របបអាហារ

អាហារជួយឱ្យយើងមានអារម្មណ៍ល្អ និងកាត់បន្ថយភាពតានតឹង

អាហារអ្វីខ្លះជួយឱ្យយើងមានអារម្មណ៍ល្អ និងកាត់បន្ថយភាពតានតឹង? អាហារមិនត្រឹមតែមាន ឥទ្ធិពលចំពោះសុខភាពរាងកាយទេ ថែមទាំងមានឥទ្ធិពលយ៉ាងខ្លាំងទៅលើសុខភាពផ្លូវចិត្តយើងទៀត។អាហារមួយចំនួនអាចជួយដល់មុខងារខួរក្បាល បង្កើនអ័រម៉ូនជួយឱ្យយើងរីករាយ និងស្ងប់អារម្មណ៍។ អាហារជួយឱ្យយើងមានអារម្មណ៍ល្អ និងកាត់បន្ថយភាពតានតឹងមានដូចជា៖ ១. អាហារផ្អាប់ អាហារផ្អាប់ដូចជា គីមឈី យ៉ាអួរជាដើមសម្បូរទៅដោយប្រ៉ូបាយអូទិក ដែលជួយដល់សុខភាពប្រព័ន្ធរំលាយអាហារ និងជួយបង្កើនកម្រិត Serotonin មានក្នុងខួរក្បាល ឈាម និងក្រពះពោះវៀន និងជាអ័រម៉ូនជួយឱ្យយើងរីករាយ ស្ងប់អារម្មណ៍ និងកាត់បន្ថយអាការថប់បារម្ភ ។ វេជ្ជបណ្ឌិត Casey Means គ្រូពេទ្យទទួលការបណ្តុះបណ្តាលនៅ Stanford និង ជានិពន្ធនាយករងនៃ International Journal of Disease Reversal and Prevention បានលើកឡើងថា ផលវិជ្ជមានរបស់អាហារផ្អាប់លើអារម្មណ៍ អាចទាក់ទងនឹងទំនាក់ទំនងយ៉ាងជិតស្និទ្ធរវាងមុខងារប្រព័ន្ធរំលាយអាហារ និងសុខភាពខួរក្បាលដែលប៉ះពាល់គ្នាទៅវិញទៅមក។ ការសិក្សាមួយបានបង្ហាញថា បុគ្គលដែលទទួលទានអាហារសម្បូរប្រូបាយអូទិក អាចកាត់បន្ថយអត្រានៃភាពធ្ងន់ធ្ងររបស់ជំងឺធ្លាក់ទឹកចិត្តបានច្រើន ជាពិសេសបុរស។ ២. កាហ្វេ ជាតិកាហ្វេអ៊ីនក្នុងកាហ្វេមិនត្រឹមតែអាចជួយដាស់អារម្មណ៍យើងទេ ថែមទាំងអាចបញ្ឈប់ Adenosine (សមាសធាតុដែលកើតឡើងដោយធម្មជាតិនៅក្នុងខួរក្បាល) ពីការភ្ជាប់ទៅនឹង សរសៃប្រសាទទទួលអារម្មណ៍ក្នុងខួរក្បាលមួយចំនួនដែលទាក់ទងនឹងអារម្មណ៍អស់កម្លាំង។ ជាតិកាហ្វេអ៊ីនក៏បង្កើនការបញ្ចេញសារធាតុ Dopamine និង Norepinephrine (សារធាតុបញ្ជូនសរសៃប្រសាទដែលបង្កើនអារម្មណ៍) ដែលជួយឱ្យយើងមានអារម្មណ៍ល្អ។ ៣. […]

រូបមន្តសុខភាព

តើមួយថ្ងៃមនុស្សយើងត្រូវការថាមពលប៉ុន្មានកាឡូរី?

ពេលអ្នកញ៉ាំអាហារអ្នកតែងតែមើលព័ត៌មានថាតើមានប៉ុន្មានកាឡូរីទើបគ្រប់គ្រាន់។ ប៉ុន្តែអ្នកត្រូវដឹងថាតើក្នុងមួយថ្ងៃតើមនុស្សម្នាក់ៗត្រូវការប៉ុន្មានកាឡូរីទើបគ្រប់គ្រាន់ដែលវាមានទំនាក់ទំនងទៅនឹងសំពាធឈាមរបស់អ្នកផងដែរ។អត្ថបទខាងក្រោមនឹងប្រាប់អ្នកពីព័ត៌មានទាំងនេះ៖ ធ្វើយ៉ាងណាទើបដឹងថាត្រូវការប៉ុន្មានកាឡូរី? តម្រូវការកាឡូរីគឺប្រែប្រួលទៅតាមអាយុ,ភេទ,កម្ពស់,ទម្ងន់និងការបញ្ចេញកម្លាំងពលកម្មរៀងៗខ្លួនៗប្រចាំថ្ងៃ។ហើយចំនួនកាឡូរីដែលអ្នកត្រូវការអាចប្រែប្រួលទៅតាមជំងឺដែលអ្នកកំពុងមាននិងតម្រូវការពិសេសរបស់អ្នក។ឧ៖ប្រសិនបើអ្នកចង់សម្រកទម្ងន់(ស្រកទម្ងន់អាចជួយបន្ថយសំពាធឈាមបាន)អ្នកត្រូវការតែ៥០០ទៅ១០០០កាឡូរីប៉ុណ្ណោះដែលតិចជាងចំនួនធម្មតា។ ស្ត្រីវ័យជំទង់ត្រូវការពី១៦០០ទៅ២៤០០កាឡូរីក្នុង១ថ្ងៃ។បុរសពេញវ័យត្រូវការពី២០០០ទៅ៣០០០កាឡូរី។ក្មេងនិងកុមារត្រូវការ១០០ទៅ២០០០កាឡូរី។កុមារធំៗត្រូវការពី១៤០០ទៅ៣២០០កាឡូរីដែឡក្មេងប្រុសត្រូវការច្រើនជាងក្មេងស្រី។ឧ៖ប្រសិនបើជាស្ត្រី២៥ឆ្នាំនិងធ្វើការត្រូវការកម្លាំងមធ្យមនោះអ្នកត្រូវការពី២០០ទៅ២២០០កាឡូរីក្នុង១ថ្ងៃ។ ការបរិភោគលើសចំនួនកាឡូរីដែលត្រូវការអាចធ្វើឲ្យឡើងទម្ងន់តែបើញ៉ាំមិនគ្រប់វិញអាចឲ្យទៅជាកង្វះអាហារូបត្ថម្ភ។ ធ្វើយ៉ាងណាដើម្បីឲ្យគ្រប់? ដោយសារតែរបបអាហារដែលមានលំនឹងអាចជួយបន្ថយសំពាធឈាមបានអ្នកត្រូវរកជំនួយពីអ្នកឯកទេសចំណីអាហារនិងអ្នកផ្ដល់សេវាសុខភាព។ពួកគាត់នឹងរៀបចំរបបអាហារដែលត្រ២មត្រូវសម្រាប់អ្នក។មុននឹងទិញអាហារគួរតែអានព័ត៌មានពីអាហារនោះសិន។ព័ត៌មានទាំងនេះអាចជួយអ្នកឲ្យដឹងពីបរិមាណសារធាតុចិញ្ចឹមក្នុងអាហារ។អ្នកត្រូវមើលពីអាហារណាដែលមានបិទប្រាប់ពីគ្មានខ្លាញ់និងមានជាតិសូដ្យូមតិច។ភាគច្រើននៅក្នុងសៀវភៅមុខម្ហូបគេតែងតែប្រាប់ពីព័ត៌មានទាំងនេះ។ ធ្វើយ៉ាងណាបន្ថយកាឡូរីដើម្បីបន្ថយសំពាធឈាម? ប្រសិនបើអ្នកមានជំងឺលើសឈាមអ្នកត្រូវមានរបបអាហារដែលមានតុល្យភាព។អ្នកអាចប្រើរបបអាហាររបៀបដាស(DASH)។នេះគឺជារបបអាហារដែលល្អសម្រាប់អ្នកដែលមានជំងឺលើសឈាម។វិធីខ្លះៗដែលប្រើក្នុងរបបអាហារដាសដើម្បីបន្ថយសំពាធឈាមរួមមាន៖ ញ៉ាំផ្លែឈើនិងបន្លែឲ្យបានច្រើន។អាហារមានជាតិសរសៃច្រើន,វីតាមីននិងជាតិរ៉ែ។ឧ៖អាចញ៉ាំផ្លែប៉ោមមួយជំនួសញ៉ាំនំប៉័ងបាន។អ្នកអាចញ៉ាំបន្លែស្រស់ជាមួយសាច់មាន់ជាជាងញ៉ាំសាច់សុទ្ធយកឆ្អែត។ ញ៉ាំអាហារដែលគ្មានជាតិខ្លាញ់និងមានជាតិទឹកដោះគោតិច(ទឹកដោះគោ,ឈីសនិងយ៉ៅអួរ)។ឧ៖ញ៉ាំយ៉ៅអួរជំនួសការញ៉ាំការ៉េម។ ប្រើប្រាស់ផលិតផលគ្មាននិងមានជាតិខ្លាញ់តិច។មិនត្រូវជៀសវាងខ្លាញ់ឆ្អែតនិងខ្លាញ់សំយោគនោះទេ។ បន្ថយកាឡូរីរបស់អ្នកម្ដងបន្តិចជារៀងរាល់ថ្ងៃ ញ៉ាំអាហារដែលមានជាតិអង្ករច្រើនដូចជាគ្រាប់ធញ្ញជាតិនិងផាស្តាដោយសារតែសម្បូរជាតិសរសៃ។ គ្រប់គ្រងការបរិភោគស្ករនិងជាតិសូដ្យូម។អាហារកំប៉ុងដែលមានជាតិអំបិលនិងស្ករច្រើនគួរតែឆែកមើលសារធាតុទាំងនេះលើសំបកមុននឹងទិញមកបរិភោគ។ កាឡូរីគឺជាកត្តាដែលបណ្ដាលឲ្យមានការឡើងទម្ងន់ហើយការឡើងទម្ងន់គឺបណ្ដាលឲ្យមានការកើនឡើងសំពាធឈាម។ដូចនេះអ្នកត្រូវតែរៀបចុះរបបអាហាររបស់អ្នកឲ្យត្រឹមត្រូវ។