ជំងឺលើសសម្ពាធឈាម

លើសសម្ពាធឈាមអាចបង្ហាញរោគសញ្ញាអស់កម្លាំងដែរទេ?

អាការៈអស់កម្លាំង អាចបណា្ដលមកពីមូលហេតុច្រើនយ៉ាង ក្នុងនោះអាចជាការគេងមិនគ្រប់គ្រាន់ រាងកាយខ្វះវីតាមីន ឬខ្សោយគ្រាប់ឈាមក្រហម ក៏អាចបណ្ដាលឲ្យអស់កម្លាំងបានដែរ។ ប៉ុន្ដែករណីមួយទៀត ការអស់កម្លាំងក៏បណ្ដាលមកពីបញ្ហាលើសសម្ពាធឈាមដែរ។ ចង់គណនា BMR ចុចទីនេះ! ចង់គណនា BMI ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! ការលើសសម្ពាធឈាមធ្វើឲ្យយើងប្រឈមនឹងការអស់កម្លាំង ងងុយគេង។ មូលហេតុនោះគឺថា នៅពេលសម្ពាធឈាមឡើងខ្ពស់ បេះដូងក៏ចាប់ផ្ដើមធ្វើការខ្លាំងជាងធម្មតា ដើម្បីច្របាច់ឈាម បញ្ជូនអុកស៊ីសែនទៅកាន់ខួរក្បាល និង សរីរាង្គដទៃទៀតឲ្យគ្រប់គ្រាន់ ដូច្នេះទើបបណ្ដាលឲ្យយើងងាយអស់កម្លាំង។ មិនតែប៉ុណ្ណោះការលើសសម្ពាធឈាមក៏មានរោគសញ្ញាបន្ទាប់បន្សំផ្សេងៗទៀតផងដែរ ដូចជា ហៀរសំបោរ ឈឺក្បាល ចុកទ្រូង ស្រវាំងភ្នែក ចុករួយក បេះដូងលោតញាប់ និង ថប់ដង្ហើម។ ការលើសសម្ពាធឈាមដោយបង្ហាញរោគសញ្ញាអស់កម្លាំង គឺមិនសូវប្រឈមគ្រោះថ្នាក់នោះទេ យើងអាចទៅជួបជាមួយគ្រូពេទ្យទាន់ពេលវេលា និង ធ្វើការពិនិត្យមើលសម្ពាធឈាម ដើម្បីទទួលការព្យាបាលឲ្យត្រឹមត្រូវ ដូច្នេះមិនជាបញ្ហាព្រួយបារម្ភនោះទេ។ តើការថយចុះសម្ពាធឈាម អាចបណ្ដាលឲ្យអស់កម្លាំងដែរទេ? មិនថាការឡើង ឬ ចុះសម្ពាធឈាមនោះទេ គឺមានទំនាក់ទំនងរវាងបេះដូង និង ខួរក្បាល ដូច្នេះ ហើយការថយចុះសម្ពាធឈាមក៏អាចធ្វើឲ្យអស់កម្លាំងដូចគ្នា។ លោកវេជ្ជបណ្ឌិត Luke Laffin នៃមន្ទីរព្យាបាល clevelandclinic បានមានប្រសាសន៍ថា ការថយចុះសម្ពាធឈាម ករណីខ្លះមិនបង្ហាញរោគសញ្ញាអ្វីគួរកត់សម្គាល់នោះទេ ប៉ុន្ដែករណីភាគច្រើនក៏បង្ហាញរោគសញ្ញា អស់កម្លាំង […]

ជំងឺលើសសម្ពាធឈាម

វិធីថែសុខភាពអ្នកមានបញ្ហាសម្ពាធឈាមខ្ពស់ ក្នុងវិបត្តិកូវីដ១៩

ក្នុងរយៈពេលនៃការបិទខ្ទប់ដោយសារវីរុសកូវីដ១៩ រាតត្បាតនេះ អ្នកមានបញ្ហាសម្ពាធឈាមឡើងខ្ពស់គួរតែខិតខំថែរក្សាសុខភាពបន្ថែមទៀត។ ការសិក្សាថ្មីៗនេះរកឃើញថាអ្នកមានបញ្ហានេះអាចមានហានិភ័យខ្ពស់ក្នុងការឆ្លងវីរុសកូវីដ១៩ មានចេញរោគសញ្ញាធ្ងន់ធ្ងរ និងងាយស្លាប់ដោយសារការឆ្លងនេះ។ ១. មូលហេតុ សម្ពាធឈាមខ្ពស់ ជាបញ្ហាសុខភាពធ្ងន់ធ្ងរមួយ បើយើងទុកមិនព្យាបាលឲ្យបានត្រឹមត្រូវនឹងនាំឲ្យមានបញ្ហាសុខភាពផ្សេងៗជាច្រើនទៀត។ បញ្ហាសុខភាពដែលទាក់ទងនឹងបញ្ហាសម្ពាធឈាមខ្ពស់មានដូចជាជំងឺបេះដូង គ្រោះថ្នាក់សរសៃឈាមខួរក្បាល និងបញ្ហាភ្លេចភ្លាំងជាដើម។ ការសិក្សាថ្មីៗនេះបង្ហាញទៀតថា អ្នកមានបញ្ហាសម្ពាធឈាមខ្ពស់ ហើយគ្រប់គ្រងមិនបានល្អ កាន់តែប្រឈមខ្ពស់នឹងការធ្លាក់ខ្លួនឈឺធ្ងន់ធ្ងរបើមានឆ្លងកូវីដ១៩។ ជាការកត់សម្គាល់ អ្នកមិនបានថែទាំបញ្ហាសម្ពាធឈាមឡើងខ្ពស់ឲ្យបានល្អ ពេលឆ្លងកូវីដ១៩ មានផលវិបាកធ្ងន់ធ្ងរជាងអ្នកដែលអាចគ្រប់គ្រងសម្ពាធឈាមបានល្អ។ ប្រព័ន្ធភាពស៊ាំខ្សោយជាមួលហេតុមួយរបស់អ្នកមានបញ្ហាសម្ពាធឈាមខ្ពស់ និងបញ្ហាសុខភាពផ្សេងៗទៀត ដែលនាំឲ្យមានហានិភ័យខ្ពស់ពេលឆ្លងកូវីដ១៩។ ការមានបញ្ហាសុខភាពយូរអង្វែង ឬមនុស្សវ័យចំណាស់ ច្រើនមានប្រព័ន្ធភាពស៊ាំខ្សោយ នាំឲ្យពិបាកប្រឆាំងនឹងវីរុសពេលឆ្លងចូលក្នុងរាងកាយ។ បើសិនជាគ្នាយើងមានបញ្ហាសម្ពាធឈាមខ្ពស់ រឿងសំខាន់ណាស់ដែលត្រូវគ្រប់គ្រងស្ថានភាពសុខភាពឲ្យបានល្អ។ ចូរធ្វើតាមការណែនាំរបស់គ្រូពេទ្យ និងការពារខ្លួនពីបញ្ហាសុខភាពធ្ងន់ធ្ងរ ជាពិសេសជំងឺកូវីដ១៩។ ២. តិចនិចថែទាំសុខភាព ការប្រើប្រាស់ថ្នាំទៅតាមការណែនាំ និងការផ្លាស់ប្ដូររបៀបរបបរស់នៅមួយចំនួនមានឥទ្ធិពលក្នុងការការពារ និងកាត់បន្ថយបញ្ហាសុខភាពកើតពីសម្ពាធឈាមខ្ពស់។ ញ៉ាំអាហារល្អចំពោះសុខភាពបេះដូង៖ ចូរញ៉ាំបន្លែ និងផ្លែឈើឲ្យបានច្រើន ព្រមជាមួយនឹងគ្រាប់ធញ្ញជាតិ បសុបក្សី ត្រី និងអាហារធ្វើពីទឹកដោះមានជាតិខ្លាញ់ទាប។ កាត់បន្ថយអំបិលក្នុងអាហារ៖ ព្យាយាមកាត់បន្ថយការញ៉ាំអំបិលឲ្យនៅតិចជាង២ ៣០០មិល្លីក្រាមក្នុងមួយថ្ងៃ។ សម្រកទម្ងន់៖ បើគ្នាយើងធាត់ ឬលើសទម្ងន់ ជាការល្អណាស់បើយើងអាចសម្រកទម្ងន់បាន។ ការសម្រកទម្ងន់អាចកាត់បន្ថយសម្ពាធឈាម។ ហាត់ប្រាណ៖ ការហាត់ប្រាណជាប្រចាំជួយបញ្ចុះសម្ពាធឈាម ជួយកាត់បន្ថយស្ត្រេស និងសម្រកទម្ងន់។ កាត់បន្ថយស្ត្រេស៖ ពេលយើងកើតស្ត្រេស ធ្វើឲ្យយើងមានសុខភាពមិនល្អ […]