា​៖ ១. សមាស​ធាតុ​ប្រឆាំង​នឹង​ដំណើរ​ហើម​រលាក គ្រឿង​ការី​ ដែល​មាន​ទាំង​ រមៀត ម្រេច ម្សៅ​​រុក្ខជាតិ​ក្រអូប ផ្ទុក​ទៅ​ដោយ​​សមាសធាតុ​ ដែល​ទៅ​ជំរុញ​ប្រូតេអ៊ីន​ប្រឆាំង​ជំងឺនៅ​​ក្នុង​រាង​កាយពិសេសសមាសធាតុ Interluekin-6 និង Factor-alpha និង​សារធាតុ​ជា​ច្រើន​ទៀត ដែល​​អាច​ប្រឆាំង​នឹង ការ​រលាក​សន្លាក់ និង​ការ​ហើម​​ផ្សេងៗ​។ អត្ថបទពាក់ព័ន្ធ៖ ពេល​កូន​ខ្ចី​សាច់​ឡើង​ស​ស្អាត និង​ម៉ដ្ត​​រលោង បើ​ម៉ាក់​ៗ​អាច​ធ្វើ​រឿង​ទាំង​នេះ ពន្លៃ រុក្ខជាតិ​ឱសថ​ជួយ​ទាំង​សម្រស់ និង​សុខភាព រមៀតល្អ​ខ្លាំង សូម្បី​អង់គ្លេស​​ក៏​យក​ទៅ​ប្រើព្យាបាល​សន្លាក់ និង​សាច់​ដុំ ២. ជួយ​សុខភាព​បេះដូង ម្សៅ​ការី ដែល​មាន​ទៅ​ដោយ​គ្រឿង​ទេស​ផ្សេងៗ​ផ្សំ​ចម្អិន​​ទៅ​ក្នុង​ម្ហូប នឹង​ជួយ​ទៅ​ដល់​បេះ​ដូង ដោយ​សារ​ការ​ជំរុញ​ឱ្យ​ចលនា​ឈាម​រត់​​ស្រួល និង​សម្រួល​ទៅ​ដល់​សរសៃ​ឈាមដែល​នេះ​បាន​ជួយ​បន្ថយ​នូវ​ហានិភ័យ​ និង​បញ្ហា​ផ្សេង​ៗ​ទៅ​លើ​បេះ​ដូង។ អត្ថបទ​ពាក់​ព័ន្ធ៖ ​ញ៉ាំ​ត្រសក់​មួយ​ផ្លែ​រាល់​ថ្ងៃ​ ផ្ដល់​ប្រយោជន៍ច្រើន​យ៉ាង​ដល់​រាងកាយ វីតាមីន C ជួយ​កាត់បន្ថយ​ហានិភ័យពីជំងឺផ្សេងៗជាច្រើន​មុខ ក្រូចថ្លុង​ជួយច្រើន​ដល់​សុខភាព សំខាន់អាចប្រ​ឆាំង​កោសិកាមហារីក​បានទៀត ៣. រួម​ចំណែក​ប្រឆាំង​មហារីក ផ្អែក​តាម​ការ​សិក្សា​ជា​ច្រើន អ្នក​វិទ្យាសាស្រ្ត​បាន​លើក​ឡើង​ថា រុក្ខជាតិ​មួយ​ចំនួន​អាច​រួម​ចំណែក​ ប្រឆាំង​នឹង​កោសិកា​មហារីក ហើយ​​រុក្ខជាតិ​ទាំង​នោះ ភាគ​ច្រើន​ គឺ​មាន​​នៅ​ក្នុង​គ្រឿង​ផ្សំ​ការី​ផង​ដែរ ដូច​ជា រមៀត​ជា​ដើម […]