ប្រយ័ត្ន! សម្លឹងអេក្រង់កុំព្យូទ័រយូរ អាចបណ្ដាលឲ្យកើតជំងឺភ្នែកស្ងួតមិនដឹងខ្លួន គ្នា​យើង​មួយ​ចំនួន​ច្បាស់​ជា​ធ្លាប់​មាន​បញ្ហា​ឈឺ​ភ្នែក ស្ពឹក​ភ្នែក​ញឹក​ញាប់​ហើយ ព្រោះ​ត្រូវ​ធ្វើ​ការ​ងារ​ជាមួយ​កុំព្យូទ័រ ឬ​ទូរស័ព្ទ អ៊ីចឹង ត្រូវ​សម្លឹង​អេក្រង់​ឧបករណ៍​អស់​នោះ​យូរ។ ភ្នែក​ដ្បិត​តែ​មិន​សូវ​ឈឺ​ជា​បញ្ហា​ធ្ងន់ធ្ងរ តែ​វា​ក៏​អាច​ប្រឈម​នឹង​កើត​ជំងឺ​ផ្សេងៗ​ដូច ភ្នែក​ឡើង​បាយ ឬ​ភ្នែក​ស្ងួត​ជាដើម។ ទាក់​ទង​នឹង​បញ្ហា​ភ្នែក​ស្ងួត មន្ទីរពេទ្យ កាល់​ម៉ែត បាន​ឲ្យ​ដឹង​ថា ជំងឺ​នេះ​អាច​កើត​មាន​នៅ​លើ​មនុស្ស​គ្រប់​វ័យ ប៉ុន្តែ​ភាគ​ច្រើន​កើត​ទៅ​លើ​មនុស្ស​ដែល​មាន​អាយុ​លើស​ពី​៥០​ឆ្នាំ​ឡើង និង​មនុស្ស​ស្រី​មាន​ភាគ​រយ​ខ្ពស់​ប្រឈម​នឹង​ជំងឺ​ភ្នែក​ស្ងួត​ជាង​មនុស្ស​ប្រុស។ មូល​ហេតុ​បង្ក​ឲ្យ​មាន​ជំងឺ​ភ្នែក​ស្ងួត - ១៤% មាន​ទឹក​ភ្នែក​មិន​គ្រប់​គ្រាន់​ដោយ​សារ​ខ្វះ​ខាត​ទឹក​ភ្នែក​បណ្ដោះ​អាសន្ន - ៨៦% អ្នក​ជំងឺ​មាន​ទឹក​ភ្នែក​ធម្មតា​ តែ​ទឹក​ភ្នែក​នោះ​គ្មាន​គុណភាព - ការ​រលាក​រ៉ាំ​រ៉ៃ​នៃ​ត្របក​ភ្នែក - ការ​ស្ងួត​ភ្នែក​ដោយ​សារ​មាន​រំហួត​ទឹក​ភ្នែក​៖ ការ​សម្លឹង​កុំព្យូទ័រ ឬ​មើល​ទូរទស្សន៍​នៅ​ក្រោម​កម្ដៅ​ថ្ងៃ នៅ​ក្នុង​បន្ទប់​ម៉ាស៊ីន​ត្រជាក់ នៅ​ក្រោម​កង្ហារ​។ល។ រោគ​សញ្ញា​​ជំងឺ​ផ្នែក​ស្ងួត -​ ក្នុង​ភ្នែក​មាន​អារម្មណ៍​ឈឺ​ចាក់​ៗ - ក្រហាយ​ភ្នែក - រមាស់​ក្នុង​ភ្នែក - ហៀរ​ទឹក​ភ្នែក - ស្រវាំង​ភ្នែក - ចាញ់​ពន្លឺ​ថ្ងៃ និង​ឈឺ​ចាប់​ភ្នែក - មាន​អារម្មណ៍​ដូច​មាន​គ្រាប់​ខ្សាច់​ក្នុង​ភ្នែក។ល។ មន្ទីរពេទ្យ កាល់ម៉ែត បាន​ណែ​នាំ​ថា ក្នុង​ករណី​ដែល​ជួប​បញ្ហា​ដូច​ដែល​បាន​រៀប​រាប់​ខាង​លើ​មក គឺ​ត្រូវ​ទៅ​ពិគ្រោះ​រក​វិធី​សាស្ត្រ​ព្យាបាល​ជំងឺ​ភ្នែក​ស្ងួត​នេះ​ឲ្យ​បាន​ត្រឹម​ត្រូវ​ជាមួយ​គ្រូពេទ្យ​ជំនាញ​ផ្នែក​ភ្នែក។

ជំងឺលើសសម្ពាធសរសៃបាតភ្នែក (Ocular Hypertension) គឺជាពាក្យវេជ្ជសាស្រ្តដែលទាក់ទងពីមូលហេតុដែលបណ្តាលមកពីសម្ពាធក្នុងភ្នែកមានការកើនឡើងខ្ពស់ជាង​កំរិតធម្មតា។ សម្ពាធនេះត្រូវបានគេហៅថា“ សម្ពាធក្នុងភ្នែក” ។ វិធីតែមួយដើម្បីវាស់សម្ពាធភ្នែកបានគឺ​ប្រើមិល្លីម៉ែត្របារត (mm Hg) ។ ជួរកំរិតធម្មតានៃសម្ពាធ​ក្នុង​ភ្នែក​គឺ​ពី ១០-២១ mmHg។ លើសសម្ពាធសរសៃបាតភ្នែក កើតមាននៅពេលដែលសម្ពាធមានកំរិតខ្ពស់ជាង ២១ mmHg។ ដើម្បីទទួលបានចំណេះដឹងកាន់​តែ​ច្រើនពីជំងឺនេះ សូមអានព័ត៌មានខាងក្រោម។ ១- មូលហេតុនៃជំងឺលើសសម្ពាធសរសៃបាតភ្នែក សម្ពាធក្នុងភ្នែកខ្ពស់បណ្តាលមកពីការផលិត និងការបង្ហូរសារធាតុរាវនៅក្នុងភ្នែកមិនមានភាពត្រូវគ្នា។ ប្រព័ន្ធបង្ហូរទឹកក្នុងភ្នែកជាធម្មតាគឺបង្ហូរសារធាតុរាវចេញចូលក្នុងភ្នែកដោយបរិមាណត្រឹមត្រូវ តែដោយសារបរិមាណមិនត្រឹមត្រូវបានបណ្តាលឲ្យមានការប្រមូលផ្តុំនូវសារជាតុរាវកើនឡើង ដោយមិនអាចច្រោះបានត្រឹមត្រូវ។ ជាលទ្ធផលបណ្តាលឲ្យមានការកើនឡើងនូវបរិមាណសារធាតុរាវនៅខាងក្នុងភ្នែក បង្កឲ្យមានសម្ពាធក្នុងភ្នែកកើនឡើង។ តើមានអ្វីកើតឡើងប្រសិនបើមានសារធាតុរាវច្រើនពេកនៅក្នុងភ្នែក? វាងាយស្រួលប្រសិនបើយើងព្យាយាមគិតដោយប្រៀបធៀបប្រហោងភ្នែកទៅនឹងធុងទឹក។ បើយើង​​ចាក់​ទឹកកាន់តែច្រើនចូលទៅក្នុងធុងនោះសម្ពាធក្នុង​ធុង​ក៏​កាន់​តែ​ខ្លាំង​។ ដូចគ្នានឹងសម្ពាធក្នុងភ្នែកដែរ បើទឹកក្នុងភ្នែកកាន់តែច្រើននោះសម្ពាធក្នុងភ្នែកក៏កាន់​តែខ្ពស់។ លើសពីនេះទៀត សរសៃប្រសាទអុបទិកនៅក្នុងភ្នែកអាចត្រូវបំផ្លាញដោយការលើសសម្ពាធក្នុងភ្នែកដូចគ្នា។ អត្ថបទពាក់ព័ន្ធ: ឧស្សាហ៍ហើមភ្នែកពេលក្រោកពីគេង អាចមកពីបញ្ហា​ទាំងនេះ ថ្នាំបន្ដក់ភ្នែក ក្រោយបើកហើយប្រើបានប៉ុន្មានថ្ងៃ? ធ្វើការងារយូរម៉ោងមុខអេក្រង់កុំព្យូទ័រ ចេះតិចនិកនេះជួយការពារភ្នែក មើលទូរស័ព្ទពេលកូនខ្ចី ធ្វើឲ្យស្រវាំងភ្នែកមែនអត់? ២- រោគសញ្ញានៃជំងឺលើសសម្ពាធសរសៃបាតភ្នែក មនុស្សភាគច្រើនដែលមានលើសសម្ពាធសរសៃបាតភ្នែកគឺមិនមានរោគសញ្ញាអ្វីឡើយ។ នេះ​ហើយ​ជាមូលហេតុដែលយើង​មិនបានចាប់​អារម្មណ៍ និង​​ទៅធ្វើការពិនិត្យ​ភ្នែកទៀងទាត់ជាមួយ​នឹងគ្រូពេទ្យជំនាញ។ ការពិនិត្យភ្នែកគឺជាគន្លឹះសំខាន់សំរាប់ជៀសវាងពីហានិភ័យនៃការមានសម្ពាធខ្ពស់ក្នុងសរសៃបាតភ្នែក។ ការពិនិត្យសុខភាពភ្នែកជាប្រចាំមានសារៈសំខាន់ណាស់សម្រាប់អ្នកមានហានិភ័យខ្ពស់ដូចជាជនជាតិស្បែកខ្មៅ និងមនុស្សវ័យ​ចំណាស់។ ខាងក្រោម​នេះ​គឺជាពេល​វេលា​ដែល​គួរ​ទៅ​ពិនិត្យ​ភ្នែក៖ ● សំរាប់អ្នកមិនមានរោគសញ្ញា និងអ្នកមានអាយុតិចជាង ៤០ ឆ្នាំត្រូវទៅពិនិត្យភ្នែកចន្លោះពី​បីទៅប្រាំឆ្នាំម្តង។ ● សម្រាប់ជនជាតិស្បែកខ្មៅ ឬអ្នកដែលមានអាយុលើសពី ៤០ ឆ្នាំគួរតែធ្វើការពិនិត្យឲ្យបានញឹកញាប់។ ● សម្រាប់អ្នកមានកត្តាហានិភ័យមួយចំនួនទៅលើជំងឺទឹកដក់ក្នុងបាតភ្នែក គួរតែធ្វើការវះកាត់ឲ្យបានឆាប់។ ៣- វិធីព្យាបាល គោលបំណងសំខាន់នៃការព្យាបាលគឺដើម្បីបន្ថយសម្ពាធមុនពេលដែលវិវត្តទៅជាវាជំងឺទឹកដក់ក្នុងបាតភ្នែក […]

កែវ​ភ្នែក​ជា​ផ្នែក​មួយ​ដែល​សំខាន់​នៃ​រាងកាយ​របស់​យើង។ ក្នុង​មួយ​ជីវិត​មនុស្សយើង​ម្នាក់ៗ​តែង​តែ​មាន​បញ្ហា​ភ្នែក​យ៉ាង​ហោច​ណាស់​ក៏​ម្ដង​ដែរ​។ បញ្ហា​ស្រាល​ខ្លះ​អាច​នឹង​ព្យាបាល​ងាយ​ស្រួល ​ឯករណី​ខ្លះ​ទៀត​ទាល់​តែ​ត្រូវ​ការ​ពេទ្យ​ជំនាញ​។ ដូច​នេះ​ហើយ​ទើប​មនុស្សយើង​គ្រប់​រូប​គួរ​តែ​យក​ចិត្ត​ទុក​ដាក់​លើ​ការ​ថែ​រក្សា​សុខភាព​ភ្នែក​ឲ្យ​មែន​ទែន។ អត្ថបទគួរអាន៖  ម៉េចបានទឹកភ្នែកយើង មាន​ជាតិប្រៃ? ក្មេងតូចៗ​នៅ​ជប៉ុន កំពុង​មាន​បញ្ហា​គំហើញ​ធ្ងន់​ធ្ងរ ដោយ​សារ​មើល​ទូរសព្ទច្រើនពេក មាន​កត្តា​បង្ក​ជា​ច្រើន​ដែល​បណ្ដាល​ឲ្យ​យើងមាន​បញ្ហា​ និង​ជំងឺ​ភ្នែក​កើត​មាន​ឡើង។ កត្តា​ចម្បង​មួយ​គឺ​អាយុ​ដែល​ធ្វើ​ឲ្យ​ភ្នែក​យើង​ងាយ​កើត​​ជំងឺ​ដក់ទឹក​ក្នុង​បាត​ភ្នែក ភ្នែកឡើងបាយ​ ​និង​មីញ៉ូប​ឆ្ងាយ​ជាដើម​។ ក្រៅ​ពី​នេះ​មាន​បញ្ហា​ជា​ច្រើន​ទៀត​ដូចជា​៖ ​ជំងឺ​ធាត់​និង​លើស​សំពាធ​ឈាម៖ បញ្ហា​នេះ​អាច​បណ្ដាល​ឲ្យ​មាន​ការ​ខូចខាត​លើ​ប្រព័ន្ធ​ឈាម​រត់​ទៅ​គ្រាប់​ភ្នែក​និង​នៅ​ក្នុង​គ្រាប់​ភ្នែក។ បញ្ហានេះ​មាន​ទំនាក់​ទំនង​នឹង​ភាពងាយ​កើត​មាន​ជំងឺ​ទឹកនោម​ផ្អែម​ទៀត​ផង។ ជំងឺ​ទឹកនោម​ផ្អែម៖ កើត​ឡើង​ពេល​មាន​ជាតិ​ស្ករ​ខ្ពស់​ក្នុង​ឈាម​ដែល​បង្ក​ឲ្យ​មាន​ការ​ហើម​កញ្ចក់​ភ្នែក​និង​ធ្វើ​ឲ្យ​គំហើញ​បែក​ទាញ​រូប។ ជំងឺ​ភ្នែក​ដោយ​សារ​ទឹកនោមផ្អែម​គឺ​ជា​ជំងឺ​ដែល​ឋិត​ក្នុង​ចំណោម​មូលហេតុ​ដែល​ធ្វើ​ឲ្យ​ពិការភ្នែក​នៅ​ក្នុង​ប្រទេស​អភិវឌ្ឍន៍។ជំងឺទឹកនោមផ្អែម​​មាន​ទំនាក់​ទំនង​យ៉ាង​ខ្លាំង​ទៅ​នឹង​ជំងឺ​ភ្នែក​នេះ។ ប្រវត្តិ​ជំងឺ​ក្នុង​គ្រួសារ​និង​តំណ​ពូជ៖ អ្នក​ដែល​មាន​បង​ប្អូន​មាន​បញ្ហា​ភ្នែក​នឹង​ងាយ​មាន​វិបត្តិ​ភ្នែក​ដូចជា​ឡើងទឹកដក់​ក្នុង​បាតភ្នែក បញ្ហា​គំហើញ ជំងឺ​សរសៃ​បាត​ភ្នែក ជំងឺ​តំណ​ពូជ​ វិបត្តិ​គំហើញ​ជាដើម។ បញ្ហា​តំណ​ពូជ​អាច​ជា​សញ្ញា​នៃ​ជំងឺ​ដូចជា​ភ្នែកឡើងបាយ មីញ៉ូប​ឆ្ងាយ​ និង​កើន​ឡើង​សំពាធ​គ្រាប់​ភ្នែក​ដែល​មាន​ទំនាក់ទំនង​យ៉ាង​ខ្លាំង​ទៅ​លើ​តំណ​ពូជ។ កើត​មិន​គ្រប់​ខែ​នៅ​សប្ដាហ៍​ទី​៣០​ឬ​កើត​មិន​គ្រប់​គីឡូ​ជាដើម​ (តិច​ជាង​១៥០០ក្រាម) មាន​ប្រវត្តិ​ធ្លាប់​កើត​ជំងឺ​សរសៃឈ​បាត​ភ្នែក​ពី​កំណើត ការ​ប្រើ​ប្រាស់​ថ្នាំ៖ ធ្លាប់​មាន​ការ​ប្រើ​ប្រាស់​ថ្នាំ​ពី​មុន​មក​ប៉ះពាល់​លើ​ភ្នែក។ ការ​ប្រើ​ប្រាស់​ថ្នាំបន្តក់​ស្តេរ៉ូអ៊ីត​ក្នុង​អំឡុង​ពេល​យូរ​អាច​បណ្ដាល​ឲ្យ​ងាយ​កើត​បាយ​ភ្នែក​និង​ជំងឺ​កើន​សម្ពាធ​គ្រាប់​ភ្នែក។ មាន​វិបត្តិ​ក្នុង​ការ​លូត​លាស់​សរសៃ​ប្រាសាទ​វិញ្ញាណ ធ្លាប់​មាន​របួស​ភ្នែក​និង​មាន​ការ​វះកាត់​ភ្នែក​ពី​មុន៖ ​ភ្នែក​ឡើងបាយអាច​កើត​មាន​ចំពោះ​អ្នក​ដែល​មាន​ការ​វះកាត់​និង​របួស​ភ្នែក​នៅ​វ័យ​ក្រោម​៤០​ឆ្នាំ។​ អ្នក​ដែល​មាន​ភ្នែកឡើងបាយ​ត្រូវ​ធ្វើ​ការ​វះកាត់​ដើម្បី​បន្ថយ​ផល​វិបាក​របស់​វា។ ស្រា៖ អ្នក​ដែល​សេព​គ្រឿងស្រវឹង​​ច្រើន​ជា​ប្រចាំ​គឺ​មាន​ហានិភ័យ​ខ្ពស់​ក្នុង​ការ​កើត​មាន​បញ្ហា​ភ្នែក ជំងឺ​ភ្នែក​ថាច់ ​(TOUCH) ជា​ការ​ក​រោគ​ពេល​មាន​ផ្ទៃ​ពោះ៖ ជា​វិបត្តិ​ភ្នែក​កុមារ​ដែល​កើត​មាន​ដោយ​សារ​ឆ្លង​រោគ​ពី​ម្ដាយ។

ភ្នែក​ជា​សរីរាង្គ​សំខាន់​បំផុត​មួយ ជួយ​ឲ្យ​យើង​អាច​មើល​ឃើញ​គ្រប់​ទិដ្ឋភាព​ជុំ​វិញ​ខ្លួន ហេតុ​នេះបើ​មិន​ថែរក្សា​ឲ្យ​បាន​ល្អ នៅ​ពេល​ភ្នែក​មាន​បញ្ហា ឬ​សរីរាង្គ​ជុំ​វិញ​នោះ​ខូច​ខាត អាច​ធ្វើ​ឲ្យ​យើង​បាត់​បង់​គំហើញ ឬ​ពិបាក​ក្នុង​ការ​មើលបាន។ អត្ថបទ "Hello គ្រូពេទ្យ" នឹង​ណែនាំ​ពី​ជំងឺ​មួយ​ប្រភេទ​ពាក់​ព័ន្ធ​នឹង​ភ្នែក ហៅ​ថា រលាក​ត្របក​ភ្នែក ដែល​ឧស្សាហ៍​កើត​ឡើង​បំផុត។ ចង់​ដឹង​ជំងឺ​នេះបង្ក​ឡើង​ដោយ​មូល​ហេតុ​អ្វី​ខ្លះ? គ្រោះ​ថ្នាក់​ប៉ុណ្ណា? អានអត្ថបទ​ខាង​ក្រោម​ដឹង​ហើយ។ ១- ប្រភេទ​នៃ​ជំងឺ​រលាក​ត្របក​ភ្នែក រលាក​​ត្របក​ភ្នែក ជា​ជំងឺ​ឧស្សាហ៍​កើត​មាន​បំផុត ហើយ​ជំងឺ​នេះ ត្រូវ​គេ​បែង​ចែក​ជា ៣ប្រភេទ មាន​ដូចជា៖ - រលាក​ត្របក​ភ្នែកខាង​មុខ៖ ប្រភេទ​ជំងឺ​នេះ សំដៅ​នៅតំបន់​ខាង​មុខ​មាន​រោម​ភ្នែក ​ត្រូវ​បាន​ប៉ះពាល់ ដែល​​បណ្ដាល​មក​ពី​បាក់តេរី​ ឬ​​វីរុស។ បើ​យើង​មាន​​ជំងឺ​រលាក​ត្របក​ភ្នែក​ខាង​មុខ ហើយ​មិន​ប្រញាប់​ព្យាបាល​នោះ បញ្ហា​​រលាក​ភ្នែក​ផ្នែក​ខាង​ក្រៅ នឹង​ទៅ​ជា​រឹង​ត្របក​ភ្នែក​ទាំង​ក្នុង​ទាំង​ក្រៅ ​ធ្វើ​ឲ្យ​ប៉ះពាល់​ដល់​គំហើញ​ ក៏​ដូចជា​ខូចខាត​ដល់​ស្រទាប់​ករ​ណេ​របស់​ភ្នែក​ផង​ដែរ​ គឺ​ដោយសារ​តែ​រោម​ភ្នែក​ចាក់​ចូល​ក្នុងភ្នែក​តែ​ម្តង។ - រលាក​ត្របក​ភ្នែក​ភ្នែក​ខាង​ក្នុង៖ ការ​រលាក​ប្រភេទនេះ បណ្ដាល​មក​ពី​ការ​បាត់​បង់​មុខងារ​របស់​ក្រពេញ​មីបូមាន (Meibomian) នៅ​ត្របក​ភ្នែក ​បង្ក​ឲ្យ​មាន​រោគ​សញ្ញា​ ដូចជា​ ត្របក​ភ្នែក​ឡើង​ក្រាស់ ក្រម​រច្រើន​នៅ​គល់​ត្របក​ភ្នែក ខណៈ​ពេល​ខ្លះ​ទឹក​ភ្នែក​ឡើង​ខាប់​ទៀត​ផង។ ប្រភេទ​រលាក​ខាង​ក្នុង​ ​ភាគ​ច្រើន​ទៅ​ជា​ពពែ​ភ្នែកទៀត​ផង។ - រលាក​ទាំង​ក្នុង​ទាំង​ក្រៅ៖ គឺ​ជា​ការ​រលាក​ទាំង​ផ្នែក​ខាង​ក្នុង​ និង​ខាង​ក្រៅ។ ២- មូលហេតុ​រលាក​ត្របក​ភ្នែក មូលហេតុ​នៃ​ការ​រលាក​ត្របក​ភ្នែក ​គឺ​ខុស​ៗ​គ្នា ​រលាក​ភ្នែក​ខាង​មុខ​​ត្របក​ភ្នែក​ ភាគ​ច្រើន​បណ្ដាល​មក​ពី​បាក់តេរី​ស្តាភីលូកុក […]

ដុះកន្ទុយ​ថ្លែន ​ជា​ប្រភេទ​ជំងឺ​ដែល​កើត​មាន​នៅ​លើ​​ភ្នាស​ស​នៃ​ភ្នែក ដោយ​មាន​ការ​ដុះ​ឡើង​នូវ​ភ្នាស​ពណ៌​ស រាង​ដូច​ស្លាប​សត្វ ឬ​ត្រីកោណ និង​មាន​សរសៃ​ឈាម​ដុះ​មក​ជាមួយ។ បើ​តាម​ការពន្យល់​នៅ​លើ​ផេក​ផ្លូវការ​របស់​មន្ទីរពេទ្យ​កាល់ម៉ែត្រ ភ្នាស​កន្ទុយ​ថ្លែន​អាច​លូត​លាស់​ពី​តូច​ស្តើង ទៅ​ធំ​ក្រាស់ ដុះ​គ្រប​លើ​កញ្ចក់​ភ្នែក ដោយ​ចាប់​ផ្តើម​លូន​បន្តិច​ម្តងៗ ពី​គែម​នៃ​កញ្ចក់​ភ្នែក​ទៅ​ផ្នែក​កណ្តាល​កញ្ចក់​ភ្នែក រហូត​ដល់​បាំង​កូន​ក្រមុំ។ ១- រោគ​សញ្ញា​នៃ​ជំងឺ​កន្ទុយ​ថ្លែន ជា​ទូទៅ​ជំងឺ​កន្ទុយ​ថ្លែន​មិន​បង្ក​ការ​ឈឺ​ចាប់​ខ្លាំង​នោះ​ទេ ប៉ុន្តែ​វា​អាច​ធ្វើ​ឲ្យ​អ្នក​ជំងឺ​មាន​អាការៈ​មិន​ស្រួល​ដូច​ខាង​ក្រោម៖ - ផ្សា​ក្តៅ​ក្នុង​ភ្នែក និង​រកាំ​ភ្នែក - ក្រហម​ភ្នែក​នៅ​ត្រង់​ភ្នាស​កន្ទុយ​ថ្លែន - ស្រវាំង​ភ្នែក (ករណី​ភ្នាស​កន្ទុយ​ថ្លែន​ដុះ​ធំ​ក្រាស់​មក​លើ​កញ្ចក់​ភ្នែក ឬ​ដុះ​បាំង​កូន​ក្រមុំ)។ ២- កត្តា​ប្រឈម​បង្ក​ឲ្យ​កើត​ជំងឺ​កន្ទុយ​ថ្លែន - ការ​ប៉ះ​ជាមួយ​កាំ​រស្មី​ព្រះអាទិត្យ​ខ្លាំង ដែល​ជះ​មក​លើ​ភ្នែក​ញឹក​ញាប់ - ភាព​កខ្វក់​នៃ​បរិស្ថាន និង​បរិយាកាស​ដែល​មាន​ធូលី និង​ខ្យល់​ខ្លាំង - អាយុ​ច្រើន។ ៣- វិធី​ការពារ​ជំងឺ​កន្ទុយ​ថ្លែន - ពាក់​វ៉ែនតា​ការពារ​ភ្នែក​ពី​កាំ​រស្មី​ព្រះអាទិត្យ និង​ធូលី - ការ​ពិនិត្យ និង​ពិគ្រោះ​យោបល់​ជាមួយ​គ្រូពេទ្យ​ភ្នែក ដើម្បី​ការពារ និង​កាត់​បន្ថយ​ការ​ដុះ​លូត​លាស់​លឿន​នៃ​ភ្នាស​កន្ទុយ​ថ្លែន។ ៤- វិធីព្យាបាល​ជំងឺ​កន្ទុយ​ថ្លែន ជំងឺ​កន្ទុយ​ថ្លែន​មិន​អាច​ព្យាបាល​ជា​សះ​ស្បើយ​តាម​រយៈ​ការ​បន្តក់​ថ្នាំ​ភ្នែក​ឡើយ ឯ​វិធី​ព្យាបាល​មាន​លក្ខណៈ​ខុសៗ​គ្នា​ទៅ​តាម អាការៈ​នៃ​ជំងឺ និង​កម្រិត​នៃ​ភ្នាស​កន្ទុយ​ថ្លែន។ រឿងដែលគួរប្រុងប្រយ័ត្ននោះ ការ​វះកាត់​ព្យាបាល​មិន​បាន​ត្រឹមត្រូវ​ល្អ​អាច​ធ្វើ​ឲ្យ​អត្រា​នៃ​ការ​ដុះ​ភ្នាស​កន្ទុយ​ថ្លែន​ឡើង​មក​វិញ​មាន​កាន់​តែ​ខ្ពស់។ ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

គ្នា​យើង​មាន​ឆ្ងល់​អត់ ហេតុ​អី​បាន​ភ្នែក​មនុស្ស​យើង មាន​អ្នក​ខ្លះ​ស្រលៀង​ភ្នែក ដែល​ចាស់ៗ​ចំណាំ​ហៅ​ថា ភ្នែក​កែក​នោះ? អ្នក​មាន​ភ្នែក​ស្រដៀង​អាច​មើល​ឃើញ​ច្បាស់​ទេ? ចុះ​អាច​ព្យាបាល​ជា​អត់? ១- មូល​ហេតុ​ធ្វើ​ឲ្យ​ភ្នែក​ស្រលៀង ជំងឺ​ភ្នែក​ស្រលៀង​កើត​ឡើង​ដោយសារ​សាច់ដុំ​ភ្នែក​មិន​ប្រក្រតី ទៅ​ជា​ទាញ​គ្រាប់​ផ្នែក​ម្ខាង​ឲ្យ​ចូល ឬ​ចេញ​ខុស​ទិស ពេល​សម្លឹង​ម្តងៗ​ភ្នែក​មិន​អាច​សម្លឹង​មក​ត្រង់​បាន​ទេ ពេល​ខ្លះ​មើល​ឃើញ​រូបភាព​បែក​ជា​២។ លោក​វេជ្ជបណ្ឌិត ចាន់ ស៊ីណេត ឲ្យ​ដឹង​ថា ជំងឺ​ភ្នែក​ស្រលៀង អាច​កើត​មាន​ទាំង​លើ​កូន​ក្មេង និង​មនុស្ស​ធំ ចំពោះ​មូលហេតុ​វិញ​អាច​មក​ពី​កត្តា​ច្រើន​យ៉ាង​ដូចជា៖ - ស្រដៀង​​ពី​កំណើត - មាន​ជំងឺ​ទាក់ទង​នឹង​ខួរក្បាល ធ្វើ​ឲ្យ​ទាញ​សរសៃភ្នែក - មាន​ជំងឺ​ពកក - មិន​ព្យាបាល​ភ្នែក​ម្ញ៉ួប (ម្ញ៉ូបបជិត ឬម្ញ៉ូបឆ្ងាយ) - ដុះ​សាច់​ក្នុង​បាត​ភ្នែក - ខ្សោយ​សាច់​ដុំ​ភ្នែក។ អត្ថ​បទពាក់ព័ន្ធ៖  ចង់ឲ្យភ្នែកល្អ មិនម្ញូប មិនព្រិល ត្រូវថែរបៀបម៉េច? លម្អិត​​ជុំវិញ​មូលហេតុ​ភ្នែក​ឆ្លងរោគ​ ឈឺឡើង​ក្រហម រហូត​ដល់​ពិការ ២- ការ​ព្យាបាល​ជំងឺ​ភ្នែក​ស្រលៀង ជំងឺ​ភ្នែក​ស្រលៀង​មិន​អាច​ព្យាបាល​ឲ្យ​ល្អ ១០០% ដូច​ដើម​នោះ​ទេ ការ​ព្យាបាល​គ្រាន់​តែ​អាច​កាត់​បន្ថយ​កម្រិត​ស្រលៀង​នៃ​ភ្នែក ធ្វើ​ឲ្យ​ភ្នែក​មើល​ឃើញ​ច្បាស់​ជាង​មុន ដោយ​ការ​វះកាត់​បន្ធូរ ឬ​បន្តឹង​សាច់ដុំ​ភ្នែក។ ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

១- អ្វី​ទៅ​ជា​ជំងឺ​ភ្នែក​ក្រហម? ជំងឺ​ភ្នែកក្រហមអាច​បណ្ដាល​មក​ពី​មូល​ហេតុ​ពីរ​ គឺ​បាក់តេរី​ និង​វីរុស ប៉ុន្តែ​ក៏​អាច​បង្ក​មក​ពី​មូលហេតុ​ផ្សេង​ទៀត ដូចជា​អាលែកហ្ស៊ី របួស​ភ្នែក​ និង​ប្រតិកម្ម​ជាមួយ​ថ្នាំ​ជាដើម។ ជំងឺ​ភ្នែក​ក្រហម គឺ​ជា​ជំងឺ​ដែល​ងាយ​ចម្លង​ទៅ​មនុស្ស​ម្នាក់​ទៀត​ខ្លាំង​ណាស់​ ជាពិសេស​សមាជិក​គ្រួសាររស់​នៅ​ផ្ទះ​តែ​មួយ។ ក្នុង​ចំណោម​នោះ​ មាន ៣៥-៥០ ភាគរយ អាច​បង្ក​ឲ្យ​មាន​ផល​វិបាក ពិសេស​ជំងឺ​ភ្នែក​ក្រហម បង្ក​ដោយ​វីរុស អាច​បង្ក​ជា​បញ្ហា​ផ្សេង​ទៀត​ដូចជា៖ – គំហើញ​ធ្លាក់​ចុះ ចាញ់​​ពន្លឺ ដោយសារ​មេរោគ​ជ្រៀត​ចូល​ដល់​ស្រទាប់​កោសិកា​ភ្នែក – ចេញ​ទឹក​ភ្នែក​រ៉ាំ​រ៉ៃ – ខ្វាក់​ភ្នែក​ដោយ​សារ​ខូច​កោសិកា​សន្ធាន​គ្រាប់​ភ្នែក។

១- អ្វី​ជា​ជំងឺ​ខ្វាក់​មាន់? ជំងឺ​ខ្វាក់​មាន់ អាច​ហៅ​បាន​ថា ជំងឺ Nyctalopia សំដៅ​លើ​ការ​ខូច​ខាត​គំហើញ ដោយ​អ្នក​ជំងឺ​ខ្វាក់​មាន់ គឺ​ខ្សោយ​គំហើញ​នៅ​ពេល​យប់ និង​នៅ​ទី​កន្លែង​មិន​សូវ​មាន​ពន្លឺ។ ពាក្យ​ថា​ខ្វាក់​មាន់ មិន​មែន​បាន​ន័យ​ថា មិន​អាច​មើល​ឃើញ​នៅ​ពេល​យប់​នោះ​ទេ គ្រប់​តែ​ពិបាក​មើល​នៅ​ទី​ងងឹត​ប៉ុណ្ណោះ។ ២- ជំងឺ​ខ្វាក់​មាន់​កើត​ឡើង​ញឹក​ញាប់​ដែរ​ទេ? ជំងឺ​ខ្វាក់​មាន់ កើត​ឡើង​ជា​ញឹក​ញាប់​ណាស់។ ពិភាក្សា​ជាមួយ​គ្រូពេទ្យ សម្រាប់​ព័ត៌មាន​បន្ថែម។

​បញ្ហា​ឈឺ​ភ្នែក ទោះ​ស្រាល កុំ​មើល​​ស្រាល​ឲ្យ​សោះ ព្រោះ​បើ​មិន​ថែ​ទាំឲ្យ​បាន​ល្អ អាច​ឈាន​ដល់​ធ្ងន់​ធ្ងរ​ខ្លាំង ប្រឈម​ពិការ​ភ្នែក។ ចុះ​មាន​ដឹងអត់​ថា ជំងឺ​ភ្នែក​ឧស្សាហ៍​កើត ​មាន​ប៉ុន្មាន​ប្រភេទ?​ ឆ្លង​របៀប​ម៉េច? មាន​ផល​វិបាក​យ៉ាង​ណា​ខ្លះ? "Hello គ្រូពេទ្យ" នឹងប្រាប់​ឲ្យ​ដឹង។ ១- ធ្វើ​ម៉េច​ដឹង​ថា​ភ្នែក​យើង​ឆ្លង​ជំងឺ? ពេល​ភ្នែក​កើត​ជំងឺ​ឆ្លង យើង​នឹង​មាន​អារម្មណ៍​ថា​ឈឺៗ រមាស់ មាន​របស់​អី​ក្នុង​ភ្នែក ហើយ​អាច​ចេញ​ទឹក​ភ្នែក​ច្រើន មាន​អាចម៍​ភ្នែក​ពណ៌​លឿង បៃតង ឬ​ឈាម​ជា​ដើម។ ខ្លះ​ទៀត អាច​ចាញ់​ពន្លឺ ឬ​ស្រវាំង​ភ្នែក​។ បើ​ប្រទះ​អាការៈ​ទាំង​នេះ គួរ​ទៅ​រក​គ្រូពេទ្យ​ដើម្បី​ព្យាបាល។ ផល​លំបាក​ធ្ងន់​ធ្ងរ​របស់​ជំងឺ​ភ្នែក គឺ​ធ្វើ​ឲ្យ​ខូច​ស្រទាប់​បាត​ភ្នែក (រ៉េទីន) និង​ស្នាម​សន្លាក់​នៅ​ស្រទាប់​ប្រស្រី​ភ្នែក ហើយ​ករណី​នេះ​អាច​ធ្វើ​ប៉ះពាល់​ដល់​គំហើញ​យើង​ទៀត​ផង។ ឯ​ជំងឺ​មួយ​ចំនួន ដូច​ជា ជំងឺ​ស្វាយ ក៏​អាច​ធ្វើ​ឲ្យ​មាន​ជំងឺ​ទឹក​ដក់​បាត​ភ្នែកផងដែរ។ ជំងឺ​ភ្នែក​មួយ​ចំនួន​គ្មាន​រោគ​សញ្ញា​នោះទេ តែក៏​មិន​អាច​ព្រងើយ​កន្តើយ​បាន​ឡើយ។ ជាក់​ស្តែង​ជំងឺ​ប្រមេះ​ទឹក​ថ្លា មិន​មាន​រោគ​សញ្ញា​ទេ តែ​បើ​មិន​ព្យាបាល​ត្រឹម​ត្រូវ អាច​ធ្វើ​ឲ្យ​អត់​កូន (អា) និង​កើត​ជំងឺ​បេះ​ដូង​ផ្សេង​ទៀត។ អត្ថបទ​ពាក់​ព័ន្ធ៖ អ្នកភ្នែកខ្សោយ ញ៉ាំអាហារទាំងនេះ អាចជួយបាន កូនទើប​កើត​រលាក​កញ្ចក់​ភ្នែក ម៉ាក់​ប៉ាគួរ​ធ្វើ​បែប​ណា? ២- មូល​ហេតុ​នាំ​ឲ្យ​ឆ្លង​ជំងឺ​ភ្នែក - ការ​រលាក និង​ប៉ះ​ទង្គិច៖ កត្តា​ទាំង​ពីរ​នេះ សុទ្ធ​តែ​អាច​ធ្វើ​ឲ្យ​កើត​ជំងឺ​ឆ្លង​ទៅ​លើ​ភ្នែក​បាន។ ជាក់​ស្តែង ពេល​ភ្នែក​យើង​ប៉ះ​នឹង​សារធាតុ​គីមី​ណាមួយ វា​នឹង​រមាស់ ឬ​រលាក ធ្វើ​ឲ្យ​ងាយ​បង្ក​រោគ ពិសេស​ពេល​ប្រើ​ឡេន​ដាក់​ភ្នែក […]