របបអាហារ

អាហារជួយឱ្យយើងមានអារម្មណ៍ល្អ និងកាត់បន្ថយភាពតានតឹង

អាហារអ្វីខ្លះជួយឱ្យយើងមានអារម្មណ៍ល្អ និងកាត់បន្ថយភាពតានតឹង? អាហារមិនត្រឹមតែមាន ឥទ្ធិពលចំពោះសុខភាពរាងកាយទេ ថែមទាំងមានឥទ្ធិពលយ៉ាងខ្លាំងទៅលើសុខភាពផ្លូវចិត្តយើងទៀត។អាហារមួយចំនួនអាចជួយដល់មុខងារខួរក្បាល បង្កើនអ័រម៉ូនជួយឱ្យយើងរីករាយ និងស្ងប់អារម្មណ៍។ អាហារជួយឱ្យយើងមានអារម្មណ៍ល្អ និងកាត់បន្ថយភាពតានតឹងមានដូចជា៖ ១. អាហារផ្អាប់ អាហារផ្អាប់ដូចជា គីមឈី យ៉ាអួរជាដើមសម្បូរទៅដោយប្រ៉ូបាយអូទិក ដែលជួយដល់សុខភាពប្រព័ន្ធរំលាយអាហារ និងជួយបង្កើនកម្រិត Serotonin មានក្នុងខួរក្បាល ឈាម និងក្រពះពោះវៀន និងជាអ័រម៉ូនជួយឱ្យយើងរីករាយ ស្ងប់អារម្មណ៍ និងកាត់បន្ថយអាការថប់បារម្ភ ។ វេជ្ជបណ្ឌិត Casey Means គ្រូពេទ្យទទួលការបណ្តុះបណ្តាលនៅ Stanford និង ជានិពន្ធនាយករងនៃ International Journal of Disease Reversal and Prevention បានលើកឡើងថា ផលវិជ្ជមានរបស់អាហារផ្អាប់លើអារម្មណ៍ អាចទាក់ទងនឹងទំនាក់ទំនងយ៉ាងជិតស្និទ្ធរវាងមុខងារប្រព័ន្ធរំលាយអាហារ និងសុខភាពខួរក្បាលដែលប៉ះពាល់គ្នាទៅវិញទៅមក។ ការសិក្សាមួយបានបង្ហាញថា បុគ្គលដែលទទួលទានអាហារសម្បូរប្រូបាយអូទិក អាចកាត់បន្ថយអត្រានៃភាពធ្ងន់ធ្ងររបស់ជំងឺធ្លាក់ទឹកចិត្តបានច្រើន ជាពិសេសបុរស។ ២. កាហ្វេ ជាតិកាហ្វេអ៊ីនក្នុងកាហ្វេមិនត្រឹមតែអាចជួយដាស់អារម្មណ៍យើងទេ ថែមទាំងអាចបញ្ឈប់ Adenosine (សមាសធាតុដែលកើតឡើងដោយធម្មជាតិនៅក្នុងខួរក្បាល) ពីការភ្ជាប់ទៅនឹង សរសៃប្រសាទទទួលអារម្មណ៍ក្នុងខួរក្បាលមួយចំនួនដែលទាក់ទងនឹងអារម្មណ៍អស់កម្លាំង។ ជាតិកាហ្វេអ៊ីនក៏បង្កើនការបញ្ចេញសារធាតុ Dopamine និង Norepinephrine (សារធាតុបញ្ជូនសរសៃប្រសាទដែលបង្កើនអារម្មណ៍) ដែលជួយឱ្យយើងមានអារម្មណ៍ល្អ។ ៣. […]

គន្លឹះពីអាហារសុខភាពផ្សេងទៀត

រោគសញ្ញាទាំងនេះបង្ហាញថាយើងញ៉ាំអាហារមានជាតិប្រៃច្រើនពេកហើយ

យោងតាមគោលការណ៍ណែនាំរបបអាហារថ្មីៗនេះ គេបានណែនាំឲ្យញ៉ាំអំបិល ២,៣ក្រាម(១ស្លាបព្រាកាហ្វេ)ក្នុងមួយថ្ងៃ។ ប៉ុន្តែមានការប៉ាន់ស្មានថាជាមធ្យមមនុស្សយើងអាចញ៉ាំអំបិលរហូតជិតដល់ ៣,៤ក្រាម (១ស្លាបព្រាកាហ្វេកន្លះ)តាមរយៈអាហារប្រចាំថ្ងៃ។ ការញ៉ាំអំបិលច្រើនពេកអាចនឹងបង្កបញ្ហាសុខភាពធ្ងន់ធ្ងរ។ តើមានរោគសញ្ញាណាខ្លះបញ្ជាក់ថាយើងញ៉ាំអំបិលចូលក្នុងខ្លួនច្រើនពេក? ១. អាការៈហើម ប្រសិនជាយើងមានអារម្មណ៍ថាចិញ្ចៀនតឹងជាងមុន ហើមជើង ឬហើមភ្នែកនៅពេលព្រឹក យើងប្រហែលជាញ៉ាំអំបិលច្រើនពេកហើយ។ ស្ថានភាពនៅពេលរាងកាយរបស់យើងចាប់ផ្ដើមស្តុកជាតិទឹកបន្ថែមដែលជាលទ្ធផលនៃការញ៉ាំអំបិលច្រើនត្រូវបានគេហៅថា Edema ហើយស្ថានភាពនេះគួរព្យាបាលដោយកំណត់របបអាហារឲ្យតឹងតែង។ ២. ស្រេកទឹកខ្លាំង សូដ្យូមរកឃើញក្នុងអំបិលជួយរក្សាលំនឹងជាតិទឹកក្នុងរាងកាយ។ នៅពេលយើងញ៉ាំអំបិលច្រើនពេក រាងកាយរបស់យើងត្រូវការទឹកបន្ថែមក្នុងការកម្ចាត់អំបិលឲ្យអស់ពីរាងកាយដើម្បីឲ្យសាច់ដុំ និងសរីរាង្គផ្សេងៗអាចដំណើរការបានត្រឹមត្រូវ។ នេះជាដំណើរការនៃរាងកាយក្នុងការរក្សាសមាមាត្រនៃសូដ្យូម និងទឹក ហើយការផឹកទឹកគឺជាវិធីដ៏ល្អបំផុតដើម្បីឲ្យរាងកាយត្រលប់រកសភាពធម្មតាវិញដែរ។ គួរចងចាំដែរថាការផឹកទឹកមិនគ្រប់គ្រាន់អាចធ្វើឲ្យរាងកាយទាញជាតិទឹកចេញពីកោសិកា និងអាចបង្កឲ្យមានការបាត់បង់ជាតិទឹក។ ៣. ការផ្លាស់ប្តូរពណ៌ទឹកនោម នៅពេលរាងកាយមានជាតិសូដ្យូមច្រើន នោះនឹងមានការផ្លាស់ប្តូរពណ៌ក្នុងទឹកនោមដែលបង្កដោយមូលហេតុពីរ៖ ការញ៉ាំអំបិលច្រើនអាចធ្វើឲ្យតម្រងនោមធ្វើការធ្ងន់ដើម្បីកម្ចាត់អំបិលចេញពីរាងកាយ។ នេះអាចបង្កឲ្យមានជំងឺតម្រងនោម ដែលជាទូទៅយើងនឹងនោមញឹក ហើយទឹកនោមថ្លា។ រាងកាយទទួលបានជាតិសូដ្យូមច្រើនអាចធ្វើឲ្យបាត់បង់ជាតិទឹក។ នៅពេលរាងកាយបាត់បង់ជាតិទឹកខ្លាំង បរិមាណទឹកនោមក៏ថយចុះហើយមានពណ៌លឿងចាស់។ ៤. ឈឺឆ្អឹង ការញ៉ាំអំបិលច្រើនអាចជាឧបសគ្គដល់ការមានឆ្អឹងរឹងមាំ។ នៅពេលយើងញ៉ាំអំបិលច្រើនពេក តម្រងនោមរបស់យើងមិនអាចកម្ចាត់អស់បរិមាណអំបិលទាំងនោះទេ ដែលនេះបង្កឲ្យមានការបាត់បង់ជាតិកាល់ស្យូមខ្លាំង។ កង្វះជាតិកាល់ស្យូមរ៉ាំរ៉ៃអាចបង្កឲ្យឆ្អឹងចុះខ្សោយ ធ្មេញមានបញ្ហា ថែមទាំងអាចមានការវិវត្តជំងឺពុកឆ្អឹងដែរ។ ៥. រមួលក្រពើ ការរក្សាលំនឹងសូដ្យូម និងប៉ូតាស្យូមឲ្យបានត្រឹមត្រូវគឺសំខាន់សម្រាប់សុខភាពព្រោះសារធាតុទាំងនេះទទួលខុសត្រូវលើការកន្ទ្រាក់របស់សាច់ដុំ។ ប្រសិនជាយើងញ៉ាំអំបិលច្រើន ឬអាហារប្រៃច្រើន យើងប្រឈមនឹងអាការៈរមួលក្រពើ ឬការឈឺចាប់ក្នុងសាច់ដុំ។ ៦. ឈឺក្បាលជាប់ ការញ៉ាំជាតិសូដ្យូមច្រើនពេកអាចបង្កើនបរិមាណឈាមរបស់យើងដែលជាហេតុបង្កឲ្យសរសៃឈាមរីក។ ការរីកនៃសរសៃឈាមអាចបណ្ដាលឲ្យលើសសម្ពាធឈាមដែលបង្កឲ្យមានអាការៈឈឺក្បាលធ្ងន់ធ្ងរ។ ៧. បញ្ហាក្នុងការគិត ការលើសសម្ពាធឈាមអាចកើតមានដោយសារការញ៉ាំអាហារមានបិរមាណអំបិលច្រើនដែលបង្កការខូចខាតដល់សរសៃអាកទែរទៅកាន់ខួរក្បាល។ នេះអាចប៉ះពាល់ដល់សមត្ថភាពក្នុងការគិតរួមទាំងធ្វើឲ្យយើងពិបាកក្នុងការផ្ដោតអារម្មណ៍ធ្វើការប្រចាំថ្ងៃដែរ។ ក្រៅពីនេះ ការបាត់បង់ជាតិទឹកញឹកញាប់អាចបណ្ដាលឲ្យការចងចាំចុះខ្សោយ និងអស់កម្លាំងជាដើម។ យើងអាចកាត់បន្ថយការញ៉ាំអំបិលបានដោយ៖ ចៀសវាងអាហារប្រៃដូចជាអាហារកែច្នៃ ភីហ្សា បឺហ្គឺរ សាច់ប្រឡាក់ស្រាប់ […]

របបអាហារ

ចំណេះដឹងទូទៅ

អាហារជួយឱ្យយើងមានអារម្មណ៍ល្អ និងកាត់បន្ថយភាពតានតឹង

ញុាំទឹកបន្លែផ្លែឈើកៀបបណ្តាលឱ្យឡើងជាតិស្ករក្នុងឈាម?

អំបុក ទឹកដូង ចេក មិនត្រឹមជារណ្តាប់សំខាន់ក្នុងពិធីបុណ្យអុំទូក តែក៏ជាអាហារផ្តល់ប្រយោជន៍ដល់សុខភាព

កំពូលអាហារ ៦ ប្រភេទ ជួយកាត់បន្ថយហានិភ័យកើតជំងឺមហារីក

សារធាតុចិញ្ចឹមសំខាន់៣មុខនេះ ជួយគ្រប់គ្រងជំងឺទឹកនោមផ្អែមយ៉ាងល្អ!

ស្វែងរក របបអាហារ

ឧស្សាហ៍ជួបអាការៈរមួលក្រពើ សាកញ៉ាំអាហារទាំងនេះអាចជួយកាត់បន្ថយបានច្រើន

តើទឹកដោះគោបង្កឲ្យមុខឡើងមុនមែនឬយ៉ាងណា?

ពេលឈឺ គួរជ្រើសរើសរបបអាហារបែបណាទើបល្អ អាចជាសះស្បើយបានលឿន?

បើរាងកាយលេចសញ្ញាទាំងនេះ បញ្ជាក់ថាក្នុងខ្លួនខ្វះវីតាមីនណាមួយ

ឧស្សាហ៍ញ៉ាំអាហារទាំងប៉ុន្មាននេះច្រើន អាចធ្វើឲ្យចាស់ជាងអាយុបាន

ស្ពៃក្ដោបសម្បូរដោយវីតាមីន និងជាតិរ៉ែល្អសម្រាប់សុខភាព

រោគសញ្ញាទាំងនេះបង្ហាញថាយើងញ៉ាំអាហារមានជាតិប្រៃច្រើនពេកហើយ

តើញ៉ាំសាច់ឆៅល្អចំពោះសុខភាពដែរឬទេ?

វីតាមីន C ច្រើនពេក បង្កផលវិបាកអ្វីខ្លះដល់រាងកាយ?

អាហារទាំងនេះសំបូរដោយប៉ូតាស្យូម ល្អសម្រាប់សុខភាព

សំណួរដែលសួរញឹកញាប់

អ្នកជំនាញវេជ្ជសាស្ត្ររបស់យើង