របបអាហារ

អាហារជួយឱ្យយើងមានអារម្មណ៍ល្អ និងកាត់បន្ថយភាពតានតឹង

អាហារអ្វីខ្លះជួយឱ្យយើងមានអារម្មណ៍ល្អ និងកាត់បន្ថយភាពតានតឹង? អាហារមិនត្រឹមតែមាន ឥទ្ធិពលចំពោះសុខភាពរាងកាយទេ ថែមទាំងមានឥទ្ធិពលយ៉ាងខ្លាំងទៅលើសុខភាពផ្លូវចិត្តយើងទៀត។អាហារមួយចំនួនអាចជួយដល់មុខងារខួរក្បាល បង្កើនអ័រម៉ូនជួយឱ្យយើងរីករាយ និងស្ងប់អារម្មណ៍។ អាហារជួយឱ្យយើងមានអារម្មណ៍ល្អ និងកាត់បន្ថយភាពតានតឹងមានដូចជា៖ ១. អាហារផ្អាប់ អាហារផ្អាប់ដូចជា គីមឈី យ៉ាអួរជាដើមសម្បូរទៅដោយប្រ៉ូបាយអូទិក ដែលជួយដល់សុខភាពប្រព័ន្ធរំលាយអាហារ និងជួយបង្កើនកម្រិត Serotonin មានក្នុងខួរក្បាល ឈាម និងក្រពះពោះវៀន និងជាអ័រម៉ូនជួយឱ្យយើងរីករាយ ស្ងប់អារម្មណ៍ និងកាត់បន្ថយអាការថប់បារម្ភ ។ វេជ្ជបណ្ឌិត Casey Means គ្រូពេទ្យទទួលការបណ្តុះបណ្តាលនៅ Stanford និង ជានិពន្ធនាយករងនៃ International Journal of Disease Reversal and Prevention បានលើកឡើងថា ផលវិជ្ជមានរបស់អាហារផ្អាប់លើអារម្មណ៍ អាចទាក់ទងនឹងទំនាក់ទំនងយ៉ាងជិតស្និទ្ធរវាងមុខងារប្រព័ន្ធរំលាយអាហារ និងសុខភាពខួរក្បាលដែលប៉ះពាល់គ្នាទៅវិញទៅមក។ ការសិក្សាមួយបានបង្ហាញថា បុគ្គលដែលទទួលទានអាហារសម្បូរប្រូបាយអូទិក អាចកាត់បន្ថយអត្រានៃភាពធ្ងន់ធ្ងររបស់ជំងឺធ្លាក់ទឹកចិត្តបានច្រើន ជាពិសេសបុរស។ ២. កាហ្វេ ជាតិកាហ្វេអ៊ីនក្នុងកាហ្វេមិនត្រឹមតែអាចជួយដាស់អារម្មណ៍យើងទេ ថែមទាំងអាចបញ្ឈប់ Adenosine (សមាសធាតុដែលកើតឡើងដោយធម្មជាតិនៅក្នុងខួរក្បាល) ពីការភ្ជាប់ទៅនឹង សរសៃប្រសាទទទួលអារម្មណ៍ក្នុងខួរក្បាលមួយចំនួនដែលទាក់ទងនឹងអារម្មណ៍អស់កម្លាំង។ ជាតិកាហ្វេអ៊ីនក៏បង្កើនការបញ្ចេញសារធាតុ Dopamine និង Norepinephrine (សារធាតុបញ្ជូនសរសៃប្រសាទដែលបង្កើនអារម្មណ៍) ដែលជួយឱ្យយើងមានអារម្មណ៍ល្អ។ ៣. […]

គន្លឹះពីអាហារសុខភាពផ្សេងទៀត

អត្ថប្រយោជន៍ និងចំណុចគួរប្រុងប្រយ័ត្នពេលញ៉ាំពងក្រួច

ពេលខ្លះពងក្រួចត្រូវបានគេយកទៅចម្អិនជំនួសពងមាន់ ព្រោះមានរសជាតិស្រដៀងទៅនឹងពងមាន់គ្រាន់តែមានទំហំតូចជាង។ ទោះបីពងក្រួចមានទំហំតូចជាងពងមាន់ក៏ដោយ ពងក្រួចសម្បូរទៅដោយសារធាតុចិញ្ចឹមច្រើនដូចពងមាន់ដែរ។ អត្ថបទនេះនឹងបង្ហាញអំពីសារធាតុចិញ្ចឹមនៅក្នុងពងក្រួច អត្ថប្រយោជន៍ និងចំណុចត្រូវប្រុងប្រយ័ត្នខ្លះៗពេលញ៉ាំពងក្រួចនេះ។ សារធាតុចិញ្ចឹម ពងក្រួចមានទំហំតូច ដូចនេះពងក្រួចបីទៅបួនគ្រាប់ស្មើនឹងពងមាន់មួយគ្រាប់។ ពងក្រួចមួយ (៩ក្រាម) មានផ្ទុកនូវសារធាតុជាច្រើនដូចជា៖ កាឡូរី៖ ១៤កាឡូរី ប្រូតេអ៊ីន៖ ១ក្រាម ខ្លាញ់៖ ១ក្រាម Choline Riboflavin អាស៊ីតហ្វូលិក (Folate) អាស៊ីត Pantothenic វីតាមីន A វីតាមីន B12 ជាតិដែក ជាតិផូស្វ័រ Selenium សារធាតុ Selenium និងRiboflavin ជាសារធាតុចិញ្ចឹមសំខាន់សម្រាប់រាងកាយក្នុងការបំបែកអាហារនិងបំលែងទៅជាថាមពលសម្រាប់រាងកាយ។ សារធាតុ Selenium ក៏ជួយដល់ដំណើរការរបស់ក្រពេញទីរ៉ូអ៊ីតផងដែរ។ រីឯវីតាមីន B12 និងជាតិដែកជួយដល់សុខភាពប្រព័ន្ធប្រសាទ និងរក្សាកម្រិតថាមពលក្នុងការបង្កើតគ្រាប់ឈាមក្រហម។ បន្ថែមពីនេះទៀត Choline ជួយរាងកាយក្នុងការផលិត acetylcholine ដែលជាមានតួនាទីជាអ្នកបញ្ជូនព័ត៌មានពីប្រព័ន្ធប្រសាទទៅកាន់សាច់ដុំ។ អត្ថបទពាក់ព័ន្ធ៖ ស្វែងយល់ពីកំពូលគុណប្រយោជន៍ពីវីតាមីន B Complex អាហារមានជាតិសរសៃ ផ្ដល់គុណប្រយោជន៍ច្រើនដល់សុខភាព បើមានសញ្ញាទាំងនេះកើតឡើង បញ្ជាក់ថាគ្នាយើងខ្វះវីតាមីន A ហើយ អត្ថប្រយោជន៍ ពងក្រួចគឺមានសារធាតុចិញ្ចឹមច្រើន និងជួយធ្វើឲ្យរាងកាយមានសារធាតុប្រឆាំងអ៊ុកស៊ីតកម្មដែលអាចបម្រុងកោសិកាថ្មីជំនួសឲ្យកោសិកាខូចខាត និងព្យាបាលអាការៈអាលែកហ្សី។ ការសិក្សាមួយបានធ្វើទៅលើមនុស្ស៧៧នាក់រលាកច្រមុះដោយសារអាលែកហ្សី (Allergic Rhinitis) មានអាការៈដូចជា កណ្ដាស់ តឹងច្រមុះ និងហៀសំបោរ។ ក្រោយទទួលបានទសារធាតុប្រឆាំងអ៊ុកស៊ីតកម្មពីពងក្រួច និងសារធាតុស័ង្កសី (Zinc) បន្ថែម អាការៈនៃអាលែកហ្ស៊ីច្រមុះនេះក៏បានប្រសើរឡើងក្នុងរយៈពេលមួយម៉ោង។ ទោះបីជាការសិក្សានេះមានភាពជោគជ័យក៏ដោយ ក៏នៅតែត្រូវការការសិក្សាទៅលើបញ្ហានេះបន្ថែមទៀត។ ការប្រុងប្រយ័ត្ន ពងក្រួចភាគច្រើនគឺមិនបានធ្វើការសម្លាប់មេរោគទេ […]