គន្លឹះសុខភាពផ្លូវភេទ

គ្រាន់តែឮ ក៏ញញើតទៅហើយ កុំថាឡើយឆ្លងនោះ ព្រោះកាមរោគជាជំងឺគ្រោះថ្នាក់ខ្លាំង និងងាយឆ្លងពីម្នាក់ទៅម្នាក់ តាមការរួមភេទ ប៉ុន្ដែរួមភេទជាផ្នែកមួយសំខាន់ក្នុងជីវិតរស់នៅ ហើយបើមិនអាចបោះបង់ចោលបាន មានតែការពារ និងបង្ការប៉ុណ្ណោះ។ “Hello គ្រូពេទ្យ” នឹងប្រាប់ពីវិធីសាស្ត្របង្ការជំងឺកាមរោគដែលស្រីៗគួរដឹង ដោយមាន ៣ ចំណុចសំខាន់ៗ បូករួមនឹងអនាម័យប្រដាប់ភេទ ដូចជា ការលាងសម្អាតឲ្យបានត្រឹមត្រូវ និងទៀងទាត់។ ១- ស្មោះស្ម័គ្រមួយនិងមួយ ដៃគូរួមភេទអាចទុកចិត្តបាន និងប្រាកដថាមិនមានឆ្លងកាមរោគ ទើបធ្វើឲ្យស្រីៗគ្នាយើងអាចចៀសផុតពីគ្រោះថ្នាក់។ ទោះយ៉ាងណា មុនចាប់ផ្ដើមទំនាក់ទំនងនេះបាន គួរនិយាយគ្នាដោយស្មោះត្រង់ និងស៊ីជម្រៅ ដើម្បីប្រាកដថាយើង និងដៃគូពិតជាគ្មានឆ្លងជំងឺកាមរោគ។ ២- កាត់បន្ថយដៃគូ បើអាច ស្រីៗគួររួមភេទជាមួយដៃគូតែម្នាក់ដែលអាចជឿជាក់បំផុត ជាជាងផ្លាស់ប្ដូរដៃគូរួមភេទច្រើននាំឲ្យហានិភ័យខ្ពស់ឆ្លងជំងឺកាមរោគ។ ៣- វិធីសាស្ត្រការពារ មុនរួមភេទ សំខាន់បំផុត យើងត្រូវដឹងច្បាស់ពីប្រវត្តិរួមភេទ និងប្រវត្តិជំងឺកាមរោគរបស់ដៃគូជាមុន។ ថ្វីបើស្រោមអនាម័យមិនមានប្រសិទ្ធភាព ១០០% បង្ការករណីមានផ្ទៃពោះ ឬជំងឺ​ផ្សេងៗ ប៉ុន្ដែវាពិតជាមានប្រសិទ្ធភាពបង្ការជំងឺកាមរោគ បើយើងប្រើប្រាស់ត្រឹមត្រូវ និងយកចិត្តទុកដាក់។ ស្រោមអនាម័យទាំងសម្រាប់ប្រុសៗ និងស្រីៗមានច្រើនប្រភេទ ប៉ុន្តែស្រោមអនាម័យប្រុសៗពេញនិយមខ្លាំង និងមានប្រសិទ្ធភាពខ្ពស់បង្ការជំងឺកាមរោគ។ មួយទៀត យើងគួរប្រើស្រោមអនាម័យថ្មី រាល់ពេលរួមភេទ ទាំងតាមមាត់ ទ្វារមាស និងរន្ធគូទ។ ប៉ុន្តែ បើយើងប្រតិកម្មជាមួយជាតិកៅស៊ូ គួរចៀសវាងប្រើស្រោមអនាម័យផលិតពីកៅស៊ូ ដោយជ្រើសរើសស្រោមអនាម័យបែបសំយោគគ្មានជាតិកៅស៊ូជំនួសវិញ តែត្រូវចាំ […]

នែ៎​គ្នាយើង! ភ្លេច​ខ្លួន​អត់​ប្រើ​អាវ​ភ្លៀង​មួយ​ពេល មាន​អារម្មណ៍​ម៉េច​ដែរ? ភ័យ​ណាស់ មែន​អត់? បើ​មិន​ខ្លាច​​ឆ្លង​កាម​រោគ ក៏​ខ្លាច​មាន​ផ្ទៃពោះ​ដែរ។ ទុក​ការ​បារម្ភ​មួយ​ឡែក​សិន “Hello គ្រូពេទ្យ” នឹង​ប្រាប់​ថា​ត្រូវ​ធ្វើ​ម៉េច។ មាន​វិធី​ការពារ​ច្រើន​ដែល​អាច​ជួយ​ដោះ​ស្រាយ​បាន។ ជាក់ស្ដែង ថ្នាំ​ការពារ​មាន​ផ្ទៃ​ពោះ​បន្ទាន់ ៧២ ម៉ោង ជា​ជម្រើស​ល្​អបំផុត បើ​យើង​រួមភេទ​ជាមួយ​ដៃ​គូ​អត់បាន​ការពារ។ វិធីសាស្ត្រមួយចំនួនទៀត អាច​ជួយ​ឲ្យ​ចៀស​ផុត​ពី​កាមរោគ។ ១- ថ្នាំ ៧២ ម៉ោង វា​ជា​ថ្នាំ​ពន្យារ​កំណើត​ករណី​បន្ទាន់ បង្ការ​ការ​ទម្លាក់​ស៊ុត​របស់​អូវែ ទប់​ស្កាត់​ការ​ឈាន​ទៅ​បង្ក​កំណើត​លើ​ភ្នាស​ស្បូន ដោយ​គ្រាន់​តែ​ស្រីៗ​លេប​ថ្នាំ​នេះ​អំឡុង​ពេល ៣ ថ្ងៃ​នៃ​ការ​រួមភេទ​ដែល​មិន​បានការពារ។ ស្រីៗ​ខ្លះ​អាច​ជួប​ប្រទះ​ផល​រំខាន ដូចជាចង្អោរ អស់កម្លាំង ឈឺ​ក្បាល និង​ឈឺ​សុដន់ ក្រោយ​ប្រើ​ថ្នាំ​នេះ។ ក្រៅពី​ថ្នាំ​ការពារ​បន្ទាន់ យើង​អាច​ប្រើ​កង​ដាក់​ក្នុង​ស្បូន​តូច ហៅថា Copper IUD សម្រាប់​ការពារ​កុំ​ឲ្យ​មាន​ផ្ទៃ​ពោះ ប៉ុន្ដែត្រូវ​ជួប​ផ្ទាល់​ជាមួយ​ពេទ្យ អំឡុង​ពេល​ ៥ ថ្ងៃ​បន្ទាប់​ពី​រួមភេទ​ភ្លេច​ការពារ។ កង​ដាក់​ក្នុង​ស្បូន IUDs ធ្វើការ​ភ្ញោច​បង្កើន​ជាតិ​រំអិល​នៅ​ភ្នាស​ក​ស្បូន ការពារ​កុំ​ឲ្យ​មេជីវិត​ឈ្មោល​ឆ្លង​កាត់​បាន។ ចំណុច​ល្អ​របស់​កង គឺ​ពេល​ដាក់​វា​ចូល​ហើយ យើង​អាច​ប្រើ​បាន​រហូត​ដល់ ១០ ឆ្នាំ ឬ​ក៏​យូរ​ជាង​ហ្នឹង។ ២- ធ្វើតេស្ត សប្បាយ​មួយ​ពេល ភ្លេច​អស់​រឿង​លោកីយ៍ ប្រាកដ​ជា​ភ័យ​ញ័រ​ខ្លួន​មិន​ស្ទើរ​ទេ […]

ចំណង់ផ្លូវភេទកើតមកពីកត្តាជីវសាស្ត្រ កត្តាផ្ទាល់ខ្លួន និងទំនាក់ទំនង វាជាផ្នែកមួយនាំឲ្យជីវិតរស់នៅប្រចាំថ្ងៃ ពោរពេញដោយផាសុកភាព និងបទពិសោធ ប៉ុន្តែប្រុសៗគ្នាយើងខ្លះបាត់បង់ ឬថយចុះចំណង់ផ្លូវភេទ ដោយមិនដឹងមូលហេតុ នាំឲ្យប៉ះពាល់ដល់ការរស់នៅប្រចាំថ្ងៃ។ ឈប់សង្ស័យ "Hello គ្រូពេទ្យ" នឹងស្រាយមន្ទិលទាំងនេះ ហើយវាអាស្រ័យលើមូលហេតុមួយចំនួន៖ ១- អ័រម៉ូនថយចុះ តេស្តូតេរ៉ូន ជាអ័រម៉ូនភេទរបស់ប្រុសៗ ធ្វើឲ្យឆ្អឹង សាច់ដុំលូតលាស់ និងផលិតទឺកកាម ហើយអ័រម៉ូននេះបង្កើតឲ្យមានចំណង់ផ្លូវភេទ។ បើកម្រិតអ័រម៉ូន ចុះទាបជាង ៣០០-៣៥០ ណាណូក្រាម ក្នុងមួយដេស៊ីលីត្រឈាម មានន័យថា ចំណង់ផ្លូវភេទធ្លាក់ចុះ។ មូលធ្វើឲ្យអ័រម៉ូនធ្លាក់ចុះគឺ "កត្តាអាយុ"។ បើមានបញ្ហានេះកើតឡើង ប្រុសៗគួរទៅជួបពេទ្យដោះស្រាយ។ គណនាថ្ងៃមេជីវិតញីទុំធ្លាក់ គណនា BMI ២- ជំងឺបាក់ទឹកចិត្ត ជំងឺបាក់ទឹកចិត្តកើតឡើងលើមនុស្សគ្រប់គ្នា ធ្វើឲ្យថាមពលរាងកាយ និងផ្លូវចិត្តបាត់បង់ នាំឲ្យចំណង់ផ្លូវភេទចុះខ្សោយ។ ថ្នាំមួយចំនូនប្រើសម្រាប់ព្យាបាលជំងឺបាក់ទឹកចិត្ត មាន Selective Serotonin Re-uptake Inhibitors (SSRIs) ក៏មានផលប៉ះពាល់ខ្លាំងដូចគ្នាដែរ។ ៣- គ្រឿងស្រវឹង ឬថ្នាំញៀន សារធាតុញៀន ឬគ្រឿងស្រវឹង ធ្វើឲ្យចំណង់ផ្លូវភេទធ្លាក់ចុះ ព្រោះវាធ្វើឲ្យអ័រម៉ូនតេស្តូតេរ៉ូនធ្លាក់ចុះ ហើយផឹកគ្រឿងស្រវឹងច្រើនបណ្តាលឲ្យប៉ះពាល់ដល់ប្រព័ន្ធប្រសាទ និងធ្វើឲ្យអស់កម្លាំង លែងមានចំណង់ផ្លូវភេទ។ ៤- ស្ត្រេស ធ្វើឲ្យមានបម្រែបម្រួលអ័រម៉ូន តាមការបញ្ចេញអ័រម៉ូន អាដ្រេណាលីន […]

ក្រោយថ្ងៃមង្គល រឿងបន្ទាប់ដែលត្រូវពិភាក្សាគ្នា គឺផែនការគ្រួសារ ជាពិសេសរឿងយកកូន។ អ្នកខ្លះ ការភ្លាម បានកូនភ្លែត។ ខ្លះការរាប់ឆ្នាំហើយ នៅតែអត់កូនទៀត ទោះចង់បានខ្លាំងប៉ុនណាក៏ដោយ។ ក្រៅពីមានដោយចៃដន្យ បើចង់បានកូន គេមានបច្ចេកទេសដូចជា ពេលណាល្អបំផុតដែលរួមភេទទៅ មានឱកាសមានកូនខ្ពស់។ ១- រួមភេទពេលណាល្អ? គឺមុនអូវុលរបស់ស្រីៗផ្ទុះបែក ព្រោះមេជីវិតស្រីៗអាចរស់បានតែ ១ ថ្ងៃប៉ុណ្ណោះ ខណៈមេជីវិតបុរស អាចរស់នៅបាន ៣-៥ ថ្ងៃ។ បង្កើនលទ្ធភាព និងឱកាសមានកូនបាន គឺគួររួមភេទ មុន “អូវុល” ផ្ទុះ ដើម្បីឲ្យមេជីវិតញី-មេជីវិតឈ្មោលជួបគ្នាបង្កកំណើត។ បើមេជីវិតទាំងពីរអត់ជួបគ្នាទេ ព្យាយាមរួមភេទយ៉ាងណា ក៏មិនអាចបង្កកំណើតបានដែរ។ គណនា​ទម្ងន់ស្ត្រីពពោះ ចុចទីនេះ រឿងដែលពិបាកបំផុត គឺកំណត់ ឬដឹងច្បាស់ពីពេលវេលាអូវុលផ្ទុះបែក។ ប៉ុន្តែយើងអាចកំណត់ថ្ងៃ ឬចំណាំលើប្រតិទិនបាន។ ជាទូទៅ ស្រីៗមានវដ្ដរដូវ ២៨ ថ្ងៃ ហើយការផ្ទុះបែកអូវុល គឺនៅពាក់កណ្ដាលនៃវដ្ដរដូវ ឬមុន ២ អាទិត្យ មុនពេលវដ្ដរដូវថ្មីចាប់ផ្ដើម។ ផ្ទុយទៅវិញ បើស្រីៗមានវដ្ដរដូវ ៣៥ ថ្ងៃវិញ ថ្ងៃដែលផ្ទុះបែកអូវុលភាគច្រើន កើតឡើងនៅអាទិត្យទី ៣ […]