home

សុខភាពមនុស្សចាស់

សុខភាពមនុស្សចាស់ – ចាស់ៗ​ក្នុង​ផ្ទះ​សុទ្ធ​តែ​ត្រូវ​យក​ចិត្ត​ទុកដាក់​ ព្រោះ​តួនាទី​យើង​ម្នាក់ៗ ​គឺ​ត្រូវ​ធ្វើ​ម៉េច​​ជួយ​ពួក​គាត់​ឲ្យមានសុខភាពល្អបំផុត

ចំណេះដឹងទូទៅ

អត្ថបទ សុខភាពមនុស្សចាស់

របបអាហារសម្រាប់មនុស្សចាស់

ស្ថិត​ក្នុង​វ័យ​ចំណាស់ ស្រីៗ​យើង​នៅតែ​ត្រូវ​ការ​វីតាមីន​ដូច​ពេល​​យើង​នៅ​វ័យ​ក្មេង​អ៊ីចឹង​ដែរ តែ​គ្រាន់​តែ​ថា​​ត្រូវ​ផ្ដោត​លើ​វីតាមីន​មួយ​ចំនួន​ជា​ពិសេស​នៅ​វ័យ​ចំណាស់​នេះ។ ការ​ប្រើ​ប្រាស់​អាហា​បំប៉ន​ប្រភេទ​វីតាមីន​​មួយ​ចំនួន​អាច​ធ្វើ​ឲ្យ​ប៉ះពាល់​ ថ្នាំ​ដែល​យើង​កំពុង​ប្រើ​ប្រាស់ ដូច​នេះ​ត្រូវ​ពិភាក្សា​ជាមួយ​គ្រូពេទ្យ​មុន​សម្រេច​ចិត្ត​ប្រើ​វីតាមីន​ណាមួយ​។ ខាង​ក្រោម​នេះ​ជា​វីតាមីន​ចាំបាច់​មួយ​ចំនួន​ ដែល​ស្រីៗ​វ័យ​ចំណាស់​គួរ​ទទួលទាន​៖ ១. វីតាមីន​B12 ជួយ​ប្រព័ន្ធ​ប្រសាទ​ វីតាមីន​ B12 ជួយ​រក្សា​ប្រ​ព័ន្ធ​ប្រសាទ​កណ្ដាល  បង្កើត​កោសិកា​ឈាម​ក្រហម និង​កសាងសមាសធាតុហ្សែន​ក្នុង​កោសិកា ។ វីតាមីន​B12 ត្រូវ​បាន​ណែនាំ​ឲ្យ​ស្រ្តី​វ័យ​ចំណាស់​ទទួល​បាន​ចំនួន​២,៤​មីក្រូ​ក្រាម​ក្នុង​មួយ​ថ្ងៃ។ ប៉ុន្តែ​រាង​កាយ​មនុស្ស​ស្រី​យើង​កាន់​តែ​ពិបាក​ក្នុង​ការ​ស្រូប​យក​វីតាមីន​នេះ នៅ​ពេល​វ័យ​កាន់​តែ​ច្រើន។ វ័យ​កាន់​តែ​ចាស់ រាងកាយ​យើង​ក៏​ផលិត​អាស៊ីដ​ក្រពះ​កាន់​តែ​តិច។ ដោយ​សារ​អាស៊ី​ដ​ក្រពះ​ថយ​ចុះ ការ​ស្រូប​យក​វីតាមីនB12 របស់​រាង​កាយ​ពី​អាហារ​ក៏​ថយ​ចុះ​ដូច​គ្នា។ វីតាមីន​ B12 អាច​ឆ្លង​កាត់​​ប្រ​ព័ន្ធ​រំលាយ​អាហារ ដោយ​មិន​មាន​ការ​ស្រូប​យក​ពី​រាង​កាយ ដែល​ការណ៍​នេះ អាច​ធ្វើ​ឲ្យ​មាន​ការ​ខ្វះ​វីតាមីន​ក្នុង​ខ្លួន និង​អាច​បំផ្លាញ​ប្រព័ន្ធ​ប្រសាទ អស់កម្លាំង និង​ស្ពឹកដៃ​ជើង​ជា​ដើម។​​​ អាហារ​ដែល​ជា​ប្រភព​នៃ​វីតាមីន B12 មាន​នៅ​​ត្រី សាច់ ទឹកដោះគោ ឈីស និង​ស៊ុត​ជា​ដើម។ ២. វីតាមីន D ជំនួយ​ឆ្អឹង​ ជា​ធម្មតា​ទេ​​ឈាន​ចូល​ដល់​វ័យ​ចូល​និវត្តន៍ មនុស្ស​យើង​អាច​នឹង​បាត់​បង់​ជា​លិកាឆ្អឹង​​ជាពិសេស​សម្រាប់​មនុស្ស​ស្រី។ ស្រីៗ​ក្នុង​វ័យ​នេះ​អាច​ពន្យា​ពេល​នៃការ​បាត់​បង់​ឆ្អឹង និង​កាត់​បន្ថយ​ហានិភ័យ​កើត​ជំងឺ​ពុក​ឆ្អឹង និង​បាក់​ឆ្អឹង​បាន ដោយ​ត្រូវ​ទទួល​បាន​វីតាមីនD គ្រប់​គ្រាន់​។ ការ​ទទួល​បាន​វីតាមីន​D គ្រប់​គ្រាន់​ក៏​នឹង​ជួយ​ឲ្យ​ឆ្អឹង​ស្រូប​យក​រ៉ែកាល់ស្យូម​បាន​ល្អ ជួយ​ឲ្យ​ឆ្អឹង​រឹង​មាំ។ ក្រៅពី​ជួយ​ដល់​ឆ្អឹង វីតាមីនD ក៏​ជួយ​ពង្រឹង​ប្រព័ន្ធ​ភាព​ស៊ាំ ជួយ​ការពារ​​យើង​ពី​ជំងឺ​ផ្សេងៗ​ដែរ​។ ពេល​ឈាន​ដល់​វ័យ​៧០​ឆ្នាំ ស្រីៗ​យើង​ត្រូវ​ការ​វីតាមីន​D​ពី​១៥​មីក្រូក្រាម ទៅ​២០​មីក្រូ​ក្រាម​ក្នុង​មួយ​ថ្ងៃ។ ពន្លឺ​ព្រះ​អាទិត្យ​ជា​ប្រភព​ដ៏ល្អ​នៃ​វីតាមីន […]

សុខភាពផ្លូវចិត្តមនុស្សចាស់

ភាពឯកោ ធ្វើ​ឲ្យ​មនុស្ស​ចាស់​​ប្រឈម​គ្រោះ​ថ្នាក់​​សុខភាព​ធ្ងន់​ធ្ងរ​ជាង​ការ​ធាត់​លើស​គីឡូទៅ​ទៀត។ នេះ​បើ​តាម​ការ​លើក​ឡើង​របស់​ក្រុម​អ្នក​វិទ្យាសាស្រ្ត​។ ក្រុម​អ្នក​ស្រាវ​ជ្រាវ​នៅ​សាកល​វិទ្យាល័យ Chicago បាន​បង្ហាញ​ថា​ភាព​ឯកោ​ខ្លាំង ឬ​នៅ​តែ​ឯង មាន​គ្រោះ​ថ្នាក់​ដល់​សុខភាព​មនុស្ស​វ័យ​ចំណាស់​ពីរ​ដង​ខ្ពស់​ជាង​ជំងឺ​ធាត់​។ ការ​លើក​ឡើង​បែប​នេះ គឺ​ក្រោយ​អ្នក​ស្រាវ​ជ្រាវ​សិក្សា​លើ​មនុស្ស​​២ ០០០​នាក់​វ័យ​៥០​ឆ្នាំ​ឡើង អស់​រយៈ​ពេល​ជាង​ប្រាំមួយ​ឆ្នាំ។ ការ​សិក្សា​បញ្ជាក់​ថា​មនុស្ស​វ័យ​ចំណាស់​ដែល​បាន​និយាយ​ថា​ខ្លួន​ជា​មនុស្ស​រស់​នៅ​តែឯង ឬ​ឯក​កោ មាន​​​១៤ ភាគ​រយ​ប្រឈម​នឹង​អត្រា​ស្លាប់​ខ្ពស់​ជាង​មនុស្ស​ធម្មតា​។​​​​​​​ ១.​​ភាព​ឯក​កោ និង​កត្តា​ប្រឈម​របស់​មនុស្សចាស់ មនុស្ស​វ័យ​ចំណាស់​ មិន​សូវ​មាន​កូនចៅ​នៅ​ជាមួយ​ទៀត​ទេ ក្នុង​បរិបទ​សង្គម​សព្វថ្ងៃ។ ការ​សិក្សា​រក​ឃើញ​ថា មនុស្ស​ចាស់​ដែល​រស់នៅ​តែ​ឯង មាន​ផល​ប៉ះពាល់​ធ្ងន់​ធ្ងរ​ទាំង​លើ​ផ្នែក​សុខភាព​ផ្លូវ​កាយ និង​ផ្លូវ​ចិត្ត​។ សាស្រ្តាចារ្យ John Cacioppo ប្រចាំសាកល​វិទ្យាល័យ Chicago បាន​កត់​សម្គាល់​ពី​ភាព​ធ្លាក់​ចុះ​នៃ​សុខភាព​ផ្លូវ​កាយ និង​ចិត្ត របស់​មនុស្ស​វ័យ​ចំណាស់ ហើយ​ថា​ការ​ធ្លាក់​ចុះ​នេះ​អាច​មាន​កម្រិត​ផ្សេង​គ្នា​​ពី​មនុស្ស​ម្នាក់​ទៅ​ម្នាក់ទៀត​អាស្រ័យ​លើ​ទំនាក់​ទំនង​គ្រួសារ​ដែល​អ្នក​ទាំង​នោះ​មាន។ ២. ភាព​ឯក​កោ និង​សម្ពាធ​ឈាម​ខ្ពស់​​​ ការ​សិក្សា​របស់សាកល​វិទ្យាល័យ Chicago បាន​រក​ឃើញ​ពី​ទំនាក់ទំនង​ដោយ​ផ្ទាល់​រវាង​ភាព​ឯកោ​យូរអង្វែង និង​ការ​កើន​ឡើង​​សម្ពាធ​ឈាម​។ ការ​មិន​សូវ​មាន​ទំនាក់​ទំនង​ក្នុង​សង្គម អាច​ជា​ហេតុ​ផល​មួយ​ធ្វើ​ឲ្យ​អ្នក​ឯក​កោ​មាន​សម្ពាធ​ឈាម​ឡើង​ខ្ពស់។ ការ​សិក្សា​រយៈពេលជាង​​បួន​ទៅ​ប្រាំ​​ឆ្នាំ លើ​មនុស្ស​២២៩​នាក់​មាន​វ័យ​ចន្លោះ​ពី៥០​ទៅ​៦៨​ឆ្នាំ បាន​រក​ឃើញ​ថា​អ្នក​ចូល​រួម​ដែល​រស់នៅ​ឯក​កោ​ សម្ពាធ​ឈាម​អ្នក​ទាំង​នោះ​​ឡើង​ដល់​១៤,៤​មិល្លីម៉ែត្រ​ខ្ពស់​ជាង​អ្នក​​មាន​ទំនាក់​ទំនង ឬមិត្ត​ភក្តិ​ច្រើន​ក្នុង​សង្គម​។ ការ​សិក្សា​បាន​លើ​ក​ឡើង​ថា​មនុស្ស​នៅ​ដាច់​តែឯង​កាន់​តែ​យូរ បញ្ហា​សុខភាព​ក៏​កើត​ឡើង​កាន់​តែ​ច្រើន​ដែរ។ ការ​សិក្សា​បញ្ជាក់​ថា​ដើម្បី​បំបាត់ ឬ​ការ​ពារ​មនុស្ស​វ័យ​ចំណាស់​ពីអារម្មណ៍​ឯកកោ​ត្រូវ​ ឲ្យ​ពួកគាត់​​ដឹង​ពី បញ្ហា និង​បញ្ឈប់​ការ​គិត​បែប​អវិជ្ជមាន​ចំពោះ​គំនិត​ខ្លួន​ឯង។ យ៉ាងណា​ស្ថាន​ប័ន​ធ្វើ​ការ​លើ​សុខ​ភាព​មនុស្ស​ចាស់ បាន​លើក​ឡើង​ថា​មនុស្ស​វ័យ​ចំណាស់ គួរ​ឧស្សាហ៍​ជួប​ជុំ​និយាយ​គ្នា​លេង​ជាមួយ​អ្នក​ជិត​ខាង​ ឬ​មិត្ត​ភក្ដិ ឬ​អាច​ធ្វើ​ដំណើរ​កម្សាន្ត ក៏​ដូចជា​ធ្វើ​ការ​ផ្សេងៗ​បំបាត់​ភាព​អផ្សុក​​ជាដើម។ ក្រៅ​ពី​នេះ […]

របបអាហារសម្រាប់មនុស្សចាស់

ជា​ការ​ពិត​ណាស់​ការ​មាន​សុខភាព​ល្អ គឺ​ជា​រឿង​សំខាន់​ណាស់​សម្រាប់​មនុស្ស​យើង​។ វ័យ​កាន់​តែ​ចាស់ យើង​ក៏​ត្រូវ​តែ​យក​ចិត្ត​ទុក​ដាក់​បន្ថែម​ទៀត​លើ​បញ្ហា​សុខ​ភាព​ ដោយ​យើង​ត្រូវ​រក្សា​របប​អាហារ​ត្រឹម​ត្រូវ​ ដើម្បី​កាត់​បន្ថយ​ការ​ប្រឈម​នឹង​ជំងឺ​ផ្សេងៗ។ មនុស្ស​វ័យ​ចំណាស់​អា​ច​នឹង​មាន​ជំងឺ​ច្រើន​​ជាង​អ្នក​នៅ​វ័យ​ក្មេង​។ ដូច​នេះ​ការ​ធ្វើ​លំហាត់​ប្រាណ​ទៀង​ទាត់ និង​ញ៉ាំ​អាហារ​មាន​ជីវជាតិ​គ្រប់​គ្រាន់ នឹង​ជួយ​បង្កើន​ថាមពល​ដល់​មនុស្ស​​​វ័យ​ចំណាស់​។​ អង្គការ​សុខភាព​ពិភព​លោក​ បាន​លើក​ឡើង​ថា​មនុស្ស​វ័យ​ចំណាស់​​​គឺ​តែ​ង​ជួប​បញ្ហា​ខ្វះ​សារធាតុ​ចិញ្ចឹម​ជាក់​លាក់​ណា​មួយ ហើយ​ជំងឺ​ដែល​កើត​លើ​មនុស្ស​វ័យ​ចំណាស់​ភាគច្រើន​កើត​ចេញ​ពី​កត្តា​របប​អាហារ​។ ខាង​ក្រោម​នេះ​ជា​​ប្រភេទ​អាហារ​ល្អ​សម្រាប់​មនុស្ស​វ័យ​ចំណាស់​។ ១. ប៉េង​ប៉ោះ​ សារធាតុ​ lycopene ក្នុង​ផ្លែ​ប៉េង​ប៉ោះ ជួយ​ការ​ពារ​មនុស្ស​វ័យ​ចំណាស់​ប្រ​ឆាំង​នឹង​ជំងឺ​មហារីក​ក្រពេញ​ប្រូស្តាត និង​កាត់​បន្ថយ​ការ​ប្រ​ឈម​នឹង​ជំងឺ​មហារីក​សួត​។ ការ​ដាក់​បញ្ចូល​ប៉េង​ប៉ោះ​ទៅ​ក្នុង​របប​អាហារ អាច​ជួយ​រាង​កាយ​យើង​ឲ្យ​មាន​សុខភាព​ល្អ។ ២. គ្រាប់​ផ្លែឈើ​ គ្រាប់​ផ្លែឈើ គ្រាប់​ស្វាយ​ចន្ទី គ្រាប់ almonds គ្រាប់ walnuts និង​សណ្ដែក​ដី ជា​ដើម គឺ​សម្បូរ​ទៅ​ដោយ​ជាតិ​សរសៃ ប្រូតេអ៊ីន ម៉ាញ៉េ​ស្យូម និង​អូមេហ្គា ៣ ដែល​ល្អ​ចំពោះ​សុខភាព​បេះដូង​។ គ្រាប់​ផ្លែ​ឈើ​ទាំង​នេះ​ក៏​ជួយ​ភ្នែក​ឲ្យ​នៅ​ភ្លឺ​ល្អ និង​ជួយ​ប្រឆាំង​​នឹង​ការ​វិវត្ត​ជា​ភ្នែក​ឡើង​បាយ។ មនុស្ស​វ័យ​ចំណាស់ អាច​ញ៉ាំ​គ្រាប់​ផ្លែ​ឈើ​ទាំង​នេះ​ជា​អាហារ​សម្រន់ ឬ​ពេល​មាន​អារម្មណ៍​ថា​ឃ្លាន​ជា​ដើម​។​​​​​​ ​​​​​ ៣. ផ្លែ​ប៉ោម​ គ្នា​យើង​ទំនង​ជា​ធ្លាប់​ឮ​ហើយ​ថា​ញ៉ាំ​ផ្លែ​ប៉ោម​មួយ​ផ្លែ​រាល់ថ្ងៃ​អាច​ជួយ​​យើង​មិន​សូវ​ទៅ​ជួប​ពេទ្យ​។ សម្រាប់​មនុស្ស​វ័យ​ចំណាស់​ញ៉ាំ​ផ្លែ​ប៉ោម​អាច​ជួយ​រក្សា​កម្រិត​ជាតិ​ស្ករ​ក្នុង​ឈាម និង​កូលេស្តេរ៉ូល​ឲ្យ​នៅ​កម្រិត​ល្អ​។ ជាតិ​សរសៃ​នៅ​ក្នុង​ផ្លែ​ប៉ោម​ អាច​ជួយ​បញ្ចុះ​កូលេស្តេរ៉ូល និង​បន្ថយ​ការ​ឡើង​ជាតិ​ស្ករ​។ ផ្លែ​ប៉ោម​ក៏​​ផ្ដល់​ឲ្យ​យើង​នូវ​ប៉ូតាស្យូម សារធាតុ​ប្រឆាំង​អុកស៊ីត​កម្ម និង​វីតាមីន C ផង​ដែរ​។​​ ៤. សូកូឡា​ខ្មៅ សូកូឡា​ខ្មៅ​សម្បូរ​ដោយ​សារធាតុ​ប្រឆាំង​អុក​ស៊ីត​កម្ម ដែល​អាច​ជួយ​កាត់​បន្ថយ​ការ​ប្រឈម​នឹង​បញ្ហា​គាំង​បេះ​ដូង បញ្ចុះ​សម្ពាធ​ឈាម និង​កាត់​បន្ថយ​ហានិភ័យ​គ្រោះ​ថ្នាក់​សរសៃឈាម​ខួរ​ក្បាល។ បន្ថែម​ពី​នេះ ការសិក្សា​មួយ​របស់​សាកល​វិទ្យាល័យ​L’Aquila […]

សុខភាពរាងកាយ

មិ​ន​ថា​យើង​ស្ថិត​ក្នុង​វ័យ​ណា​នោះ​ទេ ជា​ការ​ចាំបាច់​ណាស់​ដែល​យើង​ត្រូវ​ថែ​ទាំ​រាង​កាយ​ឲ្យ​នៅ​មាំមួន​ និង​ការ​ពារ​ខ្លួន​ពី​ជំងឺ​ផ្សេងៗ​។​ ប្រសិន​បើ​យើង​មាន​វ័យ​ដល់​៦៥​ឆ្នាំ ឬលើស​ពី​នេះ គ្រាន់តែ​កើត​ផ្ដាសាយ​ធម្មតា ក៏​អាច​ធ្វើ​ឲ្យ​មាន​ផល​វិបាក​ផ្សេងៗ​ដែរ​។ ផល​វិបាក​ទាំង​នោះ​អាច​មាន​ដូច​ជា ជំងឺ​ផ្លូវ​ដង្ហើម រលាក​ទង​សួត ឆ្លង​រោគ​នៅ​ត្រចៀក ឬ​ឆ្លង​រោគ​នៅ​ប្រហោង​ឆ្អឹង​ច្រមុះ​ជា​ដើម​។ មួយ​វិញ​ទៀត បើ​សិន​ជា​យើង​មាន​ជំងឺ​ប្រចាំ​កាយ​ដូចជា​ហឺត ឬ​ទឹក​នោម​ផ្អែម ជំងឺ​ផ្លូវ​ដង្ហើម​នេះ​នឹង​ធ្វើ​ឲ្យ​ស្ថានភាព​សុខភាព​កាន់តែ​អាក្រក់​។ ខាង​ក្រោម​នេះ​ជា​តិច​និក​​មួយ​ចំនួន​សម្រាប់​មនុស្ស​វ័យ​ចំណាស់​ក្នុង​ការ​ថែទាំ​រាង​កាយ​ឲ្យ​នៅ​មាំមួន និង​បង្ការ​ជំងឺ​ផ្សេងៗ​។​​​​ ​១. ហាត់​ប្រាណ​ ការ​ធ្វើ​សកម្មភាព​រាងកាយ​ជួយ​ពង្រឹង​ប្រព័ន្ធ​ភាព​ស៊ាំ។ បើ​យើង​ធ្វើ​ចលនា ឬហាត់​ប្រាណ​បាន​កាន់​តែ​ច្រើន រាង​កាយ​របស់​យើង​នឹង​អាច​តតាំង​ ការ​រលាក និងការ​ឆ្លង​រោគ​បាន​កាន់តែ​ប្រ​សើរ​។ សកម្មភាព​​រាង​កាយ ឬ​ការ​ហាត់​ប្រាណ​មិន​ចាំ​បាច់​តែ​ត្រូវ​ប្រើ​កម្លាំង​ខ្លាំង​ទើប​ គ្នា​យើង​គិត​ថា​មាន​បាន​ផល​ល្អ​ចំពោះ​រាង​កាយ​នោះ​ទេ គ្រាន់​តែ​យើង​ធ្វើ​សកម្មភាព​ឬ​ហាត់ប្រាណ​បែប​ស្រាលៗ​ក៏​មាន​ប្រយោជន៍​ដូច​គ្នា។​ យើង​អាច​ធ្វើ​សកម្មភាព ឬហាត់​ប្រាណ​ដូចជា​ដើរ រត់ត្រឹកៗ​ ឬ​ជិះ​កង់​ប្រហែល​២០​ទៅ​៣០​នាទី​ក្នុង​មួយ​ថ្ងៃ ឬ​ប្រហែល​១៥០​នាទី​ក្នុង​មួយ​សប្ដាហ៍​ក៏​បាន​។​​​​ ២. ញ៉ាំ​អាហារ​ល្អ​ចំពោះ​សុខភាព របប​អាហារ​សម្បូរ​ទៅ​ដោយ​ បន្លែ ផ្លែ​ឈើ និង​សាច់​គោ សាច់ជ្រូក ជា​ដើម ក៏​ជួយ​ពង្រឹង​ប្រព័ន្ធ​ភាព​ស៊ាំ និង​ការ​ពារ​រាង​កាយ​យើង​ពី​វីរុស និង​បាក់តេរី​បង្ក​ជំងឺ​ផ្សេង​ៗ​ដែរ​។​ បន្លែ និង​ផ្លែ​ ឈើ ជា​ប្រភព​ដ៏​ល្អ​នៃ​សារធាតុ​ប្រឆាំង​អុក​ស៊ីត​កម្ម។ សារធាតុ​ប្រឆាំង​អុក​ស៊ីត​កម្ម ជួយ​ការ​ពារ​កោសិកា​ពី​ការ​ខូច​ខាត និង​ជួយ​ឲ្យ​រាង​កាយ​មាន​សុខភាព​ល្អ។ គ្នា​យើង​ក្នុង​វ័យ​ចំណាស់​ គួរ​តែ​កម្រិត​ការ​ញ៉ាំអាហារ​មាន​ជាតិ​ស្ករ និង​ខ្លាញ់ ដែល​អាហារ​ទាំង​នេះ​ធ្វើ​ឲ្យ​មានការ​រលាក​ក្នុង​រាង​កាយ និង​ធ្វើ​ឲ្យ​ប្រព័ន្ធភាព​ស៊ាំ​ចុះ​ខ្សោយ​។ ដូច​គ្នា​ដែរ យើង​ជា​មនុស្ស​វ័យ​ចំណាស់ ក៏​គួ​រ​កម្រិត​ការ​ញ៉ាំ​គ្រឿង​ស្រវឹង​ផង​ដែរ។ ​​៣. […]

សុខភាពរាងកាយ

យើង​ទាំង​អស់​​គ្នា​ សុទ្ធ​តែ​ប្រាថ្នា​ចង់​បាន​សម្រស់​ក្មេង​ជាង​វ័យ​ និង​សុខភាព​ល្អ​។​ ប៉ុន្តែ​ មាន​មនុស្ស​ជា​ច្រើន​​កំពុង​តែ​​ប្រព្រឹត្ត​កំហុស​ឆ្គង​ដែល​ធ្វើ​ឲ្យ​ស្បែក​ និង​រាងកាយ​របស់​យើង​ទ្រុឌទ្រោម​ដោយ​មិន​ដឹង​ខ្លួន។​ ដូច្នេះ​ហើយ​ ប្រសិនបើ​យើង​មិន​ចង់​ឲ្យ​មុខ​របស់​យើង​ចាស់​ជាង​វ័យ​ទេ​នោះ​ ចូរ​ចាប់ផ្ដើម​កែ​ប្រែ​ទម្លាប់​អាក្រក់​ខាង​ក្រោម​នេះ​។​​​​​ ​១. គេង​មិន​គ្រប់គ្រាន់ ប្រសិនបើ​យើង​​គេង​មិន​បាន​គ្រប់គ្រាន់​ទេ​នោះ​ ស្បែក​​របស់​យើង​នឹង​ចាប់ផ្ដើម​លេច​ឡើង​នូវ​ស្នាម​ជ្រីវជ្រួញ​ និង​​យារ​ធ្លាក់​មុន​វ័យ​ជាក់​ជា​​មិន​ខាន​ ពីព្រោះ​​រាងកាយ​​បញ្ចេញ​អ័រម៉ូន​Cortisol ដែល​ជា​អ័រម៉ូន​ស្រ្តេស​ច្រើន​ ហើយ​វា​បាន​ចូល​ទៅ​បំផ្លាញ​ជាតិ​កូឡា​ជែន​ដែល​ជាភ្នាក់ងារ​ជួយ​​ធ្វើ​ឲ្យ​ស្បែក​​ទន់​ល្មើយ​ និង​យឺត​​ល្អ​។​ ចូរ​ចាប់ផ្ដើម​ទម្លាប់​​គេង​​​​ឲ្យ​បាន​ទៀងទាត់​ម៉ោងពេល​​ ក៏​ដូចជា​ជៀសវាង​​ញ៉ាំ​គ្រឿង​ស្រវឹង​លើស​កំណត់​​ ​ឬ​កាហ្វេអ៊ីន​ និង​លេង​គ្រឿង​អេឡិចត្រូនិក​ផ្សេងៗ​មុន​ពេល​គេង។ ២. ជក់​បារី​ ​ការ​ជក់​បារី​មិន​ត្រឹម​តែ​បង្កើន​ឱកាស​កើត​ជំងឺ​មហារីក​ប៉ុណ្ណោះ​ទេ​ វា​ក៏​អាច​ធ្វើ​ឲ្យ​យើង​កើត​មាន​ស្នាម​ជ្រីវជ្រួញ​ និង​យារ​ធ្លាក់​នៅ​វ័យ​ក្មេង​ផង​ដែរ​។​ ជាក់ស្ដែង​ ការ​ជក់​បារី​​ធ្វើ​ឲ្យ​លំហូរ​ឈាម​ដែល​ផ្ទុក​សារធាតុ​ចិញ្ចឹម​សំខាន់​ៗ​ដូចជា​អុកស៊ីសែន​ នៅ​លើ​ស្បែក​​របស់​យើង​ថយ​ចុះ​ ​។​ កត្តា​នេះ​អាច​ធ្វើ​ឲ្យ​រាងកាយ​ផលិត​កូឡាជែន​យឺត​យ៉ាវ​។ ៣. នៅ​ក្រោម​កម្ដៅ​ថ្ងៃ​ច្រើន​ពេក​ ថ្វី​ត្បិត​តែ​ពន្លឺ​ព្រះអាទិត្យ​អាច​​ផ្ដល់​អត្ថប្រយោជន៍​ដល់​យើង​ក៏​ពិត​មែន​ ប៉ុន្តែ​ប្រសិនបើ​យើង​ប៉ះពាល់​ផ្ទាល់​ទៅ​នឹង​ពន្លឺ​ព្រះអាទិត្យ​ខ្លាំង​ពេក​ វា​ក៏​អាច​បំផ្លាញ​កូឡាជែន​នៃ​ស្បែក​របស់​យើង​ ព្រម​ទាំង​ធ្វើ​ឲ្យ​រាងកាយ​ផលិត​ជាតិ​ប្រូតេអ៊ីន​ ដែល​ហៅ​ថា​ អេឡាទីន​ (Elastin) ច្រើន​ជ្រុល​ថែម​ទៀត​ផង​​។​ យើង​អាច​សម្គាល់​ឃើញ​ថា​ស្បែក​នឹង​​ចាប់ផ្ដើម​​ក្រាស់​ និង​មាន​អារម្មណ៍​ឡើង​គ្រើម​ ព្រម​ទាំង​លេច​ឡើង​នូវ​ស្នាម​ជ្រីវជ្រួញ​ផង​ដែរ​។​ នៅ​ក្នុង​ករណី​ដែល​យើង​ចាំបាច់​ត្រូវ​ប៉ះពាល់​​ផ្ទាល់​ទៅ​នឹង​កម្ដៅ​ថ្ងៃ​ ចូរ​ពាក់​មួក​ ខោអាវ​ដៃ​វែង​ និង​វ៉ែន​តា​ការពារ​ពន្លឺ​ថ្ងៃ ព្រម​ទាំង​លាប​ឡេ​ការពារ​កម្ដៅ​ថ្ងៃ​ដែល​មាន ​SPF៣០​ ឬ​ខ្ពស់​ជាង​នេះ​។ ៤.​ ញ៉ាំ​អាហារ​មិន​ត្រឹមត្រូវ​ ​​ការ​ញ៉ាំ​​អាហារ​ត្រឹមមិន​ត្រូវ​ អាច​ធ្វើ​ឲ្យ​យើង​មាន​បញ្ហា​​​ជំងឺ​បេះដូង​ ជំងឺ​ទឹក​នោម​ផ្អែម​ និង​ជំងឺ​ដទៃ​ទៀត​ ដែល​ជា​កត្តា​ជំរុញ​​ឲ្យ​ថាមពល​នៃ​យុវវ័យ​របស់​យើង​បាត់បង់។​ ចូរ​ញ៉ាំ​របប​អាហារ​ដែល​ជំនួយ​ដល់​បេះដូង​ ដែល​មាន​ដូចជា​បន្លែ​ ផ្លែឈើ​ គ្រាប់​ធញ្ញជាតិ […]

លំហាត់ប្រាណសម្រាប់មនុស្សចាស់

វ័យកាន់តែជ្រេ ហាត់ប្រាណក៏មិនអាចដូចក្មេងដែរ។ ក្មេងមានការហាត់របៀបក្មេង ឯមនុស្ស​វ័យចំណាស់​ក៏ដូចគ្នា។ យើងហាត់ខ្លួនឯង ឬមានចាស់ៗក្នុងផ្ទះ ដែលឧស្សាហ៍ហាត់ប្រាណ យើងគួរណែនាំការហាត់ដែលអត់ប៉ះពាល់ ឬលើសកម្លាំង។ បើ​យើង​ជា​មនុស្ស​វ័យ​ចំណាស់​គួរជ្រើសការហាត់ណាដែលល្អសម្រាប់បេះដូង ឆ្អឹង ឬអវយវៈ អ៊ីចឹង "Hello គ្រូពេទ្យ" សូមណែនាំឲ្យសាកប៉ុន្មានវិធីនេះ៖ ១- ប្រភេទ ឬជម្រើស លំហាត់ប្រាណសម្រាប់មនុស្សវ័យ​ចំណាស់​មាន ៣ ប្រភេទធំៗ៖   -លំហាត់ប្រាណបែបអ៊ែរ៉ូបិក (Aerobic)៖ ល្អសម្រាប់បេះដូង និងសួត -លំហាត់ប្រាណពង្រឹងរាងកាយ៖ ល្អសម្រាប់ឆ្អឹង និងសាច់ដុំ -លំហាត់ប្រាណរក្សាតុល្យភាពរាងកាយ៖ ជួយរក្សាតុល្យភាពរាងកាយ ទប់ស្កាត់ការដួល និងរបួសដាច់រលាត់។   ភាគច្រើនចាស់ៗទើបចាប់ផ្ដើមហាត់ ច្រើនបារម្ភឈឺខ្លួនខ្លាំង។ បើហាត់ប្រាណបានត្រឹមត្រូវ វាអាចទប់ទល់ស្ទើរតែគ្រប់ជំងឺទាំងអស់។ ២- ហាត់បែបAerobic  ការហាត់បែបនេះមិនសូវដាក់សម្ពោធលើសន្លាក់ និងឆ្អឹងនោះទេ​។ ការ​ហាត់ប្រាណ​បែប Aerobic មានដូចជា ដើរ រត់តិចៗ ហែលទឹក ឬជិះកង់។ ពេលហាត់ ចង្វាក់បេះដូងដើរលឿនជាងមុន បង្កើនលំហូរឈាមដែលមានអុកស៊ីសែន​ និងសារធាតុចិញ្ចឹមរាងកាយ។ គួរចាប់ផ្ដើមពីជំហាន​តិចៗងាយៗ ទៅលំបាកបន្តិចម្ដងៗ។  នេះជាតិចនិក៖  - កំណត់គោលដៅមុនហាត់ ថាតើគួររើសយកការហាត់របៀបណា - ព្យាយាមហាត់ឲ្យបានយូររៀងរាល់សប្ដាហ៍ ដើម្បីឲ្យរាងកាយអាចទម្លាប់នឹងសកម្មភាពទាំងនោះ។ ៣- ហាត់បែបពង្រឹងរាងកាយ  ពេលរាងកាយខ្សោយ សាច់ដុំក៏ខ្សោយ ឯឆ្អឹងក៏បាត់បង់ទម្ងន់ ហើយសរសៃពួរសន្លាក់ភ្ជាប់ឆ្អឹងនឹងឆ្អឹង និងសរសៃពួរភ្ជាប់សាច់ដុំនឹងឆ្អឹង […]

លំហាត់ប្រាណសម្រាប់មនុស្សចាស់

ចូលចិត្តព័ត៌មាន “Hello គ្រូពេទ្យ” សូមចូលរួមស្ទង់មតិនៅទីនេះ។ មតិអ្នកទាំងអស់គ្នា ពិតជាមានតម្លៃសម្រាប់ “Hello គ្រូពេទ្យ” អាចកែលម្អព័ត៌មានឲ្យកាន់តែប្រសើរ! បញ្ហា​ភ្លេចភ្លាំង​ច្រើន​កើត​លើ​មនុស្ស​វ័យ​ចំណាស់ ហើយ​កាន់តែ​ធ្ងន់ធ្ងរ​ថែម​ទៀត​នោះ គឺ​សឹងតែ​បាត់​ការ​ចងចាំ​តែ​ម្ដង ដែល​យើង​ហៅ​ថា​វង្វេងវង្វាន់។ វេជ្ជបណ្ឌិត លី ឫទ្ធីគុណ ថា ដើម្បី​ការពារ​ការ​ភ្លេចភ្លាំង​ច្រើន​នៅ​វ័យ​ចំណាស់ ពេល​នៅ​ក្មេង​យើង​ត្រូវ​មានទម្លាប់​ល្អ​ៗ​មួយ​ចំនួន​ដូច​ខាងក្រោម។ ១- កុំឲ្យ​ខ្វះ​វីតាមីន D មិន​មែន​តែ​មនុស្ស​ចាស់​ទេ ក្មេង​ក៏​ដោយ​ឲ្យតែ​មាន​បញ្ហា​កង្វះ​ជាតិ​វីតាមីន D នឹង​ជួប​បញ្ហា​​ភ្លេចភ្លាំង ឬ​វង្វេងវង្វាន់​ច្រើន។ ដូច្នេះ​គួរតែ​ញ៉ាំ​អាហារ​ណា​ដែល​ពោរពេញ​ដោយ​វីតាមីន D ជា​ប្រចាំថ្ងៃ ឬ​អាច​ទទួលទាន​គ្រាប់​ថ្នាំ​បន្ថែម​ក៏​បាន។ ចំពោះ​អាហារ​វិញ​មាន​ដូចជា ផ្សិត ទឹកដោះគោ ស៊ុត​លឿង ថ្លើម ជាដើម។ ២- ខ្លាញ់​ត្រី ពពួក​ត្រី​សមុទ្រ​ដូចជា ត្រី​សាលម៉ុន ធូណា ជា​អាហារ​ល្អ​ដែល​សម្បូរ​ជាតិ​ខ្លាញ់​អូមេហ្កា។ អាហារ​ដែល​ចម្អិន​ពី​ត្រី​ទាំង​នេះ ពិតជា​អាច​ជួយ​ដល់​ការ​ចងចាំ​នៅ​វ័យ​ចំណាស់​របស់​យើង​បាន ប្រសិនបើ​ញ៉ាំ​បាន​ញឹកញាប់ បូក​រួម​ទម្លាប់​ល្អ​ៗ​ដទៃ​ទៀត។ ៣- ហាត់ប្រាណ និង​ហ្វឹកហាត់​ខួរក្បាល​ជាប្រចាំ លំហាត់​ប្រាណ​ងាយ​ៗ អាច​ជួយ​ធ្វើឲ្យ​ចលនា​សរសៃ​ឈាម​រត់​បាន​ស្រួល និង​បង្កើន​សមត្ថភាព​ខួរ​ក្បាល។ ការ​បង្កើន​សមត្ថភាព​ខួរ​ក្បាល​ឲ្យ​សកម្មភាព​ជា​ប្រចាំ ដើម្បី​ជួយ​ពង្រឹង​ឲ្យ​ខួរក្បាល​នៅតែ​មាន​ភាព​រហ័សរហួន អាច​ចៀស​ឆ្ងាយ​ពី​ជំងឺ​ភ្លេចភ្លាំង ហើយ​ហ្គេម​ដែល​ល្អ​ដូចជា ផ្គុំ​រូប ហ្គេម​បែប​ផ្សងព្រេង​ដែល​ស្វែង​រក​ច្រក​ចេញ សុទ្ធ​តែ​ល្អ​ចំពោះ​សុខភាព​ខួរក្បាល។ ៤- កុំឲ្យ​មាន​ការ​ប៉ះទង្គិច​ក្បាល ដើម្បី​ឲ្យ​ខួរក្បាល​ចងចាំ​បាន​ល្អ ចំណុច​សំខាន់​គឺ​ត្រូវ​ការពារ​ក្បាល​របស់​យើង​មិន​ឲ្យ​មាន​ការ​ប៉ះ​ទង្គិច […]

សុខភាពមនុស្សចាស់

តើ​គ្នា​យើង​ធ្លាប់​បាន​​ដឹង​ពី​វិធី​ថែ​រក្សា​សុខភាព និង​វិធី​ជួយ​ឲ្យ​យើង​​អាច​បន្ត​សកម្មភាព​លើ​គ្រែ​បាន​ដោយ​រីក​រាយ ទោះ​បី​ជា​​មាន​អាយុ​កាន់​តែ​ច្រើន​បន្តិច​ក្ដី? ពេលមនុស្ស​យើង​មាន​វ័យ​កាន់​តែ​ច្រើន​ រឿង​លើ​គ្រែ​គឺ​មិន​អាច​ប្រៀប​ដូច កាល​នៅ​អាយុ​ ២០ជាង​បាន​នោះ​ទេ ប៉ុន្តែយើង​​នៅ​តែ​អាច​ទទួល​បាន​អារម្មណ៍​ល្អ​បាន​ដដែល។  ​មនុស្ស​ជា​ច្រើន​បាន​លើក​ឡើង​ថា រឿង​លើ​គ្រែ​គឺ​មិន​មែន​សម្រាប់​តែ​ក្មេង​ៗ​នោះ​ទេ អ្នក​ខ្លះ​អាច​បន្ត​ទទួល​បាន​អារម្មណ៍​ល្អ​ពី​រឿង​នេះ រហូត​ដល់​គាត់​អាយុ ៨០​ឆ្នាំ ឬ​លើស​ពី​នេះ​ផង​ក៏​មាន។ រឿង​លើ​គ្រែ​នេះ គឺ​មិន​មែន​ត្រឹម​តែ​ជួយ​ឲ្យ​មនុស្ស​យើង​​ទទួល​បាន​អារម្មណ៍​ស្រើប​ស្រាល​តែ​មួយ​មុខ​នោះ​ទេ តែ​វា​មាន​ប្រយោជន៍​ច្រើន​ដល់​ការ​រស់​នៅ​របស់​មនុស្ស​ម្នាក់​ៗ ដែល​​អាច​ជួយ​ដល់​សុខភាព និង​ជួយ​ឲ្យ​​មាន​ភាព​ជឿ​ជាក់​លើ​ខ្លួន​ឯង​កាន់​តែ​ច្រើន។ ១- តើមនុស្សប្រុសពេលចាស់ទៅប្រែប្រួលអ្វីខ្លះ? ពេល​មនុស្ស​ប្រុស​កាន់​តែ​មាន​អាយុ​ច្រើន អ័រម៉ូន​តេស្តូតេរ៉ូន​ក្នុង​ខ្លួន​នឹង​ធ្លាក់​ចុះ ហើយ​មុខងារ​ផ្លូវ​ភេទ​របស់ប្រុសៗ​​ក៏​ប្រែ​ប្រួល​តាម​ហ្នឹង​ដែរ។ ការ​ប្រែ​ប្រួល​នេះ​អាច​មាន​ដូចជា៖​ ត្រូវ​ការ​ការ​ដាស់​អារម្មណ៍​ច្រើន​ជាង​មុន ដើម្បី​ឲ្យ​លិង្គ​ឡើង​រឹង និង​អាច​បញ្ចេញ​ទឹក​កាម​បាន ដល់​ចំណុច​កំពូល​មាន​រយៈ​ពេល​តិច​ជាង​មុន ទឹក​កាម​បាញ់​ចេញ​មិន​សូវ​ខ្លាំង និង​មិន​សូវ​មាន​ទឹក​កាម​បាញ់​ចេញ​ ត្រូវ​ការ​ពេល​យូរ​ទៀត ដើម្បី​ឲ្យ​លិង្គ​ឡើង​រឹង​ម្ដង​ទៀត ក្រោយ​ពេល​បញ្ចេញ​ទឹក​កាម​ម្ដង​ៗ ពេល​ខ្លះ​បុរសវ័យចំណាស់​អាច​នឹង​ពិបាក​ចិត្ដ ដោយ​សារ​តែ​បម្រែបម្រួល​ទាំង​អស់​នេះ ប៉ុន្តែ​ត្រូវ​ចាំ​ថា ការ​ប្រែ​ប្រួល​នេះ មិន​អាច​ធ្វើ​ឲ្យ​យើង​​បញ្ឈប់​សកម្មភាព​​លើ​គ្រែ​បាន​ឡើយ។ យើង​​ត្រូវ​ចេះ​សម្រប​ខ្លួន​តាម​បម្រែ​បម្រួល​នៃ​ខ្លួន​ប្រាណ ដើម្បី​នៅ​បន្ត​ទទួល​អារម្មណ៍​ស្រើប​ស្រាល​ពី​ការ​រួម​ភេទ​ដូច​កាល​នៅ​ក្មេង​ដែរ។ ប្រុសៗ​ត្រូវ​រៀន​រៀប​ចំ​ពេល​វេលា​ល្អ​សម្រាប់​ការ​រួម​ភេទ និង​ត្រូវ​ចេះ​ដាស់​អារម្មណ៍​ខ្លួន​ឯង​ពេល​រួម​ភេទ​ម្ដង​ៗ។ អត្ថបទ​ពាក់​ព័ន្ធ៖ រត់ហាត់ប្រាណ ងាយស្រួល មិនស៊ាំញ៉ាំ ហើយជួយឆ្អឹងរឹងមាំថែមទៀត កំហុសទាំង ៦ ច្រើនមើលរំលង ពេលរត់ហាត់ប្រាណ មិនចង់ទៅ​ក្លឹបហាត់ប្រាណ សកម្មភាពទាំងនេះជួយ​ទាំងសុខភាព និងបង្កើត​​មិត្តភាព​ ​ស្តាប់ចម្រៀងប្រភេទនេះ ជួយអ្នកហាត់ប្រាណមានស្មារតីកាន់តែក្លៀវក្លា ២- ការរួមភេទរបស់មនុស្សវ័យចំណាស់ និងសុខភាពផ្ទាល់​ខ្លួន​ សុខភាព​របស់យើង​ដើរ​តួ​យ៉ាង​សំខាន់ ក្នុង​សកម្មភាព​ផ្លូវ​ភេទ​។ បើ​សុខភាព​មិន​ល្អ […]

សុខភាពផ្លូវចិត្តមនុស្សចាស់

មនុស្ស​ចាស់​តែងតែ​ជួប​ប្រទះ​បញ្ហា​ភ្លេចភ្លាំង​ច្រើន ដែល​នោះ​ជា​ច្បាប់​ធម្មជាតិ ព្រោះ​កោសិកា​ខួរ​ក្បាល​បាន​ថមថយ​ចុះ​ទៅ​តាម​វ័យ។ វេជ្ជបណ្ឌិត ហ៊ាង រតនា ​ឲ្យ​ដឹង​ថាជំងឺ​ភ្លេចភ្លាំង​មាន​ច្រើន​ប្រភេទ តែ​ចំពោះ​មនុស្ស​ចាស់​ភាគច្រើន​ភ្លេចភ្លាំងដែលមានឈ្មោះពាក្យ​បច្ចេកទេស​ហៅថា Alzhermers Disease ហើយ​អ្នក​ដែល​មាន​វ័យ​ចាប់ពី ៧០ ដល់ ៨៥ ឆ្នាំ​ មាន​ប្រហែល​ជា ៦%។ លោក​បន្ថែម​ទៀត​ថា ការ​ចងចាំ និង​ភាព​ឈ្លាសវៃ​នៃ​ខួរក្បាល របស់​មនុស្ស​វ័យ​ចំណាស់​ថមថយ​ចុះ​ជា​បណ្ដើរ​ៗ​ ហើយ​ថែម​ទាំង​អាច​ធ្ងន់ធ្ងរ​ជាង​នេះ​ទៀត គឺ​រហូត​ដល់​បាត់​បង់​ការ​ចងចាំ​ថែម​ទៀត​ផង។ វេជ្ជបណ្ឌិត​ឯកទេស​ទូទៅ​បញ្ជាក់​ទៀត​ថា អ្នក​ដែល​នៅ​វ័យ​ក្មេង​ខ្លះ​ក៏​ជួប​បញ្ហា​ភ្លេចភ្លាំង​ច្រើន​បាន​ដែរ ហើយ​បញ្ហា​អស់​ទាំង​នោះ​បណ្ដាល​មក​ពី​ទម្លាប់ កត្តា​រស់នៅ​ប្រចាំ​ថ្ងៃ និង​របប​អាហារ។ ចំពោះ​ក្រុម​មនុស្ស​ដែល​ភ្លេចភ្លាំង​ច្រើន​នោះ គឺ​អ្នក​ផឹក​ស្រា​ច្រើន អ្នក​គិត​ច្រើន និង​អ្នក​ស្ត្រេស​ច្រើន ឬ​អ្នក​ដែល​ធ្វើ​អ្វី​មួយ​គ្មាន​ការ​ផ្ចង់​ស្មារតី។ ដំណោះស្រាយ​គឺ​ត្រូវ​ញ៉ាំ​អាហារ​ដែល​សម្បូរ​ជីវជាតិ​គ្រប់គ្រាន់​​ជំនួយ​ដល់​ខួរក្បាល បន្ទាប់​មក​សម្រាក និង​ផឹក​ទឹក​ឲ្យ​បាន​គ្រប់គ្រាន់។ កត្តា​ភ្លេចភ្លាំង​នេះ​ដែរ ក៏​អាច​កើត​ចេញ​ ពី​តំណពូជ​ផង​ដែរ ហើយ​ការ​រីក​លូតលាស់​ក៏​មាន​ល្បឿន​យឺត​ៗ​ផង​ដែរ តែ​សម្រាប់​អ្នក​ខ្លះ​វិញ ភ្លេចភ្លាំង​ព្រោះតែ​មិន​ប្រុងប្រៀប ឬ​រៀបចំ​របៀបរបប​រស់នៅ​ឲ្យ​រៀបរយ​ប៉ុណ្ណោះ ហើយ​ហៅ​ខ្លួនឯង​ថា មាន​ជំងឺ​ភ្លេចភ្លាំង​ទៅ​វិញ។ ចំពោះ​ថ្នាំ​ជំនួយ​វិញ​វេជ្ជបណ្ឌិត​រូប​នោះ​បញ្ជាក់​ថា មិន​ចាំបាច់​ប្រើ​ក៏​បាន​ដែរ ព្រោះ​វា​ជួយ​បាន​តែ​មួយ​គ្រា​ៗ​ប៉ុណ្ណោះ ហើយ​ពពួក​ថ្នាំ​គឺជា​អាវុធ​មុខ ២ ដូចនេះ​ចៀស​ពី​ថ្នាំ​គ្រប់​ប្រភេទ​បាន ជីវិត​កាន់តែ​ប្រសើរ គ្រាន់តែ​​ញ៉ាំ​បន្លែ ផ្លែឈើ គ្រាប់ធញ្ញជាតិ​សម្បូរ​ទៅ​ដោយ​វីតាមីន D, B បាន​ច្រើន ព្រោះ​វីតាមីន​ទាំង​នេះ […]

របបអាហារសម្រាប់មនុស្សចាស់

ពេល​និយាយ​ការ​ដល់​សិក្សា​រៀន​សូត្រ ច្បាស់​ជា​យើង​ត្រូវ​គិត​ដល់​ខួរក្បាល និងភ្នែក​មុន​ដំបូង​គេ​ហើយ ព្រោះ​កាល​ណា​តែ​ភ្នែក​ភ្លឺ​ច្បាស់ ខួរក្បាល​ល្អ ងាយ​នឹង​ចង​ចាំ រៀន​ក៏​ឆាប់​ចេះ​ដែរ។ ចុះ​ធ្វើ​ម៉េច​ឲ្យ​ខួរ​ក្បាល និង​ភ្នែក វ័យ​ជំទង់​ដែល​កំពុង​ពេញ​រៀន​នេះ​លូតលាស់​បាន​ល្អ​? តាម​រយៈ​ការ​សម្ភាស​ជាមួយ​វេជ្ជបណ្ឌិត អ៊ុន យូ បម្រើ​ការងារ​នៅ​មន្ទីរពេទ្យ​កុមារ​ជាតិ ពេល​កន្លង លោក​បាន​បញ្ជាក់ថា ការ​សិក្សា​ស្រាវ​ជា​ច្រើន​រក​ឃើញ​ថា អាហារ ឬ​វីតាមីន ដែល​មាន​សមាសធាតុ DHA ដើរ​តួនាទី​សំខាន់​ក្នុង​ជួយ​រំញោច​ដល់​ខួរក្បាល ធ្វើ​ឆ្លាត​វាង​វៃ ឯ​ភ្នែក​ក៏​ភ្លឺ​ច្បាស់។ ក្នុង​ការ​សិក្សា​ទាំង​នោះ​ក៏​បាន​បញ្ជាក់ទៀត​ថា អាស៊ីដ​ខ្លាញ់ល្អ Omega-3 ជា​ប្រភព​ដើម​ដែល​ផ្តល់​នូវ DHA ហើយ​វា​សម្បូរ​នៅ​ក្នុង​សាច់​ត្រី​សមុទ្រ ដូចជា​ត្រី​សាលម៉ុន ត្រីធូណា ឬបង្គាធំៗ និង​មួយ​ផ្នែក​តូច​មាន​ក្នុង​សាច់ ស៊ុត សណ្តែក គ្រាប់ធញ្ញជាតិជាដើម។ ទាក់ទង​នឹង​អត្ថ​ប្រយោជន៍​វិញ DHA ផ្តល់​អត្ថ​ប្រយោជន៍​ចំពោះ​មនុស្ស​គ្រប់​វ័យ មិនថា កូនក្មេង វ័យ​ជំទង់ ស្ត្រី​មាន​ផ្ទៃពោះ ឬ​ក៏​មនុស្ស​ចាស់​នោះ​ទេ តែ​ទោះ​ជា​បែប​នេះ​ក្តី ដោយសារ​តែ​វ័យ​ជំទង់​ជា​វ័យ​ដែល​ខួរក្បាល​សកម្ម​នោះ យើង​ជា​ឪពុកម្តាយ គួរ​តែ​គិតគូរ​បំពេញ DHA ឲ្យ​កូន​ឲ្យ​បាន​គ្រប់​គ្រាន់។ ផ្ទុយទៅវិញបើវ័យជំទង់ខ្វះ DHA បញ្ញា​ស្មារតី​សម្រាប់​ផ្ចង់​លើ​សិក្សា​នឹង​ចុះ​ខ្សោយ​ជា​លំដាប់។ ក្រៅ​ពី​ជួយ​ដល់​ការ​លូតលាស់​ខួរក្បាល និង​ភ្នែក អាស៊ីដ​ខ្លាញ់​អូមេហ្គា ៣ មាន​ប្រយោជន៍​ចំពោះ​ជំងឺ​បាក់​ទឹកចិត្ត […]

x