របបអាហារ

អាហារជួយឱ្យយើងមានអារម្មណ៍ល្អ និងកាត់បន្ថយភាពតានតឹង

អាហារអ្វីខ្លះជួយឱ្យយើងមានអារម្មណ៍ល្អ និងកាត់បន្ថយភាពតានតឹង? អាហារមិនត្រឹមតែមាន ឥទ្ធិពលចំពោះសុខភាពរាងកាយទេ ថែមទាំងមានឥទ្ធិពលយ៉ាងខ្លាំងទៅលើសុខភាពផ្លូវចិត្តយើងទៀត។អាហារមួយចំនួនអាចជួយដល់មុខងារខួរក្បាល បង្កើនអ័រម៉ូនជួយឱ្យយើងរីករាយ និងស្ងប់អារម្មណ៍។ អាហារជួយឱ្យយើងមានអារម្មណ៍ល្អ និងកាត់បន្ថយភាពតានតឹងមានដូចជា៖ ១. អាហារផ្អាប់ អាហារផ្អាប់ដូចជា គីមឈី យ៉ាអួរជាដើមសម្បូរទៅដោយប្រ៉ូបាយអូទិក ដែលជួយដល់សុខភាពប្រព័ន្ធរំលាយអាហារ និងជួយបង្កើនកម្រិត Serotonin មានក្នុងខួរក្បាល ឈាម និងក្រពះពោះវៀន និងជាអ័រម៉ូនជួយឱ្យយើងរីករាយ ស្ងប់អារម្មណ៍ និងកាត់បន្ថយអាការថប់បារម្ភ ។ វេជ្ជបណ្ឌិត Casey Means គ្រូពេទ្យទទួលការបណ្តុះបណ្តាលនៅ Stanford និង ជានិពន្ធនាយករងនៃ International Journal of Disease Reversal and Prevention បានលើកឡើងថា ផលវិជ្ជមានរបស់អាហារផ្អាប់លើអារម្មណ៍ អាចទាក់ទងនឹងទំនាក់ទំនងយ៉ាងជិតស្និទ្ធរវាងមុខងារប្រព័ន្ធរំលាយអាហារ និងសុខភាពខួរក្បាលដែលប៉ះពាល់គ្នាទៅវិញទៅមក។ ការសិក្សាមួយបានបង្ហាញថា បុគ្គលដែលទទួលទានអាហារសម្បូរប្រូបាយអូទិក អាចកាត់បន្ថយអត្រានៃភាពធ្ងន់ធ្ងររបស់ជំងឺធ្លាក់ទឹកចិត្តបានច្រើន ជាពិសេសបុរស។ ២. កាហ្វេ ជាតិកាហ្វេអ៊ីនក្នុងកាហ្វេមិនត្រឹមតែអាចជួយដាស់អារម្មណ៍យើងទេ ថែមទាំងអាចបញ្ឈប់ Adenosine (សមាសធាតុដែលកើតឡើងដោយធម្មជាតិនៅក្នុងខួរក្បាល) ពីការភ្ជាប់ទៅនឹង សរសៃប្រសាទទទួលអារម្មណ៍ក្នុងខួរក្បាលមួយចំនួនដែលទាក់ទងនឹងអារម្មណ៍អស់កម្លាំង។ ជាតិកាហ្វេអ៊ីនក៏បង្កើនការបញ្ចេញសារធាតុ Dopamine និង Norepinephrine (សារធាតុបញ្ជូនសរសៃប្រសាទដែលបង្កើនអារម្មណ៍) ដែលជួយឱ្យយើងមានអារម្មណ៍ល្អ។ ៣. […]

គន្លឹះពីអាហារសុខភាពផ្សេងទៀត

ទាំងនេះជាមូលហេតុខ្លះៗ មិនគួរទ្រាំគេងទាំងឃ្លាននៅពេលយប់

អ្នកស្រាវជ្រាវបានលើកឡើងថាការឃ្លានអាចប៉ះពាល់ដល់ការធ្វើការ ឬការរៀន និងអាចបង្កឲ្យមានជំងឺទឹកបាក់ចិត្តទៀតផង។ មនុស្សមួយចំនួនគិតថាការទៅគេងទាំងឃ្លានគឺជាគំនិតល្អក្នុងការសម្រកទម្ងន់។ ប៉ុន្តែតាមពិតទៅការចូលគេងទាំងឃ្លានអាចប៉ះពាល់ច្រើន។ ១. បាត់បង់សាច់ដុំ សម្រាប់គ្នាយើងដែលកំពុងហាត់យកសាច់ដុំ ការឃ្លានគឺជាជម្រើសមិនល្អឡើយ។ យើងអាចមិនញ៉ាំអាហារពេលល្ងាចបាន ប៉ុន្តែយើងត្រូវការសារធាតុចិញ្ចឹមដើម្បីបំលែងទៅជាប្រូតេអ៊ីន និងបន្តបំលែងទៅជាសាច់ដុំ។ ប៉ុន្តែនៅពេលដែលយើងញ៉ាំមិនគ្រប់គ្រាន់ធ្វើឲ្យរាងកាយបំលែងប្រូតេអ៊ីនទៅជាសាច់ដុំ បែរជាបំលែងទៅជាថាមពលជំនួសវិញ។ ប្រសិនជារាងកាយបន្តធ្វើបែបនេះរយៈពេលយូរអាចប៉ះពាល់ដល់បេះដូងទៀតផង។ ដូចនេះដើម្បីជួយដល់ការហាត់ប្រាណ គួរសាកញ៉ាំអាហារពេលល្ងាច២ទៅ៣ម៉ោងមុនចូលគេង និងគួរញ៉ាំអាហារដែលសំបូរដោយប្រូតេអ៊ីន។ ទម្លាប់បែបនេះអាចជួយឲ្យរក្សាសាច់ដុំរបស់យើងបាន។ ២. អាចឡើងគីឡូ មនុស្សគិតថាការចូលគេងទាំងឃ្លានអាចជួយសម្រកទម្ងន់បាន។ ប៉ុន្តែតាមពិតទៅនៅពេលដែលបង្អត់អាហារខ្លួន ធ្វើឲ្យយើងញ៉ាំកាន់តែច្រើនជាងមុន។ ប្រសិនជាយើងចាំរហូតដល់ឃ្លានខ្លាំងទើបញ៉ាំ កម្រិតជាតិស្ករក្នុងឈាមនឹងចុះទាបដែលធ្វើឲ្យយើងចង់ញ៉ាំអ្វីគ្រប់យ៉ាងពេលយើងឃើញដែលនេះអាចធ្វើឲ្យឡើងទម្ងន់បាន។ ជាពិសេសការចូលគេងទាំងពោះទទេអាចនាំឲ្យញ៉ាំច្រើនជាងធម្មតានៅពេលព្រឹកដែលធ្វើឲ្យកម្រិតជាតិស្ករស្ថិតក្នុងកម្រិតមិនល្អ និងប៉ះពាល់ដល់ការធ្វើមេតាបូលីសទៀតផង។ ប្រសិនជាយើងមិនចង់ញ៉ាំអាហារពេលយប់ អ្នកអាចញ៉ាំសូកូឡាខ្មៅ ឬពពួកគ្រាប់ធញ្ញជាតិផ្សេងៗដូចជាគ្រាប់អាល់ម៉ង់ ឬគ្រាប់ Pistachios ដើម្បីទប់ការឃ្លានរហូតដល់ពេលព្រឹក។ អត្ថបទពាក់ព័ន្ធ៖ យប់ឡើងឃ្លាន តែខ្លាចធាត់ សាកអាហារសម្រន់នេះជួយដោះស្រាយបាន គេងមិនគ្រប់គ្រាន់ធ្វើឲ្យមានបញ្ហាទាំងនេះដល់ខួរក្បាល ទម្លាប់ញ៉ាំឆ្អែតភ្លាម ទម្រេតខ្លួនគេងភ្លាម គ្រោះថ្នាក់បំផុត អាហារព្រឹកល្អបំផុតចំពោះសុខភាព ប៉ុន្តែមនុស្សតិចណាស់ដឹង ៣. គេងមិនគ្រប់គ្រាន់ ការចូលគេងទាំងឃ្លានអាចធ្វើឲ្យប៉ះពាល់ដល់ដំណេក ព្រោះយើងនឹងកូរពោះ ទម្រាំដល់អាហារពេលព្រឹក នេះហើយធ្វើឲ្យយើងពិបាកក្នុងការគេងលក់។ ប្រសិនជាយើងចង់គេងលក់ស្ងប់ កុំបង្អត់អាហារខ្លួនឯង។ បើយើងឃ្លាន អាចញ៉ាំត្រសក់ និងទឹក តែកុំញ៉ាំនំប៉័ងឬបាយប្រសិនជាយើងរៀបនឹងចូលគេងហើយនោះ។ ៤. ធ្វើឲ្យអស់កម្លាំង ប្រសិនយើងមិនញ៉ាំយើងនឹងមិនមានកម្លាំងសម្រាប់ធ្វើកិច្ចការផ្សេងៗ ដែលនេះជារឿងទូទៅហើយ។ ជាពិសេសការមានកម្លាំងកំហែងនៅពេលព្រឹក ព្រោះយើងត្រូវការប្រើប្រាស់ខួរក្បាលដើម្បីធ្វើការ។ អ្នកស្រាវជ្រាវក៏បានសង្កេតឃើញថាការឃ្លានអាចផ្តល់ប៉ះពាល់ច្រើនដូចជាហត់ និងមានជំងឺបាក់ទឹកចិត្ត។ ប្រសិនជាយើងទ្រាំឃ្លានពេលយប់ ងើបមកដោយអស់កម្លាំង […]