របបអាហារ

ក្រូចថ្លុងក្រៅពីមានរសជាតិផ្អែមឆ្ងាញ់ហើយ ផ្លែឈើប្រភេទនេះក៏សម្បូរទៅដោយវីតាមីន ជាតិរ៉ែ និង សារធាតុប្រឆាំងអ៊ុកស៊ីតកម្មដែលល្អចំពោះសុខភាពទៀតផង។ អត្ថបទនេះនឹងបង្ហាញពីអត្ថប្រយោជន៍នៃក្រូចថ្លុងដែល​គ្នា​យើង​គ្រប់​គ្នា​មិន​គួរ​មើល​រំលង​។ សម្បូរសារធាតុចិញ្ចឹមខ្ពស់ ក្រូចថ្លុងមានផ្ទុកនូវវីតាមីន និងជាតិរ៉ែជាច្រើន ជាពិសេសវីតាមីន C។ ផ្លែក្រូចថ្លុងមួយ (ប្រហែល ៦១០ក្រាម) មាន៖ កាឡូរី ២៣១ ប្រូតេអ៊ីន ៥ក្រាម កាប៊ូអ៊ីដ្រាត ៥៩ក្រាម ជាតិសរសៃ (Fiber) ៦ក្រាម Riboflavin ១២,៦%  Thiamine ១៧,៣%  វីតាមីន C ៤១២%   ស្ពាន់ (copper) ៣២%   ប៉ូតាស្យូម ២៨%   សម្បូរជាតិសរសៃ (Fiber)   ក្នុងមួយថ្ងៃ យើងត្រូវការជាតិសរសៃយ៉ាងតិចណាស់ ២៥ក្រាម។ ផ្លែក្រូចថ្លុងមួយ (៦១០ក្រាម) មានជាតិសរសៃ៦ក្រាម ដូចនេះការញ៉ាំក្រូចថ្លុងជាជម្រើសមួយដ៏ល្អសម្រាប់បំពេញជាតិសរសៃសម្រាប់រាងកាយ។ ជាតិសរសៃនេះអាចជួយដល់ការបន្ទោបង់ និងបង្ការការទល់លាមក។ មិនត្រឹមតែប៉ុណ្ណោះ ជាតិសរសៃអាចជួយដល់ឆ្អឹង ការរក្សាទម្ងន់រយៈពេលវែង ជំនួយដល់សុខភាពពោះវៀន និងខួរក្បាល​ រួមទាំងបន្ថយការប្រឈមនឹងការកើតជំងឺរ៉ាំរ៉ៃមួយចំនួន។  ជួយដល់ការបញ្ចុះទម្ងន់ ក្រូចថ្លុងជាអាហារមានកាឡូរីទាប ដែលអាចជួយដល់ការបញ្ចុះទម្ងន់ដល់គ្នា​យើង​ណាដែល​ចង់ស្រក​គីឡូ។ ម៉្យាងទៀតក្រូចថ្លុងក៏មានប្រូតេអ៊ីន និងជាតិសរសៃ ដែលអាចជួយឲ្យយើងឆ្អែតបានយូរ។ ដូចនេះ ផ្លែក្រូចថ្លុងជាជម្រើសដ៏ល្អប្រសិនជាយើងចង់កាត់បន្ថយចំនួនកាឡូរីក្នុង​រាងកាយ​ និងសម្រកទម្ងន់។  អត្ថបទពាក់ព័ន្ធ៖ បន្លែ និងផ្លែឈើ ដែលញ៉ាំមិនឡើងគីឡូ ហើយមានប្រយោជន៍ដល់សុខភាពច្រើនទៀត សម្បូរសារធាតុប្រឆាំងអ៊ុកស៊ីតកម្ម (antioxidants) ផ្លែក្រូចថ្លុងសម្បូរទៅដោយសារធាតុប្រឆាំងអ៊ុកស៊ីតកម្ម ដែលអាចជួយក្នុងការបង្ការ និងបម្រុងទុកនូវកោសិកាដែលខូចខាតដោយសារពពួករ៉ាឌីកាល់​សេរី។ ពពួករ៉ាឌីកាល់​សេរីគឺជាសមាសធាតុដែលមាននៅក្នុងបរិយាកាស​ និងអាហារ​ដែលអាចបង្កឲ្យមានបញ្ហាសុខភាព […]

រាងកាយយើងត្រូវការជាចាំបាច់នូវវីតាមីនដើម្បីដំណើរការសកម្មភាព​ប្រចាំថ្ងៃបានល្អ។ ​វីតាមីន A ដែលមាននៅក្នុងអាហារប្រចាំថ្ងៃបានជួយដល់ប្រព័ន្ធបន្តពូជឲ្យ​កាន់​តែ​ល្អ ភ្នែក និងស្បែក ប៉ុន្តែការប្រឈម​នឹង​ការ​ខ្វះ​វីតាមីននេះក៏អាចកើតឡើងបានដែរ ជាពិសេសកើតទៅលើស្ត្រីមានផ្ទៃពោះ ទារក និងក្មេង​ដែល​កំពុងស្ថិតនៅវ័យលូតលាស់។ អត្ថបទនេះនឹងលើកឡើងនូវសញ្ញាខ្លះៗ​ដែលបង្ហាញថា​រាង​កាយយើង​ទាំងអស់គ្នា​កំពុង​ខ្វះ​វីតាមីន Aហើយ​។ ស្បែកស្ងួត វីតាមីន A ជាសមាសធាតុសំខាន់មួយក្នុងរាងកាយដែលជួយក្នុងការជួសជុលជាលិកាស្បែកឡើង​វិញ។ អាការៈដែលគេច្រើនប្រទះឃើញនៅពេលខ្វះវីតាមីន Aគឺ​ eczemaកើតឡើងនៅពេលស្បែក ស្ងួតខ្លាំង ឡើងក្រហម និងរមាស់។ អត្ថបទពាក់ព័ន្ធ៖ បើស្បែកស្ងួត​គ្មាន​ជាតិ សាកញ៉ាំរបស់​ទាំងនេះ ជំងឺខ្វាក់មាន់ ជំងឺខ្វាក់មាន់នេះក៏ជាអាការៈគេជួបប្រទះញឹកញាប់ដែរ។ គ្នា​យើង​ណា​កើតជំងឺនេះមានការលំបាកក្នុងមើល​នៅពេលងងឹត។ បញ្ហាមុខឡើងមុន ដូចបានលើកឡើងខាងលើថា វីតាមីន A អាចជួយជួសជុលជាលិកាស្បែក ដូច​នេះប្រសិនជាមាន​បញ្ហាខ្វះវីតាមីនA ស្បែកនឹងស្ងួត ហើយ​បែរជាផលិតជាតិខ្លាញ់នៅលើមុខហួសកម្រិតដែលអាចបង្កជាមុន។ ដោយ​ហេតុនេះហើយវីតាមីន A ក៏ត្រូវបានប្រើសម្រាប់ព្យាបាលបញ្ហាមុនដែរ។ អត្ថបទពាក់ព័ន្ធ៖ ស្រីៗគ្នាយើងកុំ​អូសរំលង អាហារទាំងនេះជួយ​រក្សាសម្រស់​ឲ្យ​នៅ​​ក្មេងជាងវ័យ វិធីសាស្រ្តផ្សេងៗក្នុងការ​ព្យាបាលអាចម៍រុយ និង​ស្នាមមុន​លើ​ស្បែក​មុខ​ មុខសម្បូរខ្លាញ់! ត្រូវចេះតិចនិក ៣ យ៉ាងនេះ ធានាថាមុខសស្អាត គ្មានមុន… បញ្ហាជាមួយនឹងការបង្កកំណើត ប្រសិនជាគ្នា​យើ​ងណា​មានបញ្ហាក្នុងការបង្កកំណើត នេះអាចមកពីកង្វះវីតាមីន A ក៏អាចថាបាន ព្រោះថា​វីតាមីនអA ជាកត្តារួមចំណែកមួយដែរ។ ប្រព័ន្ធ​បន្តពូជទាំងបុរស និងស្រ្តីត្រូវការវីតាមីន A ​ដើម្បីដំណើរការបានល្អ ដូចនេះទទួលទានអាហារដែល​មានវីតាមីននេះច្រើនអាចជួយដល់ការបន្តកំណើត។ បន្ថែមពីលើ​នេះ​ទៀត​ ស្រ្តីមានផ្ទៃពោះគួរ​បញ្ចូលអាហារមានវីតាមីន A ច្រើន […]

អ្នក​ជំនាញ​​សុខភាព​ជា​ច្រើន​បាន​​ច្រាន​ចោល ទំនោរ​ថ្មី​មួយ​​​របស់​យុវវ័យ​ ដែល​ថា​ការ​ញ៉ាំ​ទឹក​ធម្មជាតិ​ចេញ​ពី​ផ្លែ​ឈើ ដូច​ជា​​ទឹក​ដូង ទឹក​ក្រូច​ស្រស់ បាន​មួយ​ថ្ងៃ​គឺ​ល្មម​គ្រប់​គ្រាន់​ ហើយ​ល្អ​សម្រាប់​សុខភាព​។ ប៉ុន្តែ​ អ្នក​ជំនាញ​អាហារូបត្ថម្ភ មិន​ត្រឹម​តែ​មិនគាំ​ទ្រ​ ទំនោរ​ថ្មី​នេះ​ទេ ​ថែម​ទាំង​ក្រើន​រំលឹក​ថា ការ​ធ្វើ​បែប​នោះ នឹង​បង្ក​បញ្ហា​ជា​ច្រើន​​ដល់​រាង​កាយ​​ទៅ​វិញ។ អ្នក​ជំនាញ​ផ្នែក​អាហារូបត្ថម្ភ ព្រម​ទាំង​គ្រូ​ពេទ្យ​ជំនាញ​​នៅ​តាម​បណ្តា​ប្រទេស​ជា​ច្រើន បាន​លើក​​​ឡើង​ថា រាង​កាយ ត្រូវ​ការ​ទឹក​ជា​ប្រចាំ​ថ្ងៃ (ជា​មធ្យម​២​លីត្រ សម្រាប់​មនុស្ស​ពេញ​វ័យ) ដើម្បី​បង្កើត​ និង​ផ្គត់​ផ្គង់​សារធាតុ​រាវ​​ផ្សេង​ៗ​ដែល​រាង​កាយ​ត្រូវ​ការ ព្រម​​ទាំង​ប្រើ​សម្រាប់​​បណ្តេញ​ជាតិ​ពុល និង​រំលាយ​អាហារ​​ផង​ដែរ។ កង្វះ​ជាតិ​ទឹក នឹង​បង្ក​ឱ្យ​រាង​កាយ​មាន​បញ្ហា​ដូច​ជា​​ ខ្សោះ​ជាតិ​ទឹក បញ្ហា​តម្រង​នោម ខ្សោយ​ក្រលៀន​​ជា​ដើម ហើយ​អាច​បណ្តាល​បាត់​បង់​ជីវិត​ទៀត​ផង ករណី​ខ្វះ​ជាតិ​ទឹក​យូរ​ពេល។ អត្ថបទពាក់ព័ន្ធ៖  កូនតូចរាក ឬក្តៅខ្លួន អាចឲ្យញ៉ាំទឹកផ្លែឈើបានអត់? ញ៉ាំផ្លែឈើស្រស់ និងផឹកទឹកផ្លែឈើស្រស់ មួយណាល្អជាង? ការពារ ប្រសើរជាងព្យាបាល! សញ្ញា៤យ៉ាង គួរដឹងពីក្រួសក្នុងតម្រងនោម ប្រភព​ព័ត៌មាន​ Daily Mail បាន​បង្ហាញ​ថា ការ​លើក​ឡើង​របស់​អ្នក​ជំនាញ​នេះ បន្ទាប់​ពី​​មាន​និន្នាការ​មួយ​ចំនួន​នៅ​លើ​បណ្តាញ​សង្គម ពិសេស​តារា​ៗ ឬ​អ្នក​មាន​ឥទ្ធិពល​ ឬ​​គេ​ Follow​ នៅ​លើ​បណ្តាញ​សង្គម​ បាន​អនុវត្ត​ដោយ​ខ្លួន​ឯង​នូវ ការ​ញ៉ាំ​ទឹក​ផ្លែ​ឈើ​ពេញ​មួយ​ថ្ងៃ​ ជំនួស​ឱ្យ​ការ​ញ៉ាំ​ទឹក។ តារា​ៗ ឬ​អ្នក​មាន​ឥទ្ធិពល​លើ​បណ្តាញ​សង្គម​ទាំង​នោះ បាន​លើក​ឡើង​ថា ពួក​គេ​​ត្រឹម​តែ​ញ៉ាំ​ទឹក​ផ្លែ​ឈើ​ពី​ធម្មជាតិ […]

ប៉ាម៉ាក់​មួយចំនួនប្រាកដជាមាន​​កូនតូចដែល​​មិន​ចូល​ចិត្ដ​ញ៉ាំ​បន្លែ អាចថា​​ដោយ​សារ​អូនៗ​​មាន​ចំណង់​អាហារ​ប្លែក​ពី​មនុស្ស​ចាស់ ឬ​ដោយ​សារ​ពេល​ខ្លះ​អូនៗក៏​​មិន​ចូល​ចិត្ដ​អាហារ​ដែល​មិន​សូវ​មាន​រស់​ជាតិ។ ប៉ុន្តែ​បន្លែ​មាន​ផ្ទុក​ដោយ​ជាតិ​សរសៃ (Fiber)ជា​ច្រើន ហើយ​មាន​សារៈ​សំខាន់​សម្រាប់​ប្រព័ន្ធ​រំលាយ​អាហារ​របស់​មនុស្ស​យើង និង​កូនក្មេង​។ ដូច​នេះ​តើ​អ្វី​ទៅ​ជា​ជាតិ​សរសៃ (Fiber) ហើយ​​មាន​អត្ថ​ប្រយោជន៍​ដល់​ប្រព័ន្ធ​រំលាយ​អាហារ​របស់កូន​ក្មេង​បាន​យ៉ាង​ដូច​ម្ដេច? អត្ថបទពាក់ព័ន្ធ៖ អាហារ ៤ ប្រភេទនេះ ល្អខ្លាំងណាស់ចំពោះអូនៗតូច ម៉ាក់ប៉ាគួរពិចារណា! ១- អ្វី​ទៅជាជាតិ​សរសៃ (Fiber)? អាហារ​ជាតិ​សរសៃ (Fiber) ​ភាគ​ច្រើន​គ្នា​យើង​​ស្គាល់​ថា​ជា​អាហារ​ធ្វើ​ឲ្យ​តឹង​ពោះ ឬ​ធ្វើ​ឲ្យមាន​ក្លិន​​ធុំ។ អាហារសរសៃ​​ក៏​រាប់​បញ្ចូល​ទាំង​ផ្នែក​របស់​រុក្ខជាតិ ​ដែល​ខ្លួន​យើង​មិន​អាច​រំលាយ​ ឬ​មិន​អាច​ស្រូប​បាន​ដែរ។ ជាតិ​សរសៃ​ត្រូវ​បាន​គេ​ចែក​ចេញ​ជា​ពីរ​ក្រុម៖ – ជាតិ​សរសៃ (Fiber) រលាយ ជាតិ​សរសៃ​ប្រភេទ​នេះ​គឺ​អាច​រលាយ​ក្នុង​ទឹក​បាន ហើយ​​នឹង​ប្រែ​ទៅ​ជា​មាន​សភាព​ដូច​ជា​ចាហ៊ួយ។ ជាតិ​សរសៃ​រលាយ​ភាគ​ច្រើន​ឃើញ​មាន​នៅ​ក្នុង​​គ្រាប់​អូត (oats) សណ្ដែក​ផៀ (Pea) សណ្ដែក ផ្លែ​ឈើ​ដែល​មាន​រស​ជាតិ​ជូរ (Citrus fruit) និង​ផ្លែ​ឈើ​មួយ​ចំនួន​ផ្សេង​ទៀត។ ជាតិសរសៃអាច​ជួយ​បញ្ចុះ​កម្រិត​កូលេស្តេរ៉ូល និង​ជាតិ​ស្ករ​ក្នុង​ឈាម​របស់​យើង​បាន​។ – ជាតិ​សរសៃ (Fiber)មិនរលាយ ជាតិ​សរសៃមិន​រលាយ​​គឺ​មាន​តួនាទី​ជួយ​សម្រួល​ចលនា​របស់​ប្រព័ន្ធ​រំលាយ​អាហារ និង​សម្រួល​ដល់​ការ​បន្ទោរ​បង់។ ជាតិ​សរសៃ​មិន​រលាយ​ច្រើន​មាន​ក្នុង​ម្សៅ​អង្ករ​សម្រូប គ្រាប់​រុក្ខ​ជាតិ សណ្ដែក និង​បន្លែ​ជា​ច្រើនទៀត។ អត្ថបទពាក់ព័ន្ធ៖ ឧស្សាហ៍​រាក មិនកាត់បន្ថយ​អាហារ​ទាំងនេះ ប្រយ័ត្ន​ខូច​ពោះវៀន អាហារទាំងនេះ​ ហាមឲ្យកូនតូចញ៉ាំ ប៉ាម៉ាក់ប្រយ័ត្នស្តាយក្រោយ! ២- តើយើងអាចរកជាតិ​សរសៃ (Fiber)នៅកន្លែងណាបាន? ស្ទើ​តែ​គ្រប់​អាហារ​ប្រភេទ​រុក្ខ​ជាតិ​ទាំង​អស់​គឺ​សុទ្ធ​តែ​មាន​ផ្ទុក​ជាតិ​សរសៃ​រលាយ និង​ជាតិ​សរសៃ​មិន​រលាយ។ គ្រាន់​តែ​បរិមាណ​របស់​ជាតិ​សរសៃ​ក្នុង​អាហារ​និមួយ​ៗ​គឺ​ខុស​ៗ​គ្នា។ ជា​ធម្មតា​អាហារ​ដែល​មាន​ផ្ទុក​ជាតិ​សរសៃ​ច្រើន​ជាង​គេ​គឺ​អង្ករ […]

គ្នា​យើងពិតជាបាន​ដឹង​ហើយថាពោតបារាំង (Okra) អាច​យកមកធ្វើជាអាហារប្រចាំថ្ងៃបាន​ ប៉ុន្តែក៏មាន​អ្នក​ខ្លះចាត់ទុក​ជា​ប្រភេទផ្លែឈើដែរ​។ ពោតបារាំងមានពីរពណ៌គឺពណ៌បៃតង និងពណ៌ក្រហម​ដែលប្តូរមកពណ៌បៃតងក្រោយពេលចម្អិន។ មួយ​វិញទៀត​គ្នា​យើង​ក៏ទំនងជាបាន​ដឹងដែរថា​ពោតបារាំងសម្បូរ​សារធាតុចិញ្ចឹមដែលបានអត្ថ​ប្រយោជន៍ច្រើនសម្រាប់សុខភាព។ សំបូរសារធាតុចិញ្ចឹម ក្នុងពោតបារាំង១០០ក្រាមមានផ្ទុកនូវ៖ កាឡូរី៖ ៣៣កាឡូរី កាប៊ូអ៊ីដ្រាត៖ ៧ក្រាម ប្រូតេអ៊ីន៖ ២ក្រាម ជាតិខ្លាញ់៖ ០ក្រាម ជាតិសរសៃ៖ ៣ក្រាម ម៉ាញ៉េស្យូម៖ ១៤% ក្នុងមួយពេល អាស៊ីតហ្វូលិក (Folate)៖ ១៥%ក្នុងមួយពេល វីតាមីន A៖ ១៤% ក្នុងមួយពេល វីតាមីន C៖ ២៦%ក្នុងមួយពេល វីតាមីន K៖ ២៦%ក្នុងមួយពេល វីតាមីន B6៖ ១៤%ក្នុងមួយពេល។ ក្រៅពី​អ្វីដែលបាន​រៀប​រាប់ខាងលើ​ពោតបារាំងគឺជាប្រភពដ៏ល្អនៃវីតាមីន C និង K1។ វីតាមីន C មានមុខងារជួយដល់ប្រព័ន្ធភាព​ស៊ាំ​ រីឯវីតាមីន K1 អាចជួយក្នុងការធ្វើកំណកឈាម។ មួយវិញទៀត ចំណុចពិសេសរបស់ផ្លែពោតបារាំង​នេះគឺមានប្រូតេអ៊ីន និងជាតិសរសៃដែលផ្លែឈើ និងបន្លែមួយចំនួនមិនមាន។ អត្ថបទគួរអាន៖ ស្វែងយល់ពីកំពូលគុណប្រយោជន៍ពីវីតាមីន B Complex ស្វែងយល់អំពីប្រូតេអ៊ីនក្នុងបន្លែ និងសាច់ ពោតបារាំង​ផ្ទុកនូវសារធាតុប្រឆាំងអ៊ីកស៊ីតកម្ម (Antioxidants) ពោតបារាំង​មាននូវសារធាតុប្រឆាំងអ៊ុកស៊ីតកម្មដែលមានផលល្អសម្រាប់សុខភាពរបស់​យើង​គ្រប់​គ្នា​។ សារធាតុប្រឆាំង​អ៊ុកស៊ីតកម្មចម្បងនៅក្នុងពោតបារាំងនេះគឺ Polyphenols រួមទាំង Flavonoids និងIsoquercetin ក៏ដូចជាវីតា​មីន A និងCដែរ។ ការសិក្សាបានបង្ហាញថា អាហារដែលមានជាតិ Polyphenols​ ខ្ពស់ជាអាហារល្អសម្រាប់​សុខភាពខួរក្បាល […]

ចម្អិន​ម្ហូប​អាហា​រម្តងៗ យើង​តែង​ប្រើ​គ្រឿង​ផ្សំ​​ជា​ច្រើនមុខ ដើម្បី​​បន្ថែម​រសជាតិ​អាហារ​​ឲ្យកាន់​​តែ​ឆ្ងាញ់ ក្នុង​នោះ​មាន​គ្រឿង​ផ្សំ​ ៣ ​មុខ ​ដែល​គេ​ប្រើ​ញឹក​ញាប់​ជាងគេ គឺ អំបិល ស្ករ និង​ប៊ីចេង។ ចំពោះ​គ្រឿង​ផ្សំ​ទាំង​៣​នេះ អ្នក​ជំនាញ​អះ​អាង​ថា បើ​យើង​ប្រើ​ច្រើន​ពេក​ប៉ះពាល់​ចំពោះ​សុខភាព​ខ្លាំង​ណាស់។ ១. អំបិល អំបិល​ជា​គ្រឿង​ផ្សំ​ដ៏​ពេញ​និយម ដែល​សឹង​គ្រប់​មុខ​ម្ហូប​មិន​អាច​ខ្វះ​អំបិល​បាន​ឡើយ​ទោះ​តិច ឬ​ច្រើ។  តែ​ទោះ​យ៉ាង​ណា​យើង​ម្នាក់ៗ​ត្រូវ​កំណត់​បរិមាណ​វា​តិច​ជាង ៥ ក្រាម/ថ្ងៃ (១ស្លាប​ព្រា​កាហ្វេ) ប៉ុណ្ណោះ ទើប​មិន​មាន​ផល​ប៉ះពាល់​ចំពោះ​សុខភាព បើ​តាម​អង្គការ​សុខភាព​ពិភព​លោក។ ញ៉ាំ​ប្រៃ​ជា​មូលហេតុ​ឈាន​ទៅ​មាន​ជំងឺ​លើសសម្ពាធ​ឈាម គ្រោះថ្នាក់សរសៃ​ឈាម​ខួរក្បាល ជំងឺបេះដូង មហារីក​ក្រពះ- ពោះវៀន ក្រួស​តម្រង​នោម និង​​ជំងឺ​​ជា​ច្រើន​​ទៀត។ អត្ថបទពាក់ព័ន្ធ៖ មើល​ឲ្យ​ហើយ​អ្នក​ចូលចិត្ត​ញ៉ាំ​ប្រៃ អាច​មាន​​គ្រោះ​ថ្នាក់​ធំពីរយ៉ាង ថៃរៀបចំពន្ធថ្មីលើអាហារកែច្នៃ អាហារកាន់តែប្រៃពន្ធកាន់តែខ្ពស់ ដោយសារ… ២. ស្ករ អង្គការ​សុខភាព​ពិភពលោក​ណែនាំ​ឱ្យ​មនុស្ស​ពេញ​វ័យ​ញ៉ាំ​ជាតិ​ស្ករ​សរុប​តិច​ជាង ១០% ក្នុង​ចំណី​អាហារ​សរុប​ប្រចាំថ្ងៃ ឯ​កុមារ​វិញ​តិច​ជាង ៥%។  “ស្ករ”​ ជា​សារធាតុ​បន្ថែម​ក្នុង​ចំណី​អាហារ ជួយ​ឲ្យ​មាន​រស​ជាតិ​ផ្អែម ឆ្ងាញ់ ទាក់​ទាញ និង​​ចង់​ញ៉ាំ។ យ៉ាងណា បើ​យើង​ញ៉ាំ​ជាតិស្ករ​ច្រើន​ពេក នាំ​ឲ្យ​មាន​បញ្ហា​គ្រោះ​ថ្នាក់​ចំពោះ​សុខភាព ពិសេស​ទៅ​ជា​ធាត់​លើស​ទម្ងន់ ប្រឈម​នឹង​កើត​ជំងឺ​សរសៃ​ឈាម​បេះដូង លើស​សម្ពាធឈាម ទឹក​នោម​ផ្អែម ជំងឺបេះដូងជាដើម។ អត្ថបទពាក់ព័ន្ធ៖ ក្រៅពីជំងឺទឹកនោមផ្អែមទេ ជំងឺបេះដូង ក៏បង្កឡើងដោយសារជាតិស្ករដែរ! ស្វែងយល់ពីប្រភេទស្ករ […]

គ្នា​យើង​ប្រាកដ​ជា​ដឹង​​ហើយ​ថា ការ​ទំពា​អាហារ​ម៉ត់​ល្អ​ មាន​ប្រយោជន៍​ដល់​ប្រព័ន្ធ​រំលាយ​អាហារ ជួយ​ឱ្យ​រាង​កាយ​ស្រូប​យក​ជីវជាតិ​វីតាមីន បាន​គ្រប់​គ្រាន់។ តែ​យ៉ាង​ណា​មិញ យើង​អាច​នឹង​ភ្លេច ឬ​បង្កើត​ទម្លាប់​​​លេប​​អាហារ​ចូល​​ ដោយ​ពុំ​បាន​ទំពា​ត្រឹម​ត្រូវ​ ដោយ​សារ​កត្តា​​មួយ​ចំនួន​ដូច​ជា ករណី​ប្រញាប់ ឬ​ទម្លាប់​ញ៉ាំ​អាហារ​ធំ​ៗ ឬ​តូច​ពេក ដូច​នេះ​ គ្នាយើង​អាច​ស្វែង​យល់ និង​ដឹង​ពី​របៀប​ទំពា​អាហារ​បាន​ល្អ ដូច​ខាង​ក្រោម​នេះ​៖ ១. អត្ថប្រយោជន៍​នៃ​ការ​ទំពា​អាហារ​តាម​សម្រួល គ្រូ​ពេទ្យ​ជំនាញ​បាន​និយាយ​ថា កាល​ណាយើង​​​ញ៉ាំ​អាហារ​​លឿន​ពេក នោះ​យើង​នឹង​មាន​ទំនោរ​ញ៉ាំ​ច្រើន​។ ការ​ញ៉ាំ​អាហារ​ដោយ​ទំពា​ច្រើន​ដង ជួយ​ឱ្យ​ឆាប់​ឆ្អែត និង​​បន្ថយ​បរិមាណ​អាហារ​​មិន​ចាំ​បាច់​ ដែល​យើង​​ត្រូវ​ទទួល​បាន ពោល​គឺ​មិន​ធ្វើ​ឱ្យ​​​មាន​បញ្ហា​លើស​គីឡូ​។ ក្នុង​ការ​សិក្សា​មួយ​ ទៅ​លើ​ស្ត្រី​ស្ម័គ្រ​ចិត្ត​៣០​នាក់ ដែល​​មាន​ទម្លាប់​ទំពា​អាហារ​​ផ្សេង​ៗ​គ្នា​បាន​​បង្ហាញ​ឱ្យ​ឃើញ​ថា អ្នក​ដែល​​ញ៉ាំ​អាហារ​យឺត​ដោយ​សារ​​ការ​ទំពា គឺ​ឆាប់​ឆ្អែត​ជាង​ស្ត្រី​ដែល​មាន​ទម្លាប់​ញ៉ាំ​លឿន។ ហើយ​ករណី​សិក្សា​មួយ​ទៀត​នោះ​ បាន​បង្ហាញ​ឱ្យ​ឃើញ​ថា អ្នក​ទម្លាប់ញ៉ាំ​អាហារ​យូរ មាន​អត្រា​​ឃ្លាន​​​ញ៉ាំ​ចំណី​ក្រៅ​ពេល​ តិច​តួច​បំផុត។ អត្ថបទពាក់ព័ន្ធ៖ ចូលចិត្តទំពារស្ករកៅស៊ូ តើអាចប៉ះពាល់សុខភាពទេ? ទម្លាប់អាក្រក់ ១៥នេះ ​​បំផ្លាញធ្មេញ​​មិន​ដឹង​ខ្លួន ជា​មួយ​គ្នា​នោះ​ផង​ដែរ អ្នក​ជំនាញ​បាន​បញ្ជាក់​ថា ទំពា​អាហារ​បាន​ម៉ត់​ល្អ ពិត​ជា​ជួយ​ឱ្យ​រាង​កាយ ស្រូប​យក​ជីវជាតិ​​ចិញ្ចឹម​បាន​យ៉ាង​ល្អ។ ២. ការ​ទំពា​អាហារ​បាន​ម៉ត់​ល្អ​  កុំ​​ដាក់​អាហារ​ ឬ​ម្ហូប​ធំ​​លើស​ពី​ទំហំ​ស្លាប​ព្រា (អាហារ​ច្រើន​ ពិបាក​ទំពា​សព្វ​ល្អ)  ពេល​អាហារ​ក្នុង​មាត់ ចាប់​ផ្តើម​ទំពា ក្នុង​នោះ​​ ការ​ទំពា​ល្អ​បំផុត​ គឺ​ប្រមាណ​៣២​ដង រហូត​ដល់​អាហារ​ក្នុង​មាត់​ អស់​រសជាតិ​ នោះ​ជា​​ពេល​ល្អ​ដែល​ត្រូវ​លេប​ចូល។ អត្ថបទពាក់ព័ន្ធ៖ ទំពារស្ករកៅស៊ូពេលនេះ ជួយកម្ចាត់មេរោគក្នុងមាត់ និងបង្ការធ្មេញពុក អាហារ៥មុខ​នេះ ល្អ​ខ្លាំង​ទាំង​សុខភាព​ខួរ​ក្បាល […]

តម្រងនោមមានតួនាទីសំខាន់ណាស់ វាជួយក្នុងការផលិតអ័រម៉ូន ច្រោះនូវជាតិពុល និងកាកសំណល់តាមរយៈទឹកនោម និងធានាលំនឹងសារជាតិទឹកនៅក្នុងរាងកាយ។ ហេតុនេះហើយយើងត្រូវថែរក្សាសុខភាពតម្រងនោមឲ្យបានល្អ ប៉ុន្តែអាហារមួយចំនួនអាចមានផលប៉ះពាល់ដល់តម្រងនោម។ ខាងក្រោមនេះជាអាហារ ៧មុខអាចប៉ះពាល់ដល់តម្រងនោម៖ ១. ផ្លែប៊ឺរ យើងដឹងហើយថាផ្លែប៊ឺរត្រូវបានចាត់ទុកជាផ្លែឈើមួយដែលមាននូវសារធាតុចិញ្ចឹមជាច្រើន។ ប៉ុន្តែការញ៉ាំផ្លែប៊ឺរច្រើនអាចបង្កគ្រោះថ្នាក់ដល់តម្រងនោម ជាពិសេសសម្រាប់អ្នកដែលមានជំងឺតម្រងនោមស្រាប់។ មូលហេតុមកពីផ្លែឈើនេះមានកម្រិតប៉ូតាស្យូមខ្ពស់។ ទោះបីជារាងកាយយើងត្រូវការសារជាតិរ៉ែ ប៉ុន្តែបើនៅក្នុងឈាមមានប៉ូតាស្យូមច្រើនពេកអាចបណ្តាលឲ្យមានអាការៈរមួលក្រពើ និងចង្វាក់បេះដូងមិនប្រក្រតី។ ២. សាច់ ការទទួលទានសាច់ច្រើនពេកអាចធ្វើឲ្យតម្រងនោមមានបញ្ហាដោយសារតែប្រូតេអ៊ីនសត្វពិបាកក្នុងការរំលាយ​។ អាហារណាដែលសម្បូរទៅដោយប្រូតេអ៊ីនសត្វអាចបង្កឲ្យមានគ្រួសក្នុងតម្រងនោម។ គ្រួសក្នុងតម្រងនោមជាទូទៅបង្កឡើងដោយសាច់ដែលមានជាតិ Purines ខ្ពស់ដែលជំរុញការផលិតអាស៊ីតអ៊ុយរិច។ គ្នាយើង​មាន​បញ្ហា​តម្រងនោម​អាចញ៉ាំបន្លែ​ និងផ្លែឈើជំនួសដើម្បីទទួលបានជាតិប្រូតេអ៊ីនសម្រាប់រាងកាយ។ អត្ថបទពាក់ព័ន្ធ៖ មិនចង់កើតក្រួសក្នុងតម្រងនោម គួរយល់របៀបបង្ការទាំងនេះ ការពារ ប្រសើរជាងព្យាបាល! សញ្ញា៤យ៉ាង គួរដឹងពីក្រួសក្នុងតម្រងនោម មិនសូវផឹកទឹក ប្រយ័ត្នកើតក្រួសក្នុងតម្រងនោម ៣. អំបិល របបអាហារដែលល្អចំពោះសុខភាពគួរមានសូដ្យូម ២៣០០មីលីក្រាម ដែលស្មើនឹងអំបិលមួយស្លាបព្រាកាហ្វេក្នុងមួយថ្ងៃ។ ប្រសិនជាយើង​ទទួលទានអំបិលច្រើនពេក តម្រងនោមនឹងត្រូវធ្វើការធ្ងន់ក្នុងការកំចាត់បរិមាណលើសនៃសូដ្យូម ដូច្នេះតម្រងនោមនឹងទប់ជាតិទឹកដែលអាចបណ្ដាលសម្ពាធឈាមឡើងខ្ពស់។ ដើម្បីថែរក្សាសុខភាពតម្រងនោម សូមកាត់បន្ថយការទទួលទានអាហារដែលមានអំបិលច្រើនដូចជា អាហារកំប៉ុង និងភីហ្សាក្លាសេជាដើម។ ៤. ផ្លែចេក ប្រសិនជាយើងសង្ស័យថាខ្លួនមានបញ្ហាតម្រងនោម​ អាហារូបត្ថម្ភ និងរបបអាហារត្រឹមត្រូវគឺមានសារៈសំខាន់ណាស់ ហើយនឹងកាត់បន្ថយនូវអាហារមួយចំនួនដូចជាផ្លែចេកជាដើម។ ផ្លែចេកមានផ្ទុកសារធាតុ​ប៉ូតាស្យូមច្រើនដែលអាចធ្វើឲ្យតម្រងនោមដំណើរការមិនត្រឹមត្រូវ។ សម្រាប់មនុស្សពេញវ័យក្នុងមួយថ្ងៃគួរបរិភោគអាហារដែលមានប៉ូតាស្យូម ៣៥០០-៤៧០០មីលីក្រាម ហើយផ្លែចេកមួយជាមធ្យមមានផ្ទុកប៉ូតាស្យូម ៥៣៧មីលីក្រាមទៅហើយ។ ប្រសិនយើង​មានជំងឺតម្រងនោម គួរកាត់បន្ថយនូវការបរិភោគអាហារមានប៉ូតាស្យូម។ ៥. ផលិតផលធ្វើពីទឹកដោះគោ ទោះបីជាផលិតផលធ្វើពីទឹកដោះគោមានវីតាមីន និងសារធាតុចិញ្ចឹមច្រើនក៏ដោយ ការទទួលទានផលិតផលទាំងនេះច្រើនមានផលប៉ះពាល់ជាច្រើនដល់សុខភាព។ ផលិតផលទាំងនេះមានផ្ទុកនូវជាតិផូស្វ័រច្រើនដែលអាចប៉ះពាល់ដល់តម្រងនោម។ ម៉្យាងទៀត ប្រសិនជាតម្រងនោមដំណើរការមិនល្អ គឺមិនអាចកំចាត់នូវជាតិផូស្វ័រដែលលើសនៅក្នុង​ឈាមបានទេ និងអាចធ្វើឲ្យឆ្អឹងមានសភាពខ្សោយងាយនឹងបាក់។ ៦. […]

ខួរ​ក្បាល ជា​ផ្នែក​មួយ​ដ៏​សំខាន់ មិន​ថា​ក្មេង​មិន​ថា​ចាស់ បើ​គ្នា​យើង​ចេះ​ថែ​រក្សា​សុខភាព​ខួរ​ក្បាល​បាន​ល្អ មិន​ត្រឹម​តែ​ជួយ​ដល់​ការ​ចង​ចាំ​ប៉ុណ្ណោះ​ទេ ចំពោះ​អូនៗ​វិញ​រៀន​កាន់​តែ​ពូកែ ចំនែក​គ្នា​យើង​វ័យ​ក្មេងគឺអាចធ្វើ​ការ​កាន់​តែ​ឆ្លាត​វៃ ហើយ​ចាស់ៗ​វិញ អាច​ចៀស​ផុត​ពី​ជំងឺ​ជាច្រើន​ ពិសេស​ជំងឺ​ចាស់​វង្វេង​តែ​ម្តង។ អត្ថបទ​នេះ “Hello គ្រូពេទ្យ” នឹង​ណែនាំ​កំពូល​អាហារ ៥​មុខ ជួយ​សុខភាព​ខួរ​ក្បាល និង​ការ​ចង​ចាំ​បាន​ល្អ។ ១- ត្រីសម្បូរ​ខ្លាញ់ បើ​និយាយ​ពី​សុខភាព​ខួរ​ក្បាល ត្រី​សម្បូរ​ខ្លាញ់​ ត្រូវ​ចាត់​ទុក​ជា​កំពូល​អាហារ​ដំបូង​បង្អស់​សម្រាប់​យើង​ពិចារណា ដោយ​ក្នុង​នោះ​មាន​ដូច​ជា ត្រីសាល់ម៉ុន ត្រី​ដ្រូត (ស្រដៀង​ត្រីព្រួល) និង​ត្រី​សាឌីន​ជាដើម ព្រោះ​ពពួក​ត្រី​ទាំង​នេះ សម្បូរ​អាស៊ីដ​ខ្លាញ់​អូមេហ្គា ៣។ គ្នា​យើង​ត្រូវ​ដឹង​ថា ៦០% នៃ​ខួរ​ក្បាល​យើង​ទាំង​មូល គឺ​ជា​សារធាតុ​ខ្លាញ់ ក្នុង​នោះ​ពាក់​កណ្តាល​គឺ​អាចជា​​ប្រភេទ​ខ្លាញ់​អូមេហ្គា ៣ នាំ​ឲ្យ​ខ្លាញ់​នេះ​សំខាន់​ខ្លាំង​សម្រាប់​សុខភាព​ខួរ​ក្បាល​យើង អាច​ចៀស​ផុត​ពី​ជំងឺ​ចាស់​វង្វេង​បាន​ទៀត​ផង។ ការ​សិក្សា​មួយ​រក​ឃើញ​ថា អ្នក​ចូល​ចិត្ត​ញ៉ាំ​ត្រី​ដុត ឬ​ត្រី​អាំង គឺ​មាន​សារធាតុ​ពណ៌​ប្រផេះ​ច្រើន​ក្នុង​ខួរ​ក្បាល ដោយ​សារធាតុ​នេះ​មាន​ផ្ទុក​កោសិកា​សរសៃ​ប្រសាទ​យ៉ាង​ច្រើន ដែល​គ្រប់​គ្រង​ការ​សម្រេច​ចិត្ត ការ​ចងចាំ និង​អារម្មណ៍​បាន​ល្អ។ ២- កាហ្វេ ញ៉ាំ​កាហ្វេ​នៅ​ពេល​ព្រឹក ធ្វើ​ឲ្យ​យើង​មាន​អារម្មណ៍​ស្រស់ស្រាយ ហើយ​សារធាតុ​សំខាន់​បំផុត​ទាំង ២ ក្នុង​កាហ្វេ គឺ​ជាតិ​កាហ្វេអ៊ីន និង​ជាតិ​ប្រឆាំង​អុកស៊ីតកម្ម ដែល​ល្អ​ខ្លាំង​សម្រាប់​ខួរ​ក្បាល ព្រោះ​សារធាតុ​ទាំង​នេះ អាច​ជួយ​យើង​បង្កើន​ការ​ប្រុស​ប្រយ័ត្ន ធ្វើ​ឲ្យ​អារម្មណ៍​ស្រស់ស្រាយ និង​ផ្ចង់​អារម្មណ៍​បាន​ល្អ។ ផឹក​កាហ្វេ​ក្នុង​កម្រិត​ត្រឹម​ត្រូវ រយៈ​ពេល​យូរ​ឆ្នាំ […]

សព្វ​ថ្ងៃ​ អាហារ ឬ​ភេសជ្ជៈ​​ជាតិ​ស្ករ​មាន​ច្រើន​សម្បូរ​បែប ងាយ​ស្រួល​រក​ទិញ ដែល​​អ្នក​ចង់​ញ៉ាំ​អាច​រក​បាន​គ្រប់​ពេល ប៉ុន្តែ​​​គ្នា​យើង​ប្រាកដ​ជា​ដឹង​ហើយ​ថា​ការ​ញ៉ាំ​ជាតិ​ស្ករ​​ក្នុង​បរិមាណ​ច្រើន អាច​បង្ក​ជា​បញ្ហា​មួយ​ចំនួន​ដល់​សុខភាព​។ តាម​រយៈ​ សញ្ញា​​មួយ​​ចំនួន​ បង្ហាញ​ថា​រាង​កាយ​ទទួល​យក​ជាតិ​ស្ករ​​ច្រើន​ពេក ដែល​ជា​ពេល​វេលា​មួយ​គួរ​គប្បី​​កាត់​បន្ថយ៖ ១. ឈឺ​សាច់​ដុំ និង​ឈឺ​សន្លាក់ អាការៈ​ឈឺ​​សាច់​ដុំ ឬ​ឈឺ​សន្លាក់​ ក៏​ជា​សញ្ញា​មួយ​ដែល​រាង​កាយ​​ប្រាប់​ឱ្យ​យើង​ដឹង​ថា ជាតិ​ស្ករ​ច្រើន​បង្ក​ឱ្យ​​មាន​ការ​រលាក​លើ​សន្លាក់។ មូល​ហេតុ​នោះ​គឺ បរិមាណ​ជាតិ​ស្ករ​ច្រើន បង្ក​ឱ្យ​​ប្រព័ន្ធ​ភាពស៊ាំ​​ចុះ​ខ្សោយ ដោយ​វា​បញ្ជូន​សញ្ញា​ទៅ​ឈាម ឱ្យ​​ព្យាយាម​បំបែក​ប្រូតេអ៊ីន​​​គ្លុយ​កូស។ កាល​ណា​ដំណើរ​នោះ​កើត​ច្រើន​ដង ក្រៅ​តែ​ពី​ការ​រលាក​សន្លាក់ វា​បង្ក​បញ្ហា​ផ្សេង​ៗ​ទៀត​ដល់​រាង​កាយ​​ ដូច​ជា​ភ្នែក​ឡើង​បាយ ជំងឺ​បេះ​ដូង ការ​ចង​ចាំ​ខ្សោយ និង​ស្បែក​ជ្រីវជ្រួញ​ជា​ដើម។ល។ អត្ថបទពាក់ព័ន្ធ៖ ពិនិត្យមើលជាតិស្ករពេលពពោះ សំខាន់ខ្លាំងប៉ុនណា? ឧស្សាហ៍ញ៉ាំផ្អែម គួរប្តូរពីភេសជ្ជៈជាតិស្ករខ្ពស់ មកញ៉ាំទឹក កាត់ហានិភ័យទឹកនោមផ្អែមបានច្រើន ២. កើន​ចំណង់​ឃ្លាន​របស់​ផ្អែម សារ​ជាតិ​ស្ករ​មាន​ភាព​បំលែង​លឿន ជា​ហេតុ​​ឱ្យ​យើង​ឆាប់​ឃ្លាន​ បន្ថែម​ពី​នោះ ជាតិ​ស្ករ​ភ្ញោច​​ខួរ​ក្បាល​ឱ្យ​បញ្ចេញ​សារធាតុ Dopamine (អារម្មណ៍​​រីក​រាយ ​ដូច​ពេល​ត្រូវ​ទទួល​រង្វាន់​ ឬ​របស់​អ្វី​មួយ​) ដែល​ធ្វើ​ឱ្យ​យើង​ ចេះ​តែ​ឃ្លាន​របស់​ជាតិ​ផ្អែម​​មិន​ឈប់​។ ៣. កម្លាំង​ថាម​ពល​ក្នុង​ខ្លួន​ឡើង​ចុះ​ៗ សារធាតុ​គ្លុយ​កូស មាន​នាទី​ផ្គត់​ផ្គង់​ថាម​ពល​ដល់​រាង​កាយ ដូច​នេះ​វា​មាន​សារសំខាន់​ក្នុង​ការ​គ្រប់​គ្រង​ជាតិ​ស្ករ​ក្នុង​ខ្លួន​ឱ្យ​បាន​ល្អ ព្រោះ​នៅ​ពេល​​ជាតិ​ស្ករ​ច្រើន ថាម​ពល​យើង​​នឹង​ឡើង​ខ្លាំង​ជាគំហក តែ​ជាតិ​ស្ករ​ច្រើន​នឹង​​ធ្វើ​​ឱ្យ​រាង​កាយ​ (ញៀន​) ត្រូវ​ការ​ជាតិ​ស្ករ​​បន្ថែម​មិន​ឈប់ ដែល​ជា​មូល​ហេតុ​ធ្វើ​ឱ្យ​​កម្លាំង​ក្នុង​ខ្លួន​​ថយ​ចុះ​វិញ​ខ្លាំង​ ហើយ​​ដំណើរ​នេះ​​ឡើង​ចុះ​ៗ ដែល​មាន​ន័យ​ថា​ ជាតិ​ស្ករ​​​​ច្រើន​​ក្នុង​​រាង​កាយ​។ ៤. ស្បែក​មាន​បញ្ហា​ ជាតិ​ស្ករ​ច្រើន​ក្នុង​ឈាម​ […]