ស្ត្រីមួយចំនួនបាន និងកំពុងជួបប្រទះការឈឺចាប់ដែលមិនអាចបំភ្លេចបានក្នុងមួយជីវិត។ ជាក់ស្ដែង ទោះបីជាពេលខ្លះមើលទៅរឹងមាំ ប៉ុន្តែនាងអាចនឹងលួចយំតែម្នាក់ឯង។ ការតស៊ូ ជម្នះរាល់ឧបសគ្គទាំងនេះ ទាមទារឲ្យស្ត្រីយើងមានការអត់ធ្មត់ និងខិតខំប្រឹងប្រែង ក៏ដូចជាមានការតាំងចិត្តខ្ពស់។ បើទោះបីជាមាន ឬគ្មានជំនួយ និងការយកចិត្តទុកដាក់ពីមនុស្សជាទីស្រលាញ់ មិត្តភ័ក្ដិ ឬក្រុមគ្រួសារ ស្ត្រីខ្លះនៅតែមិនបោះបង់ចោលខ្លួនឯង។ ពិតណាស់ ការមើលថែទាំខ្លួនឯង និងស្រលាញ់ខ្លួនឯងឲ្យបានច្រើនគឺជាថ្នាំដ៏ស័ក្ដិសិទ្ធិ។ យ៉ាងណាមិញ ដើម្បីចែករំលែកជាបទពិសោធន៍ និងចំណេះដឹងខ្លះៗ ស្ត្រីយើងចំនួន៣នាក់ បានរៀបរាប់ពីរឿងរ៉ាវឈឺចាប់ដែលពួកគាត់បានជួបប្រទះដោយផ្ទាល់។
១. បញ្ហាធាត់ក្រោយពេលសម្រាល
លោកស្រីម៉ូលីកាជាអ្នកម៉ាក់មួយរូប ដែលបានសម្រាលកូនកាលពី ៥ឆ្នាំមុន។ អំឡុងពេលពពោះ លោកស្រីខិតខំថែទាំខ្លួនប្រាណយ៉ាងល្អ ដោយអនុវត្តការញ៉ាំរបបអាហារល្អៗ និងធ្វើលំហាត់ប្រាណទៀងទាត់ ព្រមទាំងញ៉ាំវីតាមីនល្អៗសម្រាប់ស្ត្រីពពោះ។ ប៉ុន្តែ ក្រោយសម្រាលកូនរួច ទម្លាប់ល្អៗក៏ផ្លាស់ប្ដូរ ហើយបែរជាងាកទៅញ៉ាំរបបអាហារសម្បូរជាតិខ្លាញ់ច្រើនទោវិញ។ មិនសូវញ៉ាំបន្លែផ្លែឈើ មិនធ្វើលំហាត់ប្រាណដូចពីមុន ជាកត្តាឡើងទម្ងន់ជាលំដាប់។ មាឌពីមុនតូចច្រឡឹង បែរជាធាត់លើសទម្ងន់។ ក្រោយដឹងខ្លួនថាពិបាកការសម្រកទម្ងន់ វិលទៅរករាងពីមុន លោកស្រីសម្ដែងការសោកស្ដាយបែបនេះថា
ខ្ញុំស្ដាយ ដោយមិនបានថែទាំខ្លួនឲ្យស្រួលបួលក្រោយសម្រាលកូនរួច។ បើនៅចង់បានរាងមុនបង្កើតកូន ខ្ញុំសូមផ្ដាំដល់ម៉ាក់ដែលទើបតែសម្រាលកូនរួច សូមញ៉ាំអាហារដែលសម្បូរជាតិសរសៃ បំបៅដោះកូនបើអាច ជៀសវាងអាហារដែលមានស្ករបន្ថែម ហើយហាត់ប្រាណឲ្យបានទៀងទាត់។
លោកស្រីម៉ូលីកាបង្ហាញការសោកស្ដាយក្រោយសម្រាល
ចង់ដឹងអត្ថន័យពណ៌ និងរូបរាងលាមកទារក ចុចទីនេះ!
២. បញ្ហាមុន
ទន្ទឹមនឹងនេះដែរ បញ្ហាចម្បងមួយទៀតដែលស្ត្រីភាគច្រើនតែងតែជួបប្រទះ គឺការកើតមុន លើមុខ។ ស្ត្រីយើងមួយរូប បានរៀបរាប់ពីបទពិសោធន៍នៃការកើតមុនថា បន្ទាប់ពីចូលដល់វ័យមានរដូវ គេតែងតែឡើងមុនពាសពេញមុខ ទោះបីជាប្រើផលិតផលអ្វីក៏មិនបាត់ដែរ។ ចាប់ផ្ដើមបាត់បង់ទំនុកចិត្ត គ្មានភាពជឿជាក់លើខ្លួនឯង និងមិនហ៊ានចេញទៅខាងក្រៅសេរីដូចមុនទេ។ មុនកាន់តែកើត ឬកើតមិនបានប៉ុន្មានទេ គឺគេសម្រេចចិត្តតញេច ដោយសង្ឃឹមថា វាជា លែងកើតមកទៀត។ ប៉ុន្តែការញេចមុន កាន់តែធ្វើឲ្យមុខកាន់តែយ៉ាប់ទៅៗ។
មានការណែនាំឲ្យប្រើម្សៅលាយ។ ដោយសង្ឃឹមបានផល ប្រភពសុំមិនបញ្ចេញអត្តសញ្ញាខាងលើក៏ធ្វើតាម។ ដំបូងៗបានផល មុនក៏រាប មុខក៏សជ្រះស្លាកស្នាមខ្លះ ហើយហើយសូវកើតមុនទៀត។ ប៉ុន្មានឆ្នាំក្រោយមក ម្សៅលាយនោះរើក៏លែងមានប្រសិទ្ធភាព និងធ្វើបង្កបញ្ហាកាន់តែពិបាកព្យាបាល។
ចុងក្រោយ ក៏សម្រេចចិត្តរត់ទៅរកគ្រូពេទ្យសើស្បែក ដើម្បីព្យាបាល និងរកដំណោះស្រាយ។ គ្រូពេទ្យផ្ដល់យោបល់ច្រើន ហើយបានណែនាំឲ្យព្យាយាមញ៉ាំរបបអាហារល្អៗ ឈប់ញេចមុខ លាងសម្អាតមុខមួយថ្ងៃ ២ដង កាត់បន្ថយស្រ្តេស ប្រើក្រែមការពារកម្ដៅថ្ងៃ ផ្លាស់ប្ដូរកម្រាលពូកជាប្រចាំ និងប្រើប្រាស់ថ្នាំតាមការណែនាំរបស់គ្រូពេទ្យ។ ថ្វីត្បិតតែឥឡូវនេះ បញ្ហាមុនរបស់គាត់មិនបាត់ទាំងស្រុងក៏ពិតមែន ប៉ុន្តែបានផលច្រើន ហើយបន្តការខិតខំអនុវត្តតាមការណែ។
បញ្ហាកើតមុនធម្មតាទេ ប៉ុន្តែសូមកុំញេច ព្រោះកាន់តែញេចកាន់តែឡើងមុន ស្នាមក៏កាន់តែច្រើន។ មួយទៀតកុំប្រើផលិតផលផ្ដេសផ្ដាស បើមុនច្រើនគួរពិគ្រោះជាមួយគ្រូពេទ្យ ឬអ្នកជំនាញខាងសើស្បែក ទើបជាការល្អ។
រងគ្រោះដោយសារជំងឺមុន បានផ្ដាំផ្ញើដល់ក្មេង ស្រី ៗ ឯទៀតថា
![បញ្ហាស្រ្តី](https://cdn.hellokrupet.com/wp-content/uploads/2022/03/បញ្ហាស្រ្តី១.jpg)
៣. បញ្ហាអត់កូន
បន្ទាប់ពីរៀបការហើយ ស្រីៗភាគច្រើនសុទ្ធតែចង់បានកូន ដើម្បីបង្កើតជាគ្រួសារដ៏កក់ក្ដៅមួយ ប៉ុន្តែមានអ្នកខ្លះព្យាយាមច្រើនឆ្នាំ នៅតែអត់កូន។ ដូចទៅនឹងបញ្ហារបស់ប្អូនស្រីម្នាក់ដែរ ក្រោយរៀបការអស់ ៥ឆ្នាំហើយ ប៉ុន្តែនៅមិនទាន់មានកូនសមបំណងនឹងគេនៅឡើយ។ ប្អូនស្រីបានឲ្យដឹងថា នៅមុនពេលរៀបការ ខ្លួនមិនបានចាប់អារម្មណ៍ពីរឿងអត់កូននេះទេ តែក្រោយរៀបការបានជិតមួយខែ គេក៏ធ្លាក់ឈាមដូចមករដូវ ប៉ុន្តែមានអាការៈស្រដៀងទៅនឹងរលូតកូនទៅវិញ ដូចជាចុកពោះ អស់កម្លាំង និងស្លេកស្លាំងជាដើម។
គេក៏ទៅជួបគ្រូពេទ្យទាំង២នាក់ប្ដីប្រពន្ធដើម្បីឲ្យប្រាកដក្នុងចិត្ត។ បន្ទាប់ពីពិនិត្យសុខភាពរួច គ្រូពេទ្យបានប្រាប់ថាមេជីវិតខាងប្រុសផ្ដល់ឲ្យតិចពេក(មេជីវិតខ្សោយ) ទោះជាខាងស្រីមានសុខភាពល្អ មានស៊ុតគ្រប់គ្រាន់សម្រាប់បង្កកំណើតក៏ដោយ។ នេះជាការស្និដ្ឋានជំហានដំបូងរបស់គ្រូពេទ្យ។
ដើម្បីបញ្ជាក់កាន់តែច្បាស់ថាតើវាស្ទះ ឬយ៉ាងណា ពេទ្យក៏ធ្វើការវះកាត់ដើម្បីពិនិត្យមើល ប៉ុន្តែពុំឃើញមានមេជីវិតឈ្មោលឡើយ។ យ៉ាងណាមិញ គ្រូពេទ្យបានឲ្យដឹងថាអវត្ដមានមេជីវិតឈ្មោលនៅក្នុងទឹកកាម បណ្ដាលមកពីបញ្ហាផ្សេងៗ ដូចជារបួសនៅបរិវេណប្រដាប់ភេទ ការបង្ករោគ ការរលាក ការវះកាត់ពីមុននៅតំបន់អាងត្រគាក ឬបញ្ហាតំណពូជ។ល។ ដោយខាងស្វាមីធ្លាប់ជួបគ្រោះថ្នាក់ចរាចរណ៍បាក់ជើង និងភ្លៅត្រង់បរិវេណក្រលៀន វាក៏អាចជាកត្តាហានិភ័យមួយផងដែរ។
![បញ្ហាស្រ្តី](https://cdn.hellokrupet.com/wp-content/uploads/2022/03/បញ្ហាស្រ្តី២.jpg)
ស្វែងយល់បន្ថែមពីបញ្ហារលូតកូន៖
ជាក់ស្ដែង បញ្ហាអត់កូន មិនថាខាងប្រុស ឬខាងស្រីអសមត្ថភាពនោះទេ វាសុទ្ធតែបន្សល់ទុកនូវការសោកស្ដាយ និងឈឺចាប់ជារៀងរហូត។ ហេតុនេះហើយ យើងគួរតែបង្កើនមេជីវិតដោយការញ៉ាំអាហារដែលសម្បូរទៅដោយសារធាតុប្រឆាំងនឹងអុកស៊ីតកម្ម ដូចជាហ្វូឡេត (Folate) និងស័ង្កសី រក្សាទម្ងន់ខ្លួនសមល្មម ជៀសវាងធ្វើលំហាត់ប្រាណខ្លាំងជ្រុល និងកាត់បន្ថយការញ៉ាំកាហ្វេ។ល។
ចំណុចសំខាន់
អត្ថបទខាងលើទាក់ទងនឹងបទពិសោធន៍ជាក់ស្តែងដែលកើតឡើងលើស្រ្តីយើងផ្ទាល់ ដែលមានដូចជា៖
១. បញ្ហាធាត់ក្រោយសម្រាលកូន
២. កើតមុន
៣. បញ្ហាអត់មានកូន