បញ្ហាស្ត្រីផ្សេងទៀត

យើងរួមគ្នាជំរុញឱ្យមានសមភាព និងសិទ្ធិសេរីភាពចំពោះស្រ្តី ដើម្បីស្រ្តី!

ទិវានារីអន្តរជាតិ ៨ មីនា ប្រារព្ធឡើងជារៀងរាល់ឆ្នាំ ដើម្បីជំរុញឱ្យមានសិទ្ធិសេរីភាព និងតម្លៃចំពោះស្រ្តីទាំងអស់នៅទូទាំងពិភពលោក។ ពិតណាស់ បច្ចុប្បន្ននេះ មានស្រ្តីរាប់លាននាក់កំពុងតែប្រឈមនឹងបញ្ហាក្នុងការទទួលបានសេវាថែទាំសុខភាពពីគ្រូពេទ្យជំនាញ ហើយនៅទ្វីបអាស៊ីយើង ក៏កំពុងជួបប្រទះបញ្ហាមរណភាពម្តាយអំឡុងពេលសម្រាល កង្វះការតាមដានសុខភាព និងបញ្ហាសុខភាពផ្លូវចិត្តសម្រាប់ស្រ្តី ដែលនៅតែជាក្តីកង្វល់ដ៏ធំមួយ។ នៅពេលដែលយើងមិនបានទទួលព័ត៌មានគ្រប់ជ្រុងជ្រោយ បូមរួមទាំងកត្តាសង្គម និងកង្វះថវិកាផងនោះ ធ្វើឱ្យសុខភាពស្រ្តីយើងកំពុងតែទទួលរងនូវការញាំញីយ៉ាងដំណំ។ ចង់គណនា BMR ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! ចង់ពិនិត្យជំងឺមហារីកសុដន់ ចុចទីនេះ! ចង់ពិនិត្យជំងឺមហារីកមាត់ស្បូន ចុចទីនេះ! តើកត្តាប្រឈមសំខាន់ៗដែលជះឥទ្ធិពលដ៏ខ្លាំងក្លាចំពោះសុខភាពស្រ្តីមានអ្វីខ្លះ? កង្វះការប្រឹក្សាយោបល់អំពីសុខភាពផ្លូវចិត្តអំឡុងពេលចាប់ផ្តើមមានរដូវ កង្វះផលិតផលរក្សាអនាម័យ ដែលអាចបង្កជាហានិភ័យសុខភាព កង្វះការតាមដានសុខភាព អត្រាមរណភាពម្តាយអំឡុងពេលសម្រាលកូនខ្ពស់ កង្វះការគាំទ្រសុខភាពផ្លូវចិត្តក្រោយសម្រាលកូន កង្វះការថែទាំ និងចំណេះដឹងនៅពេលជិតអស់រដូវ។ តើស្រ្តីក្នុងវ័យជំទង់ដល់អាយុ៣០ឆ្នាំ គួរគិតគូរពីបញ្ហាអ្វីខ្លះ? ចាក់វ៉ាក់សាំងHPV ដើម្បីបង្ការជំងឺមហារីកមាត់ស្បូន ធ្វើតេស្តរកជំងឺមហារីកមាត់ស្បូន (Pap Smear) និងរកជំងឺកាមរោគ សម្រាប់ស្រ្តីដែលមានដៃគូរួមភេទ ផ្តោតលើសុខភាពផ្លូវចិត្ត ដើម្បីគាំទ្រដល់បម្រែបម្រួលអ័រម៉ូន និងគ្រប់គ្រងស្រ្តេស ញ៉ាំរបបអាហារសម្បូរដោយសារធាតុចិញ្ចឹម ដើម្បីសុខភាពឆ្អឹង និងតុល្យភាពអ័រម៉ូន ចូលដល់វ័យ៣០ឆ្នាំ ដល់៤០ឆ្នាំ ស្រី្តគួរផ្តោតលើចំណុចទាំងនេះ ឆែកសុខភាពមុនយកកូន និងតាមដានសុខភាពជាប្រចាំ ដើម្បីធានាថា កូនក្នុងផ្ទៃមានសុខភាពល្អ និងសម្រាលកូនប្រកបដោយសុវត្ថិភាព ថែទាំសុខភាពផ្លូវចិត្តក្រោយសម្រាល ដើម្បីកាត់បន្ថយជំងឺបាក់ទឹកចិត្តក្រោយសម្រាល ពិនិត្យសុដន់ជាទៀងទាត់ ដើម្បីជៀសវាងជំងឺមហារីកសុដន់។ [embed-health-tool-ovulation] ចុះស្រ្តីចូលដល់វ័យ […]

បញ្ហាស្ត្រីផ្សេងទៀត

បញ្ហារោគស្ត្រីទូទៅឧស្សាហ៍ជួប និងតិចនិកដោះស្រាយ

ជាទូទៅ ស្រីៗយើងតែងតែប្រឈមនឹងបញ្ហារោគស្ត្រីមួយចំនួន ដែលអាចប៉ះពាល់ដល់សកម្មភាពប្រចាំថ្ងៃ ការបំពេញការងារ ក៏ដូចជាជីវិតដៃគូ។ យ៉ាងណាមិញ យើងអាចគ្រប់គ្រងបញ្ហារោគស្ត្រីទាំងនេះប្រកបដោយប្រសិទ្ធភាព ដោយអនុវត្តតាមតិចនិកងាយៗខាងក្រោមនេះ។ ១. ការឆ្លងមេរោគលើផ្លូវទឹកនោម ជាក់ស្ដែង ស្រីៗងាយឆ្លងមេរោគដោយសារតែបង្ហួរនោមខ្លី និងបង្ហួរនោមនៅជិតទ្វារមាស។ ដើម្បីកាត់បន្ថយហានិភ័យនៃការឆ្លងមេរោគលើផ្លូវទឹកនោម ស្រីៗយើងគប្បីអនុវត្តវិធីសាស្ត្រទាំងនេះ។ ញ៉ាំទឹកឲ្យបានគ្រប់គ្រាន់ យ៉ាងហោចណាស់ពី២ទៅ៣លីត្រក្នុងមួយថ្ងៃ នោម បន្ទាប់ពីរួមភេទរួច សម្អាតទ្វារមាសពីខាងមុខទៅខាងក្រោយ ពាក់ខោទ្រនាប់ដែលធ្វើពីកប្បាស ២. មករដូវមិនទៀងទាត់ ពិតណាស់ មានស្ត្រីជាច្រើនប្រឈមនឹងបញ្ហារដូវមិនទៀងទាត់ ដោយមករដូវមុន២១ថ្ងៃ ឬយូរជាង៣៥ឆ្នាំ។ មូលហេតុទូទៅបំផុតមួយនៃការមករដូវមិនទៀង គឺបណ្ដាលមកពីអតុល្យភាពអ័រម៉ូនដូចជាគីសទឹកក្រពេញអូវែ វិបត្តិក្រពេញទីរ៉ូអ៊ីត និងលើសកម្រិតប្រូឡាក់ទីនច្រើនក្នុងឈាម។ ជំងឺទាំងនេះអាចបណ្ដាលមកពីអសកម្មរាងកាយ ទម្លាប់ញ៉ាំរបបអាហារមិនត្រឹមត្រូវ ផឹកគ្រឿងស្រវឹង ជក់បារី និងស្រ្តេសជាដើម។ យ៉ាងណាមិញ យើងអាចដោះស្រាយបញ្ហារដូវមិនទៀងតាមតិចនិកទាំងនេះ។ ញ៉ាំអាហារសុខភាពដែលសម្បូរទៅដោយប្រូតេអ៊ីន ប៉ុន្តែមានជាតិខ្លាញ់ និងស្ករទាប ធ្វើលំហាត់ប្រាណយ៉ាងតិច៣០នាទីក្នុងមួយថ្ងៃឲ្យបាន៥ដងក្នុងមួយសប្ដាហ៍ ញ៉ាំអាហារឲ្យទៀងទាត់ពេលវេលា ជៀសវាងការជក់បារី និងចៀសវាងផឹកគ្រឿងស្រវឹង គេងឲ្យបាន៨ម៉ោងក្នុងមួយថ្ងៃ គ្រប់គ្រងស្រ្តេសឲ្យបានល្អតាមរយៈការធ្វើសមាធិ និងហាត់យូហ្គា ៣. ឆ្លងមេរោគតាមទ្វារមាស ទម្លាប់ញ៉ាំអាហារហឹរអាចបណ្ដាលឲ្យមានការប្រែប្រួលកម្រិតpHក្នុងទ្វារមាស ធ្វើឲ្យស្រីៗយើងងាយនឹងឆ្លងមេរោគនេះ។ ការធ្លាក់ទឹករម្អិលទ្វារមាសជារឿងធម្មតាប៉ុណ្ណោះ ប៉ុន្តែប្រសិនបើវាមានក្លិនមិនល្អ ព្រមទាំងមានអាការៈរមាស់ មានពណ៌លឿង ឬមានឈាម វាអាចបញ្ជាក់ពីវត្តមាននៃការឆ្លងមេរោគតាមទ្វារមាស ដែលយើងគប្បីពិគ្រោះយោបល់ជាមួយនឹងគ្រូពេទ្យ ទើបជាការប្រសើរ។ ការបង្ករោគនីមួយៗមានវិធីព្យាបាលជាក់លាក់ ប៉ុន្តែប្រសិនបើយើងមិនធ្វើការព្យាបាលឲ្យទាន់ពេលវេលាទេនោះ វាអាចបណ្ដាលឲ្យឆ្លងមេរោគនៅក្នុងស្បូន ឈឺអាងត្រគាករ៉ាំរ៉ៃ និងអាចធ្វើឲ្យយើងគ្មានកូនថែមទៀតផង។ ទាំងនេះជាគន្លឹះខ្លះៗ សម្រាប់ការធ្វើអនាម័យទ្វារមាស ដើម្បីបញ្ចៀសការឆ្លងមេរោគ។ លាងសម្អាតទ្វារមាសជាមួយសាប៊ូ និងទឹក លាងសម្អាតទ្វារមាសពីខាងមុខទៅខាងក្រោយ ចាក់វ៉ាក់សាំងការពារជំងឺមហារីកមាត់ស្បូន ពាក់ខោទ្រនាប់ដែលមានខ្យល់ចេញចូល ញ៉ាំអាហារដែលមានជាតិProbiotics ដើម្បីថែទាំសុខភាពទ្វារមាសឲ្យបានល្អ ពិនិត្យទ្វារមាសដោយគ្រូពេទ្យជំនាញជាប្រចាំ ដើម្បីបញ្ចៀសការឆ្លងមេរោគផ្សេងៗ។